build.mk Homepage
Forum Home Forum Home > Главни теми > Урбани прашања > Урбанистички целини
  Active Topics Active Topics
  FAQ FAQ  Forum Search   Register Register  Login Login

Урбанистички планови и парцели (општо)

Bookmark and Share
 Post Reply Post Reply Page  <1 2930313233 64>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #601 Posted: 22-Jul-2011 at 19:09
Да речеме овде

Една куќа може да има само три стана

Куќа може да се гради, ама само со три станбени единици, а не како досега со осум

Куќа може да се гради, ама само со три станбени единици, а не како досега со осум. Ова се новините во Правилникот за стандарди и нормативи за урбанистичко живеење објавени вчера во „Службен весник“. Според овие измени, индивидуална куќа веќе нема да биде објект со осум станбени единици, туку ќе биде со три. „Она што во иднина ќе треба да го правиме е како да се дефинира централното градско подрачје. Повторно има дел каде што инвеститорот и институциите проценуваат кога е во интерес на општо добро да се одземе некоја зелена површина. Тоа е нешто за што сметаме дека има простор за злоупотреба од некои инвеститори и ќе треба заедно со институциите и овој дел да го разгледаме“, вели пратеничката Лилјана Поповска. Таа најави дека ќе побараат од институциите примена на правилникот и ревизија на градбите што моментно имаат добиено дозвола, но не се опфатени со Правилникот и со деталните урбанистички планови. Целта, според неа, е да не се случи тие градби да добијат легализација.

Граѓанската иницијатива за здрава животна средина и здраво живеење на вчерашната трибина го отвори прашањето за тоа во какви стандарди и нормативи се врши урбанистичкото планирање во државата и како во практика тоа се одразува на заштитата на зелените површини.

Членовите на иницијативата порачаа да не се злоупотребува Законот за градба од инвеститорите и од општинската администрација. „Општините да не ги злоупотребуваат законите, бидејќи тоа што не им одговара не го земаат предвид. Применуваат само она што им одговара. Градежните инспектори да си ја гледаат нивната работа, а не да делат правни совети“, порача Аднан Ибраими, обвинувајќи дека службениците се поврзани со инвеститорите и не се води сметка на зелените површини и на животната средина. (Ек.Р.)

http://www.utrinski.com.mk/?ItemID=094A9A2D8E58C34E82F167E558804574
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #602 Posted: 26-Jul-2011 at 11:10

100.000 метри квадратни за спортско-рекреативен центар во Карпош

  • Објавено: пред 18 минути |
  • Прочитано: 16 |
  • Печати |
http://plusinfo.cfd.mk/large_pics/2011/07/26/Untitled.png

Советниците на општина Карпош дадоа виза за измена на деталниот урбанистички план со цел изградба на спортско-рекреативен центар на потегот од булеварот 8-ми Септември до улица Љубљанска и приклучувањето со улицата Скупи, на површина од 100.000 метри квадратни.
Во рамките на спротско-рекреативниот центар, освен содржини за спорт и рекреација, се планираат и комерцијални и деловни објекти.
Според генералниот урбанистички план, постои техничка можност за изградба на амфитеатар, галерии, повеќенаменски стадион, угостителски објекти и слично.
-Планот е изработен со максимално почитување на ажурираната геодетска подлога со што се олеснува понатамошната реализација на инвеститорите- велат од општина Карпош.
Општината на 8 јули го донесе ДУП-от за урбана заедница Карпош 3 и со тоа обезбеди предуслови за инвестирање, а сега се чека на заинтересираните инвеститори да пројават желба за изградба на содржините кои се предвидуваат.
ДТ/ВЃ

http://www.time.mk/read/NONE/1b8b853b56/index.html
Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #603 Posted: 17-Aug-2011 at 23:32


Комплексот над Јужен булевар порасна за 18 ката



Од 16 метри висина и два ката, новиот ДУП дозволува деловниот комплекс зад Старата железничка станица да се издигне до 20 ката

Деспина Трајковска

Од 16 метри висина и дозволена катност од два ката, огромниот деловен комплекс што е предвиден да се гради над Јужен булевар зад Старата железничка станица сега е проектирано да може да се издигне до максимум 20 ката. Тоа е единствената разлика што ја предвидува последната верзија на предметниот ДУП, кој од вчера се наоѓа на увид на граѓаните. Всушност, се повторува постапката за донесување на урбанистичкиот план кој неодамна беше укинат од страна на Уставниот суд поради скратената постапка на усвојување, иако законските норми кога се донесе планот не го дозволуваа тоа.

