Реставрациja / Реконструкциja

Originally posted by TIM po poveketo od ovie objekti mnogu trud vlozile debarskite arhitekti i umetnici, a bas vo Debar koja ima mnogu objekti koi po svojata avtenticnost i arhitektonski dostignuvanja , drzavata nema namera da vlozuva pari vo niv, a za nivnata ubavina se zacuduvaat domasnite i stranskite arhitekti i turisti. Naskoro ke stavam sliki na nekoi od niv (poveketo se vo skoite posledni godini ).

ТИМ, досега сме немале квалитетна репортажа од Дебар на форумов. Доколку си во можност, би сакал да видиме дел од препознатливите објекти во Дебар низ окото на фотообјективот.

eve mala reportaza za Debar, iaku ne sum vlegol dlaboko vo detaliziranje na glavnite objekti na gradot, sepak tuka ima eden "hello" poznavanje so gradot, vo narednite denovi ke imam povekje za starite znacajni objekti na    Debar.
http://www.build.mk/forum/forum_posts.asp?TID=1512

Originally posted by Cloverstack Наскоро тендер за реконструкција на куќата на Калеш Анѓа Следниот месец општина Новаци ќе распише тендери за извор на градежна фирма која ќе ја направи реконструкцијата на куќата на познатата македонска хероина Калеш Анѓа во маровското село Старавина, на така наречениот филмскиот мост од Зовиќ каде беа снимени сцени до филмот „Прашина“, како и на црквата „Свети Димитрија“ во село Градешница која датира од 16 век.  - Сите три градби се заштитени како споменици на културата и бараат соодветна реконструкција. Се очекува тендерските процедури да траат за неколку месеци и реконструкцијата да започне во пролет. Куќата на Калеш Анѓа ќе биде претворена во етно музеј. Освен надворешниот дел, ќе биде рекоструирана и вантрешноста, каде ќе бидат поставени носии од мариовскиот дел, предмети, покуќнина од некогаш - изјави Лазар Котевски, градоначалник на општина Новаци. Куќата на  една од најголемите македонски народни херојки, овековечена во романот на Стале Попов како синоним на македонската борба против потурчувањето, оставена е со векови на забот на времето. Објектот, ѕидан од камен и од бела земја, автентичен за овој крај, е со разнишани ѕидови, обраснат со тревишта и со замандалени порти. Пари за реконструкцијата се обезбедени преку ИПА програмата за прекугранична соработка на Македонија со Грција. Одобрен е буџет од 545 321 евра, од кои половина ќе ги добие Новаци, а останатите грчката општина Алмопиа. Главната цел на проектот е заедничко промовирање на историските и природните ресурси во меѓуграничната област.(Ж.З.) http://www.dnevnik.com.mk/default.asp?ItemID=EA97F2DFBF9DE04AB74AE4103B77BA29

Gotava e.

погледни ги камењата до левиот џам и тие на оџакот, шо требало тенекиите да ги остават!

Мозаик изваден во ’91 се враќа во Стоби
Петок, 15 Август 2014 17:48

На крајот на септември се очекува во археолошкиот локалитет Стоби да биде вратен мозаикот од централниот брод на Старата епископска базилика, еден од најстарите ранохристијански објекти во Република Македонија. По дваесет години посетителите на Стоби ќе имаат можност повторно да го видат овој раскошен мозаик, кој бил изваден во 1991 година.

Министерката за култура Елизабета Канческа Милевска и градоначалникот на Велес Славчо Чадиев денеска го посетија локалитетот, каде на симболичен начин го означија почетокот на работата на суверница, која е 19-та поставена од планираните 20 во рамки на проектот на Министерството за култура.

- Од особена важност е што мозаикот од околу 180 метри квадратни површина да биде вратен во Епископската базилика како што се очекува на крајот на септември. Тоа ќе биде една огромна атракција за сите туристи и за граѓаните на Република Македонија. Од октомври граѓаните ќе имаат можност да ја видат оваа огромна мозаична содржина. Денеска ја видовме и шемата, секој дел има различен вид шара на интересни мозаици коишто се целосно конзервирани од страна на стручните лица, изјави министерката Канческа Милевска.

Мозаикот одоздола е заштитен со алуминиумско саќе, додека одозгора ќе биде заштитен со покрив.

И оваа година локалитетот Стоби беше опфатен со истражувањата во делот на капиталните проекти на Управата за заштита на културно наследство.

- Покрај тие истражувања паралелно се работеше и на археологија и на истражување на театарот во Стоби. Од формирањето на НУ „Стоби“ резултатите и подемот на оваа институција се на многу високо ниво. Во текот на истражувањата на Стоби се откриени 51 гроб каде што беа пронајдени голем број предмети. Сега оди фазата на конзервација на сите тие предмети така што до крајот на годината ќе можат да бидат презентирани пред јавноста. Покрај откривањето на овие гробови и на предметите паралелно се работи на конзервација на метал, на керамика, на мозаик, изјави министерката Канческа Милевска.

Што се однесува до истражувањата, археологија и реконструкцијата на театарот Министерството за култура, информира таа, секоја година издвојува средства се со цел да биде конзервиран и реставриран целиот театар.

