Вандализам и примитивизам

Итра скопјанка вчера со својот автомобил реши да појде на кафе во еден од кафулињата на улица "Македонија". Дестинацијата беше проблем, но местото за паркинг не!

http://vecer.com.mk/?ItemID=01D9A79553295D41BE3DF16E7ED57293

Смет на брегот на Мавровско Езеро

Маврови Анови - Организирани ученички групи, како и поединците, по завршувањето на престојот покрај брегот на Мавровско Езеро, на зелените површини ги оставаат отпадоците. По прошетката на брегот на Езерото, во сите населби забележавме остатоци на пластични кеси и шишиња, конзерви од пијалаци, отпадоци на храна и друго. Јавното комунално претпријатие „Маврово“, прави максимални напори да го соберат ѓубрето. Но, реално, не е во можност да го собере сиот смет, бидејќи просторот е многу голем, а уште поголем е бројот на несовесните граѓани кои го фрлаат каде што ќе стасаат.

Најмногу загрижува тоа, што покрај брегот на Мавровското Езеро, на повеќе локации веќе се создаваат диви депонии на градежен отпад. Лицата кои ги реновираат викенд-куќите, градежниот шут го оставаат во зеленилото и тоа е најголемата црна дамка на овој прекрасен регион.

Кога културата и совеста на граѓаните е на ниско ниво, тогаш комуналните инспектори треба да бидат мошне активни и на несовесните лица кои сметот го фрлаат каде што ќе стасаат, односно каде што им е најлесно, не само да им одредат казни, туку да ги принудат фрлениот смет да го отстранат. (К.К.)

Само за еден месец околу 200 контејнери за ѓубре биле оштетени од несовесни граѓани. Најголем дел од садовите распоредени низ градот биле оштетени поради палење на сметот во нив. Од ЈП „Комунална хигиена“ велат дека на тој начин се уништува бојата и доаѓа до нивно целосно искривување и обгорување, со што тие стануваат неупотребливи или, пак, нивното време на употреба драстично се намалува. Сепак, и покрај големиот број случаи на палење контејнерите, прекршителите најчесто остануваат неоткриени затоа што палењето обично се случува навечер. - Сум видел како некогаш тинејџерите навечер го палат ѓубрето во контејнерите. Не знам зошто им е забавно тоа. Потоа целата населба смрди “ вели Александар од Карпош. Уништување на садовите за отпад е казниво според Законот за јавна чистота, во кој за палење и за уништување на контејнерите и на кантите за ѓубре е предвидена парична казна од 50 евра. - Ниедна казна не може да спречи некои од граѓаните да го палат ѓубрето во контејнерите. Некогаш се толку уништени од огнот што не може да се поправат или да се репарираат, а такви не се употребуваат. Контејнерите, пак, кои се извиткани или се без тркала, се обидуваме да ги поправаме и да останат функционални “ објаснува Катерина Лаова, портпаролка на ЈП „Комунална хигиена“. Во изминатиов период на 207 контејнери им биле репарирани тркалцата, а на 55 им биле поставени нови. Лаова вели дека еден нов контејнер чини од 200 до 250 евра. За минатата година имале во расход околу 300, меѓу кои се и тие што се искршени, запалени, дупнати, како и тие што не можат да се поправат и се неупотребливи. Казните за прекршувањето на Законот за јавна чистота ги пропишуваат комуналните редари на општините или комуналните инспектори на Градот. Ако пријавата за запален смет во контејнер стигне во комуналното претпријатие, тогаш, во соработка со полицијата или со инспекцијата од локалната самоуправа, се подготвува прекршочна пријава за сторителот. Контејнерите што веќе не можат да се користат се надоместуваат со повлекување на ист таков сад од друга населба. Но, тоа повторно значи контејнер помалку на таа локација, што подразбира дека во иднина поради недоволен број контејнери и таму ќе никне дива депонија.