И во оваа верзија е предвидено да се изградат неколку комерцијално-деловни објекти во должина од околу 1 километар над Јужниот булевар, кој во овој дел е предвиден како подземна сообраќајница. Во план е да се најде инвеститор што би го изградил булеварот, а за возврат ќе ги добие парцелите за градба што се над него. ДУП-от ги потврдува и трите ротонди во реонот на Стара железничка станица. Два помали кружни тека треба да го „негираат“ надвозникот кон Црниче, со едниот ќе се врзат улиците „Мито Хаџивасилев-Јасмин“ и „Кочо Рацин“, а со другиот „Железничка“ и „Бихаќска“. На другата страна на комплексот, пак, сообраќајното решение на планот предвидува да се изгради голема ротонда, која ќе го регулира сообраќајот на раскрсницата на улиците „Јасмин“ и „Железничка“ со „Свети Климент Охридски“, „Водњанска“ и „Васил Ѓоргов“.

Лидија Андреевска од „Тајфа план“, фирмата автор на ДУП-от, информира дека и во овој случај се потврдува конзерваторската основа за дел од реонот. Односно, планираниот комерцијален објект на местото на сегашниот паркинг помеѓу Музејот и ТЦ „Рамстор“ ќе треба да се изгради со „пресликана“ фасада и висина како и железничката станица. Според Андреевска, планот дава можност и за обнова и развој на разрушениот дел на Старата железничка станица, кој практично е испланиран да биде влез во новиот деловно-административен комплекс.

„Предвидено е цел булевар да е подземен, а над него да се наоѓаат дел од градбите. Паркирањето ќе се решава и со подземен паркинг, што е веќе реализирано со постојните градби на трговскиот центар и банката. Инаку, овој план е од големо значење за Скопје, особено сообраќајната студија, која има добиено виза од Градот Скопје и од Министерството за транспорт и врски“, вели Андреевска за која Јужниот булевар има значење исто како и северната обиколница на Скопје.

ДУП-от предвидува подземната улица да биде широка 31,5 метри, од кои по две ленти од по 3,75 метри во двата правци, две ленти по 3 метри наменети за застанување на возилата, како и средишен коридор во кој има зацртано трамвајска пруга. Објектите над булеварот со околните содржини ќе се поврзуваат со еднонасочни улици. Проектирано е комплексот да се поврзе со новиот хотел, деловниот објект и со трговскиот центар кои се' уште не се изградени.

Политички препукувања

Предметниот ДУП пред две години беше причина за политички препукувања меѓу власта и опозицијата. Опозиционерите сметаа дека се прави голем криминал, оти наводно го нарачала ДУП-от за бизнис-интереси на луѓе блиски на владејачката партија. Иако ДУП-от официјално беше ставен во владината програма за изработка на приоритетни урбанистички планови, наводно, финансиер, сепак, не била Владата, туку друг инвеститор што бил заинтересиран да го изгради подземниот булевар, а за возврат да ги добие парцелите за градба над него.

Градските власти, пак, информираа дека ГЕММА, фирмата која ги гради хотелот и трговскиот центар зад „Рамстор“, им понудила да изгради дел од Јужен булевар, на потегот од раскрсницата со „Водњанска“ до подвозникот во Кисела Вода. За возврат, фирмата би требало да добие уште една градежна парцела на таа локација. Градот и фирмата дури имаа потпишано и протокол за соработка.

izvor
Back to Top
Charlie View Drop Down
Newbiе
Newbiе


Joined: 19-Aug-2011
Location: Skopje
Online Status: Offline
Posts: 0
  Quote Charlie Quote  Post ReplyReply #604 Posted: 19-Aug-2011 at 13:47
Здраво на сите, го следам форумов од поодамна мислам дека е одличен.
Имам само едно прашање незнам дали има некој упатен да објасни околу работиве со железничкава музеј? го прочитев натписов па ме интересира дали навистина има иницијатива за обнова на разрушениот дел на Старата железничка станица? бидејки сметам дека старата железничка била еден маркантен објект во овој град па заслужува да биде обновена, се разбира со некоја друга намена.

