Возен парк (ЈСП - ЛАЗ)

 
Не постои текст кој не е тенденциозен и добронамерен или злонамерен.
Оваа тема на форумов не постои само за позитивни критики на новите нископодни автобуси кон украински ЛАЗ, туку постои и за негативни критики кон истите.
 
Да се надеваме дека тој автобус во кој си се возел е првиот кој пристигна и за кој се запишани 'рѓата и сите останати забелешки при хомологацијата на ПМФ, бидејќи ако не е тој, тогаш значи со тек на време и останатите 14 автобуси ќе завршат како првиот.
 
Всушност, по тоа што го дознав, првиот автобус е тој кој не тргна на 22 февруари 2011 од спортскиот центар Борис Трајковски кога автобусите беа пуштени во сообраќај.
 
Јас своето незадоволство го исфрлив врз возачот на автобусот и врз ЈСП Скопје, бидејќи мислев дека возачот не знаел како да се снајде со современиот автобус.
А сега испаѓа дека сум згрешил, бидејќи некој од сензорите на влезовите од автобусот бил неисправен и додека вратите биле затворени, сензорот не дозволувал автобусот да тргне бидејќи примал сигнал дека вратите се отворени, а не затворени.
 
Ете, и јас се изглупирав, и должен сум да им се извинам и на возачот и на неговите работодавачи, односно на ЈСП Скопје.
 
Но сепак, останува фактот дека и позитивната и негативната критика се прифатливи, па дури и задолжителни сега во првиве неколку месеци од кога автобусите се пуштени во сообраќај.
 
Доцна ќе биде за поплаки откако ќе им истече гаранцијата на автобусите (претпоставувам дека доаѓаат со гаранција), или откако сите останати автобуси ќе пристигнат, и затоа сега е време и за позитивни и за негативни критики.


Edited by Dexter26 - 03-Mar-2011 at 13:33

 
А можеби и не е во прашање дефект, туку незнаење на вработените во ЈСП Скопје или на возачот.
 
Ама еве, за да не се изглупирам повторно, ќе спомнам дека можно е да станува збор за дефект.


Edited by Dexter26 - 03-Mar-2011 at 13:45

Кога главен и основен критериум при изборот според законот ни е цената, а за жал пишувачите на тендерската документација незнаеле/несакале да ја напишат добро специфицирано за да неможат вакви фирми да учествуваат на тендерот, ќе добиваме автобуси наменети за афрички и централноазиски пазар . Да одевме со МАН, Мерцедес или сл, да видам дали ќе се случуваше ова.

