Вандализам и примитивизам

Originally posted by mackomk Да тоа би можело да успее...во Норвешка на пример. Само гуми бушење тука. Premium rush филмот погледнете го, во Њујорк летаат ретровизори во вакви случаи.

за вандализам врз туѓ имот може да те фатат и да те казнат дебело... вака барем ем праќаш порака, ем не се прави штета
не е поентата самиот возач дека ќе престане да го прави тоа после налепницата, туку дека можно е да почне да се крева свест за ваквиот проблем во јавноста... генерално, не е проблемот само самото паркирање, туку и тоа што на никој не му е гајле, затоа што сме навикнати да живееме во таков свет, барем ја сум

кренавме свест за велосипедизмот и за загадувањето, па зошто да не и за ова?

СЕ БАРА СПАС ОД КРАЖБИТЕ НА САДНИЦИ

Со години имаме повеќе десетини пријави за кражба на истите оние садници што биле внимателно насадени околу училиштата, зградите или месните заедници.


Садниците и расадот мистериозно исчезнуваат иако надлежните редовно засадуваат


НЕ ПРЕСТАНУВААТ ШТЕТИТЕ ВРЗ ЈАВНАТА СОПСТВЕНОСТ

Зеленилото во главниот град секогаш било од клучна важност за чистиот воздух, но и за естетското разубавување. За да се даде поголем придонес во што повеќе засадени дрвца и издигнување на јавната свест кога е во прашање екологијата, градските власти традиционално веќе седум години едноподруго им доделуваат садници на заинтересираните граѓани кои живеат во колективни станбени објекти, но и на институции што сакаат да добијат дрвца за садење за своите дворни места. Откако садниците ќе се доделат, екипи на ЈП „Паркови и зеленило“ ги засадуваат на претходно утврдени локации. Откако ќе помине целата процедура, на виделина излегуваат проблемите. Со години имаме повеќе десетини пријави за кражба на истите оние садници што биле внимателно насадени околу училиштата, зградите или месните заедници.

Се краде и од приватни дворови

Голем дел урбани заедници и куќни совети се заинтересирани да добијат садници што ќе ги засадат во своите дворови. Според граѓаните, акцијата е многу добра и позитивна, затоа што, покрај тоа што се засадуваат на пусти делови на кои има пораснато диви треви, се учат помалите генерации за важноста на зеленилото и за грижата за природата.

- Акцијата е навистина позитивна и полезна за сите нас. Меѓутоа, како и во секоја активност и добра волја, така и овој пат, ќе се најде некој што ќе работи на тоа да ја уништи. Нашата зграда пред повеќе од една година доби цвеќе и саксии од општината Гази Баба и додека беа локалните власти тука сѐ беше во ред и саксиите си стоеја во дворот. Меѓутоа утредента немаше никаква трага дека тука имало саксии со цвеќе. Потоа увидовме дека расадот вешто е префрлен на терасите на оние што најверојатно аплицирале да ги добијат цвеќињата за целата зграда. Не изреагиравме бидејќи не сакавме расправии со соседите за тоа - вели жителка на скопски Синѓелиќ.

Дека садниците и расадот мистериозно исчезнуваат и од приватните дворови сведочат и сопствениците на куќи што го декорираат надворешниот дел околу своите домови.
- Имам куќа во Чаир, каде што и живеам. Просторот ми дозволува да го декорирам делот околу куќата, па купив расад и зимзелени садници за целата околина да изгледа поубаво. Залудно си го потрошив парите. Утрото останаа само ископаните дупки да сведочат дека тука имало садници - вели Суат Р., жител на скопски Чаир.

Се доделуваат 2.000 зимзелени и листопадни дрвца

Акцијата што напролет и наесен веќе седма година едноподруго ја спроведуваат градот и ЈП „Паркови и зеленило“ ќе донесе нови 2.000 засадени дрвца. Садниците се доделуваат според утврдена процедура.
- Заинтересираните куќни совети и месни урбани заедници треба да поднесат барање за доделување садници до Секторот за комунални работи на градот. Субјектите во барањето треба да ги наведат бројот на садниците што бараат да им се доделат и точната локација на која планираат да ги засадат дрвцата, а на барањето треба да стои печат од куќниот совет или од месната урбана заедница - стои во соопштението од градот.

