Урбанистички планови и парцели (општо)

Originally posted by bobimkd Дали некој може да ми покаже нацрт план на општина гази баба, поточно регионот околу стара комуна. Што ке се гради/руши или доколку немате нацрт план а имате било каква информација ве молам споделете фала!

Овие два ДУП-ови речиси целосно го опфаќаат просторот околу фабриката, но не и самата фабрика, се надевам ти вршат работа. За жал немаат ниту легенда, ниту табеларни податоци... едноставно не се премногу user-friendly.

http://www.gazibaba.gov.mk/images/dupovi_2011_03/07_keramidnica_ub1.gif

http://www.gazibaba.gov.mk/images/dupovi_2011_03/08_keramidnica_ub1-.gif

http://www.opstinacentar.gov.mk/page7901657.aspx ДУП Маџир Маало и Градска порта (Ново Маало)

Во ГУП доминираат индустриските зони

На Прилеп, со измените на законот за просторно планирање, му претстои интензивна урбанизација. Урбанизмот е основа за развој на било кој град. Има сегрегација на урбанизирањето - од просторен план, генерален урбанистички план кој се изработува за градот и е основен стратешки документ за развој на градот. Урбанистичката документација не е догма која е дадена еднаш за секогаш, таа се менува постојано и лоша проекција на ГУП, може далекусежно да се одрази лошо на следните генерации. Некогаш се ограничува развојот на градот. Преважни се тие плански одредби. Добар ГУП дава предуслов за изработка на коректни и издржани ДУП-ови. ГУП-от третира наменски зони. Во тие наменски зони се креира зона за домување, зона за индустрија, зона за трговија, зона за јавни објекти. Сега со новиот ГУП, повеќе е нагласена  индустриската зона, согледувајќи ги потребите на нашиот град.

Прилеп 1 е првата индустриска зона во близина на Металец?

- Со стапката на невработеност природно се наметнува потребата дека треба да се форсираат напорите да се направи предуслов за изградба на нови стопански зони, во кои ќе се градат мали, големи и средни стопански капацитети кои ќе интегрираат во себе работна сила. ГУП-от беше проширен за 400 хектари, а од крајот на 80-те години нема продадена градежна парцела за индивидуално домување. Со измените, со добивањето на располагање на државното неискористено градежно земјиште на локалната самоуправа се создадоа услови за продажба на ова градежно земјиште. Градот оттуѓува земјиштето за градба на објекти кои се предвидени по овие урбанистички документи. Претстои продажба на парцели кај фабриката Металец. Во тек е тендерот. Во “игра” се 21  парцела со 15,6 хектари. Тоа ќе е добар инпут за стопанството, што во најмала рака ќе ја ублажи невработеноста. Се наметна природно, на тој дел да се изградат индустриски капацитети. Ќе “никне” индустриска зона и кај Сточниот пазар на 2 хектари. Стопанска зона ќе има и спроти Жито Прилеп.

http://www.zenitprilep.com.mk

ОПШТИНА ЦЕНТАР
Улицата пред поранешен ЗОИЛ ќе добие нови ленти




Деталниот урбанистички план ќе биде на јавна анкета во урбаната заедница Роберт Гајдиќќ до дваесетти април, а засегнатите жители ќе можат да ги остават своите забелешки за новите измени


По булеварите "Свети Климент Охридски" и "Илинден" во строгиот центар на градот ќе се шири уште една улица. Улицата "11 Октомври" е планирана со зголемен профил во деталниот урбанистички план на општина Центар Јужен дел на централно градско подрачјее. Планот кој се наоѓа на јавна анкета предвидува поширок профил на улицата на потегот од поранешен ЗОИЛ до крстосницата кај Тутунски комбинат. Според планот решението не е ново и е преземено од ГУП-от, а предвидува улицата да има коловоз широк 18 метри и тротоари по шест метри, што би значело дека наместо досегашните две ќе има по три ленти во двата правци. Исто така, зацртана е и трамвајска траса која треба да поминува по тој дел од улицата. Новина е и споменикот кој треба да се постави на крстосницата меѓу булеварите "Мито Хаџивасилев Јасмин" и "Кочо Рацин", во близина на основното училиште Димитар Миладинов". Споменикот ќе стои во новопланираниот кружен тек што треба да се направи на крстосницата на двете улици. Засега од Општина Центар не информираат што ќе биде претставено со споменикот. Деталниот урбанистички план ќе биде на јавна анкета во урбаната заедница Роберт Гајдиќќ до дваесетти април, а засегнатите жители ќе можат да ги остават своите забелешки за новите измени.