Edited by Charlie - 19-Aug-2011 at 13:53
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #605 Posted: 22-Aug-2011 at 16:53
Добредојде Charlie

Во ДУП-от има предвидено маркичка за објект кој одговара на старата железничка станица. Но дали навистина би се обновувала, со колкав степен на автентичност и со каква намена, тоа тешко дека некој може да каже, со оглед на тоа дека кај нас прејде во навика ваквите планови да се менуваат на дневна база. Во прилог на неизвесноста по ова прашање на пример говори и фактот дека ДУП-от „Стара Железничка“ од 2009 година, за конкретната градежна маркичка предвидуваше деловен простор, а со последниве две верзии од годинава е предвидена намена - култура. За жал на сајтот на општина центар не можам да го најдам текстуалниот дел на ДУП-от, евентуално ако таму е образложено подетално што точно се планира, ако воопшто е искристализиран некаков план, макар и минлив.


Еве извадок од најновиот предлог-ДУП






Од друга страна еве што пишува во извештајот за животната средина за ДУП-от (инаку ова е постара верзија на документот, не знам дали сеуште е актуелна).







Edited by Cloverstack - 22-Aug-2011 at 16:57
Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #606 Posted: 22-Aug-2011 at 19:20
Ќе се менува урбанистичкиот план за Горно Лисиче
понеделник, 22 август 2011, 19:11
Жителите на населбата Горно Лисиче стравуваат дека државата ќе им ги сруши дивоизградените куќи, зашто на тоа место се планира изградба на булевар. Александар Зиков веќе 20 години живее на улицата „Тодор Чангов“, каде е предвиден булеварот. Тој веќе поднел барање за легализација, но и покрај тоа стравува дека неговата куќа нема да може да се легализира без промена на урбанистичките планови.

- Од општина велат дека ништо нема да биде, но додека не ги добиеме потребните документи, ништо не верувам. Поднесовме документи, бележани сме веќе со црвено каде треба да биде Булеварот и сега ништо не ни издаваат, ќе чекаме до 3 септември. Петиција поднесовме за промена на ДУП, кажаа дека се сменил, па и таму се бунеле граѓаните, па рекоа дека ќе се решава на ниво на општина, вели Александар Зиков, жител на општина Аеродром.

Од општината Аеродром велат дека нема да ги уриваат куќите, бидејќи до крајот на годината треба да биде усвоен новиот урбанистички план.
Трасата на булеварот што треба да се гради ќе биде поместена, вели градоначалникот Коневски.

- На оние места каде има објекти кои според ДУП се спротивни, ќе се обидеме да ги усогласиме, со тоа што ќе ги измениме плановите со булеварот согласно генералниот урбаниситчки план. Кога ќе го усогласиме ГУП со фактичката сосотјба, тогаш следи промена на ДУП и тогаш ќе ги легализираме и тие објекти, вели градоначалникот на општина Аеродром, Ивица Коневски.

На местото каде е предвидено да се изгради булевар живеат околу 2000 луѓе, во 300 до 400 дивоизградени куќи.
http://vesti.alfa.mk/default.aspx?mId=37&eventId=40116
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #607 Posted: 23-Aug-2011 at 03:39
Јасно е дека неможе да се очекува од некој што е предмет на експропријација да демонстрира општествена одговорност и да покаже коопретивност за квалитетот на живеење на неговите соседи, само не ми е јасно како може институции и политиката да ретерираат кога за неколку изгубени гласови и галами што ќе се заборават за кратко време, добиваат куп гласови. И крај крајева легализацијава е чисто објектите да влезат во системот  во регистрацијата како градежен капитал, не за да се пореметат урбанистичките текови. А од друга страна па и тука гуп-от е така малку од ѓутуре нацртан бес почитување на предходната мрежа, а Чангов требала да биде како некоја основа  што ќе се испочитува, нормално не зборам за компромиси на сметка на поврзувањето со останатиот дел од градот.
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #608 Posted: 07-Sep-2011 at 10:32

