build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Билборди

Bookmark and Share
 Post Reply Post Reply Page  <12345>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #41 Posted: 28-May-2010 at 16:40

Рекламни платна за руинираните објекти во центарот

Советничката група на СДСМ ќе му предложи на градскиот совет да се прекријат руинираните објекти во централното градско подрачје, а згора и да заработува од тоа




Софија Куновска, координаторка на советничката група на СДСМ во градскиот совет, и предложи на градската управа да се направи проект за маскирање на руинираните објекти во центарот на градот. Конкретно овој предлог се однесува за црните руини како остатоците од печатницата „Гоце Делчев“ и зградата на бивша Југобанка, пред „Лотарија на Македонија“, сопственост на Министерството за финансии. За уредување на овие две згради, за кои веќе со години се бара решение, Куновска предлага да се обмотаат со платна, кои градот ќе може да ги изнајмува како рекламен простор. Таа објаснува дека е можно од предлогот да направат и официјална иницијатива и да ја предложат на некоја од следните седници на советот.

- Наместо објектите да стојат како руини и да ни се смее секој гостин што ќе помине низ центарот на градот, околу објектите може да се стават платна и тој простор да им се изнајмува на фирмите што ќе сакаат да се рекламираат тука. Ако градската управа не сака да ги постави платната, може на тендер да се избере фирма што ќе го направи тоа и таа да си го искористи рекламниот простор - објасни Куновска.

Таа додаде и дека, наместо градот да троши пари за менување на фасадите во центарот во рамките на проектот „Скопје 2014“, може да ги направи овие згради, кои со години се трн во око на скопјани.

Куновска смета дека со овој проект градот ги прекршува авторските права на архитектите-проектанти на овие згради, затоа што ниту ги консултирал, ниту побарал дозвола од нив за менување на фасадите.

- Лично ми пречи и тоа што објектите во центарот градени помеѓу 20 и 70 години на минатиот век, а особено Ристиќевата палата, личат на билборди, затоа што се „изнакитени“ со реклами. Па, наместо таму, постојните реклами може да си најдат свое место на платната околу руините што ги предлагам - вели Куновска.

Од градот велат дека не можат да се изјаснат за оваа презентација, додека таа не дојде како информација на дневен ред на некоја од седниците.

http://novamakedonija.com.mk/NewsDetal.asp?vest=52810102256&id=14&prilog=0&setIzdanie=21993
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #42 Posted: 13-Jun-2010 at 22:03

Тргнете ги билбордите за да ги видиме убавите фасади

 
 

Рекламирањето со билборди на фасадите од зградите е целосно излезено од контрола, констатираат голем број млади архитекти, видни професори и вљубеници во Скопје. Тие велат дека кај нас, за разлика од европските градови, архитектурата е жртва на безобразно наметнатите рекламни паноа на фасадите, за кои градската власт не покажува никаква грижа. Од Градот секогаш на оваа тема креваат раменици и се правдаат дека не се надлежни за фасадите. Тие со години ги оставаат куќните совети да ја обликуваат метрополата како што сакаат, во трка за што поголем профит.

- Билбордите на зградите не се во надлежност на Град Скопје. Ние не можеме да го регулираме естетскиот дел затоа што нема законска основа за да се реагира - велат во одделението за односи со јавност.

Архитектката Маја Лукаревска, која пред две години работеше на проект за регулирање на ова прашање, вели дека непланираното поставување рекламни паноа ќе доведе до губење на идентитетот на Скопје. Според неа, скопската архитектура мора да се покаже во целиот сјај и жар и да се остави да „дише“, наместо да се крие со безброј билборди.

- Градот живее под маска. Треба да се разголи и да засјае во сопствениот сјај, каков-таков, но барем вистинскиот. Дали новиот идентитет на градот се рекламите, платната, паноата, светлечките реклами, билбордите? Дали тој менлив изглед го дефинира идентитетот на центарот? - вели Лукаревска.

Архитектите сметаат дека рекламите треба да се тргнат од убавите фасади и да се преместат на напуштени или недовршени објекти, како печатницата „Гоце Делчев“ или зградата на поранешна Југобанка.

Гордана Силјановска, професор на Правниот факултет, на неодамнешната трибина „Скопје - отворен или затворен град“ го изрази својот револт велејќи дека погледот кон убавите згради е затворен. Како пример го зема билбордот пред Соборниот храм „Свети Климент Охридски“, кој целосно го затскрива овој објект.

- Јас не можам да го видам убавото во Скопје од сите оние мамутски билборди на тротоарите и на зградите - рече професорката Силјановска.

Прашањето за зачувување на скопската архитектура неодамна на Совет на Град Скопје го отвори и Софија Куновска, координатор на советничката група на СДСМ. Таа смета дека е лицемерно градоначалникот Коце Трајановски од една страна да вложува милиони денари за целосна измена на фасадите на неколку згради на плоштадот Македонија, а од друга страна да не знае да ја чува постојната архитектура. Таа жали што градската власт не знае да ги прими свежите идеи на младите архитекти.

