Враќање на коцката на Плоштад Македонија

netpress.com.mk

И објектот и споменикот се диспропорционални во однос на околината.

ПЛОШТАДОТ „МАКЕДОНИЈА“ И ЛЕТОВО ЌЕ ОСТАНЕ ЛАВИРИНТ ОД ОГРАДИ

За изведба на сите градежни работи на плоштадот „Македонија“, велат од Градот, потребно е подолго време, бидејќи реконструкцијата на партерот се врши етапно

СНЕЖАНА КАЛАБАКОВА

Градскиот плоштад веќе долго време е лавиринтот на скопјани низ кој многумина тешко се снаоѓаат од каде да влезат, а потоа прашувајќи се каде ќе го најдат излезот за дојдат до Градскиот трговки центар или можеби низ лимените огради да поминат и да дојдат до Камениот мост. Веќе многу долго се провираат низ лимените препреки од кои тешко е да се види што се случува на градежната локација за изградба на површинската фонтана и мозаикот на плоштадот. Нова препрека сега им стана и оградата пред Стоковната куќа „Сити галери“, како и онаа кај споменикот на Цар Самоил, што беше поставена поради неговото преместување за неколку метри наназад. Во царството на лимените огради, скопјани ќе се шетаат и наредниве месеци бидејќи како што информираат од Градот, градежните работи треба да завршат во текот на летото, доколку тоа го дозволат временските и градежните услови.

„Градежните работи за изведба на површинска, т.н. сува фонтана „џампинг-џет“, на плоштадот „Македонија“, на просторот меѓу фонтаната „Воин на коњ“ и влезот во Камениот мост се во тек и напоредно се работи на формирањето на партерната површина. Исто така се работи и на фонтаната, која е со правоаголна форма, со димензии 20 на 10 метри и ќе претставува вкопано армирано-бетонско корито. Површината врз армирано-бетонското корито ќе биде изработена од светло сиви гранитни плочи со димензии 60 на 60 сантиметри и со дебелина од 10 сантиметри, објаснуваат од градската канцеларија за информирање.

Фонтаната како што е познато ќе има 128 прскалки кои во летниот период ќе му даваат свежина на новиот амбиентален простор.

За изведба на сите градежни работи на плоштадот „Македонија“, велат од Градот, потребно е подолго време, бидејќи реконструкцијата на партерот се врши етапно, токму поради тоа што на граѓаните треба да им се овозможи непречено движење, односно да им се овозможи слободна пешачка зона во текот на изведбата на градежните работи. Фиксно оградено градилиште се формира околу просторот за новата површинска фонтана, а другите делови ќе се обновуваат во фази. Покрај ова, ќе се работи и на инсталациите и осветлувањето на фонтаната и уредувањето на машинската хала за фонтаната, појаснуваат градските власти.

Проектот за изградба на површинската фонтана и за реконструкција на партерот на плоштадот „Македонија“ е на Јавното претпријатие за просторни и урбанистички планови „Прилеп“, а на терен ќе работат екипите на градежната компанија „Трансмет“ од Скопје. Овој проект ќе чини околу 150 милиони денари.

Постојните плочи на плоштадот делумно ќе бидат зачувани, а другите како што беше најавено, ќе бидат извадени и ќе се употребат на плоштадот кај црквата „Пресвета Богородица“.

На местото на извадените плочи, при реконструкцијата на партерот на плоштадот „Македонија“ ќе биде поставена коцка. Проектот е автономно проектно решение за дел од партерот на плоштад „Македонија“, на кој ќе бидат заменети и канделабрите, клупите и кантите за смет.

http://www.utrinski.mk/?ItemID=253BE34B3D91D14A8DC0739BCF2716CC

Скопскиот плоштад ќе светне и ќе прсне со 128 светилки и млазници


Скопје, 9 јуни, 2015     (META)
Новиот лик на скопскиот плоштад е готов, а тарабите со кои беше ограден деновиве почнаа да се отстрануваат.

Наскоро треба и свечено да биде промовиран.

Според планираното, на плоштадот Македонија е изградена фонтана во правоаголна форма, со димензии 20 на 10 метри и со вкопано армирано бетонско корито. Површината врз коритото треба да биде изработена од светлосиви гранитни плочи со димензии 60 на 60 сантиметри и со дебелина од 10 сантиметри.

На плочите од фонтаната ќе бидат поставени ЛЕД-светилки со отвори за вградување млазник. Фонтаната ќе ја сочинуваат 128 млазници со 128 светилки. Визуелниот ефект на фонтаната ќе се постигне со игра на млазевите, а навечер и со игра на светлата.

Во близина на фонтаната ќе се изведе комора, односно машинска хала, во која ќе се постави неопходната опрема за работењето на фонтаната: сензори, скимери, филтри, сонди и друго.

Покрај изведбата на површинска фонтана, на плоштадот Македонија е извршена и реконструкција на партерот.

Водата што прска од млазниците ќе понира меѓу плочите и ќе се враќа во системот. Атмосферските води од партерот, преку каналетки, ќе се одведуваат преку постојната атмосферска мрежа.

Проектот за изградба на површинската фонтана и за реконструкција на партерот на плоштадот Македонија е на Јавното претпријатие за просторни и урбанистички планови – Прилеп, а на терен работеа екипите на градежната компанија „Трансмет“ од Скопје. Овој проект, според најавите, чини околу 150 милиони денари, од кои Град Скопје обезбеди една третина, а Владата на Република Македонија – две третини.

http://meta.mk/skopskiot-ploshtad-ke-svetne-i-ke-prsne-so-128-svetilki-i-mlaznitsi/

Отворен новиот плоштад во Скопје

Со пуштање во употреба на новата, таканаречена сува фонтана, вредна 2, 5 милиони евра повторно е отворен скопскио плоштад. Парите за фонтаната беа обезбедни од Градот Скопје (една третина) а другиот дел од Владата.









По спомениците, со оваа фонтана значително е намален просторот за движење на градскиот плоштад.



http://a1on.mk/wordpress/archives/501407

Не ми се допаѓа како изгледа, боите не ми соодветствуваат, претходниот плоштад беше подобар.
Вакви фонтани можеа во Градски Парк да постават а не на централниот плоштад каде треба народ да се движи.

Edited by Macedonicus - 15-Jun-2015 at 12:46

А палми?

Искрено мислев дека ќе биде подобро со ова,ама на ништо не личи.
Нулта на скалилото на складност со околината.
Овој стил и бои одговараат за некој поегзотичен град,покрај големо количество на вода како море,езеро...

Daj i mesec dva i belava boja ke potemni

Drva ke sadat od dvete strani?