Вандализам и примитивизам

Канделабрите на кеј не ја издражаа нашата свест и совест



Кој го штити, чува, јавниот имот во главниот град?
Сведоци сме на постојано уништување на голем дел од урбаната опрема без при тоа никој да се фати и казни.

Фонтаните, клупите, кантите за отпадоци, оградите па дури и плочките по кои се гази, намерно се уништуваат подолго време од вандали кои се уште не го запознале цивилизираниот начин на живеење и тоа посебно во урбана средина.

Во налет на овој бран нецивилизација настрадаа и канделабрите на кејот на Вардар. Скршена, уништена, изгазена неколку дена почива оваа канделабра која беше купена од наши пари и заврши вака неславно.

Некој ќе каже дека можеби и ветерот ја турнал, но, сепак, каде се службите веднаш да реагираат ако се знае дека таа е поврзана со електрична мрежа а вака иструполена лежи на пешачка патека со сите опасности кои ги носи со себе.

До кога ќе стои, времето ќе покаже. Темнината секако е тука да ги покрие сите наши неспособности и лоши примери.

https://skopjeinfo.mk/kandelabrite-na-kej-ne-ja-izdrazhaa-nashata-svest-i-sovest

Во Македонија има обид оваквите испрдоци да се продаваат како апсолутна вистина дека тоа е добро и исправно. Тоа што Македонската школа за уметност и архитектура ги прифатила и практикувала во одредено време под некаква политичка подобност, неможе да биде репер денес. Ова реално да имало некаква вредност препознаена, немало луѓето да ги остават така неприметни незабележани секаде. Едноставно овој народ не ги препозна оваквите градби и треба да се дислоцираат во истиот магацин кај Ќосето. Во едно кобајаги социјалистичко опкружување се идеше на најснобовскиот пристап дека доволно е уметноста да ја разберат тесен круг на луѓе и доволно е, другите не се достојни. И тоа се прикажано како да е некоја авангарда, а во суштина е само некој простачки елитизам. Тотално иделошки, уметнички, естетски, како сакате, поентата на овие бруталистички гомненца беше утната и треба да ги снема. Не ги бивало ни во времето кога се градени, не ги бива денес и во иднина нема да бидат во подобра состајба само поголемо ругло разрушено ќе бидат.

ЌЕ ГО ВРАТИМЕ СПОМЕНИКОТ НА ЧЕМЕРСКИ ВО ПРВОБИТНАТА СОСТОЈБА, САКАВМЕ ДА ГИ ИЗБРИШЕМЕ НЕДОЛИЧНИТЕ ПОРАКИ, ВЕЛАТ ОД РЕСОРТ МАВРОВО

Ресорт Маврово ќе ги преземе сите неопходни дејствија за да го врати бетонскиот постамент на мозаикот на Глигор Чемерски во првобитна состојба, соопшти компанијата откако синоќа редакцијата САКАМДАКАЖАМ.МК објави дека со мурал „Вдиши го Маврово“ е ишаран постаменот на споменикот во Маврово од 1970-те посветен на антифашистичката борба со мурал од академик Глигор Чемерски и дело на архитект Радован Раѓеновиќ.

Ќерката на сликарот Чемерски, уметницата Елена Чемерска на фејсбук профилот на Ресорт Маврово, што ја организира акцијата, реагираше дека кај старото бачило освен трлото за овци има и споменик посветен на антифашистичката борба од доцните 1970-те, дело на Чемерски и Раѓеновиќ, автори кои што заедно имаат реализирано неколку капитални дела споменици ширум земјава.

Редакцијата САКАМДАКАЖАМ.МК до Ресорт Маворово вчера ги испрати следниве прашања: „Зошто дозволивте да се вандализира и уништува споменикот посветен на антифашистичката борба во Маврово со мурал на уметникот Глигор Чемерски и дело на архитект Радован Раѓеновиќ? Дали ќе сносите одговорност за уништувањето на споменикот?“. Рано утрово ни испратија соопштение во кое велат дека фонтаната заедно со постаментот на мозаикот биле во многу лоша и запуштена состојба.

„На самиот постамент имаше испишано недолични пораки чие место не е до уметничкото дело на Глигор Чемерски за кој имаме огромна почит како автор и уметник. Како компанија ја исчистивме фонтаната и просторот околу постаментот кои беа оставени без никаква соодветна грижа. Фонтаната ја ставивме во функција за која што првично била намената. Со интервенција на постаментот која не го оштетува мозаикот, сметавме дека не само што ќе ги отстраниме недоличните пораки, туку и ќе ги привлечеме посетителите на Маврово да дојдат на оваа локација и да го видат преубавиот мозаик на Глигор Чемерски кој неоправдано е оставен без соодветна грижа. После реакциите и критиките за нашата интервенција, стоиме позади нашите акции и доколку постои некоја грешка ќе биде исправена“, стои во нивното соопштение.

