Веќе три месеци се работи на изградбата на новиот мост кај Сарај, кој се изведува паралелно и во непосредна близина на стариот железен мост, кој со години не ги исполнува безбедносните стандарди, а експерти од Градежниот факултет постојано предупредуваа дека треба итно да се санира, бидејќи постои реална можност да се урне. 

Во моментот се работи на ископ на земјените површини, а рокот на изградба е една година.

- Во рамки на земјените работи се поставува и арматура за потпорни еллементи. По завршувањето на земјените работи ќе почне градежниот дел за изведба на овој инфраструктурен објект. Со проектот се предвидени и сообраќајни решенија за пристапување и исклучување од мостот и тоа со нови улици кои ќе бидат приклучени кон постојната сообраќајна мрежа која води кон и од мостот – велат од Градот.

Сообраќајните решенија ќе се изведуваат на крајот од реализацијата на проектот. Според планот, новиот мост ќе биде армирано-бетонски, со вкупна должина од 50 метри, во три распони, а ќе содржи и пешачка и велосипедска патека со ширина од 2,5 метри.
За изградбата на мостот се предвидени околу 96,8 милиони денари, кои ќе се обезбедат од буџетот на градска власт, општината Сарај и Владата.

http://www.time.mk/read/44876ba6cd/da988a8d1a/index.html

Конечно потпорни столбови за мостот во Сарај Полови­ на година откако почнаа градежните работи на новиот мост во Сарај, ко­нечно се подигнати потпорните столбови. Градежната компанија "Гранит" во наредниот период треба да продолжи со изградба на мост кој ќе биде армирано-бетонски и со вкупна должина од 50 метри во три распони. На него ќе биде изграден коловоз со две сообраќајни ленти со ширина од по три метри и половина, и велосипедска патека во ширина од 2,5 метри, како и пешачки патеки. Стариот мост ќе се користи како пешачки. Изградбата на новиот мост чини 96,8 милиони денари кои обезбедени од Град Скопје, Општина Сарај и од Владата. http://www.vest.com.mk/?ItemID=420D57583835E643B98F5475FA4A407D

Интензивно се работи на мостот во Сарај Среда, 30 Ноември 2011 12:00 Сподели  Споделете ја веста со Вашите пријатели Поради изградба на новиот мост кој ги поврзува Ѓорче Петров и Сарај, стариот е затворен, а сообраќајот се одвива по заобиколниот пат. Жителите на општина Сарај се револтирани поради целосното затворање на мостот и бараат во што поскоро време да се пушти барем едната лента. -Исправен е револтот на граѓаните на општина Сарај, меѓутоа треба да знаеме дека Градот Скопје смогна сили после 50 години да гради квалитетен мост на реката Вардар, со што ќе им се овозможи на жителите на Сарај и на град Скопје комуникација со општина Сарај, Матка и сл. Јас сум често присутен на изградбата на мостот, по 2-3 пати неделно, за да ги интензивираме работите и за да им овозможиме на граѓаните што помалку да имаат проблеми, вели градоначалникот на Скопје, Коце Трајановски. Градоначалникот вели дека сеуште не се знае од кога мостот ќе биде ставен во функција, но апелира до граѓаните на општина Сарај и Град Скопје да имаат трпение. Мостoт се гради поради дотраеноста на стариот, поради зголемување на безбедноста на учесниците во сообраќајот и намалување на собраќајниот метеж, како и заради целосно растеретување на сообраќајот во овој дел од градот. Ќе биде со вкупна должина од 50 метри во три распони. На него ќе биде изграден коловоз со две сообраќајни ленти со ширина од по три метри и половина и велосипедска патека во ширина од 2,5 метри, како и пешачки патеки. http://kurir.mk/republika/skopje/51708-Intenzivno-se-raboti-na-mostot-vo-Saraj

Привршува изградбата на новиот мост кај Сарај Изградбата на новиот мост на реката Вардар кај Сарај [»мапа] е во завршна фаза и се очекува истиот да биде комплетиран во текот на септември годинава. „Изградбата на мостот е при крај, завршена е комплетната конструкција и поставена е плочата на коловозот. Останува да се дооформат пешачко – велосипедските патеки на мостот, да се изгради оградата и да се постави осветлувањето. По завршувањето на овие работи ќе се асфалтира коловозот на мостот со два слоја на асфалт. Паралелно со ова се работи на изградба на пристапните улици кон и од мостот во двете насоки со чие спојување ќе се заврши изградбата на овој голем инфраструктурен објект“, истакнуваат за „Билд“ од одделението за односи со јавност на Град Скопје. Армирано – бетонскиот мост што во моментов се гради на западниот излез од Скопје ќе биде со должина од 50 метри во три распони. Ќе има две сообраќајни ленти со ширина од по 3,5 метри, велосипедска патека со ширина од 2,5 метри и пешачки патеки, а вкупната ширина ќе изнесува 12,5 метри. Како заштитна ограда е предвидено да се постават челични столбови. За решавање на сообраќајниот метеж, ќе се реализира пристапна сообраќајница од двете страни на мостот во должина од 650 метри. Вкупната инвестиција во овој проект изнесува 96,8 милиони денари, при што средствата се обезбедени од Град Скопје, општина Сарај и Владата на Р.М. Изведувач на градежните работи е компанијата „Гранит“ од Скопје, додека изведбениот проект за новиот мост го изработи фирмата „Прима инженеринг“.                                               # Објавено на 02.07.2012 во категорија Вести. Тагови: Градска инфраструктура, Гранит, Инфраструктура, Мост Сарај, Мостови, Прима Инженеринг, Сарај, Скопје

http://www.build.mk/?p=16231

Одлична идеја, која би допринела и за поголема безбедност. Единствен проблем би бил доколку некој веќе испланирал да го продаде железниот мост во отпад за старо железо..

