НАЈСОВРЕМЕН ФУДБАЛСКИ ТЕРЕН НА ВЕШТАЧКА ТРЕВА СЕ ГРАДИ ВО ОХРИД

Во тек се градежните активности за подигање на фудбалското игралиште на вештачка трева кое ќе функционира во рамки на ЈП “Билјанини извори“ . Во моментов се тампонира целиот потег по што ќе биде поставена вештачката трева.



Тампонирањето,порамнувањето и нивелацијата на теренот го врши градежната оператива на ЈП “Нискоградба“. Ќе бидат поставени меѓу 1 700 и 2 000 кубни метри тампон што претставува најголем оперативен зафат на Општина Охрид за ваква намена.
Теренот односно вештачката трева   е донација на европската куќа на фудбалот УЕФА а останатиот дел од проектот е под целосна финансиска капа на Општина Охрид.
Надзорот на проектот го врши Секторот за комунален развој при Општина Охрид и официјални лица на УЕФА,кои на 30-ти јули ќе го извршат својот втор инспекциски надзор на теренот.

Проектот се очекува да биде готов до крајот на оваа календарска година по што Охрид ќе го има најсовремениот фудбалски терен на вештачка трева кој може да биде магнет за развивањето на спортски туризам и подготовки на голем број, пред се фудбалски екипи во зимскиот и летниот припремен период. Со подигањето на фудбалското игралиште на вештачка трева нов привлечен лик ќе добие запуштениот простор во непосредна близина на каналот Студенчишта каде е предвидено ова фудбалско игралиште.



http://www.ohrid.gov.mk/index.asp?PodatociID=4132

Edited by jyvation - 08-Oct-2014 at 10:52

____

ФОТО: Змија ги преплаши фудбалерите на Силекс и Турново- натпреварот стопиран


Змија се прошета низ теренот за време на натпреварот помеѓу Силекс и Турново во Кратово. Фудбалерите во паника го стопираа натпреварот. Несаканата гостинка се појави на почетокот на второто полувреме. Сепак змијата беше соодветно отстранета и натпреварот продолжи. Првото полувреме заврши со резултат 1:0 за Силекс.








http://provereno.mk/%D1%84%D0%BE%D1%82%D0%BE-%D0%B7%D0%BC%D0%B8%D1%98%D0%B0-%D0%B3%D0%B8-%D0%BF%D1%80%D0%B5%D0%BF%D0%BB%D0%B0%D1%88%D0%B8-%D1%84%D1%83%D0%B4%D0%B1%D0%B0%D0%BB%D0%B5%D1%80%D0%B8%D1%82%D0%B5-%D0%BD%D0%B0/

Атлетска патека WTF мене ми личи на пресно деминирано минско поле во кое по грешка испукале неколку мини.

Originally posted by kultuzin Атлетска патека WTF мене ми личи на пресно деминирано минско поле во кое по грешка испукале неколку мини.

Така нешто му доаѓа





Постари се сликиве, но мислам дека и до ден денес ништо не е чепнато од атлетскава.

Игралиште претворено во ракометно со специјалната сина подлога на кој ќе се одржи ракометниот турнир во Струга.

Originally posted by гитардемон Овде отсекогаш се играл турнирот, само изгледа сега за прв пат ќе стават нормална подлога. Инаку сите ѕвезди играле на тој бетонот на игралиштето.

Да да знам дека отсекогаш се игра турниров тука.Оваа година е со специјалната сина подлога.За догодина се најавува и изградба на уште една трибина.

така ќе биде се додека на светов постојат луѓе кои место мозок, во главата имаат само една жичка, чисто колку да им ги држи ушите да не им паднат... среќа што ова не се случило за време на утакмица и што не е нарушена статиката на стадионот

ИНТЕНЗИВНО СЕ РАБОТИ НА ФУДБАЛСКИОТ ТЕРЕН СО ВЕШТАЧКА ТРЕВА



Јавното претпријатие „Нискоградба“, деновиве започна градежни активности -поставување на цевки Ф 1000 на отворен канал со што се оформува инфраструктурата за одводнување на дренажана од постојните терени и новиот фудбалскиот терен со вештачка треват. Покрај тоа, претпријатието забрзано работи на подготовка и поставување на подлогата на новото игралиште кое се наоѓа во рамки на спортски рекреативниот центар „Билјанини Извори“, а кое се гради согласно стандардите на ФИФА за ваков тип на терени.



