Мост на цивилизациите во Македонија (Мост Око)

Е добро де никој не паничи ниту пак паниката или одобрувањето од тука ќе смени нешто тековно. Тој проект очигледно некој го зацртал и ќе си тера како и многу други проекти кои некои ги сметаат за спорни а некои не.

Ние може да ги издискутираме различните аспекти на овој (и други проекти) и тука завршува приказната. Факт е дека Скопје има историја на поплави и дека имаме изградено прекрасна регулација на реката која не само што ја гарантира нашата безбедност, туку е и еден колосален проект за наши поимања кој сме должни да го одржуваме како што треба. Секако држи и фактот дека со регулацијата на водотеците во последните 50 години, Вардар не е тоа што некогаш бил и можноста да има поплава во Скопје е скоро невозможна.

Дали се вика Петре Петровски или некако инаку човекот кој го посочува ова прашање, не е ни битно, мислам дека е интересно прашање околу кое може да се подискутира.

Крале, не разбирам на што ми реплицираш... па не зборувам шпански туку македонски. И јас истото го велам - дека нема информации и дека нема отчет. Ама за разлика од тебе тоа не го толкувам во стил „па океј ништо страшно, ај да баталиме дискусија“, туку како многу голем проблем. А кога во таква атмосфера еден од учесниците во процесот на проектирање и градење на регулацијата на Вардар ќе истапи во јавност, јас дефинитивно ќе видам што има да каже. Ти се допаѓало или не, досега порелевантни информации не сме ни имале, а најмалку од надлежните.

ОК нема шанса од излевања. Што според тебе е целта на овој мост, кога и од двете страни е буквално ограден од други два моста, еден од нив најамблематичниот симбол на Скопје. Има некаква комуникацијска  функција или практична? Според мене нема! И да се работеше за дизајнот на  Милениум Брииџ во Лондон, пак немаше да го поддржам, од простата причина што не му ја гледам целта. А не пак што се работи за мост со фонтана, клупи и цели 29 статуи...  Те молам одговори ми, ме интересира. 

па добро за да дознае некој нешто треба и да се интересира! може сите информации нема да се пуштата во јавност што од безбедносни причини а што од тековно жонглирање со позициите во даден проект, но посекако може да се ископа доста инфо! а тоа дека има дунстери кои на слепо ќе коментираат тоа од секогаш ќе ги има, просто секој има свој начин на изразување, а капак и зад тоа кога ќе застане и нечие инструирано уредничко перо и ете ти тешки импровизации!

интересно е што заради ваквиот сензационалистички пристап на нашиов потпросечен медиумски пазар, доста професионалци и избегнуваат да земат учество во некоја дебата... но на страна тоа, мора и треба да има притисок од јавноста за транспарентност, а на тоа како и зошто некој одговара или не тоа треба е сосем друга приказна, може некој и свесно ја користи ваквата ситуација за спинување рејтинг или дефокусирање од други теми, како велат и лошата промоција е добра реклама, или евентуално толку да се сигурни во своите проекти и идеи што арогантно на никого не му удираат рецка! и иако ваквата анализа држи и може да се третира како најлогичнам сепак посреди е сосем друга работа, а тоа е претпазливоста на надлежните да не предизвикаат вербален мегдан кој дополнително би им ги трошел и времето и енергијата, наместо да се концентрираат и фокусираат на реалните ин ситу проблеми или финансиски конструкции!

Во врска со локацијата и функцијата на мостов еве еден пост со скица што го имав постирано во нишката за „Мал Ринг“

Originally posted by Cloverstack Не треба нешто многу да се анализира за да се сфати колку е дебилно и ова што се направи со пешачките мостови. Пред да се почне со глупостите, помеѓу Камени и мостот кај Холидеј Ин (не знам како се вика) беше зацртан еден пешачки мост - сосема доволно. Тоа беше „оргиналниот“ Мост на Цвеќето, сместен идеално на средина помеѓу спомнатите мостови и поставен на логична пешачка оска. Од десната страна на Вардар се надоврзуваше на пролазот од средината на ГТЦ, а на левата страна ги поврзуваше најотсечените објекти (МОБ и блокот кај Комерцијална банка) и се надоврзуваше на комуникацијата кон факултетот за музичка уметност и идната филхармонија. А сега имаат вцртано два моста (едниот веќе се гради), кои двата заедно нема да бидат корисни колку оргиналниот мост на цвеќето  Мостот око е преблиску до Камени Мост не само естетски туку и во поглед на потребата. Кога на тоа ќе се додаде дека на десната страна на Вардар мостот Око не се надоврзува на некоја пешачка оска, а на левата страна завршува баш како слепо црево во објектот за уставниот суд, приказната е јасна. Не толку катастрофална, но сепак прилично лоша е ситуацијата и со „новиот“ Мост на Цвеќето. Со поместувањето е создадена „дупка“ токму на сегментот каде што мост е најпотребен. Дополнително, мостот се надоврзува на пешачка комуникација која е послаба и понеатрактивна од оргиналната, а како капак, новата кружна маркица ја имаат зацртано челно, токму на самиот излез од мостот на левата страна на Вардар. Браво господа „планери“, на ваше конто оди уште еден урбанистички бисер во малиот ринг...  Со зелена боја е вцртан оргиналниот Мост на Цвеќето кој веќе не фигурира во планот. Со црвена боја се вцртани новиот Мост на Цвеќето (десно), мостот Око (лево), како и нововцртаните маркички за згради.