- Школски пример за модерна архитектура е стоковната куќа „Типо“, но таа мора да биде исчистена од билборди за да можеме да ја видиме. Тоа не чини ниту денар, за разлика од сегашната заложба на Трајановски да прави сосема нови фасади на згради, како на пример онаа над ресторанот „Пелистер“. Тие згради имаат автори, не може по своја или партиска волја тој да менува нешто без да ги консултира - смета Куновска.

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #43 Posted: 13-Jul-2010 at 18:56

Нема јунак да ги среди билбордите

Градот Скопје повторно објави јавен повик за избор на консултант за доделување под концесија локации на кои ќе се поставуваат рекламни паноа, откако на претходниот повик не се јавил ниту еден понудувач

Откако првиот не успеа, Градот Скопје повторно објави јавен повик за избор на консултант за доделување под концесија локации на кои ќе се поставуваат рекламни паноа во Скопје. Како што објаснуваат од Градот, на претходниот повик не се јавил ниту еден понудувач и затоа се принудени да ја повторат тендерската постапка.

Секторот за сообраќај во Градот може да ги утврди најдобрите позиции за поставување билборди, кои нема да пречат во безбедното одвивање на сообраќајот, како и од естетски аспект, но се' друго што е поврзано со економската одржливост на проектот за начинот на издавање, цените и комплетното стопанисување е работа за стручен консултант.

- Со изборот на консултант Градот настојува да најде сеопфатно и долгорочно решение за ова прашање, потенцираат од одделението за односи со јавноста. Оттаму додаваат дека до завршувањето на постапката за концесија, согласно новиот елаборат, билбордите ги стопанисуваат старите концесионери во согласност со правата и обврските што ги имаат преземено со договорите. Но, на концесионерите „Акцент медиа“ и на „Еуролинија“ им истекоа договорите на крајот на минатата година.

Од „Акцент медиа“, која е дел од австриската групација „Епа медиа“, објаснуваат дека во случај кога некој договор има третман на истечен, меѓусебните односи се регулираат со анекси, кои имаат важност до дефинирањето на новиот договор, кој може, но не мора да има различна содржина од претходниот документ.

- „Акцент медиа“ ќе ги почитува своите обврски се' до моментот кога евентуално новите правила на регулирање на релациите Град Скопје - „Акцент медиа“ ќе се изменат - истакна Небојша Маслинко, директор на „Акцент медиа“.

Според него, заклучно со 2009 година, „Акцент медиа“ му плаќа годишен износ од околу 12 милиони денари на градот на име концесија за користење локации за рекламни паноа, комерцијални такси и комунални такси за ангажирани 250 локации. Од „Еуролинија“ не ни одговорија како ги регулирале односите со Градот во врска со концесијата на локациите за билборди. Тие во градот имаат вкупно 250 т.н. мегалајти и 320 ситилајти.

Како што првично беше најавено од скопскиот градоначалник Коце Трајановски, избраниот консултант ќе треба да ги утврди економската и правната поставеност на договорот со идните концесионери, како и финансискиот ефект од издавањето. Консултантот треба да помогне околу концесијата за билбордите, како што тоа е направено со трамвајот и со подземните премини, во изработка на физибилити-студија и во утврдувањето на оправданоста на таа концесија. Консултантот ќе има и задача да анимира доволен број странски компании што треба да конкурираат. Притоа, градот ќе биде поделен на неколку зони за да не може тендерот да го добие само една компанија. На тој начин, според Трајановски, ќе се демонополизира тој сегмент од работењето на Градот.

- Нормално, Градот со тоа очекува многу повеќе пари отколку што сега добива од билбордите. Од друга страна, треба да се среди и состојбата во оваа област - рече Трајановски кога првично ја објави одлуката на Градот да распише меѓународен тендер за избор на консултант за доделување под концесија локации за поставување рекламни паноа во метрополата.

Според податоци од Градот, со потпишувањето на концесискиот договор „Акцент медиа“ и „Еуролинија“ за периодот од 2003 година до истекување на договорот уплатиле вкупно околу 65 милиони денари. За билбордите дополнително се плаќа месечна комунална такса, во која се пресметува делот и за потрошена електрична енергија, согласно тарифникот на ЕВН, одобрен од Регулаторната комисија.

Анела Петрова

http://dnevnik.com.mk/?ItemID=097F7D09B1BD494A9AA0288373FAD627
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #44 Posted: 18-Aug-2010 at 14:44

Билбордманија го зафати Скопје

Сања Наумовска

Во Скопје владее вистинска билбордманија. Рекламни паноа има на сите страни, на земја, но и во воздух. Како што засега стојат работите, хаосот со уличното рекламирање уште долго нема да се реши, бидејќи ниедна фирма не се јави на повикот на Градот за избор на консултант кој требаше да изработи правилник за поставување и користење на рекламните паноа, како и да избере нови концесионери. Дали градските власти и понатаму ќе останат на идејата консултант да им најде решение за бизнисот со билборди, или, пак, самите ќе се зафатат со средување на проблемите, засега не се знае. Јасно е само дека која варијанта и да биде избрана ќе треба време да се реализира. А, во меѓувреме, скопјани на секој чекор ќе се сопнуваат на некој билборд, рекламно пано или ситилајт.

