Урбанистички планови и парцели (општо)

Натаму, на почетокт и крајот од она што сега е изградено од јужен булевар има катни гаражи. Тие во планот се обележани со сина боја.

Добредојде redsonja и благодарам за убавите зборови за форумов.

Дали можеби знаеш нешто повеќе околу изгледот на трговскиот што ќе се гради околу стара железничка (маркичките 2.3 и 2.4). Дали е точно ова што наведе cifra дека практично треба да очекуваме реконструкција на надворешниот изглед на старата железничка станица?

Што се однесува до делот што лежи на трасата на Јужен Булевар помеѓу двете катни гаражи, таму сепак има два објекти (маркички 2.6 и 2.12) со шифра Б и максимална висина до 16m.
Планот ми е нејасен (и самиот план, а лош е и квалитетот на сликата што ја имаат поставено на сајтот) па не сум сигурен дали овие маркички го опфаќаат цел простор врз Јужен Булевар помеѓу катните гаражи. Но нешто дефинитивно е предвидено, само прашање е колку.


-----------------------------------------------------------------------------------------------------------------


Иначе дечки, за планов во кратки црти моето мислење е:  

Многу работи се веќе видени, меѓудругото и „обработени“ на форумов, само ни се повторуваат, па мора и ние да се повторуваме. Сообраќајот продолжуваат да го третираат тотално паушално и да наметнуваат бизарни сообраќајни решенија без за нив да понудат никаква вистинска анализа/студија. Наместо тоа ни нудат флоскули.

Не знам со кој памет ги избришале врските на Јужен Булевар со неговите колекторски улици (М.Х.Јасмин и Железничка) и го оставиле отсечен токму на овој најважен сегмент. Ова може делумно да се компензира со директна врска на булеварот со капацитетите за паркирање (што се надевам дека би било изведено, иако на планов не се гледа), но само делумно, бидејќи изнудениот транзит долж колекторските улици за добар дел од останатиот сообраќај сепак останува како проблем.

За кружните текови одамна е јасно дека се форсираат со комплетно изобличена логика.
За овие три во планов е тешко да се коментира нешто поконкретно, со оглед на тоа што не се претставени целосно и не е јасно на какви други сообраќајни решенија се надоврзуваат. За оние двата помалите, доколку претпоставиме дека кон „десно“ се е коректно, можам да имам разбирање.

Ама за оној големиот, не можам да се изначудам. Очигледно е дека го вцртале со тотално игнорирање на сообраќајната логика.
Дополнително, неговата екцентрична поставеност укажува дека е вцртан изнасилено и импровизирано, за по секоја цена да имаме еден мега кружен тек во градов, пошто (во главите на некои) тоа е многу „кул“ работа и предуслов да станеме метропола
Впрочем, поборниците за „кружни текови секогаш и секаде“ воопшто не кријат дека се водат од ваква логика.

Само некој од овие експерти нека ми објасни што станува со ваквиот конфликт кај НЛБ (не дека долу е многу подобро,  а којзнае тек што се крие на делот кој не се гледа во ДУП-ов). Ова ли е начин на кој што треба да функционира кружен тек:







Гледам дека и покрај хипертрофираната јавна администрација, во мода е најмување на консултанти за се и сешто. Па би ги повикал надлежните да ангажираат консултант со меѓународен углед во оваа сфера, да ги разгледа сообраќајните решенија и да видиме што ќе ни каже. Сепак се работи за огромни инвестиции и за огромни сеопфатни ефекти што овие клучни сообраќајни решенија ќе ги имаат врз градот и тоа долгорочно. Кај нас овие работи се цртаат со невидена леснотија, а ова е прашање за кое дефинитивно треба да важи: три пати мери, еднаш сечи. Очајно ни треба независно мислење од страна, темелно да ги протресе работите, затоа што кај нас некои лоши тенденции се веќе зацементирани.


Edited by Cloverstack - 25-Nov-2009 at 03:31

Originally posted by G.I. Joe pak ke recam ne gledam da pisi vo planot sorabotnici gradezni inzeneri i soobrakjani inzeneri za go potvrdat ova resenie da dadat soglasnost .

Не е проблем да се најдат такви. Од овој лош филм може да излеземе само со вистински независна консултантска куќа со меѓународно реноме.

da ne pocnam so drugiot del i postavuvanje objekti nad bulevar samo zatoa sto bilo skapo zemjisteto. emi ajde site ulici da gi naprajme pod zemja i na nivno mesto objekti posto skapo e zemjisteto

Булеварот, од разбирливи причини, ионака е предвиден под земја.
Доколку навистина има економска логика за врз булеварот да има објекти, тогаш не гледам проблем, напротив тоа го поздравувам.

