Зонско паркирање во Скопје

Низ цела населба ми намонтираа некои шкафови со ролетни за наплата на паркинг...во дигитална доба со по 2,3 мобилни по глава жител.
За греота се...
Во време во кое Apple и компанија се трудат комплетното плаќање да се одвива преку мобилни...
Така било во Хрватска викаат!
А ќе може некогаш некој тренд ние да започнеме?
Имаме глава за мислење или што?
Копирај ова, копирај она...а нешто паметно да копиравме?

И во САД има вакви апарати, заборавија да напоменат, но кога ги поставувале?
-Многу пред да почне масовно да се користат мобилни!



Edited by alexsend - 11-Jul-2012 at 01:35

Originally posted by N23 Алексенд колку и да ти држи водата, не заборавај дека сеуште има голем дел од населението кое не ја сака технологијата, кои немаат пари за смартфони и кои едноставно немаат мобилни. Особено генерацијата која е израсната во минатиот систем, денеска многу ретко користи мобилен, има примери каде луѓе порака не знаат да прочитаат, користат мобилен само за да се јават, или пак има скепси кои викаат дека посигурно си е преку автоматот, наместо преку телфон, така да затоа се овие кабини со ролетни, за оние кои се анти модерната технологија.

1. Не ти треба смартфон за СМС системот кој го користи градски паркинг
2. Зарем навистина мислиш дека кабините со ролетни се поедноставни за користење? Прво нема да ти примаат пари, па ќе голтнат пари, па ќе треба да бираш опции разни (колку часа ќе си паркиран итн). Не ти држи.
3. Во вакви случаи, воопшто не треба да се земе во предвид ставот на „анти модернистите“. Кога нема да има избор, сите бргу ќе се навикнат на системот кој е 100 пати подобар и за одржување и за користење.

@alexsend

Точно во Загреб има такви ролетни, ама монтирани беа и во функција барем пред 12 година, кога бев прв пат таму после војните.

Петнаесет паркомати се поставени на 15 локации на паркинзите на територија на Општина Центар. Веќе од идната недела истите ќе бидат ставени во функција, а граѓаните токму на нив ќе може да ги купуваат паркинг картите.

Граѓаните на новите паркомати ќе може со книжни пари или монети да купат паркинг карта. Доколку му дадете повеќе пари, паркоматот ќе Ви врати кусур во монети.

Директорката на Јавното претпријатие за Паркинзи на Општина Центар, Маргарита Бакев за Курир вели дека овој систем се воведува со цел поголема мобилност на граѓаните низ Општината, како и избегнување на непотребно задржување на едно место. Смета дека на овој начин ќе се придонесе преку поголема мобилност на граѓаните ќе се придонесе до намалување на сообраќајниот метеж во одредени делови од денот.

-Новина во овој систем е тоа што при самото купување на паркинг картата, времетраењето за паркирање граѓанинот може да го користи на сите паркинзи кои се во надлежност на Општината, без разлика на кој од нив ја има купено картата. Доколку граѓанинот картата ја купи од еден паркомат, а потоа има потреба да се паркира на друг паркинг кој е под надлежност на Јавното претпријатие, може со истата карта без дополнителни трошоци и нови плаќања да го искористи преостанатото време за паркирање, вели Бакев за Курир.

На самиот паркомат ќе биде поставено упатство за тоа како да купите паркинг картичка. Сепак, кон крајот на овој месец и цел месец август вработени во претпријатието ќе ги едуцираат граѓаните и ќе бидат присутни на терен доколку на некој од нив му е потребна помош.

Директорката истакнува дека до секој паркомат ќе има еден вработен кој ќе им стои на услуга на граѓаните. Покрај ваквата едукација предвидено е и делење на едукативен материјал за граѓаните да може поедноставно да се снајдат.