Edited by UrbanFreak - 03-Mar-2011 at 15:16

Па да сами на себе си поклонивме

Почна жигосувањето на новите автобуси Граѓаните, конечно, дочекаа да се возат во нов јавен превоз во автобуси со исправен мотор, амортизација, греење и со мирис на нешто свежо, ново и функционално. Петнаесетината темноцрвени украински автобуси веќе една недела крстосуваат низ градските сообраќајници, а граѓаните, љубопитни, брзаат да се качат токму во нив. Некои дури остануваат и малку подолго на постојките, специјално чекајќи да дојде нов автобус. Сите патници се среќни што се возат според европски стандарди. Некои граѓани ја потенцираат функционалноста на автобусите, други нивниот изглед, но, генерално, сите се едногласни во грижата за тоа колку долго возилата ќе останат неоштетени. Едноставно, скопјани стравуваат дека автобусите ќе бидат брзо демолирани, бидејќи голем е бројот на несовесни граѓани, кои не само што не внимаваат како се однесуваат туку има и такви што свесно прават штета. А дека е тоа навистина така, ни потврди и директорот на ЈСП, Мишо Николов, кој вели дека веднаш биле забележани оштетувања во внатрешноста на некои возила. Иако не станува збор за голема штета, биле исечени неколку рачки, кои веднаш се заменети со нови, сепак, според Николов, тоа зборува дека граѓаните треба да внимаваат како се однесуваат, бидејќи од нив најмногу зависи колку долго автобусите ќе останат во добра состојба. Пензионерот Димко Видевски има позитивни првични впечатоци од возењето во новите автобуси. „Особено ми се допаѓа што поништувачите на билети се поставени десно од возачот, на пониска позиција, што значи прилично е олеснет пристапот и влегувањето во автобусите за нас, пензионерите“, рече Видевски, посочувајќи дека единствено се' уште не може да се навикне на копчињата за сигнализација што се поставени на шипките покрај излезните врати. „Автобусите се нови и убави - да! Но, граѓаните упорно ги кршат и ќе продолжат да ги кршат и да валкаат се' додека не се соочат со законот“, вели загрижениот Ефтим Величковски, музичар, кој многупати се среќавал со деликвенти што се возат и прават проблеми во автобусите. „ЈСП во соработка со полицијата треба константно да реагира и да казнува за да им дојде умот на таквите граѓани“, дополни тој. Стојанка Станковска рече дека во споредба со старите крнтии, овие автобуси нудат многу поудобен превоз според европски стандарди, но граѓаните треба да бидат повнимателни додека се возат во нив. „Сечењето на рачките, на седиштата, плукањето и демолирањето, е нормално во денешно време, бидејќи Македонците не знаат да го чуваат она што го имаат“, рече Станковска, тврдејќи дека тие работи никогаш нема да се сменат во нашата средина, без разлика какви автобуси имаме. Тоа го потврди и Миле Ангеловски од Топанско Поле, кој вели дека апсолутно недозволиво е пушење, фрлање сончоглед, храна, оставање отпадоци во автобусите. „Страшна е сликата во внатрешноста на старите автобуси, кои, згора на се', секој втор ден се со некаков дефект. Украинските, дефинитивно, се најдобри од серијата нови автобуси што пристигнаа на скопските улици“, дополни тој. Новите автобуси ги пофали и новинарот Живко Трајановски, кој рече дека моторот им работи тивко, нечујно, не прави неподносливи звуци, а амортизацијата е на високо ниво. Од еколошки аспект, според него, не испуштаат многу гасови. „Ново си е ново, старите само носеа проблеми за граѓаните, а поради неисправноста, и дополнителни загуби за ЈСП. Нископодните автобуси се одлично приспособливи за разлика од двокатните, па мислам дека треба да се држиме до ваквите, а граѓаните да почнат да градат култура, однос и грижа кон јавните превозни средства“, објасни Трајановски. „Убаво е кога е нешто ново. Но, што е со нивниот надворешен изглед, валканите прозорци, гумите. И луѓето од ЈСП треба да се позанимаваат со чистотата на возилата. Треба да им се обезбедат соодветни услови на граѓаните, не само да се трупаат нови работи и да се запуштат за неколку месеци“, рече еден незадоволен граѓанин, кој сакаше да остане анонимен. http://www.utrinski.com.mk/default.asp?ItemID=36414C5003F3C64AABDE9942D1BC839F

Inace ova e privot sto pristigna vo Makedonija.

      Јас навистина не знам каков е овој добиток што се превезува со новите автобуси. И тоа во главниот град на Македонија, таканаречената метропола. Дојдете во Куманово и видете ги половните автобуси што ги земаа приватниците. И чеканчињата за разбивање стакло си стојат на своето место, и кружните огледала над вратите, и стаклата кај вратите и кожените рачки на држачите. И тоа, истите автобуси кога не се на линиите, служат и како автобуси наменети исклучиво за превоз на средношколци (како школски автобуси). И пак нема оштетувања. Замислете си само таква ситуација во Скопје.

      Разочаран сум од селанството (сељачанството) на Скопјани. Наместо вие да ни продавате бонтон и култура, провинцијалците треба вас да ве учат.

А демек Скопје е репер за цивилизираност? Ох мори мајко...

малку претерувате понекогаш со дивјаштвото во нашите автобуси
како прво, тоа се случува само на неколку линии и само на тие е потребна поголема заштита
како второ, голем дел од приватните автобуси во моментов се нови (т.е. старонови), со слични особини како тие на ЛАЗ, а не гледам никој досега да направил проблем во нив, а и чеканчињата си се таму кај што треба

