build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Билборди

Bookmark and Share
 Post Reply Post Reply Page  <1234 5>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12127
  Quote Cloverstack Quote  Post ReplyReply #21 Posted: 26-Feb-2009 at 01:21
А да најдат начини и основи по кои ќе ги казнуваат за дивеењето? Ем да се заузда „билборд мафијава“, ем ќе капне нешто по буџетите.
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #22 Posted: 28-Feb-2009 at 02:48
Bash

Дрска узурпација на плоштадот со реклами на Наша ТВ

Телевизијата ниту побарала одобрение ниту, пак, може да добие, велат во Секторот за сообраќај на Скопје

Наша ТВ веќе два месеца, прво со три, а сега со две рекламни паноа, поставени без никаква дозвола, узурпира дел од плоштадот „Македонија“. Рекламите идната недела ќе ги отстранува градската инспекција, откако овој месец во два наврата ја предупредила телевизијата да ги тргне.

Во почетокот на февруари инспекцијата испратила известување до Наша ТВ дека немаат дозвола за рекламирање, а пред два дена и решение за отстранување на рекламните платна. Инспекторите во почетокот на идната недела ќе ги тргнат рекламите од плоштадот, а телевизијата ќе треба да плати. Останува и прашањето дали телевизијата ќе плати и за двомесечното непречено рекламирање во центарот на градот.

Наша ТВ за време на новогодишните празници имаше поставено две рекламни коцки со одобрение поради спонзорството на градската новогодишна забава. Дозволата за поставување на тие реклами истекла на 15 јануари, кога се собра и сета друга новогодишна опрема.

Но, веднаш потоа, кон крајот на месецот на плоштадот никнаа уште три, многу поголеми реклами, од кои две се' уште се таму. За нив, информираат од градскиот Сектор за сообраќај, од каде што се добиваат одобренија, телевизијата ниту побарала, ниту пак може да добие дозвола.

„На плоштадот е забрането какво било рекламирање и во право се граѓаните што се револтирани што им се узурпира просторот кој е наменет за нив. Телевизијата не побарала одобрение за трите рекламни коцки, ниту пак може да добие. Поради тоа информирана е инспекцијата, која деновиве ќе ги отстрани“, велат во Секторот за сообраќај. (С.Н.)


http://www.utrinski.com.mk/?ItemID=A07D198A27ED084A807329584CCFDF4B
Помогнете во Македонската Википедија - Слободна енциклопедија!
Back to Top
maestro View Drop Down
Senior Member
Senior Member


Joined: 02-Aug-2008
Location: Skopje
Online Status: Offline
Posts: 505
  Quote maestro Quote  Post ReplyReply #23 Posted: 28-Feb-2009 at 11:43

Наша ТВ да одделуваа толку пари за програма колку што одделуваат за рекламирање, сега ќе беа светска телевизија.

Ама, се толку бедни и го нагрдуваат плоштадот со нивните „коцки“, како и морам да го споменам нивното „спамирање“ по сандачиња за нови (веќе емитувани) емисии и серии.

Едвај чекам да ги тргнат, ми се грози од нив.




Edited by maestro - 28-Feb-2009 at 11:48
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3514
  Quote beTon Quote  Post ReplyReply #24 Posted: 28-Feb-2009 at 14:30

види реално ако добиле за нова година договор со градот нема што да е спорно околу истакнатите рекламни коцки, единствено е дискутабилно колку е флексибилен тој договор и со каков ризик истиот го толкуваат и ползуваат од страна на телевизијата.

а програмата и се останато мислам не треба тука да се коментира, има соодветна нишка за тоа! 

Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #25 Posted: 24-Mar-2009 at 00:21


Населбите во Општина Аеродром на светлечки билборди

Имињата на населбите во Општина Аеродром деновиве ќе бидат истакнати на светлечки билборди. Ќе се постават вкупно девет билборди кои ќе ги означуваат населбите Мичурин, Острово, Стар Аеродром, 13 Ноември, Јане Сандански, Бисер, Ново Лисиче и Лисиче и Горно Лисиче. Светлечките билборди се изработени од фирмата „Тиверија“, која ќе ја врши и монтажата. Средствата за оваа намена се издвоени од општинскиот буџет. (Дс.Т.)