Бакев најавува дека покрај досегашните 15 паркомати, до крајот на годината планирано е да бидат поставени уште дваесет.

http://kurir.mk/republika/skopje/78450-Parkomati-na-parkinzite-vo-Centar

Кога рекоа дека ќе монтираат паркомати, очекував тие да не бидат вака гломазни. Сепак, добро е да ги има. Лично, не сум љубител на СМС плаќање на паркинг, бидејќи таа услуга зависи од многу други фактори, како на пример квалитет на мрежно покривање на мобилниот оператор, состојба на кредит кај припејд, забрани за услуги кај постпејд броеви, состојба на батеријата на мобилниот уред, цена на услуга што дополнително се плаќа на мобилниот оператор, и.т.н.

Директорката истакнува дека до секој паркомат ќе има еден вработен кој ќе им стои на услуга на граѓаните.

Значи може да има вработен кој ќе зема плата да дреме до паркоматот наместо некој што без да воопшто се постават паркомати би продавал картички.

Да бидат "туристичка стража"...

Originally posted by dejanpetrov Imam drugar sto raboti kako operator(naplatuvac) vo parkinzi na opstina centar... Vika: "Od koga ke se napravat naudreni(te gleda vo oci i si zaminuva) i nema da kupat karta od nas, a nie sme dolzni dokolku ne kupat parking karta da go zapazime(slikame) voziloto najmalku dva pati... obavezno bez parking karta, i obavezno najmalku 10 minuti po prvoto zapazuvanje(bidejki imaat pravo 10 minuti da parkiraat besplatno)... i im stravame dnevna parking karta koja cini 960 denari i potoa istite tie se zalat deka ne' nemalo, deka sme se kriele pod senka i tn." i dodava: "Epa sega da vidime dali ke se zalat deka nemalo nikoj ili deka sme se kriele pod senka... PARKOMATOT NEMA DA SE POMRDNE OD KAJ STO E POSTAVEN." Sakam da kazam deka vo celost go poddrzuvam postavuvanjeto na parkomati od istite pricini koi gi navede gospodinot N23 pogore.

Поентата на целава оваа приказна не е во тоа. Суштинското прашање на кое треба да се добие одговор е што сака да постигне Општина Центар со ваквиот начин на наплата на паркинзите.

Дали оваа дотична општина заврши некоја од катните гаражи на кои првенствено би требало да започне со наплата, што би било апсолутно заслужено?

Дали оваа дотична општина уреди паркинзи кои се наоѓаат надвор од строгиот центар и најбараните места за паркирање, локации на кои ќе им овозможи на граѓаните живеат надвор од центар да ги паркираат своите возила и од таму со велосипеди, јавен превоз или пешки да можат да стигнат до посакуваната дестинација?

Дали оваа дотична општина избра само дел од паркинзите во центарот на Скопје каде вреди да се постави наплата на паркинг за да се намали гужвата во целокупниот сообраќај и да има помалку возила во центарот на градот?

Што сака да направи општина Центар? Плански да ја намали гужвата во централното градско подрачје и да оствари финансиски бенефит или пак да разграба чист, огромен профит без да и биде гајле за ништо друго?

Датум: 08.08.2012, 17:23
ОД СЕПТЕМВРИ

Зонско паркирање и во еднонасочно Дебар Маало

За еден час паркирање ќе се наплаќа 30 денари. Станарите првото возило ќе го паркираат бесплатно, а за второто ќе плаќаат 250 денари месечно. Месечната карта за вработените чии фирми се во маалото ќе чини 500 денари


На 18 улици во населбата Дебар Маало, на кои месецов профункционира еднонасочниот сообраќај, од септември ќе биде воведено зонско паркирање, информира Маргарита Бакев, директорка на претпријатието „Паркинзи“ на Општина Центар.

Според неа, проектот за воведување паркирање ќе отпочне со едукација на граѓаните и прием на барања, а поврзано е со почетокот на работата на 15 паркомати кои се поставени на територијата на општината.

На барање на граѓаните

Режимот на организиран систем на контрола и наплата се воведува, како што вели Бакев, на барање на повеќето граѓани кои живеат во Дебар Маало за решавање на паркирањето во близина на нивните домови.