вечер

Стамбени згради, градинка, амбуланта и црква ќе се градат на запуштениот локалитет во населбата Ченто во општина Гази Баба.

Просторот кој беше запуштен и празен, по усвојувањето на урбанистичкиот план „Маџари 2, урбан блок 5“, почнува да се средува и урбанизира.

Според урбанистичкиот план, станбени објекти ќе се градат зад запуштениот Дом на култура „11 Октомври“ и во близина на маркетот Тинекс.

Пред извесен период заврши дислокацијата на останките од гробиштата во Ченто, кои беа преместени во Бутел и во Kамник. Според урбанистичкиот план овој терен е наменет за изградба на новата црква.

http://www.kurir.mk/republika/skopje/68082-Zgradi-gradinka-ambulanta-i-crkva-ke-se-gradat-vo-Cento

Zdravo,me interesira na kolku vreme se nosi ГУП konkretno za Ohrid me interesirat,dali primer ima zakonski rok primer na sekoj 10 godini ili za sekoj grad e razlicno ? I kade moze da se proveri tocno toa.Ako imate linkoj i slicno bi bile od korist  

Originally posted by OCB Originally posted by bojanbojan40 Zdravo,me interesira na kolku vreme se nosi ГУП konkretno za Ohrid me interesirat,dali primer ima zakonski rok primer na sekoj 10 godini ili za sekoj grad e razlicno ? I kade moze da se proveri tocno toa. Ako imate linkoj i slicno bi bile od korist   Планирањето на просторот се врши за период од најмалку: - петнаесет години за Просторен план на Републиката, - десет години за генерален урбанистички план, урбанистички план за село и урбанистички план вон од населено место и - пет години за детален урбанистички план. Со донесување на нов Просторен план на Републиката и нов урбанистички план, престанува да важи постојниот план. Пред истекот на пропишаниот плански период донесувачот на планот најмалку еднаш годишно изработува стручна анализа на плановите со која се утврдува евентуалната потреба од изменување и дополнување на плановите или дел од плановите. Последниот ГУП за Охрид го покрива периодот 2002-2012. Originally posted by mr bombastic Не се разбирам многу во усвојување на ДУП па ме интересира колку време отприлика е потребно да се усвои еден ДУП, дали од кога ќе се усвои мора тој реон да биде буквално според него и ако е така за колку време треба да се добие тој изглед според ДУП-от. Нема утврден универзален рок. Зависи од површината на просторот кој се уредува; сложеноста на теренот; гоедетските мерења; време за анализа на инжинер архитект; иницијаторот (физичко, правно лице или општината); финансиерот (општината или државата) итн. Обично целата постапка трае неколку месеци, но може да одземе и повеќе време. За да се добие дозвола за градба, планираниот објект мора да е предвиден во ДУП-от. Нема определено време за колку време треба да се изгради она што е предвидено со ДУП-от, освен ако не се работи за посебен договор помеѓу општината и инвеститорот во кој инвеститорот е задолжен објектот да го изгради во одреден рок. Во тој случај, доколку објектот не биде изграден во предвидениот рок инвеститорот плаќа пенали. За подетални информации прочитајте во пречистената верзија на Законот за просторно и урбанистичко планирање од 2011.

Дали ова значи дека ако се усвои ДУП-от за Маџир Маало тоа ќе биде крај за селските куќи од турско време односно дали маџирмаалците ќе мора да прифатат на место на нивните куќи да никнат згради, деловни и комерцијални објекти и друго?