Стоби, според министерката, има огромен потенцијал и археолошки и културен и овој потенцијал државата мора да го искористи. Се очекува според неа за две до три години овој театар да биде реконструиран.

Информираше дека според измените на законот за конзерваторско се издадени 12 нови лиценци, а во следниот период се очекува да бидат доделни уште седум вакви лиценци.

- Во НУ „Стоби“ на конкурс вработивме четворица конзерватори кои паралелно работат на сите овие лаборатории.

Отворањето на сувенирница во рамки на Стоби ќе овозможи посетителите, чија бројка на годишно ниво изнесува преку 13 илјади, да имаат можност да си купат по еден карактеристичен сувенир од Стоби и од Македонија.



- Имавме планирано да отвориме 20 сувенирници. Досега со оваа сувенирница се поставени 19. Последната се планира да биде поставена пред Музејот на град Скопје со што ќе го затвориме и овој проект, рече Канческа Милевска.

Директорката на НУ „Стоби“ Силвана Блажевска истакна дека оваа година НУ Стоби реализираше пет од вкупно 10 проекти.

Во текот на летово во соработка со фондацијата „Балканско наследство“ беа реализирани и две интернационални работилници за конзервација на керамика и на мозаик, како и интернационалната археолошка школа во која учествуваа археолози од повеќе земји. Започна реализацијата на двата проектa за конзервација на метални предмети, стаклени садови и камени споменици, а во тек е и подготовката на проектот за конзервација на мермерната скулптура на Афродита од 2 век од н.е. Ископувањата, пак, во делот на Храмот на Изида ќе се одвиваат во текот на септември, кога ќе продолжи и проектот за конзервација и реставрација на театарот.

За оваа година е предвидено да бидат конзервирани и реконструирани сводовите од тули на централниот радијален коридор и страничните простории, по што ќе следи конзервацијата и реконструкцијата на лежиштата за седишта. Се очекува дека до 2015 година, театарот да биде подготвен за реконструкција на мермерните седишта во источната половина.


Градоначалникот на Велес Славко Чадиев рече дека локалитетот Стоби има особено значење за Вардарскиот плански регион, кој се наоѓа во непосредна близина на магистралниот пат Е-75, имајќи ги предвид бројноста на туристите што минуваат по овој пат и посетеноста на овој локалитет Стоби. Годишно го посетуваат 13.000 туристи, а оваа година нивната бројка изнесува 8.000.

МИА(виа Курир)

ЗЛАТКОВАТА КУЛА ОД КРАТОВО ЌЕ ДОБИЕ ОСВЕЖЕН ЛИК

Со грант , во висина од 97.700 долари, доделен од Амбасадорскиот фонд на САД, може да се почне со целосно ентериерно уредување на кулата од 1365 година во Кратово

Јасминка Павловска

Кратовската кула од 14 век, т.е. од 1365 година, наречена Златкова, ќе биде реконструирана со средства од амбасадорскиот фонд на Амбасадата на САД во Македонија. Вчера, во Кратово беше потпишан договорот за доделување грант, во висина од 97.700 долари, од страна на амбасадорот на САД, Пол Волерс, и министерката за култура на Република Македонија, Елизабета Канческа-Милевска. Овие средства ќе бидат наменети за целосно ентериерно уредување на Златковата кула, една од највредните примероци на градби, кои стилски и колористички се вклопени во старото градско јадро на Кратово.

Златковата кула своето сегашно име го добила според нејзиниот последен сопственик, Ѓорѓи Златков. Тој ја купил оваа кула од Асан ефендија, според кого до тогаш и така се нарекувала, Асанова кула. Височината на кулата, мерена од нејзината јужна страна изнесува 14,15 метри, а нејзината основа е во квадратна форма, изградена од дебели камени ѕидови, со димензии 6,3м и 6,5 м. Кулата има три ката, а конструкцијата на катовите е поделена со дабови греди.

Според планот за реконструкција, се предвидува во обновената Златкова кула, на еден кат да се уреди една сувенирница, културно-информативен центар, како и спомен-соба за македонскиот светител Свети Ѓорѓи Кратовски. Грантот од американската амбасада доаѓа непосредно по завршената конзервација на архитектурата на кулата, проект поддржан од Министерството за култура.

„Неодамна на предлог на Министерството за култура, Собранието на РМ го донесе Законот за прогласување на старото градско јадро на Кратово за културно наследство од особено значење, споменична целина со највисок степен на заштита“ - истакна во своето обраќање при потпишувањето на договорот за грантот, министерката за култура, Елизабета Канческа-Милевска. „Со поддршка на Министерството за култура беше извршена и ревитализацијата на Симиќевата кула, која веќе е отворена за јавноста и во која е изложена постојана поставка „Карпошово востание 1689 г. Исто така извршивме и реконструкција на Саат кулата, како и конзервација на архитектурата на Златковата кула, која е значајно сведоштво за средновековниот живот на овој познат рударски центар“ - потсети Канческа-Милевска, додавајќи дека Министерството реализирало уште неколку проекти за зачувување на културното наследство на Кратово, како: заштита на архитектурата и ѕидното сликарство во црквата „Свети Јован Крстител, проектот за обнова и конзервација на фасади на пет дуќани во Ајдучката чаршија, како и санација на познатите Радин мост, Горноамамски и Аргуличин мост. Наскоро ќе започнат и археолошките истражувања, конзервација и реставрација на тунелите во Кратово.