Статијата е прочитана 25 пати.



http://www.utrinski.com.mk/?ItemID=4E84EF00240447428B7D20E99483FA96


Edited by La Linea - 24-Mar-2009 at 00:21
Помогнете во Македонската Википедија - Слободна енциклопедија!
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3514
  Quote beTon Quote  Post ReplyReply #26 Posted: 24-Mar-2009 at 04:04
Originally posted by La Linea

[QUOTE]Населбите во Општина Аеродром на светлечки билборд

Ouch

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12127
  Quote Cloverstack Quote  Post ReplyReply #27 Posted: 24-Mar-2009 at 11:40


Ouch Ouch Ouch

Мислам дека овие „билборди“ (кога веќе запнале така да ги нарекуваат) треба да ги поставуваат на границите помеѓу населбите и да пишува Добредојдовте во таа и таа населба. Истото да се направи и со месните/урбаните заедници. Мислам дека знациве треба да ги има во што поголем број бидејќи според однесувањето очигледно општината има вишок пари. И за крај мислам дека треба да поработат на изгледот - можат тие и многу полошо, не треба да се задоволуваат со ова!
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12127
  Quote Cloverstack Quote  Post ReplyReply #28 Posted: 14-May-2009 at 12:24
Шо убаво го „спакувале“ официјалниот натпис „Железничка Станица - Скопје“ помеѓу билбордиве. А навечер уште повеќе се губи пошто некои букви му се „прегорени“, за разлика од билбордите се разбира.

На ова место не смее да има никакви билборди! Толку ли е тешко да се увиди тоа???



Edited by Cloverstack - 26-Nov-2009 at 19:57
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #29 Posted: 22-May-2009 at 00:41

Граѓаните ја плаќаат струјата што ја трошат светлечките билборди

Секој сопственик на електрично броило плаќа по 102 денара такса, од кои се плаќа уличната струја

Снежана Калабакова

Во сметките за струја, секој сопственик на електрично броило издвојува по 102 денара месечно за улично осветление и, според ЕВН, оваа сума е одредена со одлука на Владата. Од овие пари општините и Градот ја плаќаат потрошената електрична енергија за уличните бандери, а во неа влегува и делот за потрошената струја за рефлекторите што ги осветлуваат билбордите и за поставените светлечки рекламни табли. Рекламните агенции, пак, кои склучиле договор со општината или со Градот за да постават светлечки билборд или друг вид светлечка табла, плаќаат одредени паушали.

Од канцеларијата за односи со јавноста во Градот не' информираа дека за билбордите дополнително се плаќа месечна комунална такса, во која се пресметува делот и за потрошена струја. Електричната енергија за околу 800 светлечки тела се пресметува по специјализирана формула, во која се калкулира со вкупна потрошувачка од 48,84 киловати на час, по цена од 4,07 денари по киловат, согласно тарифникот на ЕВН, одобрен од Регулаторната комисија.

Сите билборди или светлечки рекламни табли се приклучуваат на електричната мрежа на уличното осветление и потрошената струја се смета за вкупна потрошена струја за улично осветление на општината. Токму затоа општините се одговорни и треба да внимаваат дали има диво поставени билборди, за кои повторно струјата ќе треба да ја плати општината од парите на граѓаните. Најголем дел од билбордите и од светлечките рекламни витрини се наоѓаат на градските улици и во централното градско подрачје.

Ленче Карпузовска, портпарол на ЕВН, вели дека на општините им се испорачува фактура за потрошената улична струја. Таа се плаќа од издвоените 102 денара за комунална такса, што ја плаќа секој сопственик на електрично броило.

Од Градот дознаваме дека постоел договор за тоа какви рефлектори можат да користат билбордите. Договорот склучен во 1998 година, со важност од 10 години, веќе е истечен и сега треба да се изготви нов. Градоначалникот Коце Трајановски во својата изборна програма најави дека во најкус можен рок ќе се ангажира да се регулира прашањето за поставување рекламни билборди и паноа.

http://utrinski.com.mk/?ItemID=40847D098792764FAAAA5F4CA56F6C9D
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3300
  Quote Vladimir P Quote  Post ReplyReply #30 Posted: 06-Jun-2009 at 11:32
За некој ден ќе го видиме паднат, се надевам не врз некого



До кога ќе се толерира ова со билбордите
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #31 Posted: 06-Jun-2009 at 12:35
Валдимир што има спорно во билбордов?!
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3300
  Quote Vladimir P Quote  Post ReplyReply #32 Posted: 06-Jun-2009 at 14:12
Originally posted by lslcrew

Валдимир што има спорно во билбордов?!

