build.mk Homepage
Forum Home Forum Home > Главни теми > Урбани прашања > Урбанистички целини
  Active Topics Active Topics
  FAQ FAQ  Forum Search   Register Register  Login Login

Урбанистички планови и парцели (општо)

Bookmark and Share
 Post Reply Post Reply Page  <1 1213141516 63>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12452
  Quote Cloverstack Quote  Post ReplyReply #261 Posted: 11-May-2009 at 18:06
Како може да не се знае граница помеѓу две општини и тоа во град, па ни помалку ни повеќе за цели 5 хектари? Crazy

Две општини во поход на шумата Гази Баба

Општина Гази Баба обвинува дека Чаир донела детален план со кој навлегува пет хектари во нивната територија и дека се планира изградба на куќи во заштитена зелена зона


Проблемот со изградбата на објекти во заштитеното подрачје почна во 2002 година, кога во урбанистичките планови се внесени денационализирни парцели на северната страна на парк-шумата, на територијата на Гази Баба


Општините Гази Баба и Чаир последниве две недели не можат да се погодат за границата што ги дели, а минува низ парк-шумата Гази Баба. Од Гази Баба се децидни дека со урбанистичкиот план за локалитетот Лирија 2, Општина Чаир навлегла пет хектари во нивната територија и дека предвидува градби во заштитената зелена зона. Иако од Агенцијата за катастар за недвижности предупредиле да се стопира донесувањето на урбанистичката документација додека точно не се одреди меѓуопштинската граница, како и границата на парк-шумата, Општината Чаир на крајот на минатата година го донела планот за Лирија 2, кој предвидува изградба на индивидуални куќи и зафаќа дел од зелениот појас. Директорот на Државниот инспекторат за градежништво и урбанизам, Сашо Дуковски вели дека е побарано да се запре извршувањето на планот, односно изградбата на објектите. При извршената контрола утврдивме дека ДУП Лирија 2 е донесен спротивно со Законот за просторното и урбанистичко планирање и со Законот за градот Скопје. Пред Уставниот суд е покрената иницијатива за оценување на неговата законитост и за поништување - вели Дуковски.

СПОРНИ ПЕТ ХЕКТАРИ

Од Гази Баба велат дека Општината Чаир направила превид и со планот зафатила дел од нивната територија, но уште поголем проблем е што со неговите решенија ќе се узурпира парк-шумата, која е заштитена и во чие подрачје не е дозволена никаква градба.

- Ние му укажувавме на Министерството за транспорт и врски и на Градежниот инспекторат дека Општината Чаир навлегува во нашата територија затоа што не се јасно одредени границите на парк-шумата. Немаше толку да биде проблем ако се работеше само за градежно земјиште - вели градоначалникот на Гази Баба, Тони Трајковски.

Тој објаснува дека од Катастарот добиле мислење и потврда дека е направен превид и дека е дадено задолжение да се сопре реализацијата на планот додека не се расграничат општините.Од Општина Чаир велат дека сосема законски го изработеле планот и тоа според подлога за планирање што ја добиле од Катастар и дека имаат согласност и од Градот и од Министерството за транспорт и врски. Оттаму негираат дека зафаќаат дел од зелената зона, но потврдуваат дека постои спорен дел од околу пет хектари.

- Планот има опфат од околу седум хектари и се однесува на делот од раскрсницата на „Џон Кенеди“ до Станицата за дератизација, дезинфекција и дезинсекција во Бутел на север, а на североисток и исток до Гази Баба. Не е точно дека од Катастар не' предупредиле да го сопреме донесувањето на планот. Тој е во согласност со Генералниот урбанистички план и не може да се ревидира. Сепак, ќе треба да се утврди кому му припаѓаат спорните пет хектари - вели Омерфејзи Билали, раководител на Секторот за урбанизам во Чаир.

КОМИСИЈАТА ЌЕ РАЗГРАНИЧУВА

Проблемот меѓу двете општини ќе го решава комисија во која покрај општински, ќе членуваат и претставници од Катастар, ЗЕЛС и од Министерството за локална самоуправа. Тие на терен ќе треба точно да ги утврдат спорните граници.Од Катастарот објаснуваат дека границата на единиците на локалната самоуправа е дефинирана со Законот за Град Скопје од 2004 година.