Рекламните паноа последните десетина години се поставуваат на секој слободен простор, на тротоари, на раскрсници, пешачки премини, на фасадите и на покривите на зградите. И тоа не само на станбените, туку и на објектите кои со закон се прогласени за културно наследство. Од друга страна, голем дел од билбордите ја загрозуваат и безбедноста на учесниците во сообраќајот, бидејќи со тоа што се наоѓаат на проблематични локации не оставаат доволно простор на тротоарите за поминување на пешаците. Истовремено, оние со огромни димензии го одвлекуваат вниманието на возачите. Многу билборди се поставени и во непосредна близина на објекти и згради, така што речиси целосно „ги покриваат“. Посебен проблем се билбордите кои се наоѓаат на приватно земјиште, со големини од неколку десетици квадрати, за кои надлежните градски и општински власти не можат да преземат ништо.

Според Законот, само за рекламните паноа со површина поголема од 12 квадратни метри е потребна посебна дозвола за поставување, за што, пак, неопходни се низа елаборати, меѓу кои и за безбедност на објектот. Елаборатот за рекламирање на јавни површини датира од 1998 година и во него единствен критериум при поделбата на локациите на кои може да се постави рекламата се смета пропишаната големина која не смее да надминува 12 квадрати. Бројот на локации за поставување паноа во Скопје тогаш изнесувал 8.128 места и од тогаш до денес не се направени корекции.

Посебно е прашањето за безбедноста на билбордите за чие поставување не треба никаква дозвола, ниту, пак, градежен проект за стабилност. Дали рекламните паноа имаат рок на траење, кој ги сервисира, кој ќе одговара доколку се повтори случајот кога се сруши билборд и повреди човек, се отворени прашања кои уште долго време ќе бидат без одговор.

Според градските власти, обврска на консултантот требаше да биде решавање на поголем дел од проблемите врзани со концесионирањето на билбордите во кои спаѓаат и овие прашања. Консултантот требаше да направи анализа колку билборди му требаат на Скопје, на кои места ќе може да се постават и колку ќе се наплатува за нив. Локациите треба да се поделат во зони од кои ќе зависи и цената.

Требаше да биде направен и нов модел на концесиски договор врз основа на кој ќе се прави изборот на можни концесионери и нивниот број. Новиот правилник треба да даде одговор и на прашањата дали ќе се дозволи рекламирање на фасадите и на покривите на зградите и дали за тоа ќе треба дозвола од локалните власти или, пак, како што беше случајот досега, само согласност од станарите и куќниот совет.

Пред две години завршија договорите на Градот Скопје со концесионерите „Акцент медија“, кој има 250 билборди, и „Лазов груп“, кој работи со 250 мегалајти и 320 ситилајти. Договорот не е продолжен со ниту една од овие фирми, првенствено заради регулирање на финансискиот момент, велат од Градот Скопје. Цената од 100 денари за квадратен метар, колку што добивал Градот од концесионерот, е прениска, а со бизнисот со билборди може да се озбезбеди поголем приход за градската каса.

Сепак, секојдневно се менуваат реклами на билбордите низ Скопје, а двете фирми се' уште работат со нив. Тие склучуваат анекс договори со Градот, кои ќе бидат во важност до изборот на нови концесионери. Колку време ќе трае оваа состојба, не се знае, но очигледно е дека им одговара и на двете страни. „Акцент медија“ и „Лазов груп“ ќе останат во бизнисот уште некоја година, а од друга страна без прекин ќе се полни и градскиот буџет. Анекс-договорите за концесионирање на билбордите се со истите услови како и претходните договори, а ниту една од договорните страни немала иницијатива за менување. Сепак, потенцираат градските власти, договорите со новите концесионери, без разлика дали ќе се бараат преку консултант или не, ќе се разликуваат од досегашните, особено во финансискиот дел, се разбира, во корист на градскиот буџет.

Градските власти најавуваат и раскинување на договорот со „Продукција перспектива“, фирма која веќе десетина години има ексклузивно право да поставува реклами и патокази на канделабрите низ градот. Нивниот договор, за разлика од оние на „Акцент медија“ и „Лазов груп“, не е временски ограничен и може да се раскине само со спогодба. „Градот Скопје преговара со ’Продукција‘ за изнаоѓање решение за проблемот“, кратко информираат градските власти, додека фирмата без никакви рокови или ограничувања, поставува реклами со обврска само да ја плаќа струјата што ја трошат.

http://www.utrinski.com.mk/default.asp?ItemID=1D13F8D1DC23F84E96DFBC7C432705DE
Back to Top
Swimmer View Drop Down
Senior Member
Senior Member
Avatar
Suspended

Joined: 09-Aug-2010
Online Status: Offline
Posts: 294
  Quote Swimmer Quote  Post ReplyReply #45 Posted: 20-Sep-2010 at 21:27

Општинските паркинзи на Центар почнаа да ќаруваат од реклами

 

За шест месеци на сметка на ЈП „Паркинзи на Општина Центар“ ќе се префрлат 500 евра

Деспина Трајковска


ЈП „Паркинзи на Општина Центар“ почна да ќарува од издавање простор за реклами на два од четирите сопствени паркинзи. Неодамна склучи договор со две фирми кои ќе се рекламираат на тикетите и асфалтот околу рампите на паркинзите кај „Автомакедонија“ и на паркингот кај „Трготекстил“. За период од шест месеци, на сметката на претпријатието ќе се префрлат околу 500 евра од рекламите. Иако симболични, овие средства ќе бидат добредојдени за ЈП, кое можноста за рекламирање на паркинзите ја воведе токму заради прибирање дополнителна средства за тековното работење. За таа цел, претходно оваа активност од ЈП ја регистрираа и како дополнителна дејност. Директорот Тодор Делјановски вели иако досегашниот пројавен интерес на фирмите за рекламирање на паркинзите можеби изгледа мал, сепак, тој е задоволен.