Постави една замислена вертикала и ќе осетиш колку е искривен и деформиран скоро до паѓање
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #33 Posted: 27-Aug-2009 at 13:57

Ќе се среди хаосот со терасите и со билбордите

Трајановски на вчерашната седница вети дека ќе се обиде да го среди хаосот со узурпирањето на јавниот простор пред кафулињата во центарот на градот, како и со поставувањето на билбордите

%20
- Точно е дека има недоречености во надлежностите со општината Центар во врска со терасите пред кафулињата. Градот презема обврска да им наплати за просторот што го користат, а тие пари воопшто не се за занемарување. Интервениравме да има измена на законот и сметаме дека следната сезона нема да имаме проблем при одобрување на документацијата за издавање на јавни површини - објасни тој.

Според него, во градот има повеќе билборди отколку во европските метрополи и тој проблем треба да се реши во соработка со Министерството за транспорт и врски.

- Скопје со рекламите личи на новогодишна елка. Но откако јас станав градоначалник не само што не се издаваат дозволи за нови билборди туку некои се отстранети. Сепак сме поврзани со договори склучени од поранешните управи и треба да преиспитаме како нивното евентуално раскинување би влијаело врз градот - додаде градоначалникот.

http://novamakedonija.com.mk/NewsDetal.asp?vest=8269195259&id=14&prilog=0&setIzdanie=21774
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #34 Posted: 04-Sep-2009 at 02:58
Опасен билборд им се заканува на пешаците!


Расклатената метална конструкција од џиновското пано е одвоена од лежиштето и на крајот лесно врзана со жичка, така што рамката која на најмало ветре се занишува, може да се откачи и да падне


Опасен билборд демне врз главите на пешаците кои секојдневно ја минуваат крстосницата кај Тутунски комбинат. Расклатената метална конструкција од џиновското пано е одвоена од лежиштето и на крајот лесно врзана со жичка, така што рамката која на најмало ветре се занишува, може да се откачи и да падне. Станува збор за една од најфреквентните крстосници во градов, каде секојдневно минуваат илјадници пешаци. Дел од нив ја забележале, дел не. Сепак сите граѓани кои стоеа под билбордот кој злокобно висеше врз нивните глави додека чекаа на пешачкиот премин, а фоторепортерот на ВЕЧЕР фотографираше, со неверување вртеа со главата.
- Боже, секој ден минувам овде, а не сум забележал дека билбордов се распаѓа. Ова навистина е премногу. Така е се кај нас. Треба нешто да се случи па да се реагира, само што после нема извини. Билбордов треба веднаш да се отстрани, а агенцијата да се казни. Да не чекаат да се струполи и да смачка некого - остро одговори еден од повозрасните минувачи.

Ова е еден пример за опасна реклама, но не е исклучок. Во градов, секое слободно место се користи за огласување со огромни конструкции и плакати опасни за граѓаните. Неодамна, од силен ветер се откачи билборд од фасадата на зграда на Никола Вапцаров во строгиот центар на Градов. Само среќа беше што овој инцидент помина без жртва Претходно, настрада пешак од конструкциите на рекламата на улицата 11 Октомври. Да не потсетуваме на трагедијата што се случи во Битола кога билборд усмрти човек.

Одговорноста за обезбедување на билбордите ја имаат компаниите што ги поставуваат. Вчера, за жал, не успеавме стапиме во контакт со одговорните од компанијата-огласувач, бидејќи менаџерите беа презафатени. Се надеваме дека по овој напис тие, но и нивните колеги од останатите маркетинг агенции ќе извршат контрола на сите билборди во градов и оние што се амортизирани, стари и дотраени ќе ги заменат со нови.

http://www.vecer.com.mk/default.asp?ItemID=1705145811BFCA48B7E21FA185E948AE
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12127
  Quote Cloverstack Quote  Post ReplyReply #35 Posted: 08-Oct-2009 at 15:52
РЕКЛАМИ НИКНУВААТ НА СЕКОЈ ЧЕКОР НИЗ СКОПЈЕ
Градот се уште го токми правилникот за билборди