Оттаму додаваат дека Ресорт Маврово ќе го врати постаментот во првобитната состојба.

„Ги повикуваме сите оние кои сакаат да го видат ова уметничко дело да го посетат и заедно да работиме на негова популаризација. Но, најбитно од сѐ е неговата заштита, да не остане без соодветна грижа и да не се доведе повторно во состојбата во која што беше, прекриен со недолични пораки и нефукционална фонтана исполнета со смет“, велат од компанијата.

Б. НЕСТОРОСКА

https://sdk.mk/index.php/kultura/ke-go-vratime-spomenikot-na-chemerski-vo-prvobitnata-sostojba-sakavme-da-gi-izbrisheme-nedolichnite-poraki-velat-od-resort-mavrovo/

ПАК УНИШТЕН ЛЕТНИКОВЕЦ ВО ПАРК ШУМАТА ГАЗИ БАБА, ГРАДСКИОТ ПАРК ВО СКОПЈЕ СЕКОЈА ВЕЧЕР ЗАТРУПАН СО ЃУБРЕ



Во парк шумата Гази Баба ноќеска целосно е уништен еден од летниковците. Искршени се дрвата од кои е направен, клупите за седење внатре во него и покривот. Ова е втор летниковец кој е уништен во парк шумата за два месеци. Во април за време на полицискиот час еден од летниковците беше запален и целосно изгоре.

„Очигледно е дека станува збор за намерно и организирано од повеќе лица уништување на летниковецот. Џабе се апелите и нашите заложби за уредување на паркови и подигнување на нови зелени површини, кога урбаната опрема постојано се уништува. Штетата е сигурно над 2.000 евра“, вели директорот на ЈП „Паркови и зеленило“ Ардијан Муча.

Муча вели дека секое утро од Градскиот парк подигнуваат купишта ѓубре. Откако почна коронакризата младите секоја вечер, но и преку ден, се собираат по паркови и зад себе оставаат ѓубре, пластични и стаклени шишиња.

„Се уништува и урбаната опрема, искршени се клупи, запалени корпи за отпадоци. Секое утро се собира ѓубре како што сме собирале после 1 мај од излетничките места“, додава Муча.

Низ Скопје редовно се палат и контејнери, но полицијата не фатила ниту еден сторител.

https://sdk.mk/index.php/dopisna-mrezha/pak-unishten-letnikovets-vo-park-shumata-gazi-baba-gradskiot-park-vo-skopje-sekoja-vecher-zatrupan-so-gubre/

Сливничка плажа во Преспа гори
Запалена е трска за да се зголеми плажата.

https://www.facebook.com/fridaysforfuturesk/videos/558413641512385/

Над 700 садници не преноќија ни една вечер во Битола

Битолчани кои себеси се доживуваат како граѓани на конзулска Битола никако не се менуваат и што е најлошо, не ги менуваат ни своите навики. Само што јавното комунално претпријатие, кое во изминатите неколку дена посади илјадници цвеќиња на бројни зелени површини во градот, некои несовесни битолчани откорнаа над 700 садници и истите си ги пресадија во своите домови и дворови. (...)

novamakedonija.com.mk

ФОТО-ВЕСТ/ Зошто, бе, луѓе? Зошто?






На Кејот покрај Вардар во близина на мостот „Гоце Делчев“ забележавме очигледно намерно искривена улична светилка.

Да, тешко време е, напнати сме, неизвесноста не убива повеќе од болеста, но зошто вака? Наше е ова, ние сме го купиле за нам, граѓаните да ни служи.

https://www.vecer.press/

Запалeн летниковец во парк-шумата Гази Баба за време на полицискиот час







https://360stepeni.mk/foto-zapalen-letnikovets-vo-park-shumata-gazi-baba-za-vreme-na-politsiskiot-chas/

Има уште планински племиња...се плашат од возот низ државата па го гаѓаат со камења, се плашат од рачките на контејнерите...
Не е вандализам, страв од непознато е

Секојдневна слика во центарот на градот. Буквално сите пешачки зони и улици се претворени во диви паркиралишта. Ај што граѓаните се дивјаци и примитивци, но полицијата што го толерира ваквото однесување - е тоа не можам да го сфатам. Т.е. го сфаќам, но не го прифаќам. Ги заболе таквото ако нема наредба „од горе“.



https://sdk.mk/index.php/dopisna-mrezha/i-peshachkata-zona-na-ulitsa-makedonija-vo-skopje-stana-parking-politsija-ne-kaznuva-opshtina-tsentar-bara-komunalna-politsija/