- Поради нееднаквост на описите на границите помеѓу општините Чаир, Гази Баба и Бутел препорачавме да сопрат сите активности со донесување на урбанистичко-планската документација додека тие не се утврдат прецизно. Штом тоа ќе биде завршено, ние ќе подготвиме скици и описи на границите - вели Валентина Христова, портпаролка на Катастар.Зелениот појас Гази Баба во 1963 година е прогласен за парк-шума и оттогаш се користи како природен еколошки, зелен и рекреативен објект. Во 1998 година Советот на Град Скопје местото го прогласи за карактеристичен пејзаж. Проблемот со изградбата на објекти во заштитеното подрачје почна во 2002 година, кога во урбанистичките планови се внесени денационализирни парцели на северната страна на парк-шумата, на територијата на Гази Баба. Поради изградбата во зелениот појас во 2005 година протестираа Здружението на граѓани на населбата Железара и еколошкото друштво „Екомисија“.

Анела Петрова



http://www.dnevnik.com.mk/?ItemID=27FFA2B5F8FEEB44B7217DEBD32B565A
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3515
  Quote beTon Quote  Post ReplyReply #262 Posted: 11-May-2009 at 21:02
какви и да биле мотивите на општинарите кога законот ги ограничува не смеат да си дозволат да губат ни пари ни време на дупови кои би можеле да бидат дискутабилни, но сигурно поверувале дека со малку бирократска помош и коруптивен кафе муабет, се е можно да се истера! може општината да фингира или фалсификува документи кои потоа преку министерството ќе ги протурка на жимимајка и врз основа на истите ќе добие согласност за некој дуп, или пак навистина да направиле превид и ненамерна грешка, но затоа тука е судот за да пресече доколку самата општина не си ја признава сопствената грешка. сепак од министерството доколку во моментов се свесни за ваквата ситуација, сигурно нема да издаваат градежни дозволи врз основа на овој дуп, па нема ни нешто особено на терен да се случува, освен што правно ќе се пеглаат ваквите локални "недоразбирања" Smile
 
парк шумата но и самата населба газибаба се планирала порано за студентски град но баш бидејќи поголемиот дел е заштитена зона, цел тој дел од брдото остана само парк, а само мал дел околу комплексот природнонаучни факултети го насадија со две згради (+1 нова) и повеќе бараки т.е. денешен студентски дом Стив Наумов. ова сега северниот дел т.е. тој кај железара и така е распослан со куќи, па од таму надоле решиле да го потпрошират се до стадионот, најверојатно паралелно под (со) кулите (12катниците) на почетокот од брдото!?

на мисла сум дека парков како појава мора да се реши посмело, или навистина паркот да се урбанизира целосно или да се даде за некоја помодерна рекреативна зона, каде би се сместиле разни спортски терени, како би заживеал потурбо. но како и сите брда во скопје наместо да биде најатрактивна локација, со добри и оригинални решенија, истата е маргинализирана и скриена, а капак и прилично затворена (осветлување, живост, безбедност...) иако во последно време општинарите од газибаба се трудат нешто да променат сепак без никаков јавен или културен објект местово не може да заживее нешто особено, освен да биде како и сега што е локален парк, кој и преку ден не е безбеден, со оглед дека е целосно глув и отсечен простор кој се граничи со едно од најопасните гетоа во скопје.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #263 Posted: 14-May-2009 at 10:37
Зајчев Рид како Менхетн
Економија
Современи бизнис-центри, резиденцијални станбени објекти, модерни театри, снек-барови, патеки за ролери, терени за голф... Ова се само дел од предвидените урбанистички содржини за новата населба што наскоро треба да никне на Зајчев Рид. Проектот, чиј иницијатор е Сојузот на стопански комори на Македонија, добил зелено светло од Владата, а усвоен е и од општината Карпош, на чија територија се наоѓа земјиштето. Изработката на деталниот урбанистички план од Агенцијата за планирање на просторот е завршена како и изложувањето на земјиштето. Се чека уште да се внесат нумеричките податоци за имотните листови, велат од Сојузот на стопански комори. Деновиве треба да се потпише и меморандумот за соработка помеѓу Владата и ССК, каде што ќе бидат допрецизирани сите детали околу проектот.