ОТКАКО СО ГОДИНИ НИТУ ЕДНА ПАРЦЕЛА ОД ЛУКСУЗНИОТ КОМПЛЕКС НЕ СЕ ПРОДАДЕ


Нов ДУП за скопската елита да се вдоми на Зајчев Рид


Измената на урбанистичкиот план ќе оди во насока да се почитуваат катастарските парцели со кои ќе се олесни реализацијата на евентуални објекти кои мислат да ги градат инвеститорите, велат од Општина Карпош


Наместо елитна населба која требаше да никне зад Управата за хидрометеоролошки работи и по три години Зајчев Рид е пусто место обраснато со троскот. Проблемите со нерешените имотно-правни односи во овој дел од градот ја закочија изградбата на луксузниот комплекс кој требаше да понуди високорезиденцијални домови со пространи дворови, амфитеатар, два плоштада, хотел и многу други содржини. Интерес од инвеститорите има, но се откажуваат, бидејќи многу мал дел од површината е во државна сопственост. За конечно да се понуди посебна локација за домување на скопската елита, од Општината Карпош, во чијашто надлежност е сега земјиштето, најавуваат промена на Деталниот урбанистички план. Измените во планот наскоро ќе се најдат на дневен ред на седниците на Советот.
- Досега официјално барање за изградба на луксузни објекти на Зајчев Рид нема иако интерес од компаниите има. Бидејќи голем дел од парцелите таму се во приватна сопственост, општината ќе го промени урбанистичкиот план. Измената на ДУП-от ќе оди во насока да се почитуваат катастарските парцели со кои ќе се олесни реализацијата на евентуални објекти кои мислат да ги градат инвеститорите - вели Виолета Цветковска, портпарол на Општината Карпош.
Од Министерството за транспорт и врски, кои го најавија овој проект во 2008 г., само велат дека земјиштето на Зајчев Рид повеќе не е во нивна надлежноста и тие немаат одговорност за него.
- Во согласност со Законот за градежно земјиште Општината Карпош ги има преземено надлежностите во делот на управување со градежното неизградено земјиште - посочија од Министерството.

Луксузната населба требаше да се гради на површина од 150 хектари. Во планот се вцртани вкупно 103 градежни парцели, од кои блоковите за домување ќе бидат згради со осум ката и потпокрив, во кои ќе бидат сместени 4.000 стана. Покрај зградите предвидена е и изградба на куќи. За децата се предвидени две основни училишта, од кое едното ќе биде за странските дипломати и градинка. На највисоката точка на Зајчев Рид ќе се постави резервоар за вода, за потребите на месното население. Пешачката патека ќе води до амфитеатарот, од каде што ќе се гледа локалитетот Скупи. Во новата населба ќе можат да живеат од 24.000 до 28.000 жители. Во населбата ќе се влегува од четири места. Преку клучката кај Момин Поток, од надвозникот од патот кон Качаник, по булеварот "Словенија" и од потегот што води кон населбата Бардовци.
Освен Зајчев Рид изградба на елитни населби беа планирани и на Водно, Сончев Град и Хиподром 2, но сите тие засега се уште се само на хартија.

Аквапаркот ќе добие дозвола на 11 мај
Деталниот урбанистички план во кој влегува аквапаркот ќе биде донесен на посебна седница, закажана за 11 мај, изјави градоначалникот на Општина Карпош, Стевчо Јакимовски. Тој вели дека нема да ја кочи неговата изградба, но посочи дека аквапаркот според него не е приоритет. Јакимовски го повика директорот на СЦ Борис Трајковски, Ратко Капушевски, да присуствува на седницата и да го образложи проектот.
-ДУП-от во кој влегува аквапаркот е изработен и финансиран од Општина Карпош. Во ниту еден момент ниту сум кажал, ниту сум имал намера да кочам урбанистички план на мојата општина-посочи Јакимовски.

(С.М.)
вечер

Датум: 10.06.2012, 18:25
НОВИ ОБЈЕKТИ И НАДГРАДБИ КАЈ ЦРВЕНИОТ KРСТ


„Интеримпекс“ ќе стане десеткатница

Kатна гаража кај училиштето „Димитар Миладинов“ (поранешно „Браќа Рибар“), и надградба на постоечки деловен објект на поранешен „Интеримпекс“, предвидува планот „Јужен дел - централно подрачје“, усвоен на последната седница на Советот на Општината Центар. Се работи за реонот околу Зелениот пазар и околината кај социјално. Гаражата ќе биде четирикатница, додека висината на деловната зграда е 29 метри или десеткатница, приближно колку кулите меѓу кои се наоѓа, а тоа се првата и втората кула, кои гледаат кон булеварот Kочо Рацин.

