СКОПЈАНИ ПРАЌААТ ПОРАКА ДА ПЛАТАТ ПАРКИРАЊЕ НА „ГРАДСКИ ПАРКИНГ“, НО НАМЕСТО ПОВРАТНА ИНФОРМАЦИЈА ДОБИВААТ КАЗНА

Не функционира системот за праќање СМС пораки за плаќање паркинг на ЈП „Градски паркинг“ во Скопје. Корисници на мрежата на А1 праќаат пораки за да платат паркинг на зонските паркинзи, но не добиваат повратни пораки дека најавата е евидентирана, па добиваат казна.

„Пратив порака, но не добив повратна информација. Но не помислив дека има некој проблем и дека плаќањето не ми е регистрирано. Кога се вратив по колата, имав казна односно блокатор на тркалото. Па не по моја вина морав да платам и казна од 1.000 денари. Од операторот ми рекоа дека проблемот не е до нив туку во софтверот кој се користи за спроведување на наплатата. После тоа уште неколку пати се обидов да платам со порака, но не ми беше регистрирано плаќањето“, вели скопјанец.

Од ЈП „Градски паркинг’ велат дека овој проблем е наследен од претходното раководство, кое ништо не презело да го реши и покрај поплаки од граѓани.

„Ние немаме наш софтвер туку за тоа имаме склучено договор со фирмата ‘Некст сенс“. За овој проблем им се обративме писмено, потоа имавме и состанок на кој побаравме од нив да го решат проблемот. Не знам зошто претходното раководство не пријавило дека има проблеми, ниту побарало од економскиот оператор да го реши ова прашање за кое се жалат граѓани“, вели Бојан Христивски, директор на ЈП „Градски паркинг“.

Христовски вели ако граѓаните се соочат со овој проблем треба да се јават во претпријатието или во фирмата „Некст сенс“ и да пријават.

„Доколку добијат казна која не е по нивна вина, можат да поднесат приговор во претпријатието“, вели Христовски.

https://sdk.mk/index.php/dopisna-mrezha/skopjani-prakaat-poraka-da-platat-parkirane-na-gradski-parking-no-namesto-povratna-informatsija-dobivaat-kazna/

зонско паркирање е најглупото нешто што произлегло во градов и упорно се форсира на секоја површина што е и што не е паркинг

СТАР АЕРОДРОМ ДОБИВА ЗОНСКО ПАРКИРАЊЕ

Населбата Стар Аеродром наскоро ќе добие зонско паркирање по барање на граѓаните, кои со години се соочуваат со недостиг на слободни паркинг места, како и узурпација на зелени површини, пешачки патеки и тротоари од возилата. Општина Аеродром изминатиот период спроведе анкета меѓу тамошните жители, при што над 90% од анкетираните кои можеа да се изјаснат „За“ или „Против“ се изјаснија позитивно и дадоа зелено светло за оваа иницијатива. Анкетата опфати 18 згради кои се наоѓаат на булеварот „Јане Сандански“ и улиците „23 Октомври“, „Ангел Димовски“ и „Коста Новаковиќ“.

„Станува збор за густо населен и многу фреквентен дел каде што жителите долги години имаат проблем со недостиг на слободни места за своите возила. По нивно барање ќе воведеме зонско паркирање, како едно од најсоодветните решенија за овој дел од Аеродром. Зонското паркирање кое е воспоставено и во други делови од општината се покажа како успешен начин за решавање на еден од најголемите проблеми со кои граѓаните се соочуваат“, рече градоначалникот Тимчо Муцунски кој денеска заедно со директорот на ЈП „Градски паркинг“ Бојан Христовски изврши увид на локациите кадешто ќе се воведе зонско паркирање.

https://www.facebook.com/OpstinaAerodrom

ОПШТИНА КАРПОШ ЌЕ ВОВЕДУВА ЗОНСКО ПАРКИРАЊЕ НА ОРЦЕ НИКОЛОВ И КАРПОШ 1 ЗА ДА СЕ РЕШИ ПРОБЛЕМОТ СО БЛОКИРАНИ ТРОТОАРИ

Општина Карпош ќе воведува зонско паркирање во населбата Карпош 1 за да се реши проблемот со блокирани тротоари. На улицата Орце Николов во делот на Општина Карпош тротоарите се узурпирани од возила, па граѓаните одат по улица. Паркинг место станарите не можат да најдат ни на паркизните од околните згради. Бидејќи овој дел граничи со Општина Центар каде паркингот се наплатува,многумина паркираат на Карпош, па буквално сите тротоари се блокирани.

Од кабинетот на градоначалникот Стевчо Јакимовски велат дека се свесни и работат на изнаоѓање решенија.

„Во деловите на Карпош кои граничат со општина Центар размислуваме за комбинирано решение од зонско паркирање и катни гаражи. Како краткотрајно решение треба да послужи зонското паркирање. Веќе има изработено сообраќаен елаборат за Карпош 1 со кој се предвидува и воведување на зонско паркирање. Елаборатот беше испратен во МВР на одобрување, од каде што деновиве се дадени насоки за корекции. Во моментот се работи на корекциите, по што ќе се чека на конечно одобрување за да може да се реализира планот за воведување зонско паркирање. Со зонското паркирање ќе ги решиме и хаварисаните возила и тие што продаваат возила и граѓаните од Центар кои ги оставаат возилата во Карпош. Како долготрајно решение во Карпош 1 се планира изградба на катна гаража која треба да почне да се гради следната година“, велат од Општина Карпош.

