build.mk Homepage
Forum Home Forum Home > Главни теми > Проекти > Спортски
  Active Topics Active Topics
  FAQ FAQ  Forum Search   Register Register  Login Login

Спортски објекти (општо)

Bookmark and Share
 Post Reply Post Reply Page  <1 23456 19>
Author
Message
  Topic Search Topic Search  Topic Options Topic Options
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #61 Posted: 28-Nov-2009 at 12:42
Тениско игралиште - бугарска донација за техничкото училиште
ПЕТОК, 27 НОЕМВРИ 2009 18:18


Градоначалникот, присутните министри, бугарскиот амбасадор и конзул први го испробаа теренот на тениското игралиште во Техничкото училиште, бугарска донација кое денес официјално беше пуштено во употреба.



-Среќен сум што ќе го збогатиме говорот со термини како АТП, ВТА, сингл, дабл, кои ќе станат вообичаени во нашето училиште. Се надевам дека на овој терен ќе тренира идниот ако не европски, барем балкански шампион, изјави директорот на Техничкото училиште, Ѓорѓи Ташковски.


-Општина Битола се надевам дека помогна со техничката документација, најголема благодарност зашто финансиски ни помогнавте, рече Владимир Талески, градоначалник на Битола.



Игралиштето е донација вредна 20.000 евра.

-Независно колку чини тој објект тој е подарок од нас за вас од срце. Спортот е неодвоив во формирањето на современите луѓе и затоа ќе се радуваме ако тука го имаме новиот шампион во тенис, изјави Константин Андоно, државен сектретар во МНР Бугарија.


-Како држава-членка на ЕУ, Бугарија е задолжена да дава донации, помош за развој и да ги приближува државите кон евроинтеграциските процеси. Република Македонија е една од шестте држави на кои Бугарија им укажува помош и им дава донации. Овај е прв проект за оваа година, имаме уште два се надеваме дека успешно ќе завршат. Овие проекти имаат една цел, како што е и политиката на Бугарија, пријателска и модерна Македонија.



Се надеваме дека со овие проекти модернизацијата ќе дојде побрзо, изјави Ангел Ангелов, в.д. амбасадор на Бугарија во Македонија.



Исто така Бугарската тениска федерација за игралиштето донираше рекети и топки.


http://tera.mk/index.php?option=com_content&task=view&id=14941&Itemid=106

Edited by гитардемон - 28-Nov-2009 at 12:42
Arguing on the internet is like running at the special olympics. Even if you win, you're still retarded.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #62 Posted: 29-Nov-2009 at 15:24

Ранковце гради тениски игралишта

Спортскиот комплекс во општина Ранковце ќе биде комплетиран со две тениски игралишта. Објектите веќе се во изградба, а покрај новото игралиште за голем фудбал, планирана е и изградба на базен.

- Изградбата на спортските објекти е финансирана од Агенцијата за млади и спорт, а овој комплекс е од особено значење за една рурална општина каква што е Ранковце. Преку обезбедувањето на терените ќе се создадат услови за развој на повеќе спортски активности и ќе придонесе за спортскиот дух и здравиот живот на младите. Со урбанизацијата е предвидена и изградба на базен и други објекти, наменети за повеќе видови спортови - вели градоначалникот Орце Тодоровски. (Ж.Ц.)

http://dnevnik.com.mk/?ItemID=5267D6B7C6F2E543B4D671C36E541481
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #63 Posted: 05-Dec-2009 at 16:28
Ледената палата ќе причека, карпата ќе се извиши

