Реставрациja / Реконструкциja

Ѓоко интересен муабет. Браво.

До крајот на годинава ќе заврши санацијата на Спомен – костурницата во Велес

До крајот на 2015 година целосно ќе биде реализиран проектот за санација на Споменикот на паднатите борци од НОВ од Велес и Велешко, предвиден со програмата на Министерството за култура. Националниот конзерваторски центар во изминатиот период реализираше повеќе активности кои беа во насока на зачувување на ова значајно спомен – обележје кое е симбол на Велес.



* Извор на фотографии: Министерство за култура

Беа изведени и превентивни активности за елиминирање на прокиснувањето, кое како проблем се провлекува долги години. Исто така, извршено е интервентно санирање на екстериерот, промена на оштетените делови и поставување на нов плеклиглас, соопштуваат од Министерството за култура. Спомен – костурницата во Велес е еден од најголемите споменични комплекси во Македонија, изграден во периодот 1979/1981 година во чест на загинатите борци во НОВ и жртви на фашистичкиот терор од овој регион. Во 1981 година објектот е ставен под заштита како споменик на културата од прва категорија.



Автори на скулптурно – архитектонското решение се Љубомир Денковиќ и Саво Суботин, а современиот македонски сликар Петар Мазев е автор на импозантните мозаични композиции кои се наоѓааат во внатрешноста на објектот.

http://www.build.mk/?p=43197

Битола - Се возобновува архитектонскиот бисер „Хајдар кади џамија“
Покрај оваа џамија, во финална фаза е реставрацијата и на „Исак џамија“

Video: http://www.alfa.mk/News.aspx?ID=94411#.VWsPO89Viko

otsekogas sum poddrzuval avtenticni rekonstrukcii i griza za vistinskite istoriski spomenici, daj boze namesto gluposti da gi zastituvaa niv

Почна реконструкцијата на Куќата на Татарчеви во Ресен
13 jуни 2015

Премиерот Никола Груевски во придружба на министерката за култура Елизабета Канческа Милевска и градоначалникот на општина Ресен Ѓоко Стрезовски денеска го означија почетокот на реконструкцијата на споменикот Куќа на Татарчеви, како културно наследство на Република Македонија.

(на линкот има слика до каде е стигната реконструкцијата)
http://mia.mk/File/Get/132682134

На свеченоста во Ресен, премиерот Груевски истакна дека како народ и како држава имаме уникатна и богата историја исполнета со мноштво настани и исклучителни личности кои со своите дела, со својата визија и личен капацитет, оставиле траен белег во историјата на нашата држава.

– Денес сме тука во Ресен да ја одбележиме обновата на куќата на великанот на Македонската револуционерна организација, еден од водачите на македонската интелигенција, еден од носителите на девизата за автономна Македонија, првиот претседател на Македонската револуционерна организација, доктор Христо Татарчев. Стоејќи на местото на кое се наоѓала куќата на Татарчеви, оддаваме почит и се поклонуваме пред неговото дело кое претставува наше трајно културно, историско и духовно богатство. Богатство со кое сите ние треба да се гордееме затоа што за таква личност каква што бил доктор Христо Татарчев, не постои држава на светот што не би била горда, нагласи премиерот Груевски.

Во своето обраќање до присутните гости, претседателот на македонската Влада потсети на животниот пат на Татарчев, основањето на Македонската револуционерна организација што го направил заедно со Дамјан Груев, Иван Хаџи Николов, Петар Поп Арсов, Андон Димитров и Христо Батанџиев во 1893 година, во која се вклучиле и Гоце Делчев, Пере Тошев, Христо Матов, Ѓорче Петров и други во кои тлеела идејата за автономна Македонија.

– Сите ние сме свесни дека за делата и жртвата на великаните на Македонската револуционерна организација никогаш не постоела, ниту ќе постои соодветна благодарност што како генерација можеме да ја изразиме. Но, истовремено сме свесни дека како нивни потомци имаме обврска да ја пренесеме таа значајна историја на нашите идни поколенија. Куќата на Татарчеви ќе биде уште едно сведоштво за тоа како се сака сопствената земја и ќе остане како потсетник, како аманет за сите идни генерации да ја продолжат борбата за просперитетна, напредна и економски силна Македонија, порача Груевски.

Според министерката за култура Елизабета Канческа Милевска, изградбата на музејот на Татарчеви претставува враќање на една голема личност од македонската историја во топлината на нејзиното изгубено огниште.