Општина Карпош пред две години за време на мандатот на ексградоначалникот Стефан Богоев спроведе анкета за воведување зонско паркирање во Карпош 1 и 2. Мнозинството граѓани на анкетата се изјаснија дека сакаат да се воведе зонско паркирање, по што од Општината рекоа дека ќе почнат активности со ЈП „Градски паркинг“ паркирањето во Карпош да се наплаќа за граѓаните од другите општини, а да биде бесплатно за жителите.

https://sdk.mk/index.php/dopisna-mrezha/opshtina-karposh-ke-voveduva-zonsko-parkirane-na-ortse-nikolov-i-karposh-1-za-da-se-reshi-problemot-so-blokirani-trotoari/

Некако пак се бега од градење монтажни или подземни паркинзи кои се вистинско решение за проблемот во посочените населби(Мичурин пак е изоставен а е најхаотичен).
Со зонско само ќе се наплатува паркингот но не значи дека ќе се стави некој посебен ред во паркирањето и хаосот кој владее.
Во Стар Аеродром сите тие што не сакале да си купат паркинг простор под зграда со надеж да паркираат по околните паркинзи околу кулите или по тротоари сега и за тоа ќе мора да плаќаат.

Аирлија ... сега каубојците од коли ќе свртат на мотори, бар надежта останува да утре индијанец им реши склетот доколку се спуштат матка 1 и 2 ко во османлиско, а во градов пак да се вчудоневидуваат разни нови евлии и челебии

Новиот скопски градоначалник најавува реорганизација на паркирањето - http://build.mk/noviot-skopski-gradonachalnik-najavuva-reorganizatsija-na-parkiraneto/

Шилегов: Во строгиот центар на Скопје паркинг само за жителите - http://novatv.mk/shilegov-vo-strogiot-tsentar-na-skopje-parking-samo-za-zhitelite/

интересен беше рекетот од сите на овој план, да видиме дали сега од позиција на власт, градоначалникот на Центар своето ноу-хау ќе го примени посоодветно ...

би му предложил и пореволуционерен пристап, та нека ги забрани уличните паркинзи за коли во Центар, а на нивно место нека истури милион точаци, рикши и е-квадрицикли ... живеењето со ауто в Центар да бидне мисловна именка, а евентуално оние кои навистина имаат потреба да се ќљофтаат за место во некоја околна катна гаража ...

ако сакаме подобар и почист воздух во градов, мора да се почне токму од неговиот постоен урбан епицентар, каде по ул. ДиЧу би било дозволиво и тоа со лазење да минат само автобуси на ЈСП, Амбулатно возило или на Комунална хигиена, евентуално Трам доколку некогаш скопјани и дочекаат таква појава ...

Originally posted by Denko Ova ne e smesno tuku glupavo. Kade se videlo mobilniot telefon da sluzi kako platezno sredstvo. Sto ako ne poseduvam mobilen (poznavam takvi), sto ako mi se potrosi baterijata? Dajte, ve molam, ne izmisluvajte topla voda. Taa e odmana izmislena.

Еве ти бизнис. Шетај со мобилен по паркинзите/зоните и нуди им на тие од горе наведените категории услуга - плаќање по мобилен. Они тебе кеш, пример 10-30% повеќе (зависи од зоната) ти ним уплата.

Во случај ова да не беше иронија, http://en.wikipedia.org/wiki/Mobile_payment

Немав нерви да ги следам сите глупости на Зонски паркинг Центар низ кампањава... Но конечно се помрднаа во вистински правец...

Сепак, не е доволно добро! Логиката на регистрација е различна од онаа на градски паркинзи (иако очигледно го користат истиот систем).

На градски паркинг се праќа само зоната (откако првиот пат ќе ја регистрирате регистрацијата на колата).

На паркинг центар треба да се внесува СЕКОЈ ПАТ зона, регистрација и број на часови. Не само што системот е полош, туку повторно не е конзистентен со оној на градските паркинзи.

Друга работа. Кој сега ќе одговара за поставувањето на саркофази за наплата по цел центар кога на крајот повторно се придвиживме кон природно најдоброто решение?

Од петок нов начин на плаќање паркинг во Центар Среда, 03 Април 2013 12:25 Од петок јавното претпријатие Паркинзи на општина Центар внесува новина во наплаќањето на услугите. За ова денеска информираше директорката на претпријатието, Маргарита Бакев. Таа нагласи дека по барање на граѓаните општина Центар и јавното претпријатие воведуваат нова услуга со која граѓаните ќе може да плаќаат паркинг преку својот мобилен телефон. Таа нагласи дека со ова на граѓаните им се дава можност да изберат кој тип на плаќање повеќе им одговара. Граѓаните потребно е да пратат СМС порака на телефонскиот број 14 14 14. Содржината на пораката треба да ја содржи зоната, празно место, регистарскиот број на автомобилот, празно место и времетраењето на паркирањето. Бакев нагласи дека новина е тоа што нема да биде потребна порака за одјавување. Десет минути пред завршување на паркирањето, корисникот ќе добие СМС порака за потсетување дека паркирањето наскоро му истекува. Ако граѓанинот е пост пејд корисник, наплатата за паркинг ќе му биде пресметана во телефонската сметка на крајот од месецот. Ако е при пејд корисник, цената за паркинг ќе му биде одземена од кредитот што го има. Телефонскиот број мора да биде од мобилните оператори во Република Македонија. Цената на една СМС порака е 5 денари со вклучен ДДВ.

http://www.kurir.mk/republika/skopje/110461-Od-petok-nov-nacin-na-plakanje-parking-vo-Centar