„Очекуваме на наредната лицитација интерес за рекламирањето да пројават повеќе фирми кои во меѓувреме дознаа за можноста што ја нудиме. И покрај тоа што веќе две фирми ќе се рекламираат на двата од четирите паркинзи, има простор за реклами за сите заинтересирани субјекти со оглед на тоа дека рекламирањето го овозможуваме во неколку варијанти од поставување рекламни паноа до поставување јарболи или, пак, лога на бар-код картичките“, објаснува Делјановски. Двете фирми со кои веќе претпријатието склучи договор за рекламирање се избрани на лицитација, која се одржа во почетокот на месецов. Од ЈП планираат да објават лицитација и до крајот на идниот месец. И тогаш ќе важат истите правила и цени за рекламирање.

Заинтересираните субјекти можат да се рекламираат по цена од 15 евра месечно, па нагоре во зависност од атрактивноста на паркингот и видот на рекламирање. Реклами можат да се поставуваат на паркингот зад „Автомакедонија“, на оној кај Зелен пазар, зад „Трготекстил“ и на паркингот кај Домот на градежници. Рекламите можат да се изведат во вид на банери, билборди, испишана реклама на асфалт, рекламно пано на ограда, а може да се постави и рекламен јарбол. Според утврдениот ценовник на ЈП, најскапо чини рекламирањето на паркингот кај Домот на градежници, а на останатите цените се речиси идентични. На пример, за поставување рекламен јарбол на паркинзите кај Зелен пазар, „Автомакедонија“ и зад „Трготекстил“ месечно се плаќа по 1.000 денари, а кај Домот на градежници двојно повеќе.

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #46 Posted: 04-Oct-2010 at 15:55
Градот реши да ги реновира фасадите на Илинденска и да се подобри впечатокот. Но што е со другото што се гледа од Илинденска, а не се фасадите. Во правец на центар кога се вози ќе доминира едната купола од уставниот суд. Незнам дали ова така го планирале намерно или не, но во секој случај му се дава содржина на погледот во далечина некаде. Што е со другата насока. Како се движите низ делов Влада-парк веднаш после првите неколку метра во чело почнува да се гледа првата кула од кулите спроти Зоолошка. Ѕидот може да стане атрактивен рекламен простор или барем да се среди во пакет со фасадите од Илинденска со некоја светлечка реклама на кровот. Немаме ние во Скопје нешто посебно рекламирање по згради до географски оддалечени потенцијални муштерии. На шала може да кажаме дека рекламите се како базни станици за мобилни оператори, од аспект на покривањето. Најчесто кај нас, тоа се непоредните минувачи зашто и немаме нешто многу високи згради за такво нешто. SONY и СЕКТРОН се две можеби и единствени реклами такви што имаат поголемо "покривање". Па ако не чита некој надлежен нека реагира за фасадата, а и ако не чита некој од сериозна фирма нека се обидат да го искористат просторот горе за добра светлечка реклама за која секој возач и минувач на Илинденска и потенцијален муштерија.




Edited by lslcrew - 04-Oct-2010 at 15:57
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332
  Quote OKA Quote  Post ReplyReply #47 Posted: 04-Oct-2010 at 16:00
Originally posted by lslcrew

...Па ако нè чита некој надлежен нека реагира за фасадата, а и ако нè чита некој од сериозна фирма нека се обидат да го искористат просторот горе за добра светлечка реклама за која секој возач и минувач на Илинденска и потенцијален муштерија.
ЛСЛ, за ова некој зема плата во Akzent media. Thumbs%20Up
Врзи два поста без СК2014 и освој трет гратис!!!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #48 Posted: 04-Oct-2010 at 16:12
Еве уште една идеја за тој што зема плата во Акцент Медија. Кулата во Кисела Вода (41°58'50.00"N 21°26'29.82"E) освен што е "ветена земјa" за секоја компанија во Македонија што има барем допирна точка со Телекомуникации (што е добро), може да биде и добро искористена за маркетинг простор, особено што од страните има по три бетонски платна, или како и да се викаат што се како направени за рекламирање. Има и одозгоре и одоздоле тераси што може одлично да се искористат за монитирање рефлектори, лесно се пристапни. Кулава доминира во скоро секоја слика према Кисела Вода од било која страна на градот, особено најгорната третина (бетонско платно, еден квадрат) и особено тие што гледаат према центар и аеродром, за разлика од тие што гледаат према водно. А дополнително горе може и светлечка реклама да гледа према центар, бидејќи од ЗОИЛ па се до Кисела Вода оваа кула доминира во хоризонтот. А нема да смета ни на антените, бидејќи од последните прозори до антените има повеќе од цел кат простор. Над последните станови има некој дополнителен простор скоро колку половина кат, па доаќаат кабините за лифтовите, па врз нив дури се столбовите црвени, па дури горе се антените. Простор за светлечка реклама има и тоа воопшто не е мал. А зградата е ужасно грда и запустена. Ме чуди што педестина стана така успешно се договриле да склучат договор со десетина фирми за просторот горе, а неможат за едно реновирање фасада. Освен ако не им било индиректно наложено да мораат да се "договорат", што е и добро решение кога зградата во која што живеат со својата телекомуникациска стратешка позиција веќе и практично не е само нивна сопственост туку делумно и општествено богатство, иако се само они на хартија сопственици. Не би им било проблем ниту за билборди.

