Ќе се гради црква во Триангла и трговски центар во Маџари

Мал христијански храм ќе може да се изгради во урбаната заедница Триангла. Храмот ќе биде со површина од 81 квадратен метар и со висина на венецот од 8,7 метри. Вкупната површина на парцелата за изградба е 210 квадрати. Ова, меѓу другото, е предвидено со новиот детален урбанистички план за населбата Триангла, кој во форма на нацрт помина на последната седница на Советот на Општина Гази Баба.

Примарната функција на овој план е домувањето, односно 41 отсто од планскиот опфат е за таа намена. Дел од парцелите за домување ќе бидат наменета за станбени згради, а дел за куќи. Нов станбен блок ќе се гради на улицата Благоја Стефковски, каде што сега се наоѓаат бараки од привремен карактер кои во 1964 година ги изградила Комерцијална банка за своите службеници. Во меѓувреме тие се откупени и сега претставуваат приватен имот. Исто така, планирана е изградба на мало детско игралиште со површина од 64 квадрати, како и коловоз, тротоари, велосипедски патеки, пешачки пристапи, паркиралишта и заштитно зеленило.

Советот го донесе и планот за дел од населбата Маџари, за таканаречениот Урбан блок 3. Според планот, на местото на некогашното кино „Маџари“ ќе се гради голем трговски центар. И во овој дел од општината се предвидува домување во станбени куќи, како и објект за јавна институција од културата и за државна институција.

Од општината Ѓорче Петров вчера, во врска со случајот, ни изјавија дека нивните служби во понеделник ќе се состанат за да го разгледаат настанатиот проблем и дека тогаш ќе излезат со официјален став околу "Пробиштипска"

По објавувањето на сторијата во Вечер за поплаките на жителите за раскопаната со трактор улица "Пробиштипска" во скопската општина Ѓорче Петров, во текот на изминатиот ден добивме реакција од сопственикот на спорното земјиште на кое тој тврди дека ќе прави што сака, зашто ги има сите документи.

- Два дена јас и моето семејство не сме спиени од кога видовме и прочитавме невистинити изјави од станарите на "Пробиштипска", објаснува видно возбуден пензионерот Благоја Мишевски, сопственикот на земјиштето на кое до пред некој ден се наоѓаше сега веќе ископаната улица во Ѓорче.

- Лично ги познавам станарите таму и навистина не знам од каде такви информации ви дале за земјиште кое е мое години наназад и не е добиено со денационализација туку е лично мое и можам да му правам што сакам. Пред да најмам луѓе да ја ископаат улицата, не како што ви кажале со трактор туку со багер, појде син ми и лично ги информираше тамошните дека за некој ден ќе отпочнеме со градежна активност, вели Благоја. Поставивме жичана конструкција, ни ја тргнаа. Повторно разговараше син ми со нив, тие му рекоа немаат ништо против нас туку против општината и државата што не размислиле кога потпишувале решение за градба, кое според нив е неиздржано и им го узурпирал излезот од нивните куќи. Тука јас не ја гледам мојата вина што сакам да градам на мое земјиште и што сум ја ископал улицата со багер. Отсекогаш сум имал поседовен лист и одобрение за градба на индивидуална станбена зграда, но се одовлекувало од други причини. Сега најдов инвеститор и ќе градам. Ако имаат проблем локалните станари од "Пробиштипска" нека одат во општина и таму нека се докажуваат а не да водат војни со мене по весници и институции, објаснува сопственикот на земјиштето, на која се наоѓа улицата, Мишевски.

Во решението за градење и нејзиниот графички приказ кој Мишевски ни го покажа потпишан од Секторот за урбанизам во Општина Ѓорче Петров стои одлука со бр. 081-1309/4-1 во која надлежните од општината, на парцела од 3091 м2 во 2005 год. даваат дозвола за градба. Во документот покрај другото стои елаборат со кој треба да се реши паркирањето и пристапот на околните куќи како и деталните локациски податоци на парцелата.

Од општината Ѓорче Петров вчера во врска со случајот ни изјавија дека нивните служби во понеделник ќе се состанат да го разгледаат настанатиот проблем и дека тогаш ќе излезат со официјален став околу "Пробиштипска".

za zgradata na ulica Bagdatska trebase da bide 66m:14m so kota H= 21m, a tocnata lokacija e pozadi O.U. Vojdan Cernodrinski (staro 29 Noemvri),

dobieni se lokaciski uslovi od 2008 i sega gi ponistuvaat, plateni se i komunalii.Struseni se zivealistata na sopstvenicite na spornata lokacija. I sto sega.....