ДО

                                                                    ВЛАДА НА РЕПУБЛИКА МАКЕДОНИЈА

ПРЕМИЕР НИКОЛА ГРУЕВСКИ

Дата :  18.09.2009 год.

ОДГОВОР НА ВАШ ДОПИС

ОД ГРАЃАНИ НА Р.МАКЕДОНИЈА И СОПСТВЕНИЦИ НА ИМОТ ВО Р.МАКЕДОНИЈА

НА УЛ. ВАСИЛ СТЕФАНОВСКИ бр. 28  К.О.11170 ЦЕНТАР 1 СКОПЈЕ

Господине премиер Никола Груевски,

Во кратки црти ке го објасниме нашиот проблем.

Како сопственици на земјиште во 2004 год. имавме склучено Договор за заедничка изградба на стамбена зграда со фирмата Платина инженеринг. Градбата се одвиваше до 2006 год. кога сопствениците на фирмата ја ограбија Комерцијална банка и побегнаа во непознат правец. Од тогаш почнува нашето досега тригодишно патешествие по институциите на системот во нашава Држава. Веднаш по избивање на аферата почнаа да се случуваат многу нејасни настани но од друга страна многу јасни криминални и коруптивни деанија.

Во делот на општина Центар

По бегството на сопствениците на фирмата Платина инженеринг во јавноста излезе информација дека исчезнале документите на Платина инженеринг од архивата на општина Центар. Ден денес не е направена никаква истрага околу исчезнувањето на документацијата ниту од страна на општина Центар ниту од страна на МВР.

Од кои причини исчезнале документите !

На 16.09.2004 год. на самото темелење на зградата , градежниот инспектор Милан Пижула донел Решение за уривање на штотуку започнатиот објект но притоа не не информира нас како сопственици дека објектот што ке се гради е дивоградба. Во меѓувреме тогашниот началник во општина Центар г-ѓа Ратка Марковиќ и Билјана Минова го завериле проектот спротивен на ДУП и го дале во град Скопје на пресметка за плаќање комуналии. Проектот е изработен од Д.С. “ГАЛАБ“ ( на наше разочарување на 03.09.2009 год. видовме на ТВ кога свечено започна изградбата во Зубовце во Вашата позадина стоеше табла со натпис на инвеститорот

Д.С. “ГАЛАБ“ ). Д.С. ГАЛАБ во Наше име поднел Барање за Одобрение за градба ( ниту го познаваме, ниту сме склучиле некаков договор со такво лице, едноставно потполно непознато лице за нас кое си земало за право во наше име да поднесува Барање ).

За да се прикрие криминалот документите исчезнуваат од архивата, но за наша среќа пред да исчезнат, вработена во општина Центар која го води предметот Платина инженеринг Светлана Мариновиќ со целосен страв и за да се заштити себеси, без знаење на инспекторот Милан Пижула ги зема документите од неговата фиока и ни ги даде нас за да ги фотокопираме.

Преостанатата документација која ја бараме до ден денес не ни е приложена, а е важна од причина да дознаеме каде се прекинал ланецот за прикривање на дивоградбата на Платина инженеринг. По правило, градежниот инспектор треба да го препрати Решението и Заклучокот до урбаниот полицаец Апостол Мандичевски а овој до градоначалникот Виолета Аларова која треба да поднесе Барање за асистенција од полиција за уривање на објектот. Да сме биле информирани дека се гради дивоградба на нашиот имот сигурно немало да дозволиме да се започне со темелење на зградата а со тоа и ке немало намамени граѓани да уплаќаат во објектот. На ист принцип во општина Центар се работело за сите три згради на Платина инженеринг. Патем, инспекторот Милан Пижула е школски другар со Рокан Атанасоски сопственикот на Платина Инженеринг.

За сите погоре наведени лица ( поопширно објаснување за криминалот во општина Центар ) имаме поднесено Кривична пријава но за жал пред самите годинешни локални избори кривичната пријава после година дена разгледување и при толку јасни докази е одбиена од страна на Ј.О.