Edited by Cloverstack - 29-Jan-2010 at 00:01

Поразително е што се и сешто мораме да гледаме низ призма на политичките гарнитури, па дури и изградба на пешачки мостови, нивната локација и поставеност, прекројување на урбанистички планови и слично. Ама како што велиш сами сме си криви, но јас би рекол пред се поради тоа што дозволуваме да бидеме вовлечени во таков начин на размислување.

А аргументот „да се изградело на времето, веројатно немаше да дојде до ова“ е добар само за бегање од проблемите, но никако не е алиби за грешките што се прават сега. Грешките не можат да се исправаат со нови грешки. Не можеме да го менуваме минатото, но мораме да се потрудиме да не ни се случи во иднина и кон денешното време да се навраќаме како на „лошо минато“. А тоа слабо го правиме и за жал засега сме заглавени во тој порочен круг.

Десетици автори сакаат да ги работат скулптурите за „Око“ Допрва ќе се утврдува со колку трудови учествувал секој автор и чии ликови ќе се изработуваат Десетици автори се заинтересирани да ги изработат предвидените 29 двометарски бронзени скулптури за мостот „Око“. Колку точно од нив ќе бидат ангажирани за китењето на мостот, кој и по шест месеци од официјалниот старт на изградбата нема темели, надлежната комисија допрва ќе утврдува. Јавниот повик до скулпторите заврши завчера, а од Општина Центар информираат дека била подигната 31 конкурсна документација. Објаснуваат дека допрва треба да се констатира колку учесници доставиле трудови, со колку трудови учествувал секој и чии ликови нудат да изработат. Во согласност со распишаниот повик, секој заинтересиран имаше слобода при определување на личностите што треба да бидат претставени со скулптури. Единствен важен критериум е тие да се историски личности, чие постоење и дејствување оставило белег на овие простори, а за кој постојат археолошки наоди во Археолошкиот музеј. Предвидено е на мостот да има вкупно 29 бронзени скулптури, високи по два метра распоредени по 14 од двете страни. Една скулптура ќе се наоѓа во средишниот централен дел на мостот и ќе биде висока три метри. Колку пари ќе издвои Општината за оваа намена и дали ќе добие финансиска помош од Владата, со чии средства во најголем дел треба да се изгради мостот, надлежните се' уште не кажуваат. Засега е познато дека изградбата ќе чини околу два милиона евра. Рокот за негова конечна реализација е до средината на идната година. Засега објектот нема ниту темели. До неодамна градоначалникот Владимир Тодоровиќ застојот во изградбата го оправдуваше со проблеми околу темелењето, односно, посочуваше дека се менувале одредени концепти за да се направи сигурен стабилен мост! Вчера, пак, Општината го посочи зголемениот водостој на Вардар како причина за прекинување на изградбата. http://utrinski.com.mk/?ItemID=4CF0D615532E334AB639FED04ABDBEFA

Пајонска свештеничка во „зеницата“ на мостот „Око“

Бронзена скулптура на пајонска свештеничка, висока три метри ќе го краси централниот дел на пешачкиот мост „Око“. Избраните 28 скулптури, генерално, се ликови од подалечната македонска историја, благородници, свештеници, кралеви. На „Око“ ќе се постави скулптура на последниот македонски крал Персеј, на охридскиот архиепископ Прохор Доротеј, на сликарите иконописци Михаил и Евгениј, зографот Јован, македонскиот благородник Стрез, како и Ахил (преспански иларски епископ) и Васарион Дебарски (монах и книжевен деец). На пешачкиот мост ќе се наоѓа и скулптура на Крали Марко и брат му Андреја, на пајонскиот крал Авдолеон, на Јулија Тертипа (борец за права), на Будиј (учесник во никејскиот собор), како и на Аврелиј Кратет Птоломеев (лихнидски император од 3 век), Тат Флавиј Орест (правосветеник од Хераклеја), Публиј Септиј Николај (патрон на Стоби), Дионисиј Први (епископ на Лихнид), кнез Хацон и Пребанд (прв и втор крал на македонската средновековна држава), на Петар Делјан (син на Гаврило Радомир), Ивет и Ѓорѓи Војтех (македонски благородници) и скулптури на светците Јоаким Осоговски, Прохор Пчински, Гаврил Лесновски, Јован Кукузел, Ѓорѓи Кратовски и на Андреа Гропа. (Дс.Т.)

Yippie, како во луна парк! Следно е и споменикот пред соборен да се врти со светлечки ефекти! На сред камени!

Не знам што е толку трагично за толкава количина на плунка да се исфрли. Исто плукавте по Даме Груев и Гоце Делчев, па сега ве нема нешто... Да не биде слично и за ова .

Дали не сфаќате дека плукате сами по себе? Има вакво нешто слично и во Стокхолм. 

Уствари да, ние глупата неписмена маса што сме биле по цел свет не може да ја сфати величината на вашиот префинет битолско-софиски вкус...