Роза Петкова

Скопјани нема да ја добијат најавената ледена палата за зимски спортови ни идната година. Објектот за хокеј и за уметничко лизгање, наместо на најавената локација кај хотелот „Александар палас“ и салата „Борис Трајковски“, се сели во Аеродром, а ќе почне да се гради дури во 2011 година. Ова го потврдуваат од Агенцијата за млади и спорт, која е носител на идејата, и велат дека проектот е одложен поради економската криза. - Ледената палата нема да се гради во Карпош, како што првично беше најавено, туку на кејот на Вардар, на потегот од салата МЗТ кон мостот „Близнак“. Во следната година продолжуваме да работиме на проектирањето. Имаме идејно решение и се подготвува основен проект, за кој веќе е објавен меѓународен повик за јавна набавка. Земени се контакти од Америка, од луѓе што имаат искуство со зимските спортови, кои ќе ги искористиме. Сепак, ова е посложен проект и ќе треба повеќе време за да се реализира - вели Драган Ѓурчевски, директор на Агенцијата. Тој не открива кои содржини ќе бидат застапени во салата, покрај теренот за хокеј и за уметничко лизгање. По изработката на главниот проект, Ѓурчевски вели дека ќе следи јавна набавка за изведувач, а процените се дека изградбата ќе чини меѓу пет и седум милиони евра. - Дотогаш тече постапката за вадење градежни дозволи за локацијата која ја одбравме за салата - вели директорот на Агенцијата и додава дека во објектот ќе се предвидат и комерцијални намени за да може да се финансира и одржува неговото работење. Од останатите најавени проекти Агенцијата овој месец ќе почне со изградба на стоте тениски игралишта во сите општини и вештачката карпа за планинарење. Игралиштата, со димензии 38 метри должина и 20 метри широчина, ќе бидат од отворен тип на тврда подлога, а ќе ги прави австриската фирма „Алпине“. Вештачката карпа ќе ја гради словенечката фирма „Веград“, на кејот на Вардар во Карпош, меѓу ресторанот „Имес“ и детското игралиште. Инвестицијата за игралиштата чини 530 милиони денари, додека за карпата 35 милиони денари. - Ќе се изградат и сите дополнителни елементи, соблекувални, отворена трибина и санитарни јазли. Изградбата би траела година и пол - вели Ѓурчевски. Карпата ќе се гради од бетон и ќе има 15 метри височина и 25 ширина. На неа, покрај тренинзи, ќе може да се организираат и европски и светски првенства во спортско планинарење.

http://vreme.com.mk/DesktopDefault.aspx?tabindex=1&tabid=1&EditionID=1885&ArticleID=128352
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3578
  Quote Max Quote  Post ReplyReply #64 Posted: 16-Dec-2009 at 12:52
Originally posted by pbanks

Јас не сум голем подржувач на овој проект (ниту сличните проекти од овој тип, 10 сали, 100 стадиони итн). 
Точно, со изградба на капацитети се врши и стимулација за практикување на некои спортови, но пристапот со кампањско градење на голем број скапи проекти (без никаква претходна анализа) не е добар. Што ако проектот е неуспешен ќе имаме уште еден куп неискористени капацитети кои фаќаат мувла и алги? 

Начинот на кој јас би го решил ова е темелно реновирање на неколкути постоечки базени во земјава, пред се Карпош и Олимписки во Скопје, евентуално Струшкиот итн... Дури не би почнал со сите, би почнал со еден од нив. Но не зборувам за еднократно реновирање туку за наоѓање за концепт за одржлив развој. Можеби да се стигне до таму ќе биде потребно субвенционирање на почетокот но доколку се направи добар развоен план, сигурен сум дека успехот е неминовен.

Како ќе се зголемува критичната маса (и платежно способната маса) за користење на овие капацитети, така ќе се пристапува и кон нивно ширење.

панкс тука си грешка, секогаш е поефтино да кренеш нешто наново него да крпиш старо! патем кај нас не станува збор за ситни крпеници туку за големи закрпи, и технички и естески, како би ги задоволиле олимписките норми... 

јас сосем го подржувам исфорсираново градење на спортски терени, но сето тоа да е квалитетно изведено, арно ама со ова премисита за тендери дека најефтиниот по дифолт победува, мислам дека многу нешта има простор килаво да се изведат! но од друга страна имаме таков дефицит од спортски терени што и фушерајски да се изведуваат нема да имаме никаков зијан, што повеќе услови толку поголем потенцијал! 

само во нас.аеродром фалат бар уште едно 20 игралишта, ако сакаме врвни спортисти во иднина мора и изобилство од услови, на 80.000 жители ништо не претставува пример бројка од 20 фудбалски игралишта а кај се другите спортови!? за жал засега во општина аеродром има само 12 нестандирзирани игралишта од кои пола по школски дворови, па тоа е катастрофа, а за другите општини и муабет да не почнуваме! среќа решија тоа тренинг центарот на ффм да го паркираат кај последна 5 во ново лисиче па нешто и ќе се успее да се компензира, но сепак тоа мора да е случај и со цела Македонија 


Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #65 Posted: 16-Dec-2009 at 14:18


Нема никаков дефицит, да имало дефицит ќе имало гужва и на постоечките. Не го разбирам ова бахато размислување, како да имаме којзнае колку пари да имаме па да правиме експерименти со големи инвестиции.