Две слики од панорамио...


http://commondatastorage.googleapis.com/static.panoramio.com/photos/original/3416415.jpg


http://commondatastorage.googleapis.com/static.panoramio.com/photos/original/1585466.jpg


Edited by lslcrew - 04-Oct-2010 at 16:22
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332
  Quote OKA Quote  Post ReplyReply #49 Posted: 01-Nov-2010 at 14:50

Двоен скок на цените за изнајмување билборди


 

Зголемувањето на цените на рекламниот простор на јавните површини ќе обезбеди дополнителни средства, предвидени за одржување на улиците, со кои ќе се затвори „дупката“ во основниот буџет на градот

 
 
%20  
Со новите цени за рекламирање и поставување билборди, знамиња, паноа, рекламни платна на градежни скелиња и објекти, табли на мостови и надвозници, осветлени витрини, во градската каса ќе се слеваат речиси двојно повеќе пари. Досега за комерцијално користење на јавните површини на подрачјето на градот годишно се слеваа 46.000.000 денари.

Меѓутоа, со новиот ценовник, за реклама на билборд голем 12 квадратни метри, доколку е наменет за комерцијални цели, и доколку рекламата е поставена од двете страни и се наоѓа во центарот на градот, треба да се плати 12.800 денари месечно.

- Цената за квадратен метар се зголемува од година во година. Од 50 денари, колку што чинеше квадратот пред неколку години, сега е 200 денари, ако е за комерцијални цели. Ова е премногу, како да сме во Њујорк, Париз. За разлика од комерцијалните огласи преку рекламна агенција, далеку поевтино е доколку билбордот се користи за сопствени потреби. Под истиве услови, но за сопствена реклама на билборд ќе треба да издвоите само 3.600 денари месечно. А ако на ова се додаде и комуналната такса, што башка се плаќа, излегува дека ќарот на градот од овој бизнис е огромен - нé известија од компаниите задолжени за рекламирање.

Доколку некој сака рекламата да му се постави во осветлените рекламни витрини во центарот, познати како „ситилајт“, тоа задоволство ќе го чини 2.100 денари месечно. И во овој случај цената е двојно поевтина кога се работи за рекламирањето за сопствени потреби, затоа што месечниот износ за „ситилајт“ изнесува 850 денари.

Поставувањето знамиња и јарболи од шест и 12 квадратни метри, ќе се наплаќа по 150 денари од квадрат месечно. Покрај намената, многу зависи и тоа на која локација ќе се наоѓа рекламниот материјал. Па така, доколку знамињата или јарболите се во строгиот градски центар, рекламата ќе е 400 денари, а ако се подалеку, цените се намалуваат на 300, 200 и на 100 денари месечно.

Советот на градот е оној што одлучува кому ќе му даде дозвола за користење на местата за огласување на јавните површини. Ова особено се однесува на рекламите што се поставуваат на поголемите трговски центри, бензински пумпи, културни институции, како и за заштитниот појас на јавните патишта во градот. А парите се трошат за средување на урбаниот изглед.

- При изградбата, уредувањето и одржувањето на јавните површини и добрата од општ интерес, се користат и пари на скопјани. Поради тоа сите оние што ги користат јавните површини за комерцијални цели, мора и да платат. А, пак, со парите што по оваа основа ќе се влеат во буџетот на градот, не само што ќе се одржуваат постојните, туку и ќе се изградат и уредат нови јавни површини - вели градоначалникот Коце Трајановски.

Од градот додаваат дека со промената на цената на рекламирањето ќе се обезбедат дополнителни средства, предвидени за одржување на патната инфраструктура на подрачјето на главниот град, со кои ќе се затвори „дупката“ во основниот буџет.
 
 http://www.novamakedonija.com.mk/NewsDetal.asp?vest=11110101473&id=14&setIzdanie=22121  
Автор: Биљана Стојановска   Фотографија: Маја Јаневска - Илиева
Врзи два поста без СК2014 и освој трет гратис!!!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #50 Posted: 11-Dec-2010 at 00:36
Ветрот кутна билборд