Воедно постојат аудио снимки со Виолета Аларова, секретарот Ратко Савовски и Милан Пижула на www.youtube.com каде многу јасно се слуша како постапуваат со нас и како се однесуваат кон овој криминал – барај Аларова, Платина Инженеринг, општина Центар и сл.

Во делот на Министерството за транспорт и врски

Со министерот Миле Јанакиевски само си разменувавме дописи без ништо конкретно да превземе министерството, ако се има во предвид дека градбата и сите случки се случуваат во 2004 год. кога ингеренциите беа под Министерството за транспорт и врски. Државниот градежен инспекторат на чело со тогашната Жаклина Ангеловска воопшто не одговори на ниту едно наше Барање а камо ли да постапи според законот.

Постои аудио снимка на www.youtube.com во разговор со инспектор Роза Митревска која го води случајот Платина Инженеринг и каде јасно се слуша дека прво прави притисок врз нас дека проектот не е заверен, но откако и го покажавме си признава дека не е во ред тоа што е проектот е заверен.

Во делот на Министерството за правда

Писмено побаравме средба со министерот Михајло Маневски но кога отидовме да ни стават архивски број на Барањето архиварот ни кажа дека Барањето исчезнало од архивата. Поднесовме друго Барање но без никаков одговор до ден денешен.Државниот управен инспекторат при Министерството за правда по наше Барање направил вондреден инспекциски надзор во општина Центар и констатирал дека општина Центар работела спротивно на законот, за што и донел Решение по истото. Наместо Државниот управен инспекторат да поднесе кривична пријава против градоначалничката Виолета Аларова  што е и законско право и обврска врз основ на неправилното работење, инспекторатот ден денес молчи. Во истото Министерство во одделот за надзор на работењето на нотарите поднесовме Преставка за да изврши надзор во работењето на нотарот Ленка Мицајкова. Надзорот е извршен и не ни е доставен како би можеле да поднесеме тужба против нотарката за неправилно работење.

Во делот на МВР

И покрај Пријавата до одделот за економски криминал при МВР и Преставката до министерката Гордана Јанкуловска МВР освен еден мини разговор со нас ништо конкретно не превзема. Во една прилика кога крвнички беше претепан мојот сопруг од лицата С.С., Д.В. и други три непознати лица и по пријава во полициска станица “Беко“, лицата С.С. и Д.В. биле викнати на разговор и го признале делото. Полициската станица “Беко“ ( после наш огромен ангажман за да дознаеме дека нешто е превземено, бидејки во меѓувреме дознавме дека случајот не е ни евидентиран во полициска станица “Беко“ ) после месец дена од случајот поднела прекршочна пријава против именуваните лица. По наше писмено интересирање после година дена до каде е случајот на суд за прекршоци нема одговор, но со секојдневно “висење“ пред судот конечно ни дозволија мини увид во предметот и кога видовме, предметот е доделен на судија Милица Цветановска која веднаш по приемот на предметот заминала во пензија и предметот воопшто не е распределен кај друг судија, до ден денешен после 2,5 години.

Истотака, споменатото лице Д.В. без наша дозвола и знаење, подигнал наши документи од кај нотар Ленка Мицајкова и склучил договор со агенција за обезбедување “Статус“ која е ангажирана на нашиот имот да не ни дозволи никаков пристап. Иронично е тоа што тој нерегуларен договор го предал во полициска станица “Беко“ кај командирот кој неполн месец подоцна е сменет, без притоа да превземат нешто против лицето Д.В.

Ние веке две години немаме пристап на нашиот имот и на објектот кој во меѓувреме безправно е доградуван од лицето Д.В. Направени се записници околу нашите пријави, поплаки и сл. но полициската станица “Беко“ не ни ги дава за да можеме да покренеме судски процес.

Мојата мајка Трајанка Петковска која е и сопственик на имотот беше брутално физички буткана и исфрлена од зградата но полицијата ништо не превзема за да ја заштити нејзината сопственост, напротив дури полицајците што беа излезени на терен се закануваа дека мојата 68 годишна мајка ке биде приведена. Имаме премногу докази за неработењето на МВР и едноставно е невозможно да се објасни на ваков начин.