И воопшто не се сложувам дека било полесно да се почне од 0. Нема ништо нестандардно ниту во Карпош, ниту во Олимписки, ниту во Струга... Повторно бахато размислување кое вирее кај нас, во недостиг на капацитет да се комплетираат проекти, постојано се измислува топла вода и се почнува од 0. Ниедна нормална и успешна земја на планетава не го прави тоа (освен ако не е навистина аргументирано).
Back to Top
ovaj_stariov View Drop Down
Senior Member
Senior Member
Avatar

Joined: 02-May-2008
Location: Prilep
Online Status: Offline
Posts: 1315
  Quote ovaj_stariov Quote  Post ReplyReply #66 Posted: 16-Dec-2009 at 15:25
Previous
Се согласувам со тебе.
Пример во Прилеп салата  Македонија(идентична со Младост во Битола) е оставена на забот на времето.
Откако изгоре мислам дека беше 1994,се обновуваше десетина години,и од како се обнови не целосно,никој не води сметка,ниту за неа ниту за парковите околу неа,секој ден се кршат прозори,катастрофа никој не се грижи.
И за да биди уште полошо на 200-300 метри од неа агенцијата за млади и спорт почнува да гради од новите игралишта,со најава за нова сала.
build.mk, гради форумска историја
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3578
  Quote Max Quote  Post ReplyReply #67 Posted: 16-Dec-2009 at 15:47

 

Originally posted by pbanks

Нема никаков дефицит, да имало дефицит ќе имало гужва и на постоечките. Не го разбирам ова бахато размислување, како да имаме којзнае колку пари да имаме па да правиме експерименти со големи инвестиции. 

И воопшто не се сложувам дека било полесно да се почне од 0. Нема ништо нестандардно ниту во Карпош, ниту во Олимписки, ниту во Струга... Повторно бахато размислување кое вирее кај нас, во недостиг на капацитет да се комплетираат проекти, постојано се измислува топла вода и се почнува од 0. Ниедна нормална и успешна земја на планетава не го прави тоа (освен ако не е навистина аргументирано).

за неискористеноста на игралиштата тоа е бидејќи истите се повеќе онака маалџиски сите до едно засега во општина аеродром со несоодветна подлога и на две без три се поставени рефлектори, потоа имаш неорганизирано управување со истите, од хигиена преку безбедност па се до одржување, исто немаш никакво субвенционирање или стипендирање за децата кои пројавуваат голема спортска наклоност, едноставно никој не ги есапи оставени се сами на себе да се снаоѓаат, јасно потоа ова продуцира незаинтересираност, а следствено и никакво натпреварувачко ниво, добро мора да се признае дека сега со ова интернетот и сите други електронски вражулиња кои така речи скриено ја мобираат младината навистина спортот како појава е бесперспективна дејност, особено во вакви услови како нашите, затоа уште повеќе е потребно инвестиции на сите нивоа во истиот, од технички па се до маркетиншки

што е за дотраеноста на старите базени тоа мислам на сите ни е јасно дека речиси ни еден не исполнува меѓународни норми, освен олимпискиот во скопје, изолацијата и неисплатливоста за затоплување и ладење на затворените базени мислам е дополнителен проблематичен издаток, самиот модел по кој воопшто функционираат тие базени е пред се плажерски него спортски, и можеби најглавното прашање колку од другите градови можат да излезат на крај со нивната затупеност, кога веќе говориме за затворени базени полн погодок се првите три од деветте најавени, за велес, прилеп и битола...

скопје теоретски може да тера со постојниве два затвворени базена и тој предвидениот во аеродром, сепак скопје има ~500.000 народ, сето ова вели дека воопшто не станува збор за бахати проценки, напротив прилично издржани, сепак за спортот повторно воопшто и да заживее треба државата дебело да вмеша прсти и во спортските федерации, да не ги остава како акционерски друштва или здруженија на граѓани да си тераат кој како наумил, а со тоа наголемо уништувајки било каков натпреварувачки порив, исто многу е битно како и во цел нормален свет (иако секаде тоа наголемо се користи за перење пари) оние правни субјекти кои вложуваат во спротот како спонзори, да бидат во одреден дел даночно ослободени, исто потребни се ред други механизми кои дополнително би спречиле појави како корупција и организиран криминал во спортот и дури потоа може да очекуваме целосно активирање на спортот во Македонија, но неспоредливо најбитен момент е самата инфраструктура, почнувајќи од школите кои кубурат со по два три реквизита, па се до професионални терени за тренинг и натпреварувања!