Зад старата железничка станица ќе се градат 20-катници

Во Скопје, на барање на Владата

скопје
Откако Уставниот суд го укина Деталниот урбанистички план  "Стара железничка станица", по барање на Владата надлежните од општината Центар подготвија нов предлог-план според кој деловните објекти на Јужниот булевар, пораснаа, ни повеќе ни помалку, туку за цели 18 ката. Со последните измени на планот, место два ката со приземје и потпокрив, на просторот зад старата железничка станица, ќе се дозволи да се градат комерцијални и деловни објекти од 20 ката.
Со јавната анкета која штотуку заврши, општината Центар одново ја почна постапката за донесување на нов ДУП „Стара железничка станица“. Пред неколку месеци, измените кои се предвидуваат со овој план паднаа на Уставен суд, оти тој беше донесен по скратената постапка. Затоа сега се повторува целата законска постапка, односно планот до крајот на август беше на јавна анкета, за заинтересираните скопјани, кои живеат во овој дел од градот да го разгледаат и да поднесат евентуални приговори. По ова, нацрт-верзијата на планот ќе се најде на дневен ред на некоја од есенските седници на Советот на општината.

Освен висината на венецот на објектите, планот е речиси ист како и оној донесен минатата година. Со ДУП се предвидува Јужниот булевар, во овој дел од центарот на Скопје, да се гради под земја, а врз него се проектирани деловни и комерцијални објекти, односно просторот е замислен како голема пешачка зона. Според плановите на локалните власти, ќе се бара инвеститор кој би ја финансирал изградбата на булеварот, а за возврат тој ќе го добие земјиштето над сообраќајницата. Во јавноста уште минатата година се шпекулираше дека земјиштето ќе се даде на Мијалков, Камчеви, Азманов...

- Дваесет ката е максималната висина, што не мора да значи дека сите објекти ќе бидат толку високи. Треба да се има предвид дека четири до пет ката од објектите ќе бидат искористени за паркинг-простор, имајќи предвид дека подземен паркинг нема да може да се гради поради булеварот, објаснуваат од проектантската куќа "Тајфа план", која го изработи овој ДУП.

За пристап до Јужниот булевар ќе се градат и три кружни текови. Две помали ротонди треба да го „анулираат“ надвозникот кон населбата Црниче, поточно, со едната ротонда ќе се врзат улицата Мито Хаџивасилев-Јасмин и булеварот Кочо Рацин, а со другата улиците Железничка и Бихаќска. На другата страна на комплексот, пак, сообраќајното решение на планот предвидува да се изгради голема ротонда кај деловниот објект на НЛБ Тутунска банка, која ќе го регулира сообраќајот на крстосницата на улиците Мито Хаџивасилев-Јасмин и Железничка со булеварите Свети Климент Охридски, Водњанска и улицата Васил Ѓоргов.

Планот предвидува и изградба на трговски центар на паркингот меѓу Музејот на Скопје и ТЦ „Рамстор“. Трговскиот центар освен истата висина, треба да има и фасада иста како онаа на Старата железничка станица, за која е предвидено да се реставрира. Од „Тајфа план“ информираат дека планот има конзерваторска  основа за дел од реонот, затоа што е дадена можност за обнова и развој на урнатиот од земјотресот во 1963 година дел од Старата железничка станица, кој практично е испланиран да биде влез во новиот деловно-административен комплекс.

Покрај трговскиот центар, со измените на планот е предвидена и маркичка за изградба на катна гаража зад "Рамстор". И со оваа верзија е предвидено да се изградат низа комерцијално-деловни објекти во должина од околу еден километар над Јужниот булевар, кој во овој дел е предвиден како подземна сообраќајница.

Овој план е од големо значење за Скопје, особено сообраќајната студија, која доби виза од Градот Скопје и од Министерството за транспорт и врски, велат проектантите, за кои Јужниот булевар има значење исто како и северната обиколница на Скопје.

Деталниот урбанистички план предвидува подземната улица да биде широка 31,5 метри, со по две ленти од по 3,75 метри во двата правци, две ленти по три метри наменети за застанување на возилата, како и средишен коридор, во кој е зацртано да поминува трамвај. Објектите над булеварот со околните содржини ќе се поврзуваат со еднонасочни улици. Проектирано е комплексот да се поврзе со новиот хотел, деловниот објект и со трговскиот центар на улицата Железничка, што со години се чека да се изградат.

Пред две години овој Детален урбанистички план беше причина за политички препукувања меѓу власта и опозицијата. Опозицијата, тогаш сметаа дека со планот се прави голем криминал, затоа што планот бил наводно нарачан за бизнис интересите на личности блиски на владејачката партија. Иако ДУП официјално беше ставен во владината програма за изработка на приоритетни урбанистички планови, наводно, финансиер, сепак, не била Владата, туку  инвеститорот - заинтересиран да го изгради подземниот булевар, а за возврат да ги добие парцелите за градба над него.

