Велес

Се согласувам со дел од форумџиите дека Велес има голем туристички потенцијал. Како Архитект само ќе кажам оти, велешката архитектура поседува исклучителна убавина и дизајн решенија на своите објекти кои се единствени за нашата земја. Со концепт на т.н. Високи куќи кои никнуваат од карпа, и поседуваат два влеза, еден во долниот, другиот во горниот сокак(улица) , преку извонредните чардаци- видиковец-како и елементот во нив наречен Троњ, кој со мост се поврзува со матичниот чардак, се генијални решенија на домашните мајстори и го ловат погледот кон реката, градот и околината, па се до ,,венецијанскиот ,, концепт на куќи кои лежат на брегот на самата река. (за разлика од Венеција овде пристапот за жал не е реализиран преку вода, веројатно заради варијацијата на водната кота на Вардар). Во секој случај, ова ми е еден од поомилените градови во земјата, пред се заради градскиот шмек на новото време, со релативно правилно реализирани урбанистички целини, а и заради старите јадра распослани на ридовите, кои доколку со проекти фазно се реконструираат, ќе му дадат на градот исклучително европски шмек, но и уникатна панорама по кој ќе се препознава на туристичката мапа на Македонија.


Edited by maks - 21-Dec-2014 at 12:03

од фејсбук