лично во оваа ситуација за да се стимулира спортот битно е во истиот на големо да се инвестира, шкотска на 5 мил. народ има 14.500 спортски објекти http://www.scotland.gov.uk/Topics/Statistics/Browse/Tourism-Culture-Sports/TrendFacilities ајде да го исклучиме и стандардот и бројноста пак ние не можеме да кажеме дека имаме се на се повеќе од илјада објекта, од европскиве земји освен со Црна Гора незнам со која друга земја може да се носиме на овој план, и капак и со никаква инфраструктура и со никакви инвестиции и со никаков особен државен ангажман, на крај успеваме да извадиме репрезентативни играчи!



Edited by Max - 16-Dec-2009 at 15:48
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #68 Posted: 16-Dec-2009 at 16:00
Не го заборавај базенот во топаанско што е утнат при изградбата, па сега е обичен магацин, и салата Расадник која е првентсвено порекктирана за базен па исто така е утната и е пренаменета за сала. Така да не е дека Скопје може да шлепа на три базена. Да ги земе некој капиталиста со идеја и да почне да ги огранизира со фул тајм програма, со вечерни капења со диџеј-и да видиш како ќе се навлечат луѓево на базен. Не викам дека све треба да иде и да се почнува преку призмата на забавата, ама е еден од добрите начини за актуелизирање. А нормално со тек на време пополека мора некад да се средат спортските федерации. Неможе вечно да бидат во ваква положба.
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3578
  Quote Max Quote  Post ReplyReply #69 Posted: 16-Dec-2009 at 19:02
види базените како појава се потребни, но треба пред се од државата да се стимулира спортот а не тропикализмот! ајде немаме ватерполо лига, ајде немаме пливачки митинзи, ајде немаме скокови во вода, ајде немаме уметничко пливање, но бар нека направат услови за вакви нешта да се форсираат, не е самобазенот да го изградиш мора да се бараат начини како младите да се потикнуваат во слободно време наместо скитање и дремење пред тв или комп да земат учество во некоја воншколска активност, ова социјално ангажирање и промовирање за жал и порано и денес е оставено како појава само на себе, кој сака ете му нека крши глава, а кој не уште подобро... речиси сите спортски тела се закржлавени во државава, тоа е реалноста која ја наметна економската транзиција, како сеуште да не се научивме како треба во новиов систем да функционираме, државата се до сега имаше кренато раце и за реално и да сакаше не можеше нешто особено економски да мрдне имајќи предвид дека спортот беше на последно место во политичката агенда, но и сега иако навистина смели обиди сепак истите се ми се чини дека немаат целосно издржан пристап! http://irs.sagepub.com/cgi/content/short/37/1/5 едноставно мора да се бараат начини како младите би се привлекле, дали е тоа стипендии како резулчтат на драфтови, студенски и средношколски лиги или тоа ќе биде некој вид на индиректна субвенција преку бесплатна спортска опрема (јасно од домашен производител) за секој оној кој е член и настапува за некоја јуниорска група по спортските клубови и сл. ова особено е битно за помалите и руралните места...
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #70 Posted: 16-Dec-2009 at 19:27
Имаме ватерполо екипа, ама како функционира не ми е јасно, се игра само во еден базен, со пет екипи сите од Скопје (сум чул дека има и од Струга, ама дали тренираат во езерото не ми е јасно).
Arguing on the internet is like running at the special olympics. Even if you win, you're still retarded.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #71 Posted: 18-Dec-2009 at 00:23
БИТОЛЧАНИ, НАСПРОТИ ОЧЕКУВАЊАТА, ОСТАНАА СО ПРАЗНИ РАЦЕ