Градските власти, пак, информираа дека „ГЕММА“, фирмата што ги гради хотелот и трговскиот центар зад „Рамстор“, им понудила да изгради дел од Јужниот булевар, на потегот од раскрсницата кај булеварот Водњанска до подвозникот во Кисела Вода. За возврат, фирмата требало да добие уште една градежна парцела на таа локација. Градот и фирмата дури имаа потпишано и протокол за соработка.

Границите на опфатот на овој ДУП се сообраќајниците Мито Хаџивасилев-Јасмин, Водњанска, Железничка и Бихаќска, со површина од 14,28 хектари. Поделен е на три блока со вкупно 18 градежни парцели.

Уставниот суд бадијала укинува
Уставниот суд на седница во март годинава ја укина Одлуката на советот на општината Центар, за измена и дополнување на Деталниот урбанистички план „Стара железничка станица“, од 30 август 2010 година. Судот утврди дека Одлуката била донесена по скратена постапка во време кога не постоела таква законска можност, согласно Законот за урбанистичко и просторно планирање. Донесувањето на урбанистички планови по скратена постапка беше укинато со измените на овој закон од јули 2009, кои стапија во сила на 31 декември истата година.

Ист ваков епилог доживеа и верзијата на Деталниот урбанистички план „Мал Ринг“, од 29 јануари 2010 година. Како и во тој случај, општината во новата верзија на плановите внесе повеќе измени. Интервенцијата на уставните судии, освен усвојување на нов план по редовна постапка, секогаш ја отвора можноста за маркички за нови објекти.

http://www.time.mk/read/NONE/b524122ec8/index.html
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #609 Posted: 10-Sep-2011 at 22:08
DUP ovi na Opstina Kicevo http://www.kicevo.gov.mk/dup.html

PS: Ivani dol e industriska zona, posto ovde ima edna 2 ne sum siguren ama edno e sigurno i toa deka imeto ivani dol e industriska zona i tamu na golemo se gradi



Back to Top
theMac3donian View Drop Down
Senior Member
Senior Member
Avatar

Joined: 30-Mar-2010
Online Status: Offline
Posts: 306
  Quote theMac3donian Quote  Post ReplyReply #610 Posted: 13-Sep-2011 at 06:30
Нов предлог ДУП на неколку реони во Гевгелија, е изложен за јавноста. Билтенот пишува дека ДУП-от ќе биде на разгледување 10 дена.

Најверојатно се работи за ДУП-от околу централниот градски реон.
(НУ)МНМБЗДИСМНВИМНЖНКР
Back to Top
gorco View Drop Down
Senior Member
Senior Member

Google Maps: Regional Expert

Joined: 22-Oct-2009
Online Status: Offline
Posts: 642
  Quote gorco Quote  Post ReplyReply #611 Posted: 06-Oct-2011 at 08:34
Датум: 05.10.2011, 19:18

до краЈот на октомври темелник за ОСУМKАТНИЦА KАЈ ХРАМОТ „ПРЕСВЕТА БОГОРОДИЦА“

Актерите ќе се селат од бараки во зграда

ФДУ ќе биде дел од административната зграда, чија изградба ќе почне до крајот на октомври, и во која ќе се преселат уште 10 државни институции како УЈП, Агенцијата за планирање на просторот, Дирекцијата за спречување перење пари, Државниот девизен инспекторат и други

Покрај Вардар, во околината на црквата „Пресвета Богородица“ до крајот на октомври ќе почне изградбата на административната зграда во која ќе бидат сместени 10 државни институции, како и новите простории на Факултетот за драмски уметности (ФДУ). Студентите на овој факултет, а и вработените, со децении функционираат во привремени бараки, подарени по земјотресот, а и расфрлани на неколку локации во Скопје.

Објектот готов за 20 месеци

Kога објектот ќе биде готов, во него ќе се преселат Бирото за судско вештачење, дел од Управата за јавни приходи, Агенцијата за планирање на просторот, Дирекцијата за спречување перење пари, Државен девизен инспекторат, Државниот завод за индустриска сопственост, Националната агенција за европски образовни проблеми, Бирото за регионален развој, Технолошки индустриски зони, како и Агенцијата за цивилна воздушна пловидба. Секоја од институциите ќе има посебен влез.