- Системот на организирани паркиралишта ќе се реши по примерот на Kапиштец, не улица по улица, туку како сектор во кој ќе бидат опфатени сите улици. Во овој сектор ќе бидат оформени 600 паркинг-места, од кои речиси 80 проценти ќе бидат наменети за станарите со т.н. резидентни паркинзи, наменети исклучиво за нив. Граѓаните кои живеат или работат во Дебар Маало ќе бидат мобилни во целиот сектор, без разлика на која улица живеат. Тоа значи дека граѓанин кој живее на улицата Орце Николов, без надомест ќе може да го паркира своето возило на улиците: Ленинова, Ѓуро Ѓаковик, 29 Ноември, односно во цело Дебар Маало. Тоа покажа сериозни ефекти во Kапиштец и наиде на позитивен одѕив кај граѓаните. Значајно е што нема паркирање на тротоари. Тие ќе бидат ослободени за пешаците, велосипедистите, лицата со посебни потреби, мајките со деца - вели Бакев.

И граѓаните сметаат дека најголем проблем во Дебар Маало претставува паркирањето.

- Луѓето одат по улица, а автомобилите се паркирани по тротоари. Тоа еднаш треба да се реши - вели Иван Поповски.

Од „Паркинзи“ информираат дека за станарите во Дебар Маало паркирањето ќе биде бесплатно за едно возило. За второто ќе плаќаат 250 денари месечно, односно осум денари дневно. Вработените, пак, ќе може да купат месечна карта за 500 денари, додека цената за еден час паркирање ќе биде 30 денари.

- На тој начин промовираме намалување на цените за 10 денари, од 40 на 30 денари - објаснува Бакев.

Покрај постојните 15, „Паркинзи“ распишаа оглас за набавка и на уште 20 паркомати кои ќе бидат поставени на постојните и на новопланираните паркиралишта, за да се овозможи поголема достапност и мобилност на граѓаните. Претпријатието распишало оглас и за ангажирање агенција за обезбедување имот и лица заради поголема безбедност на паркиралиштата.

Се навикнуваат на еднонасочните улици

Граѓаните веќе се навикнуваат на еднонасочниот режим во Дебар Маало, велат во „Паркинзи“, но реалните резултати се очекуваат од почетокот на септември во услови на зголемен сообраќаен проток, кога придобивките ќе ги почувствуваат сите.

Граѓаните го поздравуваат воведувањето на еднонасочниот сообраќај, иако некои имаат сомневање дека ќе вроди со плод, бидејќи возачите не ги почитуваат поставените сообраќајните знаци.

- Овој потег е одличен. Точно се знае по која улица треба да се оди. Знаците се соодветно поставени. Тоа мораше да се направи бидејќи претходно не можевме да се разминеме - вели Марјан Анчевски, кој живее на улицата Дане Kрапчев.

Жител на улицата Дебарца вели дека многу од возачите не ги почитуваат поставените знаци.

- Не знам дали сето ова ќе вроди со плод. Можеби со текот на времето ќе се навикнат, но до тогаш ми се чини ќе има сообраќајни незгоди - коментира овој дебармаалец.

Анела Петрова

http://www.dnevnik.com.mk/default.asp?ItemID=D70993E0A6893B4DA531FCCDBEE102A3

Чисто само да информирам дека лудилото во центарот на Скопје не престанува. Викендов се отстранети табличките на „Паркинзи на Општина Центар“ околу Соборниот храм и на нивно место се поставени таблички за паркирање од Градски паркинг. Вработените на првото претпријатие се повлечени, а од градското претпријатие ги сметаат овие паркинзи како црвена зона.

Многу сум заинтересиран што ќе се случува со станарите од околните згради. Сите тие си платија налепници на „Паркинзи на Општина Центар“ за автомобилите и преку ноќ се случи друго претпријатие да ги управува паркинг местата. Има ли крај е*ењево?

Што се секирате? Имате многу споменици пред кои можете да се сликате. Тоа е најбитно.