Она што овој план го нуди како можност се локации за поставување нови уметнички скулптури во парковите и на други јавни површини во овој реон.

Планерите од проектантската куќа ИН-ПУМА објаснија дека пристапот до деловниот објект и паркирањето ќе биде решен од задниот дел каде што ќе има отворен паркинг со подземни нивоа. Според Силвана Ваневска од оваа куќа, се работи за продолжување на важечкиот план од 2002 година. Kатната гаража, рече таа, е старо решение, а тие само го презеле и во овој.

- Ова е детален план со две јавни анкети. Сообраќајните решенија се усогласени со Генералниот план на градот Скопје од 2002 година, со кој исто така се усогласени и намените - нагласи Вановска.

Опозицијата ја обвини општинската власт дека продолжува со трендот на уништување на зелените површини во централното подрачје. Од советничката група гласаа против овој план.

- Местото каде што е предвидена катнатата гаража претставува уредена зелена површина. И тоа е парк со урбана опрема, оформен со средства од жителите и делумно со средства од Општината Центар. Со секој урбанистички план се намалува по некоја зелена површина - тоа се случува со изградбата на црквата пред Домот на АРМ, а познат е проблемот и со Дебар Маало - реагираше Благородна Мојсовска-Kрстевска од СДСМ.

Овој урбанистички план го уредува и прашањето на надворешноста на зградите.

Фасадите на новопроектираните објекти може да бидат во еден од предвидените стилови, а тоа се: модерна, постмодерна архитектура, барок, класицизам, неокласицизам, романтизам или неоромантизам. Постојните, пак, станбени згради во овој реон ќе се реконструираат, реставрираат и ќе им се даде нов естетски израз. Сепак, не беше кажано во кој стил - дали во постојниот или, пак, во некој сосема нов.



Три милиони евра заем за катната кај „Нова Македонија“

Најавената катна гаража зад поранешна „Нова Македонија“ ќе се гради со заем од три милиони евра. Советот на Општина Центар на последната седница уште еднаш даде согласност локалната власт да се задолжи кај финансиска институција. Всушност се работи за повторена одлука. Членовите на Советот оваа одлука за заем ја усвоија уште лани, но локалните челници во рок од една година не склучија договор со ниедна банка. Постапката, како што објасни Тодоровиќ се искомплицирала поради проблеми со парцелата. Подоцна тие биле решени со преместување на маркичката за гаража за неколку метри подалеку од претходно предвидената.

- Во овој момент најважно е да донесеме одлука за изградба на катна гаража и одлука за задолжување, а понатаму сигурно со неа ќе менаџираме најдобро што можеме - појасни градоначалникот Владимир Тодоровиќ.

По завршување на градежните активности, со гаражата ќе управува општинското претпријатие „Паркинзи“. Ќе биде висока 25 метри и ќе располага со капацитет од 150 паркинг-места. Околу 15 проценти од гаражата ќе бидат наменети за деловен простор.

Анела Петрова
http://www.dnevnik.com.mk/default.asp?ItemID=4F508C0F128B5C4EAB6D4D313073D018

ДУП-от за „Стара железничка станица“ бил законски
Објавено: пред 28 минути
Прочитано: 153
Печати


Уставниот суд на Македонија работеше на днешната седница, на која присуствуваа и тројцата новоизбрани судии чиј мандат е почнат на први овој месец, не поведе постапка за Одлука за Деталниот урбанистички план „Стара железничка станица“ во Скопје, донесена од Советот на општина Центар во ноември 2011 година затоа што утврди дека постапката на донесувањето на Одлуката е во согласност со Законот за просторното и урбанистичкото планирање, а во однос на согласноста на деталниот план со генералниот план, Судот утврди дека тоа е во негова надлежност.
Судот расправаше и одлучуваше и по едно Барање на граѓанин за заштита на неговите слободи и права во однос на јавното изразување на мислата.
Судиите не поведоа постапка за Законот за електронските комуникации, а во однос на Законот за социјалната заштита и Законот за територијалната организација на локалната самоуправа ги отфрли иницијативите, бидејќи со нив се бара Судот да се произнесе за примената на тие закони, а тоа не е во надлежност на Уставниот
http://www.time.mk/read/NONE/4180b00384/index.html