Зонско паркирање во Скопје

Originally posted by Tuvok Зонското паркирање барем на Орце Николов е тотално сра*е. Цел тротоар е зафатен скоро неможе пешак нормално да помине а да не збориме за велосипедкса патека. Катастрофа од решение. Можеби само не некои делои од Орце Николов каде што е доволно широко да се остави простор за паркирање ама на некои места изгледа многу без везе.

мене тоа најмногу ми сметаше кај зонсково, тоа што порано беше илегално паркирање, сега е легално, и некој се полни со пари од тоа!

Зонско паркирање наскоро и во Аеродром, Гази Баба, Карпош   Управата на „Градски паркинг“ мерка повеќе локации во општините Аеродром, Гази Баба и Карпош, каде што се планира воведување на зонското паркирање. Во тек се анкетите на жителите на овие општини, од кои ќе зависи дали во овие општини ќе се воведе или не зонско паркирање       „Градски паркинг“ планира во општината Аеродром вакво паркирање да воведе на булеварот Јане Сандански, околу слаткарницата „Палма“, како и кон спортската сала МЗТ, на улицата Бојмија. Во општината Гази Баба зонско паркирање се планира на две локации, кај пазарчето во населбата Ченто и околу фабриката „Алкалоид“ и скопската пиварница, а во Карпош околу трговскиот центар „Лептокарија“. Овие паркинг-простори ќе бидат дел од Д–зоната, што значи дека час паркирање ќе чини 25 денари. - До крајот на неделава точно ќе знаеме на кои места ќе се воведе зонското паркирање. Во тек се договори со општините и, се разбира, со скопјани. По добиените резултати од анкетата ќе одлучиме каде и дали ќе се прошири зонското паркирање – изјави Борче Јакимовски, директор на „Градски паркинг“. Жителите на Гази Баба се заинтересирани за воведување на зонското паркирање, затоа што сакаат да се направи ред во оставањето на автомобилите на јавните површини. Но во Карпош, надлежните сосема се незаинтересирани за овој предлог и сметаат дека општината воопшто нема потреба од вакво паркирање. - На општината Карпош не и треба зонско паркирање. Со проширување на улиците и на тротоарите се направија 1.000 паркинг-места за нашите сограѓани. Но доколку 60 отсто од жителите на Карпош во анкетата се изјаснат за овој вид паркирање, би можело да се воведе – изјави Виолета Цветковска, портпаролка на општината Карпош.

http://www.novamakedonija.com.mk/NewsDetal.asp?vest=1123101024272&id=14&prilog=0&setIzdanie=22140

Edited by Cloverstack - 23-Nov-2010 at 23:28

пред кафулето тренд не треба воопшто да се паркира 
на што личи тоа, паркинг за шест коли? демек тоа ќе биде ВИП место за господата од тренд?
си најдоа нов начин за лесен бизнис, претвори го цел град во паркинг и после наплаќај за него! никаква организација, никаква среденост, никаков план, само неколку бели линии за кои се даваат пари!

Јас пак како што сум кажал неколку пати до сега, сметам дека со изградба на паркинг гаражи со голем капацитет и јавен слободен достап во центарот на градот е огромна грешка. Ако се смета во далечна иднина голем дел од центарот на Скопје да стане пешачка зона, тогаш мислам дека мора да почне да се спроведува концепт за интегриран и комбиниран јавен транспорт во градот. Веќе по ЕНти пат би ги споменал големите буферни паркинзи, воведување на градската железница и ЛРТ во Скопје. Се разбира во центарот би требало секој деловен и станбен објект да има доволно паркинг простор за своите корисници (под корисници мислам само на жителите и вработените), додека сите посетители на центарот треба да се окуражат да се паркираат надвор од центарот и да се возат со јавен транспорт до и од него. Неможе на практика да има место за секој што во моментот посакал да паркира на 10 метри од својата цел. Така се создава хаос, загадување и огромен визуален пропаст на улиците, кои се наменети за пешаците, не за автомобилите, како што е тоа кај нас.
Што се однесува до зонското паркирање, јас уште при првата идеа за неговото воспоставување ги испоставив сите слаби точки на проектов, што до последната се покажаа како точни и станаа реалност. Без никакви инвестиции се наплаќаат и собираат луди суми, без никаков план за нивно наменско реинвестирање во подобрување на оваа јавна услуга. Апсолутно сум против претворувањето на најубавите скопски улици кои водат кон Плоштадот во паркинзи од најниска категорија. Оваа конкретна улица (незнам како се вика) треба најитно да се затвори, целосно реконструира и отвори само за пешаци. Истото треба да се направи и со ул. Максим Горки. На пример идејата за катна гража на местото на печатницата многу ми се допаѓа, но незнам колку е реална. Може вакви катни гаражи да служат цели помали региони, конкретно оваа може целиот блок помеѓу Плоштадот, Васил Главинов, Димитрија Чуповски и Телекомот, при што истиот да биде наменет целосно за пешаци.