Скопјани и натаму ќе живеат во шарена метропола преполна со рекламни паноа и реклами поставени насекаде низ градот. Градските власти, и покрај тоа што најавија дека до почетокот на септември ќе донесат одлука за големината, локацијата и за начинот на поставување на билбордите, досега не го завршија проектот. Од Град Скопје велат дека навреме почнале да работат на правилникот за поставување рекламни паноа, но бидејќи станувало збор за сеопфатна анализа, било потребно подолго време од предвиденото. - Во моментот се работи на документацијата која треба да го уреди понатамошниот тек на регулирањето на овој проект. Елаборатот, пак, за поставување на рекламните паноа е целосно изработен, но се уште се разгледуваат одредени детали - објаснува Неделчо Крстевски, портпарол на Градот. Тој немаше конкретен одговор кога целата постапка ќе биде целосно готова. Од градската администрација објаснуваат дека со новата одлука, која ќе биде донесена за начинот и за условите за рекламирање, ќе се воспостават нови правила при поставувањето на паноата. Концесионерите ќе треба да исполнат повеќе услови во врска со големината, локацијата и содржината на рекламирањето. Како дополнителна мерка за решавање на проблемот, предвидено е и намалување на бројот на рекламните паноа и на светлечките реклами. Во моментов рекламни паноа може да се видат насекаде низ градот. Градежните објекти, ѕидовите на зградите, па дури и терасите, улиците и крстосниците, особено во централното градско подрачје, се покажаа како најатрактивни за овој вид огласување, а според фирмите кои го користат и најисплатливи за рекламирање поради големиот број луѓе што тука поминуваат секојдневно. Дополнителен проблем се јавува затоа што дел од поставените рекламни паноа се наоѓаат на несоодветни локации и на поголема површина од дванаесет квадратни метри, како што е дозволено според Законот за градба. Граѓаните како најголем проблем ги посочуваат рекламните паноа што се поставени на крстосниците и го блокираат видното поле на возачите, како и паноата што се наоѓаат среде пешачка патека. Рекламните паноа, пак, што се поставени високо на некоја зграда и постојано се надвиснати врз нечија глава претставуваат постојана опасност за безбедноста на минувачите. Со законските одредби е прецизирано дека за рекламните паноа со површина поголема од 12 квадратни метри е потребна посебна дозвола за поставување, за што, пак, неопходни се низа елаборати, меѓу кои и за безбедност на објектот. Последната измена во елаборатот за рекламирање на јавни површини е направена во 1998 година, и во неа единствен критериум при поделбата на локациите се сметаше пропишаната големина која не смее да надминува 12 квадратни метри. Тогаш бројот на локации за поставување паноа изнесувал 8.128 места и од тогаш до денес не се направени корекции.



http://vreme.com.mk/DesktopDefault.aspx?tabindex=0&tabid=1&EditionID=1834&ArticleID=123569
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12127
  Quote Cloverstack Quote  Post ReplyReply #36 Posted: 29-Oct-2009 at 18:08
Станарите побрзале да дадат дозвола, ама останува мистерија во каква форма и со какви услови, па еве сега не им чинело. А за општина центар што веќе да се каже, цареви!

Во меѓувреме билбордиве никнуваат на секој чекор и се повеќе раснат. Еве го овој е скоро колку зградата на која е поставен Nuts

ПО САМО ПЕТ ГОДИНИ ОД ПОСЛЕДНАТА ОБНОВА

Се распаѓа фасадата на зградата до Црвен крст

Станарите уште пред една година се пожалија дека од тежината на билбордот почнале да им пукаат таваните и да им протекува вода

