Мост на цивилизациите во Македонија (Мост Око)

Висечки мост би бил предоминантен за овој дел од градот каде приматот треба да го има камениот мост.

Конструктивно, немаме потреба да правиме висечки мостови врз Вардар со оглед на распоните кои треба да се премостат, но естетски (или како што викаш за разбивање на монотонијата) би било интересно да се направи нешто такво (еве на пример на идниот премин преку Вардар на булеварот Гоце Делчев кон Аеродром)

Што се однесува до фреквенцијата на луѓе. Зошто сметаш дека архивот/уставен/археолошки би била една од пофреквентните објекти? Барем јас не гледам зошто би го издвоил овој објект пред другите административни објекти кои се градат во тој потег.

Originally posted by lslcrew Или може би идниот мост на Вардар кај Влада, што треба да го премости вардар под косина со што се зголемува должината и улицата Лазар Личеноски. Одлична должина за премостување со висечки мост.

Помислив и за таа локација, но бев сигурен колку би влијаело на погледот на калето.

Ваму кај МЗТ е чиста ситуација.

Originally posted by lslcrew Ама кој поглед во тој случај ќе го има од камени према стадион кога ќе погледнеш. Го имаш прво оној што треба да е од телеком до театарот што е вцртан во план, па доаќа Гоце Делчев, па висечки, па во позадина нов стадион. Не дека и во Аеродром не би било убаво, само што во позадина ќе има два оџака и ќерамидница.

Висечки мост на овој распон ќе бара сигурно еден столб кој доволно ќе штрчи во просторот. Единствено не сум сигурен дека во близина на кале ни треба такво нешто. Точно, од камени нема многу што да попречи но во делот кај влада има.

Инаку јас би преферирал лачен наместо висечки мост (за обете локации за кои зборуваме). Мислам дека е покомпатибилен со Скопје, плус не сум расположен да насадиме во Скопје клон на некој од висечките мостови на Калатрава.

Originally posted by lslcrew Па во суштина има толку многу висечки мостови низ свет, така да кога ќе решиме во Скопје да изградиме од ма ќе ја има таа галама дека е копија, плагијат или слично. Така да не е до толку воопшто. Инаку мост што највеќе ми се допаѓа ваков е Ержебет (Erszebet) во Дудимпешта, највеќе заради тоа што е бел и едноставен. А лачен може и д дојде малку досадно и монотоно со Гоце Делчев веќе лачен покрај него.

Има прекрасни лачни мостови. Ако зборуваме на пример за модерни види го оној новиот во Дубаи. Така да воопшто немора да биде досаден и монотон. Напротив мислам дека многу повеќе може да се изведе релативно оригинален концепт со лачен отколку со висечки мост, барем кога зборуваме за премостување на Вардар и тоа на локациите за кои дискутираме.

BTW Гоце Делчев лачен мост?

ПО ЦЕЛА ГОДИНА ОД ПОЧНУВАЊЕТО НА ИЗГРАДБАТА
Окото ги доби темелите

Темелите на мостот „Око“ се готови, иако на терен не може да се види изградената конструкција. Новиот мост кој доби камен-темелник лани во септември, најверојатно, ќе го пречекори рокот од 17 месеци за изградба. Според професорот од Институт за земјотресно инженерство Виктор Христовски, кој е главен проектант на мостот, работите не доцнат, туку се одвиваат според предвиденото. Сепак, најавениот рок нема да се стигне затоа што вистинската градба на терен почнала дури пред два-три месеци, а дотогаш се вршеле испитувања на теренот. - Темелите се поставени, изградени се сите 16 колци, односно столбови, по осум од двете страни. Тие се вкопани во земја, долги се 15 метри, а со пречник од 1,80 метри. Бидејќи најмногу се работи на темелите, половина и повеќе од материјалот, од бетонот, се троши на нив. Сега ќе се градат крајните потпори. За нив, на левата страна на реката, беше пробиен потпорниот ѕид на коритото на Вардар, а од другата страна има доволно слободен простор за да се гради. Откако тие ќе се завршат, ќе се прават крајните распони на мостот и последен се прави средниот распон за кој веќе се поставени столбови во средината на коритото, за скеле од кое ќе се гради - објаснува Христовски. Тој вели дека изградбата на крајните распони на мостот веројатно ќе трае уште неколку месеци, па така е извесно дека објектот нема да биде готов до февруари идната година. На мостот е предвидено да се постават клупи за седење и фонтана со проѕирни делови. Објектот е креиран со три распони. Двата крајни распона се со помали димензии, од 18 до 20 метри, за разлика од средниот кој е поголем, со широчина од 56 метри. Горната површина на мостот ќе биде шеталиште со гранитни плочки. Во средниот распон се предвидени два поголеми отвора во мостот и шест помали отвори на потесниот дел, кои треба да се пополнат со градежно слоевито проодно стакло. На крајните рабови ќе има мермерна ограда. На мостот ќе се постават 28 скулптури на историски ликови. Градежните работи ги изведува фирмата „Конструктор инженеринг“ од Сплит.

