Вандализам и примитивизам

Скопје преплавено со партиски графити

Иако, предизборната кампања се уште не започнала со имињата на партиите се наоѓаат на секој чекор. Сепак според она што се гледа, посебно активни, се пишувачите на името на владејачката ВМРО-ДПМНЕ.

Со огромни димензии, графитите на оваа партија се напишани на речиси секое прометно место, низ целиот град.

Граѓаните велат, овој вандалски начин на саморекламирање, само го одразува степенот на политичка култура.

„Тоа не е во ред. Невкусно е. Одраз на некултура кај луѓето“.

„Грдо е. На крајот на краиштата се знае дека се прави кампања. Има емисии, реклами, така што графитите не ми се допаѓаат“.

„Тоа не е во ред. Се знае плакати каде се ставаат. По влезови и згради не е во ред“, велат анкетираните граѓани.

Политичките графити се присутни секоја година, пред избори. Но, се чини дека годинава се пишуваат на систематски и дисциплиниран начин, при што не се води сметка за материјалната штета, што се нанесува на луѓето на Скопје.

До почетокот на предизборната кампања, има уште околу две недели, но очигледно е, дека пред официјалниот почеток некој решил да почне со улична кампања.