Спортски објекти (општо)

јас само се надевам дека целиот комплекс Кале ќе се реновира, особено би сакал да се раззелени целиот тој простор околу Кале, Спортска медицина и царина. Вака делува ептен како некое гето на блискиот исток

ПОДГОТВЕНА ДОKУМЕНТАЦИЈАТА ЗА ПРИСТАП KОН ИДНИОТ РЕKРЕАТИВЕН ЦЕНТАР

ЌЕ СЕ ГРАДИ КЛУЧКА, ПА СПОРТСКИ ЦЕНТАР КАЈ СМИЛКОВСКИТЕ ЕЗЕРА



Kај железарските езера е предвидена изградба на спортско-рекреативен комплекс со автокамп, спортска сала, спа-центар, како и ресторани, кафулиња, продавници и паркови, а инвеститорите ќе се повикаат откако ќе биде изградена клучка на северната обиколница

Спортско-рекреативниот центар Гази Баба, кој е замислен кај село Смилковци, поточно кај железарските езера, ќе добие поголема шанса за изградба откако надлежните ќе го изградат пристапот до местото, за што документацијата е готова. Детаљниот урбанистички план со кој се предвидени повеќе објекти во околината на смилковските езера е усвоен од Советот на Гази Баба во 2013 година и тоа како приоритетен урбанистички план за Владата на Македонија, за кој таа издвои 1,3 милион денари.

Планот опфаќа површина од 68,3 хектари, а во делот за спортско-рекреативниот центар се предвидува изградба на автокамп за привремено сместување, сала за спорт и рекреација на затворено, спа-центар, како и ресторани, кафулиња, продавници, паркови и зеленило.

Нема пристап, нема интерес

Градоначалникот на Општина Гази Баба, Тони Трајковски, вели дека засега нема заинтересирани инвеститори за изградба на спортско-рекреативниот центар.
- Најголем проблем за развој на тој дел од Скопје е што нема пристап од северната обиколницата до местото, за каде што е предвиден тој центар. Сега до таму може да се стаса преку Бутел, по спореден пат или преку Стајковци и Смилковци, но тоа не е рационално. Сметам дека тоа е и најголемата причина што досега нема заинтересирани инвеститори. Имаше двајца, но тие само се информираа и не беа сериозно заинтересирани - информира Трајковски.

Тој потенцира дека изградбата на сообраќајната клучка на обиколницата, која ќе го направи реонот попристапен, е ставена во приоритетите на Агенцијата за државни патишта.

- Тие во моментот работат на експропријација на земјиштето. Последните информации што ги добив од Агенцијата за патишта е дека се при крај со тоа. Тие претходно направија и испитување на земјиштето. Kога ќе се направи клучката, ќе биде поинаку и сметам дека тогаш спортско-рекреативниот центар „Гази Баба“ ќе биде атрактивен за изградба. Тоа е одлична локација за тие што транзитно минуваат да застанат и да се одморат. На влезот во градот или на излезот нема автокамп и вакви содржини. Тоа ~ е укажано и на Владата - потенцира Трајковски.

Инвеститор или јавно-приватно партнерство

Трајковски вели дека уште една поволност на оваа локација е што во близина поминува гасоводната мрежа.

Од Агенцијата за државни патишта велат дека документацијата за издавање одобрение за градба е комплетирана и е доставена до Министерството за транспорт и врски.

- Чекаме да го добиеме одобрението за градба и да почнеме со изведбените работи -одговорија од Агенцијата за државни патишта, не прецизирајќи кога ќе ја почнат изградбата на клучката.

Според градоначалникот Трајковски, 80 отсто од земјиштето каде што треба да се гради СРЦ „Гази Баба“ се државни и ќе се дадат на продажба по пат на јавна лицитација.

- Имаме уште една можност. Или да се јави инвеститор да го купи земјиштето и да го изгради предвиденото според детаљниот урбанистички план или да се направи студија за јавно-приватно партнерство и центарот да го гради државата или Општината со приватен партнер - заклучи Трајковски.

http://www.dnevnik.mk/?ItemID=D6E4AD0D760EE2448A2FFAD6BDF7B807

Знам дека е минорен елемент од игралиштето, ама слободните фрлања кај кошевите многу се лизгаат. Да не правам муабет што е кога ќе заврне. Многу лесно се паѓа. Можеле само да го офарбаат, а не и некоја лизгачка подлога да ставаат.