Од општината Карпош истакнуваат дека позитивно одговориле на иницијативата на Владата, односно на Министерството за транспорт и врски за донесување на деталниот урбанистички план за Зајчев Рид, како план од интерес на земјава.

- Во него имаше дефинирани намени со програма усвоена на седница на Владата. Општината Карпош ја спроведе постапката за негово донесување и го усвои на седница на советот на општината лани на 27 ноември - изјави Виолета Цветковска, портпаролка на Карпош.

Како што дознаваме, заинтересираност за инвестиции во бизнис-квартот на Зајчев Рид веќе покажале околу 50 членки на Сојузот на стопански комори, со вкупна вредност на инвестираните средства што би надминала 150 милиони евра. Површината на земјиштето изнесува 147,67 хектари, од кои на бизнис-квартот би отпаднале 28,17 хектари, за индивидуално ексклузивно домување се предвидени 29,5 хектари, за домување од типот на кондоминиуми 34,3 хектари, за образовни институции 10,4 хектари, за спорт и рекреација 14, 4 хектари, за трговска дејност 10, 9 и за зелена површина 20 хектари. Земјиштето се наоѓа на северозападната падина на Зајчев Рид и на запад се граничи со елитната населба Бардовци, која се развива на индивидуален план.

- Со реализацијата на новиот проект ќе се валоризираат вредностите на оваа населба и зоната ќе добие стратегиска инвестициска вредност - сметаат од Сојузот на стопански комори на Македонија.

На север населбата е отворена кон заобиколницата, која ќе даде потенцијални можности за урбанистичко средување на оваа зона.

Од бизнис-заедницата нагласуваат дека досегашните лоцирања на домашните инвестиции во Македонија се одвивале индивидуално, во несредени урбанистички средини, без инфраструктура и без хомогено урбанистичко планирање. За разлика од нас, странците добиваат мноштво привилегии за да дојдат во Македонија, забележуваат тие.

- Со спроведувањето на проектот домашните компании ќе добијат брза и конкретна можност да ги реинвестираат своите средства во Македонија, со што ќе се отвори можност и за над 4.500 нови вработувања - тврдат од Сојузот на стопански комори.

Во услови на глобална економска криза ваквиот проект многу ќе значи за заживување на економијата и пораст на бруто-домашниот производ. Стопанствениците нагласуваат дека овој проект нема допирни точки со проектот Сончев град, кој требаше да се гради на падините на Водно, бидејќи се работи за домашна инвестиција и разновидна урбанистичка содржина. Сончев град се планираше само како елитна станбена населба, но странските инвеститори сè уште не почнаа со градба.

http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=393&ArticleID=24544
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12452
  Quote Cloverstack Quote  Post ReplyReply #264 Posted: 14-May-2009 at 10:55
Значи на новинариве колку омилена компарација им е Менхетн...

Ова Менхетн, она Менхетн... Само се прашувам која е овде допирната точка со Менхетн. Кондоминиумите ли? Него шо е битно па допирна точка. Битно е да се има сензационалистички наслов јебига.


Ај да видиме што ќе бидне со бомбастичнава најава. Дали воопшто ќе бидне нешто во догледно време и колку тоа би одговарало на најавава.


Edited by Cloverstack - 14-May-2009 at 10:57
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #265 Posted: 15-May-2009 at 03:53
Originally posted by Cloverstack

Кондоминиумите ли?
Што значи кондоминиум во урбанизмот?! Дали се тоа оние колективни куќи со по три-четири стана?! Се наоѓаат чат-пат по Скопје ама во последно време не се градат.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5365
  Quote гитардемон Quote  Post ReplyReply #266 Posted: 15-May-2009 at 10:00
Современи бизнис-центри, резиденцијални станбени објекти, модерни театри, снек-барови, патеки за ролери, терени за голф...


За кој бе? Crazy
Arguing on the internet is like running at the special olympics. Even if you win, you're still retarded.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #267 Posted: 15-May-2009 at 10:06
Originally posted by гитардемон

За кој бе? Crazy

 Проектот, чиј иницијатор е Сојузот на стопански комори на Македонија.......
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12452
  Quote Cloverstack Quote  Post ReplyReply #268 Posted: 15-May-2009 at 15:38
Originally posted by lslcrew

Originally posted by Cloverstack

Кондоминиумите ли?
Што значи кондоминиум во урбанизмот?! Дали се тоа оние колективни куќи со по три-четири стана?! Се наоѓаат чат-пат по Скопје ама во последно време не се градат.