Службата за општи и заеднички работи во Владата на Македонија веќе распиша оглас за избор на фирма која ќе го гради објектот.

- Изборот е во тек, а најповолната понуда се очекува да биде избрана за две недели, а наскоро треба да добиеме и одобрение за градба од Општина Центар - изјави Васе Доневски, директор на Службата за општи и заеднички работи.

Околу деталите за објектот, информираше дека ќе биде со површина од 24.000 квадратни метри, на седум ката плус потпокрив, а паркирањето ќе биде решено со подземна гаража на две нивоа со капацитет за 130 возила. Инвеститорот, според договорот, има обврска да ја заврши градбата во рок од 20 месеци.

Плоштад пред црквата „Пресвета Богородица“

Директорот Доневски не откри колку ќе чини изградбата на објектот, со образложение дека тоа ќе биде познато откако ќе заврши тендерот за избор на најповолен изведувач.


Урбанистичкиот план за локалитетот „Пресвета Богородица“ ги решава и барањата на Македонската православна црква, за содржините околу православниот комплекс. Па така, зад храмот се предвидени библиотеката на МПЦ во која ќе се чуваат нивните вредни книги, крстилница и простории за богослужителите на црквата. Во предниот дел, кон реката Вардар ќе биде седиштето на МПЦ и официјалната резиденција на архиепископот охридско-македонски.

Пред самата црква, како што објаснија надлежните од Општината Центар, се подготвува проект за плоштад, кој ќе се простира до самата река Вардар. Kомуникацијата со другата страна на реката ќе биде решен со пешачки мост.

http://dnevnik.com.mk/?ItemID=83C4A3B0CA667644ABC23B12B4EE759F

Edited by Cloverstack - 06-Oct-2011 at 11:21
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #612 Posted: 07-Oct-2011 at 11:11

Трговски центар наместо црква во Ново Лисиче


Наместо црква, жителите на реонски центар Аеродром ќе добијат трговски центар

 

 
%20  
Ова се новините во деталниот урбанистички план што деновиве им е поставен на увид на граѓаните во основното училиште „Лазо Ангеловски“. Инвеститорот ќе треба да направи и мало црквиче во неговата парцела.

Измените во урбанистичкиот план Реонски центар урбана единица А - блок 1 и 2 се отворени на увид на јавноста до 19-ти овој месец, секој ден од 12 до 19 часот. Воедно граѓаните тука ќе имаат можност да ги поднесат своите забелешки.

Јавната презентација, на која ќе присуствува стручен тим што ги правел измените во планот, ќе се одржи на 12 октомври во 17.30 часот.

http://www.novamakedonija.com.mk/NewsDetal.asp?vest=1071194447&id=14&prilog=0&setIzdanie=22400
Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #613 Posted: 17-Oct-2011 at 00:08
Фонтани и споменици пред црквата „Пресвета Богородица“
Фонтани, нови градби, плоштад се само дел од новите содржини што ги предвидува планот „Пресвета Богородица“ за урбанизација на левиот брег на Вардар, во делот на истоимениот храм. Овој простор, со децении мрачен и запуштен, во наредните две години ќе претставува вистинско градилиште.

Општината Центар распиша конкурс за избор на изведувач на комплексот фонтани, предвидени да се градат на плоштадот пред црквата, кој е во фаза на проектирање. Фонтаните, според информациите на општинарите, ќе бидат дел од спомениците кои веќе се леат, и тоа со релјефи на житијата на Пресвета Богородица, свети Петар и Павле и свети Никола.

Покрај Вардар, пак, во околината на црквата „Пресвета Богородица“, до крајот на месецов ќе почне изградбата и на административна зграда, информираа неодамна од Службата за општи и заеднички работи при Владата. Во осумкатницата ќе бидат сместени 10 државни институции, како и новите простории на Факултетот за драмски уметности (ФДУ). Левиот брег на Вардар со десниот ќе биде поврзан со нов пешачки мост.

