На свеченото поставување на камен темелникот, во близината на Негорските бањи, присуствуваа архиепископот Охридско-македонски г.г.Стефан и владиката Повардарски г.Агатангел, кои чиноначалствуваа со осветувањето на темелите, градоначалникот на општиуна Гевгелија Иван Франгов и бројни гости од општината и земјата.Новиот спортски објект зафаќа површина од 1.160 метри квадратни,спортски терен со придружни објекти и трибина за 600 гледачи.

Инвеститор на новата спортска сала во Гевгелија, која ќе чини 450.000 евра, е конфекциската фабрика „Ноел“ во Гевгелија.

-Овој спортски објект нека им послужи на спортистите за одмерување на силите и постигање на големи резултати, но, уште повеќе за дружење меѓу луѓето, особено младите. Затоа ми причинува посебно зсадоволство што во толкав број присуствуваме и зосдаваме можности за нови дружења меѓу младите, - порача г.г.Стефан при поставувањето на камен темелникот.

Инаку, конфекциската фабрика „Ноел“ е спонзор на гевгелискиот кошаркарски клуб „Кожуф“ кој се натпреварува во Првата кошаркарска лига во земјата. Според сопствениокот на „Ноел“ Томица Главчев, гевгелиските кошаркари и нивните гости за три месеци ќе можат да се натпреваруваат и тренираат во новата спортска сала НБ-Ноел. Исто така, во салата ќе им биде овозможена обука и тренирање на младите кошаркари и таленти, кои во рамките на КК„Кожуф“ формираа веќе формираа посебна школа за млади кошаркари, која успешно работи. Само со вложување во подмладокот и сопствена школа можеме очекуваме резултати и на сениорскиот тим, нагласува Главчев.

Конечно, од почетокот на овој месец се започна со реновирање на спортско рекреативниот центар „25-ти мај„ во нашиот град.

После долга судска процедура, општина Радовиш го раскина договорот со концесионерите и ја врати салата во свое владение.

Овој спортски објект на радовишани им е и тоа како потребен, бидејќи спортските клубови од градот го изгубија просторот каде што тренираа и се натпреваруваа, а граѓаните на Радовиш го изгубија своето омилено место за рекреација и следење на спортски натпревари и други манифестации.

Поради неодржување на салата и нејзино тотално запуштање од страна на концесионерите, клубовите што опстанаа беа принудени домашните натпревари да ги играат во соседните општини или воопшто да не ги одиграат, што придонесе повеќе од нив да згаснат поради немање на финансиски средства и пред се простор за тренирање и одржување на натпреварите.

Најзаслужни за враќање на СРЦ „25-ти мај“ во рацете на општината пред се се градоначалникот д-р Роберт Велков заедно со советот на општината и одговорните органи во истата, управата на рудникот „Бучим“, а голем придонес дадоа и поранешните и сегашни спортисти и спортски работници од градот заедно со навивачката група „Лебари“ од Радовиш кои постојано преку разни активности потсетуваа за проблемот со салата, а минатата година организираа и мирни протести за враќање на салата во рацете на општината и на граѓаните на Радовиш.

Со договор помеѓу општината и раководството на рудникот „Бучим“ е решено СРЦ „25-ти мај“ да биде целосно реновиран и пуштен во употреба, при што како што најави заменик-генералниот директор на рудникот г-дин Николајчо Николов, во салата ќе бидат вложени 50.000 евра, а доколку е потребно ќе бидат одвоени повеќе средства за да се доведе салата во целосна функционалност.

 По првомајските празници започнаа работите за целосна замена на подот во големата сала со површина од околу 1000 м2, ќе бидат обновени столчињата, вратите, санитарните јазли, ќе се обновува фасадата која е прилично запуштена, а целата работа е планирано да биде завршена до почетокот на јуни.