Не е урбанистички поим и баш напротив обично се работи за поголеми објекти за колективно домување. Главните разлики во однос на колективните станбени објекти што преовладуваат кај нас се во имотно-правните односи и следствено во функционирањето. Без разлика дали се работи за апартмани за купување или изнајмување, како станар имаш јасно дефинирани обврски регулирани со договор кој го потпишуваш со субјект кој е задолжен и заинтересиран да го спроведува редот (обично инвеститорот на објектот, кој ја задржува сопственоста врз сите негови колективни делови... дури и ако си го купил апартманот, го поседуваш само просторот за живеење, а објектот припаѓа на субјектот што го спомнав). Заедничките трошоци си се јасно дфинирани и мора да се намируваат, а не фарсата со куќните совети што се случува кај нас. Како станар реално си доста ограничен и превземаш доста обврски, но крајниот резултат е значително поголем квалитет на домување.
Мислам дека со нашиот менталитет нема друг начин да се воведе ред во колективното домување и да се спречат разноразни доградби, надградби, рушења, стакларници, „шминкања“, реклами итн итн. Исто така мислам дека е најдобар начин барем да се „запознаеме“ со концептот на тековно одржување на колективни станбени објекти.


Edited by Cloverstack - 15-May-2009 at 15:39
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #269 Posted: 15-May-2009 at 19:02
Ја ипак мислам дека кондоминиум е чисто технички поим кои ги разликува овие куќи со неколку апартмани за разлика од стандардните објекти за колективно домување. Сепак, ако имаш некој линк пушти, ме заинтересира.

Малку ми е чуден начинов на стопанисување со објектите. Не ми е јасно зошто некој инвеститор би имал потреба од сопственост врз влезовите во згради кои веќе целосно ги распродал. Dunno Кај нас мислам дека било каков објект за колективно домување има исти третман и за сите куќниот совет е задолжително правно тело кое треба да го осоваат станарите, во спротивно може да следат и казни. Е сега тоа колку е испочитувано.... Се би било супер доколку колективните објекти функционираа како што ти опиша погоре. Кај нас куќните совети од секогаш биле слаби финансиски, а и чисто формално егзистирале колку ради закон, и главни преокупации им биле хигиена и лифт. Од тука понатака не мрднале. Обично главните реновирања на влезовите се дешаваат само кога некој одозгоре на зградата ќе насади уште еден кат, па како "шеќерче за коњ" за станаите ќе го искречи влезот, како некоја компензација Crazy (Со вакви ефтини финти се поткупуваат станари, и згора на се финтата пали).

Неможам да се сложам дека генезата на проблемот е комплетно во менталитетот и све да оставиме на ова ниво. Доколоку знаеме дека колективната свест ни е ахилова пета тогаш треба да си најдеме модели за функционирање и да си го заобиколиме проблемот и да си обезбедиме функционалност на зградите. Меѓутоа дури ни со средено колективно домување неможеме да ги спречиме овие појави кои ги наброја зашто најчесто најголемите огрдувања на зградата и узурпирање на просторот се прават токму колективно па доаѓаме до ситуација кога општината е таа што веќе го има проблемот на свој грб.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12452
  Quote Cloverstack Quote  Post ReplyReply #270 Posted: 15-May-2009 at 20:14
Originally posted by lslcrew

Ја ипак мислам дека кондоминиум е чисто технички поим кои ги разликува овие куќи со неколку апартмани за разлика од стандардните објекти за колективно домување. Сепак, ако имаш некој линк пушти, ме заинтересира.