Урбанизирањето на овој локалитетот, долж реката, според урбанистичкиот план, подразбира и изградба на библиотека на МПЦ во која ќе се чуваат вредни книги, како и крстилница и простории за богослужителите на црквата. Во предниот дел, кон реката Вардар ќе биде седиштето на МПЦ и официјалната резиденција на архиепископот охридско-македонски. (Ј.И.)
http://www.dnevnik.com.mk/default.asp?ItemID=7E092E73A9429A498302B4B892491ED4
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #614 Posted: 17-Oct-2011 at 18:56

Згради ќе ги заменат воените бараки во Аеродром


Со промената на урбанистичките планови, стотината монтажни воени бараки во Аеродром треба да се заменат со 25 нови згради, високи до 23 метри

 

 
%20  
Ваквиот план, особено локацијата, се покажа како мошне интересен за инвеститорите. Иако не се води прецизна евиденција до каде стигнало преобликувањето на овој дел од населбата, и инвеститорите и локалните власти очекуваат таа да заврши за неколку години.

Ниските бараки се направени по земјотресот во 1963 година и зафаќаат по шеесетина квадратни метри. Залепени се една до друга и наместени во редови, а меѓу нив се протнуваат тесни и неосветлени патеки. Со урбанистичкиот план за локалитетот Црква, урбана единица Б, сето тоа треба да се замени со нови згради, кои во зависност од квадратурата може да имаат различен број станови. Меѓу објектите треба да има и нови сервисни улици што ќе се вклопат во постојната сообраќајна инфраструктура.

„Дабар“ е една од фирмите што градат нови згради врз темелите на старите бараки. Од фирмата потврдуваат дека интересот за купување станови во овој дел од градот е голем и затоа решиле да инвестираат тука. Нивниот станбено-деловен објект ќе има две подземни нивоа со гаражи, паркинзи и со остави, на приземјето ќе се сместат 28 локали со различна големина, а на шесте ката и на поткровјето ќе има вкупно 98 стана со различни функционални решенија и квадратура.
 
 
http://www.novamakedonija.com.mk/NewsDetal.asp?vest=101711100176&id=14&prilog=0&setIzdanie=22407
Back to Top
N23 View Drop Down
Senior Member
Senior Member
Avatar

Joined: 03-Feb-2011
Location: Skopje
Online Status: Offline
Posts: 2159
  Quote N23 Quote  Post ReplyReply #615 Posted: 19-Oct-2011 at 23:12

ПО ПЕТ ДЕЦЕНИИ, ПЛАН ЗА СТАРОТО МААЛО KРЊЕВО

Ќе паднат ќерпичите, ќе никнат кули

Седумкатници на местото на старите и трошни куќарки кои датираат од пред еден век, но и пошироки улици наместо сегашните тесни и валкани предвидува планот за населбата Kрњево кој Општината Центар им го презентира на жителите. Овој локалитет се наоѓа спроти Сајмиште. Некои од жителите се задоволни од решенијата кои по пет децении застој во урбанизацијата ги нуди Општината, други не. Малкумина се изјаснија дека сакаат да си ги задржат куќите наспроти мнозинството кое сака да се најде инвеститор кој би градел.

За граѓанинот Димче Марковски планот е профитерски.

- Тој не е направен за да можат луѓето да живеат удобно. Ни беше ставен на увид само нацртот без никакви анализи за бројот на жители, без решени паркинг-места. Секој треба да си обезбеди паркирање во рамките на својата парцела. Исто така, нема пристап за возила, нема пешачки патеки, нема детска градинка, образовна институција, ниту спортски игралишта - рече тој.

Имаше негодувања и барања и за конечно бришење на замислениот булевар Kрушевска Република од Генералниот план на Скопје, а со тоа и во детаљниот. Во урбаната заедница, каде што ќе биде јавната анкета, ќе има и петиција за собирање потписи за ваквата иницијатива. Поради овој булевар, односно неговата неизградба, пет децении Kрњево немаше можност за развој. За изградбата мора да се урнат 30 куќи, но државата никогаш не најде пари за негова реализација, и тоа од Маџир Маало преку Kрњево со цел потоа да се спои со „Никола Kарев“ во Автокоманда. Доколку решението се избрише од плановите, на местото на овие објекти може да се предвиди колективно домување.

Своите забелешки во однос на нацрт-планот граѓаните можат да ги доставуваат до 11 ноември годинава, секој работен ден од 10–17 часот во урбаната заедница „Kрњево“.