Прво што ми упадна во очи е она горе конфликтната точка кај големиот кружен ток. Кога веќе се иде на вакво "модерно" решение подобро да склепале два кружни токови како од другата страна. Колку и да фураме филм дека ете мора у градов да има голем кружен ток, па и да речеме дека ете така да мора ид а прогледаме низ прсти на инфантилноста, пак ова што е избрано е тотално неможно кружен ток да функционира кај што се прекрстуваат шест битни артерии.

Од другата страна двата мали кружни токови може и ќе функционираат, иако семафоризацијата тука е доволно добро решение.

Во однос на објекти врз трасата, ќе го поздравам потегот ако имавме малку поитивни примери со катни гаражи па да не треба да се сомневам. Со ова искуство што го имаме имам основано право да се сомневам.

И уште една работа што очигледно е јасна и пазарната логика има премногу логика во Македонија и мора малку да се заузда, а тоа е што паркинг просторот во Скопје сеуште е ефтин. И тоа неможеме да го негираме. И џабе ни е еда оекуваме дека рпиватен капитал така лесно ќе инвестира во тешко повратна инвестиција. Кога ќе снема доволно простор и кога паркирање во центар ќе стане луксуз тогаш дури и маркици за трговски ќе се претвораат во катни гаражи, обратно од сега. Не дека ги оправдувам потезите на тинекс, НЛБ и сличните, напротив!

веќе колку толку го расклопивте проектов, главно се согласувам со кловер и пбанкс
но ме интересира и железничката, нели е чудно да се дава доградба на еден монументален објект, па уште и тоа да биде обичен трговски центар, без разлика на изгледот?
и ме интересира како ќе се изведе сето ова за да се изгради? па едвај асфалтираат една улица а за вакво нешто треба огромен труд (особено со сообраќајните решенија, кружните текови и булеварот)

   koga vekje se prat kruzni tekovi mozebi podobro estetsko resenie bi bilo da ima 4 kako davanje na nekoja stabilnost balans na ovaj dup , no i balans simetrija vo odnos na soobrakjajnite resenija za ringovite i slicno. 

Се слагам со лсл, не треба да се форсираат симетрични решенија само со цел да бидат симетрични. Но во случајов веројатно сепак два добро димензионирани кружни текови е помалку лошо решение од оној огромниот, екцентрично поставен кружен тек, кој е очигледно дека е со сила набутан, сам заради себе, а не заради сообраќајна логика.


Добра скица G.I.Joe   


Edited by Cloverstack - 28-Nov-2009 at 18:36

Originally posted by Cloverstack Но во случајов веројатно сепак два добро димензионирани кружни текови е помалку лошо решение од оној огромниот, екцентрично поставен кружен тек

Апсолутно!

Но сепак како најдобро ми изгледа синхронизирана семафоризација.

А зошто на Скопје му треба ваков кружен тек??? Која е причината?

(инаку и кружните текови што сега ги зацртаа на јужен булевар се слични по концепт, односно главниот правец логично дека е денивелиран, ама сепак сум убеден дека има далеку подобри решенија него кружни текови)

Јавна презентација на два нацрт урбанистички планови ПЕТОК, 04 ДЕКЕМВРИ 2009 18:13 Денеска се одржа јавна презентација на два нацрт детални урбанистички плана за два блока од централното градско подрачје. Едниот блок, со површина од 1,3 хектари, го формираат улиците „29-ти ноември", „Кирил и Методиј" и дел од пешачката улица „Маршал Тито". Вториот блок со површина од 6 хектари го формираат улиците „Кочо Палигора", „4-ти ноември" и улица „Кичевска", кај црквата „Света Петка". -Тие планови се постари, а потребите на граѓаните се менуваат - вели Златко Милошевски, претседател на комисија за урбанизам. Според теренската анкета изготвувачите на првиот план заклучиле дека во овој дел доминираат деловните, комерцијалните и јавните дејности, а домувањето било присутно во помал обем. Втора карактеристика на овој дел е што објектите се строго заштитени според Законот за заштита на културното наследство. Затоа, за сите измени по барањата на граѓаните Заводот и музеј ќе треба да изработи посебна проценка. - Во овој блок можна е мала нова површина за градба. Би се вршела ревалоризација по пат на реконструкција - вели Томе Ристевски, проектант. Со измените на вториот блок се дозволуваат минимални зголемувања на висината на постојните објекти за индивидуално домување. Граѓаните своите забелеши во врска со овие два нацрт-детални урабанистички панови можат да ги достават до комисијата за урбанизам до 12-ти овој месец. Наташа Чавдаровска

Тера

Edited by гитардемон - 05-Dec-2009 at 01:05