Рем Центар - Тетово

Хотел со пет ѕвездички во Тетово

ТЕТОВО - Хотел од висока категорија со пет ѕвездички ќе добие Тетово во централното градско подрачје, кај ресторанот „Електра“. Објектот ќе располага со сто соби и за секоја е предвидено по едно паркинг-место. Составен дел на комплексот ќе бидат и стотина станбени единици како посебни станбени крила, а два ката се предвидени за трговски центар. Подготвителните работи за изградба се почнати. Во подземјето ќе има простор за гаражи, магацини, но и ресторан. „Ова е заеднички зафат со ’Електрометал’ од Тетово вреден околу 12 милиони евра. Нашиот град заслужува да има ваков комплекс. Под заеднички покрив се повеќе функционални целини“, објаснува Шефки Идризи, еден од сопствениците на компанијата „Ренова“ од тетовско Џепчиште. 

Според него, сите работи треба да завршат до крајот на 2011 година. За просторот каде што ќе се изгради комплексот нема никакви проблеми, бидејќи е сопственост на содружникот „Електрометал“