На куќните совети и на месните урбани заедници на кои ќе им бидат одобрени барањата, во оваа акција ќе им се доделат најмногу десет садници. Решенија за добивање садници ќе се издаваат од 6 до 17 ноември. Оние што ќе добијат позитивен одговор ќе можат да ги подигнат садниците во истиот период во ЈП „Паркови и зеленило“ во Градскиот парк или расадникот во општината Бутел.

Надлежните знаат дека се краде зеленилото

Проблемот со крадењето на доделените садници не е нова појава. За да се заштити акцијата, но и да постои некаков гарант дека садниците нема да завршат на црниот пазар, од ЈП „Паркови и зеленило“ велат дека садниците се доделуваат исклучиво на институции, месни заедници и куќни совети.
- Тоа се докажува и преку барањата што треба да бидат со печати од институциите. За жал, ние немаме никаква физичка можност да го проверуваме целиот град, кој ги краде садниците, бидејќи барања пристигнуваат од сите страни на градот - вели Елизабета Георгиевска, портпаролка на ЈП „Паркови и зеленило“.
Според неа, сите што ги подигнуваат садниците се легитимираат.
- Сите што ги подигнуваат садниците со одобрение на градот се легитимираат и ние им ги земаме податоците и адресата за локацијата на која ќе се садат садниците. Потоа наши екипи одат на терен и проверуваат дали садниците се таму насадени. Понекогаш се случува истите тие да ги нема на дадената локација, но не можеме да утврдиме кој ги зел и каде ги однел - вели таа.

http://www.novamakedonija.com.mk/NewsDetal.asp?vest=111014152098&id=14&prilog=0&setIzdanie=23319

Edited by jyvation - 11-Nov-2014 at 12:26

Вакви слики со бетонските бариери гледаме после секоја обнова од Нискоградба,еднаш во 2 месеци, а со паднати знаци се редовни секој викенд.

ул. 7-ми Ноември
str. 7-mi Noemvri

Edited by Тркало - 23-Nov-2014 at 14:36

Originally posted by kultuzin Тркало кога се правени фотогрфиите. Би сакал ако ми дозволиш ова со скршените столбчиња да ја ставам на ѕидот на сообраќајниот срам на фејсбук

Сликите се од пред еден месец - од последното поставување, а и претходно се туркани (контејнерите се од ноќеска, другите се секојдневие).Извор:

http://www.ohridnews.com/vesti/75514
http://www.ohridnews.com/vesti/77419

Кога сме веќе Ѕидот, убаво е да имаме и избор барем една катна гаража во центарот на градот како во Прилеп (30-40 денари фиксна цена без разлика на времетраење) или Струмица (мислам дека беше и поефтино) за после со целосна слобода да категоризираме несовесни возачи.Кај нас е 40 првиот час + секој нареден по 20-30 ден.Јас можам и пешки, ама луѓе од страна ќе се пожалат на толкава разлика.


Edited by Тркало - 23-Nov-2014 at 14:47

не сум ја доживеал Југославија, ама од она што го имам слушнато, тогаш вандализам на вакво ниво немало и постоела квалитетна полициска патрола... а тука нели за вандализам збориме
не верувам дека тесните улици и пренаселеноста биле фактор во тоа некој да ги избутка сите овие знаци и столпчиња... освен ако и самиот не бил исфрустриран од недостигот на паркинг, па решил да скрши некој произволно избран предмет од околината да разбие нервоза


Edited by zabegan - 26-Nov-2014 at 21:49

На Галичица...















http://off.net.mk/pisma-na-chitateli/pisma-na-chitateli-na-koi-ne-im-e-jasno

Превземено од Сообраќаен срам, Филип Јосовиќ.

Edited by Џоле - 01-Dec-2014 at 16:50

уште еден мој другар дури на шала ми се закануваше дека ``кога ќе згазнела бугарска чизма,ќе........`` а зема 40 000 со виша земјоделска во електрана.вози џип со бугарски таблички и уште све му е криво

Овој сигурно е против затворање на ГТЦ.