Силниот ветар што вчера достигна и до 100 километри на час кутна џиновски билборд на булеварот " Јане Сандански" во Општина Аеродром. За среќа, не повреди никого, ниту пак предизвика материјални штети. Сепак, треба да се потенцира дека при секое невреме се случува по некој сличен инцидент. Да не го споменуваме трагичниот настан во Битола, што се случи не толку одамна кога настрада еден жител. Тоа би требало да биде аларм за сите рекламни компании кои ги поставуваат билбордите, особено да внимаваат на сигурноста при поставување на големите рекламни паноа.

http://vecer.com.mk/?ItemID=5A9F42058D8B1640ADE85C80DEF7B7CB

Back to Top
leonid23 View Drop Down
Senior Member
Senior Member
Avatar
БАНИРАН

Joined: 30-Nov-2009
Location: Strumitza
Online Status: Offline
Posts: 579
  Quote leonid23 Quote  Post ReplyReply #51 Posted: 27-Jun-2011 at 03:08
ГРИЖАТА ЗА АРХИТЕКТУРАТА ВО СТРОГИОТ ЦЕНТАР ФУНКЦИОНИРА САМО НА ХАРТИЈА

Два аршина за естетиката на старите фасади



Од Градот се оградуваат од надлежност околу окупираноста на зградите во строгиот центар со секакви билборди, но за петте фасади на плоштадот, чија обнова ја финансираат, нема да дозволат затворање на надворешноста со билборди

Старите згради во строгиот центар треба да го сочуваат својот автентичен изглед, а од нивните фасади да се отстранат сите билборди и рекламни паноа кои ги нагрдуваат, се вели во објаснувањата околу најновите измени на урбанистичкиот план „Мал ринг“, усвоен од Советот на Општина Центар. Тоа се однесува особено на објектите на плоштадот, како и околу него, на кои се извршени безброј интервенции, доградби, надградби, кои ја нарушуваат нивната првобитна архитектура: Ристиќева палата, зградата на стоковната куќа „Типо“, речиси сите куќи и згради на улицата Максим Горки, но и на улицата Македонија, кои се изградени пред земјотресот во 1963 година.
И не само ограничување околу рекламирањето, туку се налага, на посебни мерки за заштита да подлежат и секакви градежни интервенции.
-За објектите кои се третирани со посебен режим на заштита, при планирање на интервенции, постои обврска понудената проектна документација да ја достават на мислење до Управата за заштита на културното наследство - се вели во планот.
Проблемот е што оваа класификација од прва и втора категорија, и предлог на Општината за зачувување на постојните состојби и оригиналната надворешност на овие градби, функционира одлично, но само на хартија. Практиката е сосема поинаква. Години наназад градските власти се оградуваат од надлежност за окупацијата на фасадите од билборди и маркетинг паноа кои ги затскриваат фасадите. Со тоа хаосот се продлабочува, а архитектурата не е оставена да диши.
- Билбордите на зградите не се во надлежност на Град Скопје и тој не може да го регулира естетскиот дел затоа што нема законска основа за да реагира - е ставот на градската власт.
Ова прашање на неколку пати беше отворено и на Советот на Град Скопје, односно членовите на Советот инсистираа градоначалникот Коце Трајановски да се ангажира повеќе околу заштита на фасадите во строгиот центар и негувањето на старата архитектура од габаритни билборди. Но, тој и покрај критиките, не отстапи од ставот дека не е негова работа да се меша во одлуките на приватни сопственици, фирми или куќни совети.
Во моментов градската власт на плоштад Македонија изведува градежни зафати со цел изградба на сосема нова фасада на зградата „Пелистер“, а и таа до неа. За таа цел од касата издвоија 130.000 евра. Следната година Градот исто така ќе ги обнови надворешностите на зградата „Пелагонија“ и на уште два објекта на „Максим Горки“.
Трајановски, иако изјавува дека не е надлежен да се грижи за естетиката во строгиот центар, како и на околните згради на плоштадот, за овие кои се предмет на градска интервенција, ќе има друг аршин. Појасни дека Градот ќе им наложи на куќните совети да не ги затвораат фасадите со билборди.

http://dnevnik.com.mk/?ItemID=62D5789C046D254880408E65F3A089DF

Edited by leonid23 - 27-Jun-2011 at 03:15
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #52 Posted: 28-Jun-2011 at 22:56
КОНЕЧНО ГРАДСКИТЕ ВЛАСТИ ИЗБРАА ФИРМА
Консултант ќе го решава хаосот со билбордите