http://images.google.com/images?q=condominium


Originally posted by lslcrew


Малку ми е чуден начинов на стопанисување со објектите. Не ми е јасно зошто некој инвеститор би имал потреба од сопственост врз влезовите во згради кои веќе целосно ги распродал. Dunno
Па не е само сопственост врз влезовите туку сопственост врз целиот објект. Она што е за продажба/издавање е поросторот помеѓу ѕидовите (нормално само станбениот простор, не заедничките простори). Мотивот на инвеститорот ваљда се огледа во обезбедување на попримамлив модел на домување кој ја крева вредноста, а плус има можност континуирано да заработува со обезбедување на услугите кон станарите.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #271 Posted: 15-May-2009 at 22:32
А тогаш пак кој би бил интересот на закупецот да "купи" (де факто изнајми на долг рок) стан кој не би го имал во суверено владение?! Вакви недокарј расчистени односи повеќе би генерирале спорови одколку квалитетно владеење. Моделот не ми е докрај јасен и дали има законска подлога кај нас за нешто вакво?! Сепак мислам дека треба се отвори можноста куќните совети да не ги вршат должностиите кон влезот на, де факто доброволно, оддржување, опдносно куќниот совет да биде само тело кое ќе избере фирма за комплетно оддржување на влезот ќе постигнеме доста големи резултати. Односно да свториме простор за фирми на пазарот како Securcom (да не вршам реклама, него само таа ми позната) кои ќе ги превземат сите активности во влезот од хигиена, лифт, фасада, колективни инсталации и прозори, кречење и ситедруги останати работи и на крај на месец на куќниот совет ќе му испорачаат фактура и плус за ова оддржување да биде нампалета услугата, односно нема да ги оставаме зградите на добра воља на станарите. Ова може да биде многу успешен модел за оддржување на зградите. Односно државата да издава лиценци на фирми кои се оспособени да вршат оддржување на влезови, секој куќен совет да има законска должност да именува лиценнцирана фирма, а во договорите законски да биде обврзувачко фасадата да се оддржува, а сите други домени да бидат оставени на воља на куќниот совет. Исто така и цената која би се плакала по стан за влезот да не биде некоја паушална од двеста-триста денари него да биде тоа некоја цена пресметана по законски утврдена формула која ќе ги опфаќа буквално сите параметри и на станот и на зградата (квадратура на стан, катност, има/нема лифт, има/нема кровна тераса, има/нема подрум, на кој кат е станост, жители по стан и буквално сите ситници). Ваквиот модел некој може да го протолкува како централизација и ставање шака врз влезовите од страна на државата, но мораме да бараме модели да го средиме овој хаос кој веќе е општествен проблем. Едноставно чекање граќаните да се свстат нема да се случи. Еден ваков модел може и да го воведеме како преоден додека стапи на терен то граќанско освестување.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #272 Posted: 16-May-2009 at 00:53
Исто така неколку надополнувања. Значи освен пресметаната цена, нормално, се остава простор и за дополнително собирање средства како вонредни оддржувања (пример скап квар на лифт или слично). Средствата да се уплаќаат со уплатница со назнака на трансакциска сметка на влезот и од таа сметка да се исплаќа фактурата кон фирмата сервисер или доколку има акумулација на средсвтва да си остануваат за нареден месец или па да воопшто да се чуваат за некој иден голем квар. Така ќе има и транспарентно работење на куќните совети, ем ќе се одтргне сомнежот за проневерени средства. Значи идејата е буквално да се релаксира и управувањето на зградата, а и на граќаните дали поради презафатеност или негрижа да не им се оставаат главните грижи за влезот. Нормално не значи ова дека некој друг треба да им се грижи за нивните проблеми, него едноставно да се купи услугата оддржување. Ова ќе остави голем простор за нови фирми и вработувања на пазарот, а и тие фирми пак ќе имаат можност да набават современа технологија и за фарбање фасади и за хигиени, односно технологија која обичен чистач на три влеза неможе да си дозволи повеќе од метла. Вака тој чистач ем ќе добие работо место во фирми каде има социјална закрила, а и граќаните посредени влезови. Исто така се створа и можноста за брза санација на помали кварови зашто ваквите фирми доколку имаат под управа сто влеза ќе им се исплати да имаат на располагање, на готвос, и водоводџија и електричар и молер и масјтор за лифт и мајсотри од сите области. За жал кај нас услугуте на неколкуте вакви фирми ги користат само некои појаки фирми кои наместо свои вработени чистачи и хаус-мајсотри ги користат ваквите услуги.