Фасадата на зградата на улицата 11 Октомври, веднаш до Црвениот крст, почна да се распаѓа. Иако цела зграда е излепена со реклами, а на покривот е сместен еден од најголемите билборди во Скопје, цели парчиња фасада почнаа да паѓаат. Минатата недела, во вторникот, кога ниту дуваше ниту врнеше, дел од фасадата падна на тротоарот и се распарчи. За среќа, во моментот немаше никој на тротоарот, па нема повредени. Обично на делот од тротоарот каде што падна фасадата стојат пешаци, чекајќи зелено светло за да го преминат булеварот. Уште на неколку места на ѕидот се забележуваат пукнатини, од кои за кратко време ќе почнат да паѓаат парчиња фасада, иако таа беше обновена пред само пет години.
"Се враќав од работа и одеднаш пред мене падна големо парче од фасадата. Само среќата ме спаси да не ми падне дирекно на глава и да ме повреди. Па ова е срамота, ставаат толкави билборди на стара зграда, која не може тоа да го издржи и, еве, почна да се распаѓа", вели скопјанец што се јави во нашата редакција да се пожали за непријатниот настан.
Дека големиот билборд ги прави штетите на фасадата се сомневаат и станарите. Дел од нив се пожалија уште пред една година. Рекоа дека кога дошле екипите на "Акцент медија" да го поставуваат билбордот, при градежните работи почнале да им пукаат таваните и да им протекува вода во становите на последниот кат.
"Ние дадовме согласност да се постават билборди, но мислевме дека тие ќе бидат со стандардна големина, а не олкави, кои можат да ни ја урнат зградата. Билбордот е поголем од максимално дозволените 12 квадрати кои ги пропишуваат градските власти. Веднаш се јавивме во Општина Центар, но помина една година, и никој не дојде да интервенира", се пожалија жителите на зградата.
Од Општина Центар објаснуваат дека тие не дале одобрение за поставување на овој огромен билборд, и затоа веднаш ќе излезеле не терен да извршат увид на самото место и да ги преземат потребните законски мерки.
Ист ваков одговор од Општина Центар добивме и лани, кога беше поставен билбордот. Тогаш на терен требаше да излезе инспекторот Милан Пижула да утврди дали билбордот е поставен согласно пропишаните норми и да го урне, ако ги нема потребните дозволи. И годинава градежен инспектор е Пижула, а билбордот ниту е урнат ниту, пак, за него е направен увид.

(А.А.)

ФОТО:Б.Грдановски



Edited by Cloverstack - 29-Oct-2009 at 18:10
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12127
  Quote Cloverstack Quote  Post ReplyReply #37 Posted: 26-Nov-2009 at 20:08
Уште една потврда дека хипертрофираната администрација не е способна да заврши никаква работа и најмува консултанти за се и сешто, освен таму каде што е најпотребно.

Но веќе до толку ги имаат спуштено критериумите, што ако ова доведе до решавање на моменталниот хаос и криминал со билбордиве, ете ќе дадам подршка за пристапов.


Градот бара консултант со магично стапче за хаосот со билбордите





 

Знаеме дека со отворањето на ова прашање ќе наидеме на многу притисоци бидејќи во овој бизнис се вртат многу пари - Коце Трајановски, градоначалник

 
 
%20  
Градските власти треба да изберат стручен консултант што ќе има задача да спроведе постапка со која локациите за поставување рекламни паноа ќе се доделат со концесија. Оваа одлука ја усвои градскиот совет на последната седница. На тој начин градот сака и да го реши сегашниот хаос со кој многу често се нарушува изгледот на просторот, но и да ги зголеми приходите од овој бизнис во градската каса бидејќи сега зема само 100 денари од квадратен метар годишно.

Ќе се земе предвид сегашната состојба со билбордите, но олеснителна околност е што договорите со две од трите фирми што поставуваат реклами низ градот, „Акцент Медиа“ и „Лазов груп“, договорите истекуваат за еден месец. Третата фирма, „Продукција Перспектива“, која ги мести светлечките реклами на бандерите, нема временски ограничен договор, па градоначалникот Коце Трајановски најави дека ќе се обиде тој да се прекине спогодбено.

- Знаеме дека со отворањето на ова прашање ќе наидеме на многу притисоци бидејќи во овој бизнис се вртат многу пари, но мораме да се обидеме да го решиме проблемот со билбордите - објасни Трајановски.

Тој додаде дека консултантот ќе биде задолжен да направи анализа колку билборди ни требаат, на кои места ќе може да се постават и колку ќе се наплатува за нив. Во програмата што ќе се направи ќе се определат локациите и ќе се поделат по зони. Откако ќе завршат тие активности, ќе се направи модел на концесиски договор и ќе се анимираат можните кандидати. Засега останува нејасно дали со неговата работа ќе се опфатат само паноата на јавните површини или ќе се уреди и хаосот со ѕидовите и со покривите на зградите, како и со дворовите на куќите покрај главни улици, на кои се ставаат џиновски билборди од по 50, 60 и повеќе квадратни метри. На досегашните реакции на граѓани за ова нагрдување на градот инспекторите најчесто одговарале дека станува збор за приватен имот каде што не може да се мешаат.