Edited by Andrej_LJ - 05-Dec-2010 at 20:29

Те разбирам, сосема заборавив на ови паркинзи кои се наоѓаат во триаголниците на зградите околу Плоштадот. Сепак треба да се најде некое прифатливо, долгорочно одржливо и функционално решение за овој проблем.

Во некои од најавите веќе беше кажано дека токму тој дел обележан со жолто треба да биде пешача зона, а улицата да понира. Не си далеку од тие најави Може и ќе ти се исполни идејата.

Никогаш не ми се допаѓал тој концепт трам низ пешачка зона (иако знам дека постои на полно места). Освен ако нема друго решение секако. Ми делува пред се небезбедно.

Originally posted by Andrej_LJ Да не забораваме дека на конкретниов пример евентуалната трамвајска траса би заобиколувала многу без некаква реална потреба-штом се гради автомобилски, треба да се изгради и шински коридор под Плоштадот. Да не зборуваме дека сите сме согласни дека на Скопје не му треба класичен трамвај (таков е оној кој вози низ пешачки патеки, како на Илица во Загреб на пример), туку му треба ЛРТ. Но, пак забегавме надвор од темата!

Ne stanuva zbor deka LRT po dol#ina na podzemnata soobrakjajnica e podobro reshenie, no nazad na temata, dali postoi nekakvo reshenie za tie dvete mali servisni ulichki, od edna strana da bidat vo funkcija na toe dva stanbeni bloka a od druga strana da ne ostanat paralelno ulici za parkiranje zonsko shto kako i do sega ne bi izgledalo ubavo.

Проработи паркингот под Транспортен центар

Новиот паркинг под Транспортниот центар од денеска почнува да работи, информираат од јавното претпријатие „Градски паркинг“. На паркингот ќе се применува зонскиот систем на работа во рамките на новата подзона Ц 33. Од „Градски паркинг“ информираат дека оваа подзона влегува во рамките на третата зелена Ц-зона, каде што за еден час паркирање ќе се наплаќа по 25 денари.

Плаќањето може да се изврши по пат на СМС-порака од кој било оператор на бројот 144 144 или со купување билет за зонско паркирање кој корисникот треба да го истакне видливо на предното ветробранско стакло од возилото.

Месечната претплата за оние корисници кои не гравитираат во подзоната изнесува 3.000 денари, додека за привилегираните корисници кои со своето живеалиште, односно седиште гравитираат во подзоната изнесува 200 денари за прво и 400 денари за второ возило за станари, односно 1.500 денари за фирми.

http://www.dnevnik.com.mk/?ItemID=0CD596AC78284A4EB1B9BEAC8235718B

Според мене зонското паркирање е една од подобрите идеи во Скопје.
@zabegan
Викаш дека паркирањето што порано било нелегано сега е легано. Секако тоа е и целта на зонското паркирање. На сите улици каде што има можност да се обележат паркинг места и да се паркира на кутурен начин. Тоа дека некој се полни со пари да не го објаснувам затоа што верувам дека на сите ви е јасно дека тоа се јавни приходи.

Зонското паркирање ќе профункционира во вистинска смисла на зборот кога на сите улици (и помали паркиралишта) на кои има можност ќе се воведе зонско паркирање, а на останатите ќе биде забрането паркирањето и соодветно ќе се санкционира прекршувањето. Кога кажувам сите улици мислам и на најмалите сокачиња. Во моментов грешката е што имаат ставено зонско на поголемите улици, а на околните улици нема и тие се полнат паркирани коли.

Мора да сватиме еднаш дека возењето кола е луксуз. Неможе да очекуваме дека и понатаму ќе функционираме како сега. Иди во центар со кола и паркирај во прва зона на некој тревник за да не платиш паркинг. Ако не може да си дозволиме да платиме паркинг има алтернативи - јавен превоз. Впрочем во повеќето европски метрополи не само што се плаќа паркинг туку се паќа и посебна такса за влегување со кола во централното градско подрачје.
Зарем не ви пречи хаосот со колите во Скопје. Мора да се семни перцепцијата дека тротоарот, тревникот... служат за паркирање на автомобили.