Edited by lslcrew - 16-May-2009 at 01:03
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12452
  Quote Cloverstack Quote  Post ReplyReply #273 Posted: 16-May-2009 at 01:53
Originally posted by lslcrew

А тогаш пак кој би бил интересот на закупецот да "купи" (де факто изнајми на долг рок) стан кој не би го имал во суверено владение?!
А што подразбираш под суверено владение? Некој да може да ги смени прозорите со такви кои ќе отскокнуваат од цела зграда (приметувам рефлектирачки стакла и за оваа намена влегуваат во мода кај нас)? Од терасата да може да се направи стакларник или дури дополнителна соба? Да може да се направи дупка во ѕидот за да се отвори нов прозор, или како што е случај со неколку стана во мојата зграда, да се сруши носечки ѕид ради спојување на дневна со трпезарија? Да може да се изменуваат и прилагодуваат инсталации по ќејфот на поединци?
И зошто за купување викаш „де факто да изнајми на долг рок“? Нема дилеми, ако си го купиш, станбениот простор си е твој и никој не може да ти го земе. Што ти е гајле како легалистички е дефиниран бетонот во ѕидот? На крајот на краиштата како е тоа дефинирано во една обична зграда кај нас? Чив е на пример ѕидот помеѓу два соседни стана?

Прашуваш кој би бил интересот да се купи стан во кондоминиум... Еве тргам од себе - јас многу порадо би купил таков стан отколку во обична станбена зграда, затоа што знам дека ќе има јасно дефиниран ред и дека ќе има кој доследно да го спроведува. Не сум заинтересиран за граедежни интервенции, но многу ми е важно да бидам сигурен дека ни на некој друг од соседството нема да му биде дозволено своеволие.
„Суверенитет“ од терасата да направам шпајз не ме интересира, ниту ме интересира правната дефиниција на ѕидот, зад која сигурно има логика и потреба. За фарбање или за закачување слика сигурно дека си е регулирано и дека никој не ти брани




Вакви недокарј расчистени односи повеќе би генерирале спорови одколку квалитетно владеење.
Сигурно сето тоа си е перфектно добро и до крај расчистено, само нам ни изгледа чудно затоа што досега кај нас не се применувал тој концепт. Ние тука водиме и прилично површна дискусија и имаме многу прашалници и дилеми затоа што не знаеме баш многу за темата. Но да не заборавиме дека токму ние со нашиот начин на организирање сме тие со нерасчистени односи и секакви спорови, за разлика од кондоминиумите кои одлично си функционираат.

Моделот не ми е докрај јасен и дали има законска подлога кај нас за нешто вакво?!
Да и јас се прашував за ова. Можеби и веројатно ќе треба интервенција во некој закон, но зошто тоа би било проблем?

Плус тоа јасно е дека и без ова кај нас секако требаат интервенции во законите што го тангираат колективното домување за да се стави крај на постоечкиот хаос и правење кој што сака.

Односно да свториме простор за фирми на пазарот како Securcom (да не вршам реклама, него само таа ми позната) кои ќе ги превземат сите активности во влезот од хигиена, лифт, фасада, колективни инсталации и прозори, кречење и ситедруги останати работи и на крај на месец на куќниот совет ќе му испорачаат фактура и плус за ова оддржување да биде нампалета услугата, односно нема да ги оставаме зградите на добра воља на станарите.
Во ред е сето тоа, иако не е само тековното одржување проблем со колективното домување кај нас. Нормално треба да се бараат начини за средување на сите состојби и кај класичните станбени згради, независно од идните кондоминиуми.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #274 Posted: 16-May-2009 at 06:37
Па нормално носечките ѕидови не станува тука збор под суверено владение, него мислев на обврзувачки одредби кои се дополнителни за законот колективно домување и кои генерираат дополнителни обврски за купецот на стан во кондоминум. Односно голем број дополнителни финеси околу сопственост на колективниот имот кој доколку остне во сопственост на инвеститорот не знам какви дополнителни улуги би им нудел?! (Може би премин)  Обично сега колку што знам во процес се и постапки за одкупување на земјиштето на кое е изградена зградата од страна на станарите, па така и земјиштето и влезот сега се во ahred сопственост пропорционално на сите станари. Барем јас кога би купувал стан не би осстапил од ова да немам удел во сопственоста.