Роза Петкова


По повеќе од една година и два неуспешни тендера, градските власти конечно избраа консултант кој треба да им понуди најдобро решение за средување на хаосот со билбордите во Скопје. Прашањето за рекламните паноа од секаков тип, кои го преплавија градот и го окупираа секој слободен простор, од зелените појаси, пешачките патеки, канделабрите, па се до фасадите на зградите, повторно се отвори на последната седница во Градското собрание. Според раководителот на секторот за сообраќај во Градот, Зоран Дамјановски, тендерот за консултант е завршен и пред една недела е потпишан е договор со избраната фирма „Грант торнтон“ во здружение со „Поленак“ и со Завод за урбанизам на Град Загреб. Тие треба да изработат студија во рок од шест месеци, а за тоа ќе добијат околу 96 илјади евра од Градот. - Консултантот за билбордите за сметка на Град Скопје треба да изработи комплетна и издржана студија за правните, економските и за урбанистичките аспекти за регулирање на ова прашање. Тимот што ќе работи на студијата ќе треба да изработи план за локации, економска одржливост, спроведување тендерски постапки до склучување договори за изнајмување. Консултантот, во согласност со тендерски утврдената цена и потпишаниот договор, за успешно реализирање на програмската задача ќе добие 5,9 милиони денари со вклучени давачки - велат од одделението за односи со јавност.
За билбордите, а особено за паноата со огромни димензии што ги прекриваат зградите, или висечките светлечки реклами поставени од едниот до другиот крај на покривот од објектите, во последниот период во јавноста се дискутираше дека го претворија Скопје во една голема реклама. Архитектите се сложија дека градот го губи својот изглед, додека поставувањето реклами на станбени објекти се одвива стихијно и неконтролирано. По ова прашање, властите од Градот се прогласија за ненадлежни бидејќи немаат законски можности да интервенираат во одлуките на куќните совети, за кои билбордите се извор на финансирање за одржување на зградите.
Рекламниот простор кој може да го контролира Градот се јавните површини, тротоарите, уличните светилки и бандерите, што засега ги користат две до три фирми, кои станаа своевидни монополи во бизнисот. Тие имаа десетгодишни договори со Градот потпишани во мандатите на претходните градоначалници, а потоа се продолжуваа со анекси. Властите неодамна најавија дека планираат да ја сменат ваквата политика, но и да соберат повеќе пари во градската каса од рекламирањето. Така, при крајот на минатата година, на седница на Советот се усвои нов ценовник со кој цените за рекламирање се зголемија двојно.

http://www.vreme.com.mk/DesktopDefault.aspx?tabindex=1&tabid=1&EditionID=2346&ArticleID=163035
Back to Top
spaceman091 View Drop Down
Senior Member
Senior Member


Joined: 26-Dec-2009
Online Status: Offline
Posts: 516
  Quote spaceman091 Quote  Post ReplyReply #53 Posted: 19-Aug-2011 at 14:21
se trga reklamata ?

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #54 Posted: 19-Aug-2011 at 16:30
Оваа реклама веќе беше препознатлив landmark  за Скопје, некако стана дел од идентитеот на плоштадот, а и не е некој обичен билборд кајшто секојдневно се менуваат рекламите, него е нешто што е длабоко поврзано со Скопје. Ако се почнува од рекламите на плоштад, јас прво би ги избришал сите до една реклами на Метропол и цел тој хаос горе таму, вклучувајќи ги и натписите шарени на продавниците, и да ги заменат со некои еднобојни во склад со фасадата и ненападни. Ете го билбордот екранот нека идат тамо реклами. Може и да се менува со нова, зашто досега имаше неколку различни Скопско реклами, а може и во пресрет на прославата или па целосно.

И кога постирајте ве молам во соодветните нишки, зашто не се што се случува во скопје е Скопје 2014, имаме за се простор.


Edited by lslcrew - 19-Aug-2011 at 16:32
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #55 Posted: 19-Aug-2011 at 21:06
Originally posted by lslcrew

Оваа реклама веќе беше препознатлив landmark  за Скопје, некако стана дел од идентитеот на плоштадот, а и не е некој обичен билборд кајшто секојдневно се менуваат рекламите, него е нешто што е длабоко поврзано со Скопје. Ако се почнува од рекламите на плоштад, јас прво би ги избришал сите до една реклами на Метропол и цел тој хаос горе таму, вклучувајќи ги и натписите шарени на продавниците, и да ги заменат со некои еднобојни во склад со фасадата и ненападни. Ете го билбордот екранот нека идат тамо реклами. Може и да се менува со нова, зашто досега имаше неколку различни Скопско реклами, а може и во пресрет на прославата или па целосно.

И кога постирајте ве молам во соодветните нишки, зашто не се што се случува во скопје е Скопје 2014, имаме за се простор.


потпис за целиот пост.
Back to Top
antiuser View Drop Down
Senior Member
Senior Member
Avatar

Joined: 07-Jun-2011
Online Status: Offline
Posts: 204
  Quote antiuser Quote  Post ReplyReply #56 Posted: 19-Aug-2011 at 21:23
Originally posted by lslcrew

Оваа реклама веќе беше препознатлив landmark  за Скопје, некако стана дел од идентитеот на плоштадот, а и не е некој обичен билборд кајшто секојдневно се менуваат рекламите, него е нешто што е длабоко поврзано со Скопје. Ако се почнува од рекламите на плоштад, јас прво би ги избришал сите до една реклами на Метропол и цел тој хаос горе таму, вклучувајќи ги и натписите шарени на продавниците, и да ги заменат со некои еднобојни во склад со фасадата и ненападни. Ете го билбордот екранот нека идат тамо реклами. Може и да се менува со нова, зашто досега имаше неколку различни Скопско реклами, а може и во пресрет на прославата или па целосно.

И кога постирајте ве молам во соодветните нишки, зашто не се што се случува во скопје е Скопје 2014, имаме за се простор.