Рефлекторите не стигнаа, столчињата исчезнале

БИТОЛА. - Наспроти најавите и ветувањата за скорешна модернизација на најголемите спортски објекти во градот, Битола и натаму останува без целосно уреден градски стадион и комплетирана сала по меѓународни стандарди. Иако изминаа две години откако ФФМ реши старите рефлектори од Градскиот стадион во Скопје да бидат инсталирани на стадионот "Под Тумбе кафе", а летоска од ЈПССО доаѓаа ветувања и за поставување на 3.500 столчиња во салата "Младост", за жал, на двата објекти се уште нема трага од најавената опрема. Поради тоа, овдешните љубители на фудбалот ќе мора да причекаат на меѓународни натпревари во својот град, а посетителите во спортската сала ќе мора да се задоволат со седење на цементна подлога.
Судејќи, пак, според она што може да се слушне во Битола, очекуваните рефлектори и столчиња претставуваат вистинска мистерија. Актуелното раководство на ФК Пелситер, на пример, нема никакви информации за осветлувањето на стадионот, како поради нарушените комуникации со ФФМ, така и поради сопствената незаинтересираност за подигнување на стандардите на објектот.
Уште понеразбирлив е случајот со столчињата за салата "Младост", за кои прво беше потребна согласност од Владата, а откако таа одобри, како што велат во овдешната подрачна единица на ЈПССО, нив оддеднаш ги снемало и не се знае каде завршиле.
(Т.Г.)


Текстот е прочитан 455 пати.


http://vest.com.mk/?ItemID=C43AACB1D73310438594C885B068B660

Колку неочекувано...
Arguing on the internet is like running at the special olympics. Even if you win, you're still retarded.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #72 Posted: 18-Dec-2009 at 02:09
Wallbash

Можеби вонземјани ги „киднапирале“ столчињата. После такво исчезнување, друго не ми текнува  Dunno

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #73 Posted: 18-Dec-2009 at 22:26
Привршува расчистувањето за спортски центар во Аеродром

Просторот покрај кејот на Вардар во Општина Аеродром, на кој до неодамна функционираше голема граджна база на АДГ Маврово е речиси расчистен од времените објекти кои таму егзистираа околу три децении. При крај е и изнесувањето на шутот и другите остатоци. Со ова се обезбедуваат предуслови за реализација на неодамна донесениот урбанистички план, кој воглавно предвидува спортски и рекреативни содржини.

Локацијата е опфатена со ДУП Јане Сандански, урбана единица Г. Со него на овој простор и околината е зацртан спортски центар кој вклучува нова спортска сала, сала за хокеј и уметничко лизгање, олимписки базен, фудбалско игралиште со монтажна трибина, како и две ракометни игралишта и четири дополнителни тениски игралишта. Градоначалникот на Општина Аеродром, Ивица Коневски, изјави дека проектите ќе ги реализираат во соработка со Агенцијата за млади и спорт. Тој најавува дека спортската сала ќе има капацитет од 4.000 гледачи, а трибината на фудбалското игралиште ќе може да прими 1000 гледачи. Во рамките на центарот, ДУП-от предвидува и два хотели, забавен парк и подземни гаражи.

Расчистувањето почна во септември и првично беше најавено дека ќе заврши за дваесетина дена.


http://www.build.com.mk/portal/?p=856

Еве и фотки од денеска:

1


2


3


4

Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3578
  Quote Max Quote  Post ReplyReply #74 Posted: 19-Dec-2009 at 04:48

прво нека испитаат дали местово е радиактивно со син камен нема мајтап! сетне нека ја проверат и геомеханиката, незнам каква стабилност има земјиштето во оваа дупка до вардар, ем заради подземните води ем заради тоа што тука беше ископ за песок за автопатот на времето, кој ископ иако беа задолжени да го пополнат со земја тие симболично го пополнува (и не го дополнија) со градежен шут http://www.build.com.mk/forum/forum_posts.asp?TID=739&PID=48576#48576

инаку како локација местово е идеално за тренинг центар, само надлежните да осигураат дека во иднина нема да се јавува никаква реа од спроти вардар каде што е лоцирана затворена и затрпаната депонија вардариште која долго време го опслужуваше скопје се до отворањето на дрисла! нема да биде лошо и кејот тука да се урбанизира и со се' последна автобуска станица за 5/15 место доста ветува, во иднина посекако и дополнително пзитивно ќе делува по овој комплекс и самото трамвајско депо кое е во непосредна близина...


Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #75 Posted: 30-Dec-2009 at 22:54
ВО НЕКОЛКУ УЧИЛИШТА
Нови тениски игралишта

Две двојни тениски игралишта ќе почнат да се градат во Карпош в недела. Едното ќе биде лоцирано во дворот на основното училиште „Јан Амос Коменски“, а другото покрај кејот на Вардар, во близина на скејт-паркот и карпата за планинарење, чијашто реализација тукушто почна. Проектот е во соработка со Агенцијата за млади и за спорт. Во општината ќе се градат уште три тениски терени за кои се уште трае процедурата за издравање одобрение за градба.

http://vreme.com.mk/DesktopDefault.aspx?tabindex=6&tabid=1&EditionID=1905&ArticleID=130262
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #76 Posted: 20-Jan-2010 at 21:32
ВО ЃОРЧЕ ПЕТРОВ
Ќе се градат првите тениски игралишта

Првите тениски игралишта на подрачјето на општина Ѓорче Петров ќе се градат во кругот на Основното училиште „Мирче Ацев“. Надлежните велат дека досега немало ниту едно тениско игралиште во општината, па заинтересираните граѓани морале да одат во други општини. - Со изградбата на двете игралишта ќе се овозможи побрз развој и популаризација на овој спорт кај младите во општината, а воедно и ќе се отворат можности за формирање тениски клуб, што е дамнешна желба на ѓорчепетровци, познати како големи љубители на спортот - велат во Ѓорче Петров. Игралиштата ќе бидат изградени во стандардни димензии и ќе добијат осветлување за да можат да се користат и навечер. Проектот Општината ќе го спроведе со Агенцијата за млади и за спорт. Инвестицијата чини околу 145.000 евра. Игралиштата треба да бидат завршени за шест месеци по почнувањето на изградбата.

http://vreme.com.mk/DesktopDefault.aspx?tabindex=2&tabid=1&EditionID=1919&ArticleID=131568
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #77 Posted: 25-Jan-2010 at 00:22
Ќе се гради тениско игралиште во Бутел


Во Општина Бутел деновиве привршуваат подготвителните работи за изградба на првото тениско игралиште. Тоа ќе има стандардни димензии (вклучително и трим патеките) 40 метри на 22 метри.
- Првото тениско игралиште во нашата Општина ќе се гради во спортскиот комплекс во Радишани, зад училиштето "Ацо Шопов". Поточно, новото тениско игралиште ќе се гради помеѓу двата постојни спортски терена што беа изградени пред две години, информираат одговорните.
Новото тениско игралиште ќе се гради во соработка со Агенцијата за млади и спорт.                                                                                                                                          http://www.vecer.com.mk/?ItemID=B05C1A75706B274A97B1D3A90770D9FD    

Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #78 Posted: 31-Jan-2010 at 16:34
Стартуваше проектот изградба на 100 тениски игралишта низ целата држава

Директорот на Агенцијата за млади и спорт, Драган Ѓурчевски, заедно со претседателот на Владата на Република Македонија, Никола Груевски, денеска свечено го означија почетокот од проектот 100 тениски игралишта низ целата држава со поставување на камен темелник во општина Аеродром.

Проектот "Тениските игралишта" се состои од единечно тениско игралиште (со еден тениски терен) со димензии 21,1х39,4 метри и двојно тениско игралиште (со два тениски терена) со димензии 39,4х39,4 метри.
 
Планирани за изградба низ територијата на Република Македонија се 20 единечни и 40 двојни тениски игралишта.

Во Општина Аеродром ќе се градат две двојни игралишта,односно четири тениски игралишта.

Тениските терени се со најсовремена подлога по сите стандарди на Светската тениска асоцијација.

http://www.netpress.com.mk/sport/vest.asp?id=10745&kategorija=4


Edited by lslcrew - 31-Jan-2010 at 16:36
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #79 Posted: 04-Feb-2010 at 20:18

Еколошкиот парк се тргна, карпата се чека






 

Според најавите од Агенцијата за млади и спорт, нејзината изградба ќе почне за десетина дена

 
 
%20  
Здружението „Зелената арка“ во декември минатата година беше принудено за 24 часа да ги собере сите елементи од својот еколошки парк што го направи во близина на ресторанот „Имес“ на кејот на Вардар во Карпош за таму да почне да се гради алпинистичка карпа. Но и по месец и пол од таа акција, кога младите луѓе што членуваат во оваа организација едно по едно ги спасуваа растенијата за да не ги изгазат багери, карпата не почна да се гради. Последните најави од Агенцијата за млади и спорт, која го спроведува проектот, е дека камен-темелникот ќе се постави за десетина дена, а целосно ќе биде изградена за 12 до 18 месеци.