Околу регулативата..денеска барем на терен се покажува дека или немаме регулатива или не е спроведена. Очигледно треба да направиме некој добар закон па да го спороведеме масовно зашто сега ситуацијата ни е повеќе од очајна.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12452
  Quote Cloverstack Quote  Post ReplyReply #275 Posted: 17-May-2009 at 19:05
Во однос на тоа од што не си подгорвен да отстапиш при купување на стан мислам дека премногу акцент ставаш на формата а ја запоставуваш суштината. Наједноставна проценка на квалитетот на моделите можеме да направиме со директна споредба на тоа како се покажале и како функционираат.
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3515
  Quote beTon Quote  Post ReplyReply #276 Posted: 17-May-2009 at 19:40
извозевте малку на сите страни, па изгледа преблокирано. en.wiktionary.org/wiki/condominium всушност куќен совет е кондоминиум, значи организирано управување со заеднички простор! дали за таквото управување ќе се ангажира трето лице или фирма тоа е веќе работа на договор, но на запад претежно под овој термин се класифицираат мислам, објекти односно одредена зона, каде поорганизирано се домувањето.
 односно имаат затворен систем, каде има и чуварска служба, неретко и кодирана рампа на влез, хортикултурно уреден комплекс, заедничка теретана и базен за секој блок итн.
кај нас мислам од ваков тип се она новите комплекси на водно, злокуќани или хот-хот населбата...

е сега кој не спречува нас да се организираме поозбилно? поентата е како ќе се постават правилата од почеток, и како некој со договор ќе се обврзи да ги почитува и спроведува! значи досега по куќните совети се пристапуваше претежно според совест и доброволно, и иако постои закон за куќен совет, незнам со каков механизам некого ќе го натераш истиот да го прифати и почитува безусловно, освен да покрене советот приватна судска парница, која посекако ќе чини десет до дваесет пати повеќе него што би чинеле долговите на одреден непослушен станар.
сетне имаш случаи каде еден станар има повеќе станови а не сака да плаќа за сите одржување или газдата бил во странство, па аналогно бидејќи не го користи ни влезот ни лифтот нема што да плаќа за нивно одржување...

она што го наведовте со рушењето на ѕидовите, или пак проширување или затворањето на терасите, мислам дека е исклучиво со одобрение од општината! но реноваторот е обврзан законски да добие одобрение за ваквата интервенција минимум од 51% од станарите и воедно за се да има проект итн. лично од овие дубиози како најнезаконска мислам дека е проширувањето на станот во самиот влез, односно заземањето на ходниците од поедини станари, мислам дека дури и сите станови на еден спрат да се на еден сопственик, истиот не смее во никој случај да го окупира ходникот во зградата, со оглед дека истиот е заеднички простор. друга споредна но исто така спорна работа е начинот на изведување на одредени градежни активности, не ми е познато дали и како е ова регулирано, но мислам дека е коретно интервенциите да се најават и за истите да постои точно одредено време, а не и за викенди и за празници да се дрма комшилукот...

а она што велиш лсл машини за кречење, за тоа буквално треба фирма која ќе покрива цела месна заедница или општина, но немора машина доволно е и мобилно скеле! во секој случај поедноставно е соработката да се одвива со еден субјект кој ќе понуди комплетна програма за одржување него за секое штрафче да се бара нова компанија, и со секоја да се градат нови односи на соработка.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #277 Posted: 18-May-2009 at 01:21
Бетон ова идејава за 51 посто незнам од кај ти дошла, ама најголемите унаказувања се направени со косензус, однсосно не е најголема грдосија некоја заградена тераса, него најголемите грешки се со доѕиданите спратвои и продолжените балкони.

Идејата цела на моделот што го нафрлив горе е да обезбеди ефикасност на влезовите и да не бидат повеќе куќните совети некои солидарни фондови со паушална фиксна цена. Всушност фиксната цена е и најголемата причина зошто некои сопственици не плаќаат, односно се чувствуваат обесправени во плаќањето иста цена за празен стан за разлика од некој со населен стан. Исто така и за милион други фактори. Мора да се најде унифицџирана формула по која ќе се засметува цената за куќен совет по стан, а не паушално. Исто така и евентуалните спорови кои ги наведе. Мораме ваквите спорови да ги дислоцираме од судовите, односно барем првата правна инстанца да не биде судот. Дали некое медијаторство или мандатни казни преку општина и слично.
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3515
  Quote beTon Quote  Post ReplyReply #278 Posted: 18-May-2009 at 03:44
олеснување денес се управните судови и извршителите во однос на главењето и неможноста да се воведе ред, но во секој случај тоа повлекува омраза и инает итн. значи мора да постои нешто како договор за куќен ред и заеднички трошоци кои безусловно ќе мора да ги потпише станарот при вселување, бар ако ништо друго по кратка постапка да се завршуваат рочиштата како би се извршила наплатата експресно. не е во ред цела зграда да трпи и плаќа екстра заради инаетот на двајца или тројца. можеби е решение да влечат овие пари преку сметката за комуналии а општината подоцна да им ги распределува на куќните совети или пак да има можност таа да се грижи целосно за наплатата и одржувањето, јасно за се со одобрение од куќниот совет.