– Во куќата на Татарчеви ќе бидат изложени голем број на документи, научно верификувани факти и аргументи кои говорат за историјата на ова ресенско семејство, за големата жртва и придонесот на Татарчев кој својот животен век и го посветил на својата визија за обединета и демократска Македонија. Куќата ќе биде изградена на површина од 280 квадратни метри, со автентичен изглед на фасадата, на куќа со фолклорна архитектура типична за 19 век. Експонатите во музејската поставка хронолошки ќе илустрираат три значајни периоди – предилинденскиот период, активностите на Татарчев во Илинденското востание и периодот по 1903 година до неговата смрт во 1952 година, појасни министерката Канческа Милевска.

Реконструкцијата на недвижно културно наследство, споменик Куќа на Татарчеви во Ресен ќе придонесе за развојот на културниот туризам, и исто така ќе претставува и основа за соработка на културен план со сите општини од регионот, рече меѓу другото градоначалникот Ѓоко Стрезовски.

http://denesen.mk/web/?p=350173

Проект за реставрација на стумичката стара чаршија

Старата струмичка чаршија повторно ќе биде како некогаш. На предлог од министерството за култура завод и музеј Струмица започна со изработка на проект за обнова на фасадите на објектите од староградската архитектура во чаршијата. Согласно планот проектот треба да биде готов до крајот на оваа, а веќе следната година ќе започне и неговата реализација, односно обновата на фасадите на првите два објекти кои се наоѓаат од западната страна на чаршијата.

,, Проектот го работи стручен тим на завод и музеј Струмица, во тек е на изработка и таму ќе бидат опфатени исто така двете фасади од двата објекта со замена на столарија, со вкопување на кабли, со отстранување на непотребни реклами, со вклопување на клима уредите, значи се за возобновување и за колоритно решение на фасадите. Се надевам дека нема да останеме само на овие два објекта. Став на министерството е да се продолжи со сите фасади од куќите на старата чаршија со што ќе се возобнови и ќе се врати поранешниот лик на чаршијата и ќе биде еден дел кој што ќе биде за почит.,, вели Славица Тасева – архитект во Завод и музеј Струмица

Струмичкиот завод и музеј проектот за обнова на фасадите во старата чаршија ќе го реализира во рамки на програмата за финансирање на проекти од национален интерес во културата и во согласност со акциониот план на владата за санација на фасади од староградска архитектура. Како дел од оваа програма веќе привршува обновата на фасадата на објектот во кој е сместен архивот на Струмица и дел од музејската поставка.

sitel.com.mk

Привршуваат работите за заштита на црквата „Св.Илија“ во Стар Дојран
Наскоро целосно ќе се реализира проектот поткрепен од Министерството за култура за непосредна заштита на црквата „Св. Илија“ во Стар Дојран, која претставува значајно културно наследство од XIX век.

Од Министерството за култура соопштија дека реализацијата на проектот се одвивала во неколку фази. Во првата фаза била направена конзервација на оригинално зачуваните делови од подната покривка на црквата и реставрација на партиите што недостигаат, по што целосно е оформен подот на црквата. На овие конзерваторско-реставраторски активности претходело археолошко истражување на просторот под подното ниво, со што беа откриени постари сакрални градежни структури.

Втората фаза била реализирана во 2013 година и подразбираше конзервација и реставрација на источната фасада од црквата, додека во 2014 година се одвивале реставраторско-санациските работи на внатрешните ѕидови од објектот, оформувањето на отворите за прозорци и врати, како и финалните работи на подот и на скалишниот простор од нартексот.

Во 2015 година било извршено малтерисување на внатрешноста на црквата. Исто така, завршила и тендерската постапка, по што бил избран најповолен изведувач, кој ја започнал реализацијата на предвидените активности.

Реализацијата на проектот, кој се однесува на непосредната заштита на црквата „Св. Илија“, планирано е целосно да заврши оваа година, во спомен на стогодишнината од бомбардирањето на објектот во Првата светска војна кога претрпе сериозни оштетувања и беше ставен надвор од употреба. Неславниот јубилеј ќе биде одбележан со преосветување на храмот и негово ставање во активна црковна служба, стои во соопштението.
http://netpress.com.mk/208882-2/

Слики од конаците. Можно е да објавам уште неколку деновиве

Единствена фотографија на статијата за Хавзипашини конаци на Википедија, ние е оваа, ни беа во план да ги посетиме за подобро фотографирање, па така со ова, причина плус да забрзаме.

Фотографијата е од 2011 г.



Edited by ehrlich - 19-Feb-2016 at 23:53

Капијава си е топ, туку останале ли барем два камења од самиот конак, од просториите за живеење?