Колектори и пречистителни станици

Баш ме радуваат вакви проекти, се надевам дека ќе гледаме се повеќе и повеќе!

Ај, сега, ажурирај го инфографикот за да имаме подобра слика за состојбите во државава

Пречистителни станици за отпадни води v20190715 by ironm, on Flickr


Edited by ironm - 15-Jul-2019 at 22:00

Да ама Тетово, Битола а особено Скопје сигурно се колекторски системи со многу поголем обем, па следствено пречистителните станици сигурно се со многу поголем капацитет а со тоа и многу поскапи инвестиции.

Шилегов: Пречистителната станица би профункционирала најдоцна до 2025

Пречистителната станица значи дека Скопје повторно ќе има чиста река. Отпадните води што се слеваат во овој момент по цевководниот систем директно во Вардар, најпрво ќе завршуваат по колекторскиот систем што сега го градиме, ќе одат во пречистителната станица каде што така прочистени ќе бидат оставени и ќе бидат пуштени во реката и е еден од можеби фундаменталните проекти кои ги води овој Град што се однесуваат на заштита на животната средина.

Ова во интервју за МИА го изјави градоначалникот на Град Скопје Петре Шилегов, кој говореше за планираната изградба на пречистителна станица во Скопје. За таа цел на Самитот за Западен Балкан, што во организација на Економист беше одржан во Скопје беше најавен грант од 10 милиони евра од Европската инвестициска банка. Тоа е само дел од потребните 125 до 135 милиони евра за изградба, која според проценките би се реализирала во следните две години.

– По она што го имаме како план, по она што го имаме зацртано, пречистителната станица би требало некаде 2024/2025 година да биде пуштена во употреба – вели Шилегов во интервјуто за МИА.

Тендерирањето за изведба на пречистителната станица треба да биде потпишано до крајот на 2020 година и сега се работи на тендерската документација.

– Носител на таа активност во рамки на Градот Скопје е ЈП „Водовод“ каде имаме посебна единица што се занимава со целокупната работа, со податоци кои во меѓувреме надвор од студијата што ја има Градот за пречистителна станица ги набавуваме, веќе се завршени мерењата за димензионирање на пречистителната станица и полека се движиме кон дооформуваме или завршување на техничките податоци што се неопходни за квалитетно изработување на тендерската документација за пречистителната станица – нагласи Шилегов.

https://plusinfo.mk/%d1%88%d0%b8%d0%bb%d0%b5%d0%b3%d0%be%d0%b2-%d0%bf%d1%80%d0%b5%d1%87%d0%b8%d1%81%d1%82%d0%b8%d1%82%d0%b5%d0%bb%d0%bd%d0%b0%d1%82%d0%b0-%d1%81%d1%82%d0%b0%d0%bd%d0%b8%d1%86%d0%b0-%d0%b1%d0%b8-%d0%bf/
________________________________________________

Европската инвестициска банка најави грант од 10 милиони евра за пречистителната станица во Скопје

Неповратни 10 милиони евра за изградба на пречисгтителната станица за отпадни води во Скопје ќе и даде Европската инвестициска банка (ЕИБ) на земјава. Ова го најави регионалниот директор на ЕИБ Матео Ривелини вчера на Самитот за Западен Балкан организиран од „Економист“.

Пречистителната станица за отпадни води во Скопје треба да се гради во близина на селото Трубарево и е поделена за реализација во две фази. Првата етапа предвидува до 2030 година да се обезбеди пред-третман и биолошки третман на отпадните води, додека најдоцна до 2045 година од отпадните води што завршуваат во Вардар ќе се отстранува азотот и фосфорот. Целокупниот капацитет ќе се простира на површина од 13 хектари.

Изградбата на пречистителната станица,според највеното треба да чини меѓу 125 и 135 милиони евра кои треба да се обезбедат со кредити.

-Парите од ЕИБ ќе бидат добиени заедно со почетокот на имплементацијата на проектот чие чинење е проценето помеѓу 125 и 135 милиони евра. Се очекува консултатнот – франсцуски Еџис конечно да го каже своето мислење за вредноста на проектот кој ќе биде финасиран комбинирано од ЕИБ и Европската банка за обнова и развој (ЕБРД). Средствата ќе се добијат паралелно со имплементирање на проектот и склучување на договорите со финансиските институции и банките – вицепремиерот Кочо Анѓушев денеска за МИА.

Тој посочи дека веќе е готова техничката документација за изградба на пречистителната станица и оти заврши физибилити студијата, а покрај начинот на изградба на пречисителната станица треба да се одговори и како ќе се реконструира канализациската мрежа во Градот Скопје.

Тендерската постапка треба да се објави на крајот на годинава или на почетокот на идната, проектот би требало да се реализира во следните две години, а потоа да почне со функција.

Изградба на такви пречистителни станици, како што кажа, предвидена е во сите општини во земјава.

https://plusinfo.mk/%d0%b5%d0%b2%d1%80%d0%be%d0%bf%d1%81%d0%ba%d0%b0%d1%82%d0%b0-%d0%b8%d0%bd%d0%b2%d0%b5%d1%81%d1%82%d0%b8%d1%86%d0%b8%d1%81%d0%ba%d0%b0-%d0%b1%d0%b0%d0%bd%d0%ba%d0%b0-%d0%bd%d0%b0%d1%98%d0%b0%d0%b2/

Десната мислам дека е готова, затоа АСНОМ кон Лисиче е многу долго време затворен , бидејќи на целата траса се работеше, сега моментално се работи на последните метри кај ОКТА во Ново Лисиче на бул Србија, но не сум сигурен долниот тек пред железничкиот мост дали е готов бидејќи одамна не сум бил натаму.

Од една страна добро е што градскиот татко не се фали со волку важен проект кој е започнат од неговиот претходник ,како предуслов да се добијат финансии за Прочистителна станица, но од друга страна е многу глупо што граѓаните не се информирани и само тресат глупости околу прекопите на двете страни на Вардар на бул Србија.

Скопје конечно со ова ќе може да го решава најгорливиот проблем, загадувањето од фекалии.

Но, нели секогаш има но, мислам дека треба еден вака поопширен проект за помала станица да се направи во Северо Западниот дел на градот бидејќи не мислам дека капацитетот на оваа станица која во иднина би се градела ќе ги задоволи потребите на Скопје, а не пак со растот на долг рок.

Јас се сомневам во комплетноста на проектот (земено за 2020 година) и мислам дека има потреба од ревидирање.

Додека мнозинството пречистителни станици во Мк се предимензионирани (според мене), бидејќи со иселеничките текови тешко дека ќе го достигнат лимитот, скопскава ниту во моментов не опфаќа доволно број жители, а да не зборуваме за долгорочноста на инвестицијата гледано 10-15 години однапред колку би пораснал градот. Не знам точно од која година е проектот, но со оглед на тоа колку долго се бараат финансии, претпоставувам е најмалку 6-7 години.

Според тие податоците од влада што ги постираше Џоле пред некое време пишува дека капацитетот ќе е за 600к жители, а во оваа последнава табела пишува опфатено население од 467к жители во 2020, а има проекција и за 2015 година (што ја потврдува староста). Како е можно да се проектира опфатено население од 518к жители во 2045 година?

Со самото тоа се сомневам и во проекцијата за потрошувачка на вода, почнувајќи од (не)стручноста за предвидување на климатските промени, па се до диво приклучени (бидејќи не се знае ни точниот број жители) и дополнително загуби во мрежата.


Edited by ironm - 04-Mar-2020 at 22:38