Можеби и Скопско рекламана беше на некој начин симбол на Ристичева,ама според мене треба да се тргне..премногу боде очи,наместо погледот да се насочи кон убавата фасада на Ристичева..
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #57 Posted: 06-Dec-2011 at 22:43

Коце ги шитка билбордите

  • Објавено: пред 8 часа |
  • Прочитано: 532 |
  • Печати |
Сподели со твоите пријатели!3
Споделете ја веста со Вашите пријатели
http://img.plusinfo.mk/large_pics/2011/12/06/bilbordi-Skopje-3.jpg

Градската власт одлучи рекламните билборди во градот, на магистралните и собирни улици, пешачки зони и зелени површини, да ги даде под концесија, и тоа на четири различни концесионери, за да се избегне монополска позиција во управувањето со рекламните површини.


Според нацрт студијата за уредување на оваа дејност, Градот ќе се  подели во четири зони, и во секоја од нив ќе може да се постави одреден и унифициран тип билборд. Четирите избрани концесионери ќе можат да стопанисуваат со билборди од сите четири зони, но, под точно утврдени стандарди и правила. Ќе треба да инвестираат во изработка на три типови билборди предвидени за зоните, но и да ги отстранат постоечките, каде што е потребно.
Во строгиот центар на градот, во „Мал ринг“, ќе бидат дозволени само „сити лајт“ билборди и дигитални ЛЦД дисплеи. Студијата предложува и паноа со димензии 4 на 3 метри, со унифициран дизајн и боја, како и билборди со средна големина. Дефинирани се и материјалите од кои ќе се изведуваат паноата,  конструкцијата и осветлувањето, како и точните локации.
Целта на проектот е да се зголемат приходите на градот и да се воведе ред во областа на рекламирањето на јавни простори. За разлика од сегашната состојба, бројот на билборди во центарот ќе се намали, а во третата зона, на реконструираните булевари, каде што постојат услови, нивниот број ќе се зголеми, особено на булеварите Србија, Теодосиј Гологанов, Илинден, Словенечка,  каде што речиси и нема билборди.
-Нацрт студијата за концесионерство е готова. Ќе се внимава компаниите кои ќе ги добијат тендерите да можат да стопанисуваат подеднакво со билборди од четирите зони во градот, но, и на тоа да не аплицираат ќерки фирми - вели градоначалникот Коце Трајановски.
Анализата на постоечката состојба покажува дека во градот има околу 500 билборди, кои од аспект на дизајнот се на многу ниско ниво. Не постојат утврдени стандарди за ваков тип на рекламирање, а локациите не се ажурирани. Нема ни пропишани норми за оваа област, освен дека билбордите треба да не ја нарушуваат сообраќајната безбедност.


Актуелните фирми кои беа на презентацијата на студијата за концесионерство се пожалија дека условите од тендерот се тешко исполнителни, бидејќи од идните концесионери се бара да извадат дел од постоечките билборди, да изработат нови, за што се потребни многу пари. Особено, што во овој период многу компании се двоумат дали воопшто да инвестираат во нешто следните неколку години. Фирмите заклучија дека проектот е бајковит, бидејќи Градот во основа на проектот бара начин да си го зголеми профитот, а фирмите треба да инвестираат во сѐ. Велат дека вложените пари нема да ги извадат ни за 24 години, а камо ли за 10.

http://www.plusinfo.mk/vest/25477/Koce-gi-shitka-bilbordite
Back to Top
bitolcanec View Drop Down
Newbiе
Newbiе


Joined: 09-Dec-2011
Online Status: Offline
Posts: 0
  Quote bitolcanec Quote  Post ReplyReply #58 Posted: 09-Dec-2011 at 18:40

Повторно останува можноста за поставување на билборди на приватно земјиште. Дотолку што условите на тендерот ке бидат строги, компаниите ке бараат решение за поставување на билборди на приватно земјиште каде условите можат да ги договорат со сопственикот и кои сигурно ке им одговараат. Дотолку повеќе што во Законот за градба никаде не е забрането поставување на урбана опрема за приватно земјиште. Нити пак се бара некаква дозвола за такво поставување. Резултатот ке биде целосно пропаѓање на новиот концепт и вовед во нов хаос. И се ова поради аматеризмот во составувањето на Законот за градење.

Back to Top
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 2083
  Quote alexsend Quote  Post ReplyReply #59 Posted: 04-Jan-2012 at 01:59
Несмее да се дозволи поставување нови билборди, мора да се намали нивниот број. Само го грдат градот. Малку а квалитетни, а не на секој чекор поставени по секоја цена!
Back to Top
kenzo_fan View Drop Down
Senior Member
Senior Member


Joined: 19-Dec-2011
Online Status: Offline
Posts: 306
  Quote kenzo_fan Quote  Post ReplyReply #60 Posted: 04-Jan-2012 at 08:59
Treba da se trgne reklamata na zgradata do Domot na Majka Tereza. So goleminata, sodržinata i silnata osvetlenost ušte samo taa fali pokraj onakov Dom. Denes e Bitolsko Mleko, zamisli utre ja zakupi Plejboj? 
Back to Top
 Post Reply Post Reply Page  <12345>

Forum Jump Forum Permissions View Drop Down



This page was generated in 0.109 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.