Р.П.

http://www.vreme.com.mk/DesktopDefault.aspx?tabindex=3&tabid=1&EditionID=2162&ArticleID=151268

 Овие колци (столбови) се направени во коритото на вардар тоа е кај оној кос ѕид кој е всушност и коритото на вардар, додека пак потпорните ѕидови се во рамнина на големиот ѕид оној вертикалниот што е 4 метри во висина се разбира. Подземната сообраќајница се носи паралелно со овој ѕид но сепак не толку блиско до ѕидот и потпорите од мостот. Ако не се лажам столбовите на овој мост ке бидат во самото корито на вардар или до косините на коритото на вардар.

ЛЕАРНИЦАТА "ЈЕРЕМИЌ" ЌЕ ЛИЕ АНТИЧКИ И ПАНОНСКИ КРАЛЕВИ 170.000 евра за скулптурите на мостот Око Српската леарница понудила 6.000 евра за лиење на една скулптура, што значи дека за сите 28 кои се предвидени да го красат мостот ќе добие околу 170.000 евра Лиењето на скулптурите на мостот Око ќе чини 170.000 евра. Скулптурите ќе се леат во српската леарница "Јеремиќ", која понудила најповолни услови на тендерот. Србите побарале 6.000 евра за лиење на една скулптура, што значи дека за сите 28 кои се предвидени да го красат мостот ќе добијат околу 170.000 евра. Сите скулптури ќе бидат високи два метра и ќе бидат лиени во бронза. Единствено сè уште не е познато кој ќе го лие обележјето на пајонската свештеничка, која ќе биде висока три метри и треба да биде поставена на средината од мостот. Општинарите сè уште не распишале тендер за неа. До кога треба да бидат готови скулптурите, од Општина Центар не кажуваат. Леарницата "Јеремиќ" треба да ги изработи скулптурите на: последниот македонски крал Персеј; пајонскиот крал Авдолеон; охридскиот архиепископ Прохор Доротеј; сликарите и иконописци Михаил и Евгениј; Јован Заграф; македонските благородници Стрес и Ивец. Мостот ќе го красат и: Ахил, преспански и лариски епископ; Васарион Дебарски, јеромонах и книжевен деец; Јулија Тертила, борец за правда; Будиј, учесник на никејскиот собор; Аврелиј Кратет Птоломеев, лихнидски интелектуалец од 3 век; Дионизиј Прв, епископ на Лихнид; Тит Флавиј Орест, правосвештеник на Хераклеја; Публиј Септиј Николај, патрон на Стоби. Меѓу избраните скулптури се и првиот и вториот крал на македонската средновековна држава, кнез Хацон и кнез Пребонт, кои владееле во 7 век, потоа Крали Марко и неговиот брат Андреја, охридскиот жупан Андреа Гропа, Петар Делјан, Ѓорѓи Војтех, свештениците Јоаким Осоговски, Прохор Пчињски, Гаврил Лесновски, Јован Кукузел, Георги Кратовски. Општина Центар, покрај 170 000 евра за скулптурите, ќе потроши и околу 1.5 милиони евра за изградба на мостот Око. http://www.vest.com.mk/?ItemID=383CD0EBA512F64789044430D8EC2CD5

Еден од островите во Преспанско Езеро, поточно оној остров во малото езеро денеска во Грција се вика Свети Ахил.

Не толку познати личности од македонската историја но не значи дека не се значајни. Напротив според звањата што ги имаат се работело за значајни личности и сега ќе си пробуричкам на гугл да видам што се наоѓа за нив.

P.S. Другар GI Joe дај пресрами се.

Edited by Observer - 19-Nov-2010 at 14:22

Originally posted by <Fresno> Originally posted by lslcrew Originally posted by гитардемон Тоа "од македонската историја" не го земај здраво за готово, може да се изненадиш од колку многу други истории се. Тоа "од колку многу други истории се" не го земај здраво за готово, може да се изненадиш од колку Македонска историја е. Со самото тоа што живееле и делувале на денешна македонска територија имаме право и да ги одбележиме. Сепак оставиле некаков печат во регионалната и светска историја и нема зошто да бидат ставени под тепих.

Е овој одговор ми се допадна најмногу и најмногу го почитувам. Впрочем затоа имаме германски и француски гробишта во Македонија, луѓе кои се бореле на овие простори, и со тоа им оддаваме почит. Ама скромно! Бидејќи реално, ниту заслужиле споменик од 5.000.000 евра, ниту ќе заслужат. Затоа се бунам за Аце и тематскиот парк.

Жал ми е што небилдерски работи влијаат толку на нашето размислување, меѓутоа не сме ние виновни, така се сервираат работите, и не може никако поинаку да се сварат.