Урбанистички планови и парцели (општо)

Во „интервјуто“ се кажува дека за да помине ДУП мора да исполнува норма паркинг/стан 1/1.

Дали може некој да го посочи овој закон/член, и успут да наведе станбен објект што ја исполнува оваа норма?

Човек да се запраша која е поентата на ДУП ако не е да се реализира тоа што ќе се зацрта во него?

Здраво дечки,

ве молам за помош, на странава на општина Карпош неможам никаде да најдам ништо за ДУП за З09 ( делот кај Млечен ресторан).

Дали знаете каде го има и дали е во процедура?

Благодарам однапред

Поздрав

Нови 40 висококатници ќе се градат во Аеродром

Нови 40 висококатници ќе се градат во општина Аеродром откога советниците на ВМРО-ДПМНЕ како мнозинство на последната седница ги изгласале нацрт-одлуките на новите измени на детално урбанистичките планови во општината кои биле на предлог на градоначалникот Ивица Коневски.

Според нацрт-одлуките се предвидува изградба на 11 висококатници со девет спратови на потегот од нова железничка станица и од зградата Неоком, па се до објектот Тинекс, а според втората нацрт-одлука се предвидува изградба на триесетина висококатници од осум до девет ката. Тие ќе бидат распоредени покрај реката Вардар, на потегот од Ново Лисиче до Долно Лисиче.

Локацијата на која урбанистите предлагаат нови градби се наоѓа во Горно Лисиче покрај Вардар, место кое во моментов најчесто се користи за отпад и претставува лоша слика за oпштината, целосно ќе се урбанизира и просторот ќе се облагороди. На тој начин ќе се подигне квалитетот на живеење во овој дел од oпштината.

Новите згради нема да бидат повисоки од шест ката и тоа најголемиот дел од нив ќе имаат три ката.    

skopjeinfo.mk

Иначе што стана со плановите за изградба на нови населби како Хиподром 2, Драчевска зона итн?

"11 висококатници со девет спратови на потегот од нова железничка станица и од зградата Неоком, па се до објектот Тинекс"

Претпоставувам се мисли на делот покрај кејот? Премногу згради imho.

Тука никаде не гледам простор за изградба на било што, а да не се случи сообраќајна и еколошка катастрофа. Евентуално би била можна изградба на две трикатници во северниот дел, на местото на отсечениот дел од Маџир Маало.

Другата страна на Вардар (населба Ќерамидница) плаче за урбанизирање. На местото на тие трошни куќи и ромски колиби можат да се изградат фини станбени блокови.

и за сето ова време, аеродромци мудро ќутат.

Inace onie koi gi predviduvaat visokokatnici u Aerodrom ne se somnevam deka ke gi gradi Adora.

Општина Аеродром крие од граѓаните колку нови згради ќе никнат



Вработените во Општина Аеродром кои беа задолжени за јавната презентација на новиот Детален урбанистички план за општината, не даваат одговор колку нови згради ќе се изградат.

Преку педесет граѓани денеска во 13 часот се обидоа да ја проследат јавната презентација на новиот Детален урбанистички план за скопската општина Аеродром, во кој е предвидена изградба на нови згради во општината.

Просторијата на месната заедница Острово е всушност една мала собичка, која не соодветствува за јавна презентација на Општина Аеродром која е една од најголемите општини во Република Македонија, па затоа половина од заинтересираните граѓани останаа надвор пред вратата обидувајќи се нешто да наслушнат или да видат.

Според новиот ДУП, не се предвидени нови зелени површини, туку нови згради и едно училиште. Оние површини кои со стариот ДУП биле означени со А3, односно простор за спорт и рекреација, сега се означени со А2, односно на тие места ќе се градат нови згради со приземје и со три спрата.

Двете вработени во општината, Билјана Кокаровска и Елена Настевска, задолжени да го презентираат планот, ги обвинија жителите дека нивното присуство и заинтересираност се политички мотивирани. На секое поставено прашање од граѓаните тие одговараа нервозно и не штедеа навреди кон аеродромци.

- Одговорете ми дали станува збор за десет, дваесет или можеби за сто нови згради – праша една скопјанка која присуствуваше на презентацијата, по што од вработените на општината беше обвинета дека намерно поставува незгодни прашања за да крене тензија.

Граѓаните веќе почнаа да се организираат и најавуваат активности, за да се спречи изградба на нови зради во нивната општина.

- Сметам дека доколку се донесе новиот Детален урбанистички план се нарушува квалитетот на животот на граѓаните. Зарем како во некој кинески кварт, ќе си пиеме кафе со соседите преку прозорец - реагираше Сања Зинзирова која беше присутна на јавната презентација на ДУП-от.

Меѓу другото, вработените од Општината се пофалија дека една површина ќе остане празна, односно ќе се намени за парк, на што граѓаните кои на прсти ја познаваат, жестоко реагираа дека таа површина всушност е приватна сопственост и дека тоа е причината
зошто Општината не може и таму да изгради нова зграда.

Кога една граѓанка постави прашање, дали Општината има изработено еколошки план за новите објекти, вработената од Општината и се обрати со зборовите: „немам јас со вас што да разговарам“, на што таа рече дека е жител на Општина Аеродром и дека има право на одговори на прашањата, при што додаде дека можеби доколку би била од Пустец сигурно би била подобро третирана.

Граѓаните секој ден до 27 март, од 9.30 до 17.30 часот ќе имаат можност да извршат увид во Деталниот урбанистички план и да поднесат анкетен лист во кој ќе се изјаснат дали се за или против изградба на нови станбени објекти во општината.

plusinfo.mk

http://www.kiselavoda.gov.mk/content-data/DUP/RASADNIK_11%2026_02.pdf