Во делот на судството

Ние како сопственици и договарачи ја тужиме фирмата Платина инженеринг за отштета. Тој предмет го води судија Љубинка Колиќ. Тужбата ја поднесовме мај 2007 год. и еве после две години предметот сеуште не е завршен иако Платина инжинеринг никој не ја застапува на суд. Намерно се успорува предметот, не се закажуваат рочишта и после наше инсистирање за продолжување на судењето ни закажа рочиште сега за на 21.09. 2009 год. ден празник кога не работи судот и повторно одлагање и не знаење кога ке се презакаже судењето.

Од друга страна, наводно оштетените граѓани кои наводно уплатиле “парични средства“ во Платина инженеринг не тужат нас ( поднесена тужба август 2004 год. ) за да го доизградиме дивоизградениот објект, да ја легализираме зградата, да ја впишеме во катастар и да им ги предадеме становите во нивно владеење, а ако тоа не го направиме во рок од 15 дена по конечната одлука на судот “тие“ да можат да го сторат наведеното односно да можат во наше име да го сторат наведеното, со еден збор да ни биде одземен потписот. Нивни застапник – адвокат е Александар Марковиќ синот на Ратка Марковиќ од општина Центар која го заверила нелегалниот проект, а предметот го води судија Цветанка Кузмановска.

За една година откако ја поднесоа тужбата против нас судијата донесе одлука во корист на наводно оштетените граѓани. Се обжаливме до Апелацискиот суд и нормално покрај безброј неправилности на првостепениот суд пресудата беше отфрлена и вратена на повторно судење. Сега на 10.09.2009 год. се одржа првото рочиште откако е вратен предметот, и веке на 22.09.2009 год. за неполни две недели го закажа следното рочиште со напомена дека ова многу брзо ке го решела, занемарувајки ги упатствиата на Апелацискиот суд. Инаку, Решението од Апелацискиот суд за повторно судење го добивме по наше инсистирање на само три дена пред одржување на рочиштето, на 07.09.2009 год.

Ова е минијатурен дел од неправдата што ни се случува. За сите наши тврдења поседуваме документи ( два класери ). Вакви криминално чудни случки има и во Катастар, кај нотар Ленка Мицајкова.... едноставно секаде кадешто ке се обратиме, а сме се обратиле во сите можни Државни институции. Останавте уште Вие.

Значи, што ни се случува нам :

1.                        Веке две години не можеме и не смееме да стапнеме во нашиот имот и објект

2.                        Општина Центар не сака да постапи според свое донесено Извршно Решение

3.                        Министерството за транспорт исто така не сака да постапи според Решението

4.                        МВР воопшто не сака да покрене истрага и да го расветли криминалот и корупцијата

5.                        Судот настојчливо и убедливо не суди во корист на вистината и правдата

6.                        Министерството за правда не ни ги дава записите направени во врска со нотар Мицајкова

7.                        Државниот инспекторат ништо не превзема според обврските против општина Центар

8.                        Државниот управен инспекторат не постапува според свое донесено Решение

9.                        Општинскиот суд 1 не покренува постапка против криминалците и насилниците

10.                    Судот намерно ја одолговлекува постапката против Платина инженеринг

11.                    Јавното обвинителство одолговлекува во постапката против лицето Д.В. кое ги злоупотребило нелегално нашите документи од кај нотар Ленка Мицајкова

12.                    Општина Центар не ни ги дава документите во врска со дивоградбата на нашиот имот

13.                    Финансиската полиција по наша Пријава не знаеме дали воопшто се ангажирала

14.                    Јавното обвинителство и покрај доказите ја одбива кривичната пријава против општината

15.                    Катастарот се обиде нелегално да впише трети лица на нашиот имотен лист

16.                    Судот и МВР воопшто не издале меѓународна потерница за сопствениците на Платина кои ограбиле 500.000 евра од Комерцијална банка и измамиле голем број на граѓани

17.                    И што уште не.....