- „Салата ќе блесне во нов сјај за најрепрезентативниот турнир во борење „Македонски бисер“, кој годинава се одржува во Радовиш, а чиј домаќин и организатор е нашиот боречки клуб „Бучим“. Турнирот го спојуваме со големиот јубилеј на клубот, 50 години од неговото постоење“, изјави Николов, кој е и претседател на боречкиот клуб.

Со реновирањето се создаваат услови за тренинзи и натпревари на сите спортски клубови во градот. Тука се борачите, ракометарите, карате клубот, фудбалерите кои ќе тренираат во зимскиот период. Сите овие спортски друштва работат под покровителство на рудникот „Бучим“, кој целосно ги финансира нивните спортски активности.

- „Ние сме странска компанија, но добро знаеме дека треба да оствариме одлични релации со градот поради што помагаме таму каде што е неопходно. Планираме во салата, која има 1.200 седишта, да организираме и концерти и фолклорни спектакли од меѓународен ранг, бидејќи под наше покровителство работи и КУД „Бучим“, појаснува Николов

Како изгледаше салата пред реновирањето може да погледнете на сликиве подолу.

http://www.radovis.gov.mk/index.php?option=com_content&view=article&id=216%3A-25-&lang=mk

Во скопската населба Капиштец е изградено мини игралиште за мал фудбал наменето за деца до 8-годишна возраст.

Игралиштето се наоѓа во зеленилото меѓу улиците Васил Ѓоргов и Народен фронд и е со димензии 8 X 12 метри.

Поставена е вештачка трева и заштитна ограда од метален и дрвен дел. Вештачката трева е обезбедена од „Колибри“, металниот дел од „Деко инжинеринг“, а дрвениот дел од „Лапласт“.

Општина Центар информира дека се работи за пилот проект и оти се планираат уште десет такви игралишта на повеќе локации.

Мислам дека ова треба да се спомене:

 

Општината Ѓорче Петров и мотоклубот Вардар го почнаа проектот за изградба на нов мотодом на крос-патеката во селото Орман



Домот ќе биде отворен на 5 мај, на денот на трка за наградата „Скопје“

ПРВПАТ ВО СКОПЈЕ

Според општината, се работи за изградба на мотодом што ќе ѝ даде нов автентичен лик на патеката и ќе привлече многу странски туристи и љубители на мототрките.

- За оваа патека слободно можам да кажам дека е еден од најубавите мотокрос-рингови во Европа, а изградбата на новиот мотодом уште толку ќе ги потврди нејзината вредност и функционалност - вели Момо Николовски, портпарол во општината Ѓорче Петров.

Тој истакна дека моментално се врши реставрација на целата патека, а домот првпат ќе биде отворен на 5 мај, кога ќе се одржи меѓународната трка за наградата „Скопје“.

Од мотоклубот Вардар објаснуваат дека целиот проект финансиски е помогнат од општината Ѓорче Петров и Кралството Норвешка.

- За реализирање на овој проект беа потребни околу 100 илјади евра, а во тоа најмногу ни помогна Кралството Норвешка. Овој мотодом е единствениот во Македонија од ваков тип, бидејќи во него можат да кампуваат сите учесници на трките, а ќе им бидат овозможени сите услови, како за нив така и за моторите - вели Васил Николовски, претседател на мотоклуб Вардар.

Според него, се предвидува објектот да содржи две големи простории за дружење и преспивање, а исто така да ги нуди сите домашни услови како тоалети, туш-кабини, апарати за домаќинство и чешми за миење мотори.

- Доколку дозволат условите, мотодомот треба да биде пуштен во употреба на 5 мај оваа година, кога ќе се одржи меѓународната трка за наградата „Скопје“. Тоа е настан во кој ќе учествуваат натпреварувачи од многу земји, што значи дека одличната промоција е неизбежна - додаде Николовски.

http://www.novamakedonija.com.mk/NewsDetal.asp?vest=21131529126&id=14&prilog=0&setIzdanie=22795