- Целиот проект за карпата чини 30 милиони денари, бидејќи во него се вклучени не само објектот за качување, туку и трибини, околно уредување со зеленило и други работи. Документацијата за градба е завршена и сега се работи на подготвување на теренот. Колку точно ќе трае изградбата ќе зависи пред се од временските услови - рече Драган Ѓурчевски, директорот на Агенцијата.

Тој додаде дека сега главен приоритет им била изградбата на тениските игралишта, па и за нив барале локации во урбаното подрачје на општините што излегувале на реката Вардар. Главен проблем било тоа што голем број места биле приватни или за нив се водел процес на денационализација. Од планираните 100 игралишта во Скопје треба да има 20 или 30.

Паркот што претходно го направи здружението „Зелената арка“ беше наречен „еколошки“ бидејќи на површината од 800 квадратни метри се направил овоштарник и се засадиле растенија што меѓусебно се поддржуваат и си помагаат. За да го направат тие добиле пари од Регионалната агенција за заштита на животната средина, преку Шведската агенција за соработка и развој. Откако си ги собраа елементите, рекоа дека ќе бараат друга локација за да го направат паркот, но надвор од општината Карпош.
 
   
Автор: Б.С.

http://www.novamakedonija.com.mk/NewsDetal.asp?vest=24101054362&id=14&prilog=0&setIzdanie=21901
Back to Top
Djole88 View Drop Down
Senior Member
Senior Member
Avatar

Joined: 28-May-2008
Location: Skopje
Online Status: Offline
Posts: 611
  Quote Djole88 Quote  Post ReplyReply #80 Posted: 22-Feb-2010 at 16:51
ја ставив оваа вест тука, ако администрација мисли дека треба нова тема слободно нека отворат

     

Поставен камен-темелник за карпа за спортско качување на кејот на Вардар

Во скопската населба Карпош денеска беше поставен камен-темелник за изградба на вештачка карпа за спортско качување



Спортскиот објект, кој е дел од програмата на Владата и Агенцијата за млади и спорт (АМС) е со вкупна површина од 305 метри квадратни и ќе содржи повеќе делови за различно натпреварување, во однос на висината и степен на потешкотија во нивното совладување.
На свеченоста присуствуваше и премиерот Никола Груевски-кој посочи дека станува збор за комплекс, кој ќе биде единствен од ваков вид во Република Македонија, а треба да се заврши за период од 12 до 18 месеци. Со проектот предвидена е и изградба на помошна карпа со површина од 58 метри квадратни, составена од пет различни карпи со висина од скоро пет метри. Дополнително, ќе се изгради и придружен објект за загревање на спортистите, а комплексот ќе биде заокружен со трибини за гледачите.

- Врвните спортски достигнувања, не доаѓаат случајно, ниту наеднаш. Тие се резултат на многу труд и макотрпна работа. Но, за да се постигнат потребни се и вложувања во спортот, пред се во изградба на спортска инфраструктура. Знаејќи ја таквата потреба, како Влада во изминатиот период започнавме со повеќе капитални инвестиции во спортот. Ваквото темпо продолжува и во иднина, најави Груевски.

Според директорот на АМС Драган Ѓурчевски, најголемата инвестиција во спортската инфраструктура во последните 40 години во земјава опфаќа 20 комплетно завршени спортски сали и пет фудбалски игралишта, а во завршна фаза се уште многу спортски објекти, меѓу кои и атлетската патека во Охрид.

- Со вложување во спортот ја докажуваме нашата единствена заложба за здрав живот и обезбедување на услови во кои ќе ја видиме Република Македонија на големите натпреварувања, претставувана од признати спортисти кои својата основа ќе ја создаваат на овие спортски терени, додаде Ѓурчевски.

Спортската карпа е дел од проектот на Владата и АМС за изградба на 35 спортски сали и 50 фудбалски игралишта, како и за изградба на 145 училишни сали и на 100 тениски игралишта во Македонија.

Спортското качување во земјава датира од 1985 година. Истата година двајца натпреварувачи од Македонија учествуваа и на првиот неофицијален натпревар во качување спортска карпа во Сплит.
Back to Top
 Post Reply Post Reply Page  <1 23456 19>

Forum Jump Forum Permissions View Drop Down



This page was generated in 0.142 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.