„Среќни сме што можеме да ја реставрираме оваа кула и да ја вратиме нејзината оригинална убавина и сила, така што и граѓаните на Македонија и странските посетители ќе можат да се вратат назад во времето и да ја почувствуваат историјата од прва рака“ - нагласи амбасадорот на САД, Пол Волерс на потпишувањето на грантот во Кратово. „Преку Амбасадорскиот фонд на Стејт департментот на САД за културна заштита, во изминатите 13 години, во Македонија беа инвестирани повеќе од 1 милион долари за заштита на историски локалитети, како Шарената џамија, археолошкиот локалитет Стоби, Кокино, црквата Свето Спас, црквата Перивлепта и сега, Златковата кула. Денес ја одбележуваме нашата најнова инвестиција за заштита и промоција на наследството во Македонија - грант во висина од 97.000 долари, за реставрација на Златковата кула, што датира од 14 век“ - потенцираше амбасадорот Волерс, кој воедно доби покана од градоначалникот на Кратово, Мите Андоновски, да биде гостин на отворањето кога кулата ќе биде целосно реконструирана, иако тогаш веројатно нема веќе да биде на должност во Македонија.

http://www.utrinski.mk/?ItemID=A75D19A07B151F43869FCFE7D2205B33

зошто буквално сите реконструкции на стари куќи во македонија кои ги видов до сега, се прават со ѕидови од иверица/плута, што и да е?

Inaku se narekuva "plywood". Presuvana sperploca i ja ima vo sekakvi debelini so dimenzii 8x4ft. Cela Amerika kukite se izgradeni so plywood pogotovo northeast. Ja stavaat od nadvoresna strana na drvena konstrukcija i posle se zastituva so vodootporna fasada. A od drugata strana, prema vnatresnosta, ima izolacija obicno staklena volna. Ne e najdobar nacin na gradenje no e mnogu evtin i lesen za izvedba. A i popravkite se mnogu lesni.

ова е тоа што сакав да искоментирам, ама бидејќи не се разбирам толку, не сакав да се брукам

мене малку ми е дискутабилна оваа работа со реконструкцииве/реновацииве, и знам дека постојат неколку опции:
1. да се сруши целиот објект и на негово место да се изгради или целосна реконструкција со автентичен изглед, а со современи материјали... ваков објект би служел само за давање слика на тоа како оригинално изгледал објектот, со нагласување дека тоа не е оригиналниот објект... тоа е и во права смисла реконструкција (овој метод мене лично ми е прифатлив само во ситуации како етно-селата каде куќите служат како „сценски реквизити“, а не како архитектонска вредност)
2. да се догради/реновира објектот оригинално до најмал детал, значи со оригинални материјали и структура, и да се фали со тоа дека е навистина редок и посебен пример на сочувана архитектура, со што само може да му се зголеми целовкупната вредност и да му се зачува историската вредност
3. да се направи надградба на објектот со современа интерпретација, а она што е останато како рушевина, да се презервира такво какво што е (вакви идеи кај нас досега имам видено за Старата железничка станица во Скопје и за кулите во Кратово)
4. на истата локација да се изгради комплетно неповрзан објект во современ стил, кој само ќе влече инспирација и елементи, форми, па може и некои материјали од оригиналниот објект

за куќи како штипскава, за мене најубаво звучи второто решение... вака како што е направено, ќе треба на Американски турист на пример, да му објаснувам што е посебното во куќава кога е направена со шпер плоча, исто како што е направена неговата куќа
сепак ова не е куќа што е разрушена, туку куќа на која треба да и се „сменат некои делови“

Санирана кулата на Јордан Пиперката во село Брезово



о селото Брезово, Демир Хисар, реализиран е проектот за санација и конзервација на кулата на истакнатиот македонски револуционер Јордан Пиперката.
Стручните екипи на Заводот за заштита на спомениците на културата и музеј од Битола со поддршка на Министерството за култура во изминатиот период го реализираа проектот за негова санација и конзервација. Во рамките на заштитните интервенции, извршена е санација на северно-источниот темел, санирани се северниот и источниот ѕид, извршена е реконструкција на натстрешницата и конзервација на влезните партии, а поставен е и нов покрив.



При непосредната заштита, а во насока на зачувување на автентичноста на кулата, користени се традиционални градежни материјали и техники карактеристични за тој период.
Според податоците, кулатa која за време на илинденскиот период се користела за одбрана на селото Брезово е изградена во 1530 година, а нејзиното настанување кореспондира со историскиот развој на ова демирхисарско село. Планирано е одбранбената кула внатрешно да се уреди во мал музеј кој ќе биде посетен од домашни и странски гости.

http://www.porta3.mk/sanirana-kulata-na-jordan-piperkata-vo-selo-brezovo/