ЈСП ќе ги вади спорните етикети од новите автобуси Од советничката група на СДСМ побараа да се отстранат натписите „Донација од Владата на Македонија“, во спротивно, предложија на згради од „Скопје 2014“, ослободени од комуналии, да се изгравираат благодарници кон сите скопјани Налепниците од украинските автобуси на кои пишува „Донација од Владата на Македонија“, наскоро ќе се отстранат, изјави Мишо Николов, директорот на Јавното сообраќајно претпријатие „Скопје“. Од него такво нешто побара советничката група на СДСМ, со образложение дека е невкусно заслугите за набавката да си ги присвојува власта, имајќи предвид дека возилата се купени со пари од даночните обврзници. - Замолени сме да го пренесеме револтот од граѓаните за оваа невкусна самореклама на Владата на Никола Груевски. Доколку предлогот не ни биде прифатен, принципиелно е, на сите згради, дел од проектот „Скопје 2014“, кои Советот ги ослободи од комуналии, да бидат поставени плочи со изгравирани натписи - „Донација од граѓаните на Скопје“ - рече координаторот на советничката група, Софија Куновска. Директорот Николов, не сакаше временски да прецизира кога точно ќе ги отстрани етикетите. Но, затоа, пак, на прашањето чија била ваквата идеја, дали на Владата или на јавното претпријатие, одговори дека тоа било замисла на раководството на ЈСП. - Ги поставивме како благодарност до Владата затоа што ова е првпат некој нешто да ни подари како на претпријатие - изјави тој. Следната тура автобуси нема да имаат вакви налепници поради, како што кажа Николов, притисокот од јавноста. Градот, повторија од советничката група на СДСМ, од својата каса досега можеше да ги купи овие нови возила. Но, наместо тоа, од буџетот мораше да издвои пет милиони евра во вид на субвенции за ЈСП, за бесплатен превоз на средношколци, иако тоа било обврска на Министерството за образование. Нивниот предлог за поставување плочи со натпис „Донација од граѓаните на Скопје“ на зградите од „Скопје 2014“, го образложија со фактот дека досега Владата од Градот по основа на комуналии, била ослободена во висина од 12 милиони евра. - Ако овие пари се влееја во касата, тогаш Градот ќе имаше сила и средства сам да купува автобуси. Ќе можевме да зборуваме и за изградба на трамвај, подземни сообраќајници, кои се ветувања на Коце Трајановски, за решавање крупни сообраќајни проблеми, изградба на нова концертна сала, нови средни училишта. Вака, касата е празна бидејќи Трајановски за само една улица и две катни гаражи го задолжи Градот со кредити на 10 години, кои ќе ги враќаат двајца негови наследници - рече Куновска. (Ј.И.)

http://dnevnik.mk/default.asp?ItemID=1653484669F30045BC07518466E89F9A

Предизборни гомненици, но вреди да се забележи дека не сме единствените на кои не им е сфатлив тој дел со налепниците.

_______________________

НА БАРАЊЕ НА СОВЕТНИЦИТЕ ОД СДСМ Тргнете ги владините налепници од новите автобуси "Автобусите не се донација од Владата туку се купени со пари од граѓаните што плаќаат данок. Крајно е непристојно заслугите за набавката да си ги присвојува власта", рече Софија Куновска, советничка од СДСМ во Советот на Град Скопје Налепниците на новите украински автобуси, на кои пишува дека се донација од Владата на Република Македонија, веднаш да се отстранат, побараа вчера советниците од СДСМ во Совет на Град Скопје. "Мораме да го пренесеме револтот на граѓаните од невкусната самореклама на Владата на Никола Груевски. Автобусите не се донација од Владата туку се купени со пари од граѓаните што плаќаат даноци. Крајно е непристојно заслугите за набавката да си ги присвојува власта. Градот од својата каса можеше досега да ги купи овие возила, но наместо тоа, одвојуваше милиони евра за субвенции за бесплатен превоз за средношколците што, всушност, е обврска на Министерството за образование", рече координаторот на советничката група на СДСМ Софија Куновска, и побара ова точка да биде ставена на дневен ред. Таа изјави дека доколку овој предлог не биде прифатен, тогаш ќе бараат на сите објекти од проектот "Скопје 2014" кои Градот ги ослободи од плаќање комуналии, да се постават плочи со натпис - "Комуналиите за овој објект се донација од граѓаните на Скопје". Владејачкото мнозинство во Советот на Град Скопје, на чело со ВМРО-ДПМНЕ, не прифати ова точка да се стави на дневен ред, па за неа не беше дозволена дискусија ниту носење заклучок за отстранување на налепниците. Директорот на ЈСП "Скопје" Мишо Николов вели дека налепниците наскоро ќе бидат извадени од автобусите, а ги поставиле во знак на благодарност кон Владата оти првпат некој на ЈСП "Скопје" му подарил возила. Пензионерите бесплатно ќе се возат и во вторник Пензионерите бесплатно во автобусите на ЈСП Скопје ќе се возат и во вторник. Покрај во петок градоначалникот Коце Трајановски предложи без пари превозот да се користи уште ден ден во неделата. Ваквата одлука ја донеле поради големиот интерес кај пензионерите и намалувањето на трошоците на сообраќајното претпријатие со набавката на новите автобуси.

http://vest.com.mk/?ItemID=931845B6CFFECA468366EAA155A4902A