Анела Петрова

 

Чифлиганец ќе гради 15-катница

Нацрт-планот за старото маало Kрњево предвидува зграда од 15 ката и 1.225 стана на паркингот пред хотелот, кој се наоѓа спроти Сајмиште. Планерите кои им го презентираа планот на жителите обелоденија дека објектот ќе го гради бизнисменот Ванчо Чифлиганец, поранешен пратеник. На некои од жителите не им беше јасно зошто во внатрешноста на маалото висините се помали од оваа зграда, на што добија одговор дека висината ја диктира големината на парцелата.

- На аглите меѓу две големи сообраќајници дозволено е да има повисоки згради. Очекуваме објектот каскадно да се спушта и постепено да се доближи до висината на останатите објекти - истакна планерката Лидија Андреевска од куќата „Тајфа план“.

Претставник на градежната фирма „Адора инженеринг“, на која Чифлиганец е директор, потврди дека зградата која ќе се гради на паркингот пред хотелот „Вип“ е на градежната фирма на овој бизнисмен.

- Таа ќе биде со големина предвидена со планот - одговори Драгана Чифлиганец, претставник од „Адора“.

http://dnevnik.com.mk/?ItemID=07ABBEDB5C7D044197E1B7EF064AB63C
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #616 Posted: 19-Oct-2011 at 23:55


Овој ДУП е уште еден куп безидејно нафрлани маркички и прошарани улички, по линија на најмал можен отпор. Да ти се плукнам на ваквиот „урбанизам“ и ваквиот „прогрес“.

Сепак, убедливо најбитно е да биде сочуван коридорот за булеварот Крушевска република   Cheers




Back to Top
Dave Gahan View Drop Down
Senior Member
Senior Member
Avatar

Joined: 27-Oct-2008
Location: 42°0′N,21°26′E
Online Status: Offline
Posts: 986
  Quote Dave Gahan Quote  Post ReplyReply #617 Posted: 20-Oct-2011 at 08:25
Имаше негодувања и барања и за конечно бришење на
замислениот булевар Kрушевска Република од Генералниот план на Скопје, а
со тоа и во детаљниот. Во урбаната заедница, каде што ќе биде јавната
анкета, ќе има и петиција за собирање потписи за ваквата иницијатива.
Поради овој булевар, односно неговата неизградба, пет децении Kрњево
немаше можност за развој.
Со кого го делиме градов еееј, не ми се верува...банда од неколку луѓе да си игра со ГУП на главен град на држава што си замислува дека метропола ќе стане...а со вакви планови може да биде само едно село со високи згради...


Претставник на градежната фирма „Адора инженеринг“, на која Чифлиганец е директор, потврди дека зградата која ќе се гради на паркингот пред хотелот „Вип“ е на градежната фирма на овој бизнисмен.

- Таа ќе биде со големина предвидена со планот - одговори Драгана Чифлиганец, претставник од „Адора“.
Тие се и авторите на планот, а „Тајфа“ е потписник, тоа се гледа од авион...
Планов е во стилот на оној за Ново Маало, како и постарите од Буњаковец-Дебар-маало потегот од кои веќе 15 години ги гледаме резултатите...страшно, ужасно - не знам што е подобро, може и вака да си остане село и никогаш ништо да не се изгради...и очекувате после некои убави да се изградат на вакви површини за градење...
MAKE CAPITALISM HISTORY
Back to Top
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #618 Posted: 20-Oct-2011 at 09:54
Овој дел од Скопје ќе стане ново Дебар маало, полигон за натпревар на правење немилосрден профит без ниту тронка чувство за тоа како ќе изгледа финалната населба.
Back to Top
The Man View Drop Down
Senior Member
Senior Member


Joined: 06-Oct-2009
Online Status: Offline
Posts: 135
  Quote The Man Quote  Post ReplyReply #619 Posted: 20-Oct-2011 at 14:36
Back to Top
alexgizh View Drop Down
Moderator Group
Moderator Group
Avatar

Joined: 07-Jan-2009
Location: Skopje
Online Status: Offline
Posts: 1975
  Quote alexgizh Quote  Post ReplyReply #620 Posted: 20-Oct-2011 at 15:13
Previous

А јас мислев дека Орце Николов е испокршена улица...

The only thing necessary for the triumph of evil is for good men to do nothing.
Back to Top
 Post Reply Post Reply Page  <1 2930313233 64>

Forum Jump Forum Permissions View Drop Down



This page was generated in 0.281 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.