што е до процентот, јас до пред некое време знам мораше да се добие согласност од сите станари, но сега брзо налетав на инфо во весник каде општина издала градежна дозвола врз основа на согласност од 51% од станарите на зградата (мислам се однесува строго на зграда, без разлика колку влеза има) покрај други потребни услови, како проекти и комуналии... 
...
инвеститор ...  добил согласност од повеќе од 51 отсто од станарите, ... Во одобрението за градба, објаснуваат оттаму, стои дека на станарите од зградата им се одобрува доградба на тераси, а на инвеститорот ... искористување на таванскиот простор за изградба на потпокривни станови
...
Дневник - 30.04.2009


патем, мислам дека цела оваа дискусија околу кондоминиум треба да оди во новата нишка одржување на згради или може и да се дуплира.

Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5365
  Quote гитардемон Quote  Post ReplyReply #279 Posted: 18-May-2009 at 17:58
Повеќе урбанистички планови пред советот
Понеделник, 18 Мај 2009 18:20

URBANIZAM%20001

На седницата на општинскиот совет закажана за овој петок треба да се најдат повеќе детални урбанистички планови, некои во завршна фаза, а за некои доправа треба да отпочне постпката за нивно донесување.

-Самиот факт што има толку урбанистички планови за донесување на наредната седница на советот е факт дека граѓаните во Битола го почитуваат легалното градење. На наредната седница има планови за воннаселените места и за градските подрачја - вели Горан Михајловски, претседател на Комисија за урбанизам.

URBANIZAM%20002

Најголемиот број од урбанистичките планови се за воннаселените места и се донесуваат за да можат да отпочнат со работа фирми од мало стопанство.

-Приватни лица инвестираат во свои мали бизниси, пример фабрика за рафинирање на масло, за експлоатација на минерална вода во Кременица, а претходната е во месноста Винарски пат - додава Михајловски.

URBANIZAM%20003

Пред советот ќе се најдат и одлуките за отпочнување постапка за донесување на детален урбанистички план за изградба стопански комплекси, еден во Дихово, за фабрика за производство на брашно, а другиот во Лажец покрај магистралниот пат Битола-Меџитлија. Се предвидува да се усвојат и одлуките за отпочнување постапка за урбанистички план за село Долно Оризари и за нацрт план за индустриската зона „Жабени".

URBANIZAM%20004

-Карактеристично е што еден од плановите е утврдување нацрт-план за „Жабени", а по донесувањето на одлуката за тој нацрт-план ќе се распише јавна анкета каде сите заинтересирани лица од оваа област ќе можат да достават забелешки до анкетната комисија - вели Михајловски.

Оваа година за деталните урбанистички планови се предвидува да се издвојат од околу 3 до 6 милиони денари. Минатата година за урбанистички планови биле потрошени 1.627.868 денари од вкупно предвидените 3 милиони. Во текот на 2008 година се донеле 13 детални урбанистички планови и два урбанистички плана вон населено место, за хотелскиот комплекс Меџитлија и за стопанскиот комплекс фабрика за млеко во Братиндол.



Тера Телевизија
Arguing on the internet is like running at the special olympics. Even if you win, you're still retarded.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12452
  Quote Cloverstack Quote  Post ReplyReply #280 Posted: 26-May-2009 at 01:45
Уште еден ДУП презентиран на сајтот на општина Аеродром. Нема информација каков му е статусот.

http://aerodrom.gov.mk/Images/dup/crkvaB.wmf
Back to Top
 Post Reply Post Reply Page  <1 1213141516 63>

Forum Jump Forum Permissions View Drop Down



This page was generated in 0.313 seconds.

Copyright ©2007 - 2022  build.mk

Коментарите на форумот претставуваат лично мислење на нивните автори и не претставуваат официјален став на build.mk.