Што е тоа, со што Вие би можеле да ни излезете во пресрет и да ни помогнете во оваа цела ситуација а истовремено да и помогнете и на Р. Македонија да се ослободи од вакви организирани криминалци. Постојат ли лица вработени во оваа Држава во некој оддел, сектор, дирекција, агенција или било што, кои се борат против криминалци и каде што Вие лично ке се ангажирате и ке не препорачате односно ке ни гарантирате дека ке се расветли цел овој криминален случај.

Поздрав,.... и што поскорешна средба.

Доказни документи поседуваме во изобилство во врска со нашите обвинувања...

ВО ДЕЛОТ НА СУДСТВОТО

 

Имаме поднесено тужба против фирмата ПЛАТИНА ИНЖИНЕРИНГ уште март 2007 год. До сега нема закажано рочиште за тој наш предмет. Тужителите, здружението поднесоа тужба во јули месец, а веќе во септември се закажа рочиште. Во октомври се закажа второ рочиште, а на 13.12.2007 год. беше закажано трето рочиште односно вештачење на самиот објект. Веднаш по вештачењето се започна со доизградување на објектот. Судијата Ц. К. на второто рочиште бидејки не не познава како физички изгледаме, гласно се изјасни кој се бе тие луѓе што ја кочат работава, дај некако да им се помогне на луѓево. На третото рочиште односно на објектот каде се одвиваше вештачењето, кога пристигна судскиот вештак П. В. повторно судијата се испушти и му се обрати на вештакот, тука сме да им помогнеме на луѓево, иако адвокатот со мимики и сигнали сакаше да ја предупреди судиката да пази што зборува, ама прекасно. Подоцна самата судијка спомна дека била и на другата зграда на ПЛАТИНА       Инжинеринг на вештачење. Поднесовме Поднесок до судиката на 04.01.2008 год. за Времена мерка и лично ја информиравме дека водиме и друг судски спор и дека ова нелегално градење на објектот ни нанесува ненадоместлива материјална штета. Судијата ни кажа дека ќе гледа да закаже побрзо расправа за Времената мерка, но тоа побрзо се случи на 20.02.2008 год. кога судовите штрајкуваа ( прилог 21 ).

НАШЕ СОЗНАНИЕ

Се најдовме во сукоб со градежната мафија но нема никогаш да се откажеме од нашето право и правда. Инаку, С.С. повторно со Д.Ц. ОООО  градат моментално зграда во тафталиџе веднаш до салонот на поранешна АСИБА – Пеце Дамевски кој моментално е во затвор поради аферата ПЛАТИНА ИНЖИНЕРИНГ. С. С. истотака беше во Загреб кога се случуваа трансакциите. Според кажувањето негово 30.000 евра земал од Пеце Дамевски како процент и дека наводно бил повикан во полиција и му било наложено да ги врати парите, бидејки парите се од Комерцијална банка. Во октомври 2007год.С. С. отиде во Загреб ( според негово кажување ) и го донесе Рокан Атанасовски, период кога никој не знаеше каде се наоѓа Рокан. Пред да избегаат надвор од Државава, Рената Посавац го прошета С. С. кај сите нас сопственици за да не запознае со него и да не информира дека овој човек има 4 стана во нашата зграда. Постојат сведоци дека на другата зграда им го земал станот 93м2 на своите другари од детство кои ја изгубија својата барака за да вложат во ПЛАТИНА ИНЖИНЕРИНГ. Бараката се наоѓала на   ул. Алекса Дундиќ. Истотака и некој Д. Ѓ.????-  од ул. Алекса Дундиќ ја има изгубено својата куќа поради С. С.. Од пријатели дознавме дека веднаш после физичкиот напад врз нас во февруари 2007 год. имал нарачано ликвидација на мојот сопруг.

На Д. В. требало да му се префрлат средства на жиро сметка од Загреб, но во последен момент се откажала трансакцијата. Има изјави од сведоци дека Д. В. изјавил: ми е гајле, јас сум овде да го заштитам С. С. Исто и тој знаел околу организирањето ликвидација на мојот сопруг. Долгот од црквата што му го препишал Рокан Атанасовски е прерачуната камата. Во ноември 2007 год. Рокан Атанасовски бил чуван во некој стан во ново лисиче ( се знае и името на тој што го чувал).