знае некој каде точно во Аеродром Самсоненко ќе го гради стадионот на Вардар?

И фудбалерите на Вардар се селат во Аеродром!

Фудбалерите на Вардар, конечно ќе добијат нова база за тренинзи и тоа во населбата Аеродром, и во иднина ќе бидат лишени од долгите патувања до постоечките терени за трнинг во селото Марино.

Деновиве засилено се работи на поставување на нова тревната подлога и нов систем за дренажа на теренот блиску до спорскиот центар „Јане Сандански“ во Аеродром, кој од општината му беше даден под концесија на Вардар.

„Во моментов се работи на санација на игралиштето, кое беше во очајно лоша состојба. Тоа комплетно ќе се реконструира со инвестиција на Вардар. Ќе биде поставен и нов дренажен систем, како и нова трева. Првично тоа ќе служи за тренинзи на првиот тим. За две недели ќе биде во функција, кога ќе налегне новиот бусен, но ако сака шефот на стручниот штаб Сергеј Андреев есенската полусезона ќе ја заврши во Марино, па од март тимот ќе се пресели тука, зависно и од временски услови и од неговите желби“, ни објасни извршниот директор на Вардар, Самоил Симев.

Од почетокот на сезонава и ракометарите на Вардар се преселија во оваа скопска општина, а нивниот нов дом, арената „Јане Сандански“, е само стотина метри оддалечен од терените на фудбалскиот клуб.

Како што беше најавено од летово, „црвено-црните“ веќе го почнаа прокетот за градење на нов ултрамодерен фудбалски тренинг-комплекс, за кој сѐ уште се бара локација. Кога ќе биде изграден овој тренинг-центар, првиот тим ќе се пресели таму, а теренот во Аеродром ќе го користат помладите категории во клубот. Се шпекулира дека новиот тренинг-центар на Вардар ќе биде во населбата Хиподром, но од тоа сѐ уште нема ништо официјално.







повеќе информации на:http://sportmedia.mk/i-fudbalerite-na-vardar-se-selat-vo-aerodrom-foto/#2

ОК,ама која е другата варијанта?наместо да тренираат и играат на добри терени и сали,ќе играат по селски пољани

Во ракометната бајка таканаречена РК и ЖРК Вардар сепак се крие огромна пералница на пари, криминал поврзан со луѓе од власта и last but not least акции и сопствеништво на високи луѓе и роднини на премиерот во клубовите. Нешто слично како во кошарката со МЗТ и уништувањето на Работнички. Но, ајде да не забегуваме, и таа бајка ќе има крај и тоа многу несреќен.

Originally posted by Bojan10 Не може да се каже дека нема никаква корист Македонија. Вардар, иако не ми е гајле мн за него, сепак како најголем македонски бренд беше пред пропаѓање. Инфраструктурата е многу битна. Да се направат игралишта, и да се донесат добри тренери за младински категории, да има децата кај да ги праќате да тренираат квалитетно. Нормално, кого го бива, нема шанси да го одбијат, кого не го бива секогаш имало плачки. Битно е тоа дете што ќе го изберат дека е за фудбал, да има квалитетен тренинг, добро да се развива. Двајца врвни фудбалери за репрезентација да исфрли Вардар во следните 10 години, јас ќе сум задоволен.

уште да функционираа работите вака како што викаш, се ќе беше супер и македонија ќе имаше разни фудбалски титули... како прво не го примаат оној кој што го бива, и тоа не се плачки во празни, туку навистина нема контрола кој се пушта на терен да се брука
деца може да тренираат и на маалско игралиште, најголемите спортисти на светов доаѓаат од најпропаднатите локации на светов, инфраструктурата може само да им пружи поголема удобност и задоволство во тренингот... тоа е се
ако сакаат и 500 стадиони, терени и спортски центри нека направат, во менаџментот и волјата да се направи нешто е проблемот

поентата ми е дека е во менаџментот е проблемот... простор за тренирање може да има и во изобилие и да е перфектен, ама џабе ако нема кој паметно да го стави во употреба
со добар менаџмент можеш и на нива да извадиш најдобри играчи, клубови и репрезентации

Originally posted by jyvation Не сте ги виделе вие стадионите и терените во Прва лига какви ни се изгледа.

сум ги видел, а сум видел и колку се празни на утакмица од прва лига, а тоа не е поради тоа што стадионот е дупка