ПРИВРШУВААТ РАБОТИТЕ СО ИЗГРАДБАТА НА НОВИОТ МОСТ


Мостот кај Сарај добива финален изглед


Новиот армирано-бетонски мост е со должина од 50 метри во три распони. Ќе има две сообраќајни ленти со ширина од по 3,5 метри, велосипедска патека со ширина од 2,5 метри како и пешачки патеки, а вкупната ширина ќе изнесува 12,5 метри

Новиот мост кај Сарај ќе биде готов до крајот на септември. Неговата изградба е во завршна фаза и се очекува конечно да биде пуштен во употреба за околу три месеци. Последните градежни активности кои се комплетирани е поставената целосна конструкција на мостот како и плочата на коловозот. Оваа вест посебно ќе ги израдува жителите на Сарај како и возачите што минуваат низ овој реон, кои повеќе нема да возат по 3 до 6 километри по обиколниот пат, односно автопатот кон Тетово за да стигнат до Сарај и Матка. Стручната експертиза на сообраќајните инженери, покажала дека стариот железен мост е исклучително фреквентен, но е во сериозна состојба, а оштетувањата не можат да се отстранат само со повремено санирање. Токму поради оваа причина, на стотина метри од местото на стариот, градските власти одлучија да изградат нов модерен мост со бетонска конструкција. Надлежните од град Скопје најавуваат дека мостот ќе биде готов до крајот на месец септември, за кога се очекува да финишираат градежните активности и да биде ставен во функција.
- Завршена е и поставена целосната конструкција, како и плочата на коловозот. Следно на кое што ќе се работи се пешачко - велосипедските патеки на мостот и поставување на оградата и осветлувањето. По комплетирањето на овие работи, ќе се започне со асфалтирање на коловозот на мостот со два слоја на асфалт. Паралелно со ова ќе се работи на изградба на пристапните улици кон и од мостот во двете насоки, со чие спојување ќе се заврши изградбата на овој капитален објект, информираат од Град Скопје.

Новиот армирано-бетонски мост кој се гради на западниот излез од градот ќе биде со должина од 50 метри во три распони. Ќе има две сообраќајни ленти со ширина од по 3,5 метри, велосипедска патека со ширина од 2,5 метри како и пешачки патеки, а вкупната ширина ќе изнесува 12,5 метри. Како заштитна ограда предвидено е да се постават челични столбови. За решавање на сообраќајниот метеж, ќе се реализира пристапна сообраќајница од двете страни на мостот во должина од 650 метри. Вкупната инвестиција за овој проект изнесува 96,8 милиони денари, средствата обезбедени од Град Скопје, општина Сарај и Владата на Р.М. Изведувач на градежните работи е компанијата Гранитт од Скопје, додека изведбениот проект за новиот мост го изработи фирмата Прима инженерингг, а по изградбата на новиот мост, стариот железен ќе се користи како пешачки.

(Гр.З)

вечер

Originally posted by Faciste Зарем ќе го собере двокатнион автобус да помине на тој мост на сликава?!

истото го помислив и јас
ама многу побитно е тоа што требааше да го сопрат прометот на тешки возила на мостот и очигледно не го направија тоа

ФОТО) Пуштен новиот мост на Вардар кај Сарај

ФОТО: Киро Попов

Новиот мост на реката Вардар што ги поврзува населбите Ѓорче Петров и Сарај кој ќе овозможи безбедно одвивање на сообраќајот, поголем проток на возила и одлична врска со омилените рекреативни места на скопјани - езерото Треска и кањонот Матка, денеска официјално е пуштен во употреба. 

Новиот мост, капитална инвестиција вредна 96,8 милиони евра, е со вкупна должина од 50 метри, паралелно е поставен на постоечкиот Железен мост над реката Вардар во Сарај кој е изграден пред повеќе од 50 години.


Пред присутните се обратија премиерот Никола Груевски, вицепремиерот задолжен за спроведување на Рамковниот договор Муса Џафери и градоначалникот на Скопје Коце Трајановски, како и градоначалниците на Сарај и на Ѓорче Петров, Беким Мурати и Сокол Митревски, кои го подвлекоа значењето на мостот за унапредување на развојот на двете општини и за побезбеден сообраќај со поголема проточност. 

На мостот е изграден коловоз со две сообраќајни ленти со широчина од по 3,5 метри. Има и велосипедска патека широка 2,5 метри, како и пешачка патека со ширина од 1 метар. Мостот е осветлен со канделабри. Во текот на неговата изградба асфалтирани се и пристапните улици од страната на Ѓорче Петров и на Сарај, како и дел од магистралниот пат од Скопје кон Тетово.

http://www.utrinski.com.mk/?ItemID=9C147657EC1EB74EAE750E09065C9821

Според мене се направи голема глупост што не ја искористија ширината на новиот мост за да го направат 2х2, наместо по една лента во секој правец. Мислам дека ќе беше многу порационално и сугурно за пешаците/велосипедистите стариот мост да се оспособеше за нив, а новиот само за моторен сообраќај. Вака имаме два моста, од кои само едниот е за моторен сообраќај и само по една лента по правец!

Kako sto mislev taka ispadna. Se raboti za 96,8 miloni DENARI.

http://www.utrinski.com.mk/?ItemID=9C147657EC1EB74EAE750E09065C9821