 

НАШ ЗАКЛУЧОК

Сами се бориме против организираниот криминал, без никаква помош од надлежните институции. Како ли сакате да се искорени криминалот од нашето општество кога самите институции ни прават сопки на нас обичните граѓани за да помогнеме во искоренувањето на криминалците од Државава.За оваа афера допрва ќе се бранува јавноста.Не возможно е да се објасни све на овој начин.

Со надеж за поскора средба

Подносител

 

ВО ДЕЛОТ НА СКЛУЧУВАНИ ПРЕД ДОГОВОРИ

И СОМНЕВАЊЕ ВО ИСТИТЕ

 

- Пред Договор на име Т. В. ул.Алекса Дундиќ бр.ооо ( запаметете ја оваа улица Алекса Дундиќ ). Од Пред Договорот што е проверен кај нотарката Ленка Мицајкова втората страница од Пред Договорот е заменета со друга страница со комплетно други потписници. Истотака на втората страница не постои дел од печатот на нотарката. Т. В. е другар на С. С. ул. Алекса Дундиќ бр. ооо ( прилог 6 ),

- Пред Договор на име Г. С. ул. Алекса Дундиќ бр.ооо. Појавува каса прими за тој договор со дата 15.12.2004 год. и печат на фирмата ПЛАТИНА ИНЖИНЕРИНГ ДООЕЛ.

ПЛАТИНА ИНЖИНЕРИНГ ДОО се пререгистрира во ДООЕЛ  на 25.05.2005 год. значи 5 месеци подоцна. Како е возможно непостоечки печат да биде ставен на каса прими 5 месеци пред време.( прилог 7 ). Г.С. е брат на С. С.

- Пред Договор на име Д. С. ул. Скоевска бр.ооо има Пред Договор за стан кој ние го имаме на нашиот анекс на Договор,стан бр.2 на поткровје. Ова не е приложено во тужбата и не е приложено на судот. Д. С. е тетка на С. С. ( прилог 8 ).

- Пред Договори на име на Т. Н. ул.16 Македонска бригада бр.ооо. Првиот Пред Договор е за на друга зграда каде што земал 81м2 х 500 евра, го раскинал тој Пред Договор и направил добра зделка со тоа што земал стан во нашата зграда 30м2 помалку и доплатил 10.000 евра. Едната каса прими намерно е направена да не се познава текстот бидејки на касата прими презимето не му се совпаѓа, а инаку печатот од фирмата комплетно се познава. Во исти ден на 06.07.2005 год. раскинува Договор и склучува Пред Договор со два управители, на Договорот управител е Рената Посавац ПЛАТИНА инжинеринг ДОО ( од 25.05.2005 е ДООЕЛ ), а на Пред Договорот за здружување средства управител е Рокан Атанасовски. Истотака печатите му се застарени, со ДОО а не со ДООЕЛ како што е правилно. Т. Н. е кумашин на С. С. ( прилог 9 )

-  Пред Договор на име Н. О. од 16.08.2005 год. без архивски број. Жената никогаш не се појавила ниту на состанок ниту некој од другите здружувачи ја видел, ама е потпишана на тужбата? Нејзе ја застапува некој Ѓ. П.Т. На Пред Договорот во член 3 пишува дека средствата од раскинатиот договор се префрлаат на овој Пред Договор. Ѓ. П. Т. има стан и на предходната недовршена зграда на име на својата сопруга Р. П. Т. и се сомневаме дека со Договорот што го раскинал а не е пријавен во тужбата, на предходната зграда веке земал стан и со истите средства сака да земе стан и на нашата зграда. Ѓ. П. Т. е другар со С. С. бидејки С. и на предходната зграда земал 93м2 стан.И таму тие двајца се појавуваа како организатори за доизградба на зградата од ПЛАТИНА Инжинеринг. ( прилог 10 ).

-  Пред Договор на име А. И. од 07.09.2005 год. Во член 3 од Пред Договорот пишува дека средствата од склучениот Пред Договор на 10.03.2005 год. се раскинува ( не е пријавен ) и се склучува овој Пред Договор на 07.09.2005 год., за да  покаже каса прими со дата од 17.12.2004 год. Истотака на пријавениот Пред Договор нема нотарска заверка и чудно е како нотарката го нашла и го проверила Пред Договорот. С. С. е другар со А. И. од Бутел – комшија.( прилог 11 ).