Советничката Софија Куновска смета дека прво треба да се обезбеди законска регулатива, а потоа да се прави студија за надворешното рекламирање во градот. Таа праша и дали со оваа активност ќе се решава само проблемот на површините што се под градска надлежност или и на тие под општинска. Од градскиот сектор за правни работи и одговорија дека и онака најголем интерес за рекламирање има на главните улици, а ќе се работи според постојните закони.

Најавите за промени во условите за надворешно рекламирање предизвикаа вознемиреност кај фирмите што се занимаваат со оваа дејност. Од „Акцент Медиа“ сакаат да го продолжат договорот за сегашните 250 билборди за кои плаќале 200 илјади евра годишно и не должеле ништо. Во „Лазов груп“ велат дека имаат намера да ги исплатат сите долгови и да продолжат да работат со нивните 250 мегалајти и 320 ситилајти бидејќи тие биле безбедни и имале статичко решение. Немаше никаков коментар од „Продукција Перспектива“ за најавите за спогодбено раскинување на договорот од 2002 година, кој сега им овозможува да местат реклами на бандерите без никакви рокови или ограничувања, само да си ја плаќаат струјата што ја трошат, обврска што редовно ја подмирувале.
 
   
Автор: Радмила Заревска
http://www.novamakedonija.com.mk/NewsDetal.asp?vest=11269104479&id=14&setIzdanie=21847

Edited by Cloverstack - 26-Nov-2009 at 20:09
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12127
  Quote Cloverstack Quote  Post ReplyReply #38 Posted: 01-Dec-2009 at 23:08

ИСТЕКУВААТ ДОГОВОРИТЕ НА ФИРМИТЕ ШТО ПОСТАВУВААТ БИЛБОРДИ

Рекламирањето под концесија

Голем проблем за градските власти е договорот со „Продукција перспектива“, кој има неограничено времетраење, а ако Градот еднострано го раскине, на фирмата мора да и' плати отштета

Градските власти, по години хаос во рекламирањето, решија да воведат ред во поставувањето на билбордите. Локациите за рекламни паноа ќе ги дадат под концесија, за што ќе ангажираат консултант. Како мотив повеќе за конечно средување на работите во оваа дејност градските власти го користат и фактот што истекува договорот со две фирми што поставуваат билборди. Проблем е третата фирма „Продукција перспектива“, со која Градот Скопје сака да го раскине договорот, но не знае како да го изведе тоа без поголеми последици за градскиот буџет.

ОТШТЕТА ИЛИ ВЕЧЕН БИЗНИС

Според градските власти, на фирмата „Еуролинија“, која сега се вика „Лазов груп“ договорот и' истекува на 31 декември, а на „Акцент медиа“ договорот е веќе истечен. Скопскиот градоначалник Коце Трајановски вели дека најголем проблем им претставува договорот со третата фирма „Продукција перспектива“, кој има неодредено време на траење. Во случај Градот да сака да го раскине, треба да и' плати отштета на фирмата.

Договорот со „Продукција перспектива“ е склучен во 2002 година, кога градоначалник беше Ристо Пенов. Оваа фирма, според договорот, поставува унифицирани рекламни паноа што се закачени на столбовите од јавното осветление, како и билборди на фасади и на покриви од згради, односно на приватни имоти. Времетраењето на договорот не е дефинирано, ниту пак колку вкупно реклами фирмата има право да постави.

Договорот сакаше да го раскине и поранешниот градоначалник Трифун Костовски, кој изјави дека тој е исклучително штетен за Градот, оти во случај на раскинување, на фирмата треба од градската каса да и' се исплатат милион евра отштета. Тогаш Градот реагираше и до антикорупциската комисија, но ништо конкретно не се случи.

Директорот на „Продукција перспектива“, Ристо Пејовски, потврди дека во договорот постои клаузула дека Градот, доколку еднострано го раскине, треба да плати отштета. Тој не сакаше да каже колкава е отштетата, со образложение дека тоа е деловна тајна.

- Такви детали не можам и не смеам да кажам, бидејќи е деловна тајна како дел од договорот. Доколку Градот цени дека може, нека ви каже. Договорот не може тука така да се раскине поради обврските кон клиентите - вели Пејовски.

Тој вели дека се задолжени да поставуваат комерцијални патокази, но и градски, односно патокази со натпис Град Скопје или со насоки кон значајни институции и културно-историски споменици.