Инаку овај ќе биде еден од најсовремените терени на вештачка трева во Македонија, а со неговата изградба ќе се комплетира понудата за спортски туризам во општина Охрид.



http://www.ohrid.gov.mk/index.asp?PodatociID=4280

ЌЕ СЕ РЕНОВИРААТ САЛАТА „ПАРТИЗАН“ И БАЗЕНИТЕ ПОД KАЛЕ



Спортско-рекреативниот центар „Борис Трајковски“ распиша оглас за изработка на акциски план за реконструкција на спортската сала „Партизан“ во населбата Kарпош 4, како и на делови од спортскиот центар „Kале“. Обновата на спортските комплекси, кои долго време не се чепнати, е дел од владината програма за реновирање постојни спортски капацитети во целата земја, која беше презентирана пред јавноста лани. Kраен рок за пристигнување на понудите од заинтересираните понудувачи беше вчерашниот ден, а деновиве ќе се избере и најповолната понуда. Таа се бара за сума до 250.000 денари.

Ќе се уредат салите, лизгалиштето и базените

Роберта Теова, раководител на правната служба при СРЦ „Борис Трајковски“, изјави дека акцискиот план треба да содржи план за реновирање на спортските сали по години, рок на реализација, со предлог дали да се одвива етапно или во целост. Исто така, со планот ќе се утврди финансиската проекција која ќе претставува само рамка затоа што точните суми за реконструкциите ќе се знаат по пресметките за секој поединечен спортски објект.

- Реконструкцијата и санацијата на центарот „Kале“ ќе ги опфатат малата и големата сала, партерното уредување, лизгалиштето, отворените базени и вториот кат на постојните објекти - појаснија надлежните од претпријатието.

Во акцискиот план, како што пишува во огласот, се бараат архитектонски и инженерски услуги, услуги за просторно планирање и инженерски услуги за уредување на земјиштето.

Во моментов, како што рече Теова, не може да се дадат повеќе детали за почеток на градежните работи имајќи предвид дека претпријатието ја спроведува владината одлука од 23 септември годинава со која комплексите преминуваат во нивна сопственост. Поточно, се зголемува непаричниот влог на основната главнина на СРЦ „Борис Трајковски“ со спортската сала „Партизан“ и спортскиот центар „Kале“. Објектите претходно беа во сопственост на Јавното претпријатие за стопанисување со спортски објекти.

Во тек е примопредавање

- Во рок од 15 дена, по уписот на непаричниот влог во основната главнина на друштвото во Централниот регистар, треба да се преземат активности за примопредавање на објектите -информира таа.

Она што многумина ги интересира е дали по обновата на базените во рамките на СРЦ „Kале“ тие ќе проработат за капење. Едниот дел од базенскиот простор е даден под концесија пред 15-ина години, па засега е нејасно дали и тој дел ќе се реновира. Од „Борис Трајковски“ изјавија дека повеќе детали за концесијата ќе соопштат набрзо, односно по примопредавањето на објектите. Тие потенцираа дека нивните надежи за отворање и проработување на базенот исто така се стремат кон позитивен одговор.

И салата „Партизан“ и СРЦ „Kале“ се спортски објекти, изградени пред речиси четири децении, низ кои поминале генерации спортисти.

Салата „Партизан“ е изградена во 1969 година како подарок на француската влада за Скопје по катастрофалниот земјотрес од 1963 година. Објектот тогаш не бил опремен, односно подоцна е дограден и опремен со спортски реквизити со пари на членството на клубот.

СРЦ „Kале“ е комплекс составен од мултифункционална спортска сала и други спортски содржини. Големата сала е позната како македонска ракометна тврдина. Главно таа се користеше за ракометни натпревари, но се одржуваа и други спортски настани,како бокс, борење, кошарка, одбојка, фудбал, како и музички концерти.

http://www.dnevnik.mk/?ItemID=42A062738DB36946AF4EC2AE8E1EF793

На која сала мислат сега не ми е јасно.Ако е големата тогаш нели таа ја реновираше Самсоненко за своите втори тимови да играат во неа.
Ако се работи за помалата таа на која игра/ше КК Вардар тогаш на таа и треба реновирање.