- Договор со странски граѓанин M. Z. Пријавила дека уплатила средства преку банка во висина од 20.000 евра и 55.000 евра. По забелешка на судијата да се направи превод излезе дека само 20.000 евра уплатила на име на позајмица. Ние никогаш не сме ја виделе жената, а како нејзин полномошник ( никаде не е покажано полномошно ) се јавува А. Н.

M. Z. работела кај нас во Државава во 2004 год. како director of country ABA/ CEELI , а во моментов е во мисија во Грузија. Се сомневаме дека некој го злоупотребил нејзиниот идентитет и воедно, дали нотарката смеела законски да завери таков договор. А. Н. е истотака другар на С. С. ( прилог 12 ).

-  Комшија З. Ѓ. кој се здружил со организираните криминалци не тужи нас, а нема никаков Пред Договор за стан за кој не тужи. ( прилог 13 ) .

-  Пред Договор на име “ДЕКОН инжинеринг“ доо застапувано од Н. В. Неговиот син е Д. В., претседател на здружението на оштетени граѓани од ПЛАТИНА Инжинеринг. Во фамозниот член 3 пишува дека треба да уплати 25.000 евра, а остатокот ке го компезира со градежни работи.Пријавува фактура и налог ( нечитлив) и пријавува Извод за промени на состојбата на средствата на сметката на ПЛАТИНА ИНЖИНЕРИНГ. Според пријавениот доказ надплатил 10.000 евра според договореното. Сам си напишал ДЕКОН под исплатата на кредитот и не го пријавил Договорот за што му се уплатени тие средства. Знаеме дека имал Договор за некаков деловен простор во другата зграда на ПЛАТИНА но не е пријавен. Истотака фирмата ПЛАТИНА му препишала долг од црквата што требала фирмата ПЛАТИНА да ја наплати од црквата. Се работи за износ од околу 90.000 евра.( прилог 14 ). Зошто морало да му се препише долгот, останува мистерија. Д. В. и С. С. се неразделни и главни организатори за нелегалната доизградба на нашиот објект кое ке го објасниме подоцна.

Всушност, сите склучени Пред Договори се со криминална заднина и од страна на нотарката Лооо Мооооо. Прекршен е законот за спречување перење пари кој е на сила од јуни 2004 год. Дека има спрега на интерес помеѓу здружувачите и нотарката е факт. На 05.03.2007 год. Д. В. се обратил кај нотарката и без наше знаење и согласност со помош на нотарката подигнал преписи на изворна исправа од нашите Договори со ПЛАТИНА ИНЖИНЕРИНГ. Д. В. бул. Кузман Ј. Питу оооо ги злоупотребил Преписите и од 15.12.2007 год. сторува кривично дело градење на туѓ имот. На 20.12.2007 год. сторил друго кривично дело Измама и склучил Договор за меѓусебна соработка со агенција за обезбедување на имот и лица “СТАТУС“ во кој договор се прикажува како наш полномошник и дека може да склучува договори. Најтрагично е што овој Договор е предаден во полициска станица БЕКО кај командирот Злате ...... и кој воопшто не превземал мерки ( прилог 15 ). Од 15.12.2007 год. Д. В. ја превзема улогата на инвеститор на нашиот објект и ја ангажира агенцијата СТАТУС застапувана од директорот З.Ј. ул. Алекса Дундиќ , да не ни дозволи никаков пристап на нашиот имот и во нашиот дел од објектот (прилог 16 ). Првиот чувар на зградата беше К. Д. ул. Алекса Дундиќ бр. ооо ( ја запаметивте ли улица Алекса Дундиќ ).

Поднесени се кривични пријави против здружението, против претседателот Д. В. и против општина Центар ( прилог 17 ).

Поднесена е Пријава до СВР - економски криминал ( прилог 18 ).

До денес 25.02.2008 год. ништо и од никого не сме информирани дали се превземени некакви законски мерки.