- Имаме поставено 800 градски патокази. Ние сите сме ги изработиле, сме ги монтирале и ги одржуваме. По евентуалниот престанок на нашето функционирање ние имаме обврска уште 15 години да ги одржуваме тие патокази, кои се во трајна сопственост на Градот - истакна Пејовски.

ПОВЕЌЕ ПАРИ ЗА ГРАДОТ

Од Градот велат дека, откако ќе истечат договорите, ќе ангажираат консултант околу доделувањето на локациите за рекламни паноа под концесија.

- Консултантот треба да ни помогне околу концесијата за билбордите, како што тоа го направивме со трамвајот и со подземните премини. Состојбата со билбордите е многу чувствителна и затоа не сакавме да импровизираме. Ќе распишеме меѓународен тендер за избор на консултант што ќе ни помогне во изработка на физибилити-студија и во утврдувањето на оправданоста на таа концесија. Како второ, консултантот ќе има задача да анимира доволен број странски компании што ќе конкурираат. Градот Скопје ќе го поделиме на неколку зони, за да не може тендерот да го добие само една компанија. На тој начин, сакаме да го демонополизираме тој сегмент од нашето работење. И нормално, Градот Скопје со тоа очекува многу повеќе пари отколку што добива сега од билбордите - вели градоначалникот Трајановски.

Сумата што сега Градот ја добива за поставување на билборди е смешна - 100 денари годишно за еден квадратен метар рекламна површина. Од 2003 година, кога се склучени договорите со „Еуролинија“ и со „Акцент медиа“, досега Градот од оваа дејност инкасирал 65 милиони денари, односно околу еден милион евра.

КОЈ ГУБИ, СЕ ЛУТИ

Засегнатите фирми не го одобруваат овој потег на градоначалникот.

Од „Лазов груп“ се скептични и сметаат дека настојувањата на Трајановски се неизводливи и дека се маркетиншки трик. Тие велат дека не се откажуваат и ќе конкурираат по истекот на договорот.

- Станува збор за маркетиншки трик. За да се реализира одлуката претходно треба да се оформи програма, а нема ниту тендерска документација. Што би консултирал консултантот? Доколку навистина Градот сака да го среди хаосот со билбордите, треба да се направи студија за која е потребен долг временски период од три години. Не може на стара подлога и стара инфраструктура повторно да се издаваат под концесија локации за билборди - изјави Горан Стојановски, директор на делот за логистика и оператива во „Лазов груп“.

Според него, на ваков начин состојбата се враќа со години наназад.

- Ние имаме 250 мегалајти и 320 ситилајти. Станува збор за европски објекти, мегалајти со платно, со осветлување однатре. Имаме проект од Градежниот факултет за безбедноста на билбордите. И ние сакаме да бидат исклучени некои билборди, оние што се лепат со хартија, оти го нагрдуваат градот и не се безбедни. А не и оние што ги почитуваат европските норми и вистинскиот квалитет, кои тоа го работат 10 години и имаат поголеми стручњаци од некојси консултант. Новиот градоначалник не е упатен во суштината на оваа работа - смета Стојановски.

Од „Акцент медиа“ не одговорија дали би учествувале на евентуален конкурс за локации за билборди. Оттаму само велат дека досега во договорот со Градот имале концесија за поставување на 250 билборди и не се противат на ништо што ќе значи воспоставување ред во рекламирањето во градот.

Од Градот образлагаат дека е во тек постапка за донесување програма за поставување рекламни паноа на подрачјето на Град Скопје, за да се дефинираат локациите по зони. Според претходните искажувања на градските власти на оваа тема, во градот има 900 локации за билборди.

Најголем проблем со нив е што се поставуваат без некој особен ред, многу се наметливи и им пречат на возачите, односно го одвлекуваат вниманието. Проблем е и што огромните паноа се поставуваат на пешачките патеки и буквално им висат над глава на минувачите.

Не е јасно дали со новите правила на игра во оваа област ќе биде утврден некаков ред и за куќните совети на зградите, односно за условите и начините на кои ќе може да се поставуваат рекламни паноа на фасадите, со оглед дека се работи за приватен имот, а не за јавни површини.

Анела Петрова


http://dnevnik.com.mk/?ItemID=AA035770AF07F24BBE581BADCDA865A6
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3514
  Quote Max Quote  Post ReplyReply #39 Posted: 02-Dec-2009 at 00:34
нели имаше еден напис на форумов за модерни билборди и тотеми кои еуролинија му ги предлагаше на градот како инвестиција но во компензација за беспплатно изнајмување простор на одредено време!? што бидна со тој муабет?
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #40 Posted: 10-Apr-2010 at 13:48
ГРАДСКИТЕ ВЛАСТИ СО НОВИ ЦЕНИ ЗА УЛИЧНО РЕКЛАМИРАЊЕ
Скопје ќе се средува со пари од реклами

Роза Петкова


По нови цени градските власти ќе наплаќаат за поставување знамиња, рекламни табли, паноа, платна и банери на улиците низ целото подрачје на Скопје. Одлуката ја донесе Советот на последната седница во градското собрание, а со неа се одредуваат надоместоците за сите видови натписи и табли. Цените се највисоки во првата зона, односно строгиот центар на Скопје, а како што се оди подалеку, сумата опаѓа. Така знамиња ќе се поставуваат само за потребите на Градот и тоа по цена од 400 до 100 денари, која важи за еден месец. За рекламните паноа до шест квадратни метри властите не одредиле цени, а тие до 12 квадрати цена имаат само од втората зона, па натаму и чинат од 8.000 до 2.000 денари. Платната истакнати на градежни скелиња и објекти, банерите, рекламните столбови-тотеми, рекламните витрини, таблите на мостовите и на надвозниците, како и паноата на огради на градилишта и на земјиште кое се уште нема намена ќе се издаваат по поевтини цени. За рекламните уреди и екрани што ќе се поставуваат на влез во населено место или на шеталиште, и тоа само во третата и во четвртата зона, Градот ќе наплаќа по 12.000 денари месечно. Доколку натписот или таблата користи електрична енергија од уличното осветлување и таа ќе се наплатува. Интересно е и тоа што, спротивно на тврдењата на градските власти во изминативе години дека ќе го решат проблемот со напливот на реклами, наместо да се смали опфатот на зоните каде што може да се поставуваат тие, тој со новата одлука е зголемен. Корекциите не се направени во делот на централното градско подрачје, но затоа втората зона се проширува и на булеварот Крсте Мисирков, во третата зона се приклучуваат булевар Војводина и магистралниот пат М3, од Никола Карев до Словенија. Најмногу е проширена четвртата зона, во која влегуваат улиците 16. Македонска бригада, Коце Металец, Козле, Васил Главинов, Народен фронт, 12. Македонска бригада, Благоја Стефковски, Шуто Оризари, Лазар Личеновски, Радишанска и сите останати улици што се под надлежност на Градот.
Понатаму, буџетот ќе се полни и од инсталации поставени покрај патот, па ако се наоѓаат во трупот на патот, тие чинат по 6.000 денари, а ако се во патниот појас, за должина до 100 метри цената е 15.000 денари, до 300 метри 22.000, а преку 301 метар 30.000 денари.
Властите ќе земаат пари и за прекумерно користење на патот. Овој надоместок ќе го утврдат врз основа на просечниот годишен дневен сообраќај на товарните возила со носивост поголема од 10 тона, со тоа што на возилата ќе им се брои колку пати го користеле истиот пат. Ако го надминале просекот, ќе си платат по 600 денари. Тарифи има и за вонредниот превоз, па така, ако возилото ги пречекорува пропишаната ширина, должина или висина, ќе си плати по 300 денари од изминат километар. Надоместоци има и за товарот на возилото, доколку ја пречекорува дозволената тежина.
Во штурото објаснување на одлуката стои само дека имало потреба да се определи висина на надоместоците за поставување реклами на јавните патишта за да се соберат приходи во буџетот и да се среди урбаниот изглед на Скопје. Парите од користење на патиштата, пак, биле потребни за нивно одржување. Од Одделението задолжено за комуникација со јавноста не беа расположени да дадат подетални информации. Според портпаролот Неделчо Крстевски, се уште не се знае ни колку рекламни паноа и натписи ќе може да се постават во градот затоа што не е избран концесионер за рекламирање. Дотогаш, Скопје ќе го живее хаосот, во кој секојдневно си никнуваат реклами во секое слободно ќоше.

Back to Top
 Post Reply Post Reply Page  <1234 5>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2020  build.mk

Коментарите на форумот претставуваат лично мислење на нивните автори и не претставуваат официјален став на build.mk.