Урбанистички планови и парцели (општо)

Ова ако го направат... треба да ја запалат општината. Буквално!

*општинската зграда.

Edited by alexsend - 03-May-2019 at 15:44

Не сакаме зграда на местото на детското игралиште!



Жителите на улицата „Никола Тесла“ во населбата Карпош 1 негодуваат поради тоа што имало најава оти на местото на детското игралиште на таа улица во близина на Машинскиот факултет ќе никне зграда.

– Ова детско игралиште со лулашки, клацкалки и други реквизити го користат околу 50 деца. Овде живеат претежно млади луѓе кои имаат помали деца. Ова е единственото такво катче на овој потег, ако не се земат предвид училиштата „Вера Циривири-Трена“ и „Карпош“. Сега и тоа сакаат да им го земат на децата – велат родители.

Од општина Карпош велат дека што се однесува за конкретната локација, станува збор за приватно денационализирано земјиште со вцртана маркица во моментално важечкиот Детален урбанистички план П (З 08).

– Сакаме да потенцираме дека станува збор за ДУП донесен од претходната локална власт во Карпош. Сепак, нашата намера е тој простор да остане детско игралиште и на овој простор да не се гради нова зграда. Ќе се искористат сите возможни правни механизми, како и процедури за промена на ДУП-от, со цел да се заштити овој објект од нова станбена единица – децидни се од општина Карпош.

Оттаму не одговорија на колку ката ќе биде зградата според ДУП, колкава површина би зафаќала и која би била нејзината намена.

(А.П.)   

https://www.vecer.press/не-сакаме-зграда-на-местото-на-детскот/

Едно 30тина згради треба да се срушат за градов да се опорави.

Нешто во врска со ДУП за Трнодол-О.Карпош кој во последно време е доста актуелен.Предвидени се згради од 4 и 6 ката на местото на бараките но велат дека нивната градба ќе предизвикала свлечишта итн....Еве извадок од деталниот и некои бараки каде треба да се гради(од фб)

Незнам за што поточно станува збор можеби има повеќе на страната на општината каде се наоѓаат сите детални планови
----------------------------------------------------------------------
Детската улица ,,Тоше Проевски” во Ново Лисиче ќе стане градежно земјиште!? Граѓаните со петиција ќе го спречуваат Марин!

Според планот објавен на веб страната на општината, голем дел од улицата и зеленилото кај полициската станица се преуредени како посебна градежна парцела. Жителите на Град Скопје повикуваат: ,,Гласај за промена!”.

https://www.signal.mk/detskata-ulitsa-toshe-proevski-vo-novo-lisiche-ke-stane-gradezhno-zemjishte-graganite-so-petitsija-ke-go-sprechuvaat-marin/?fbclid=IwAR3usv_QBIbgQ8xfuaHpnpee1iiXnhRhASkvlyQtUGeXfpqjPuv2oBquRnQ

Овој урбанистички план е стар и мислам дека веќе не е во употреба. На линкот може да се види дека на него пишува 2011-2016 година.

Иначе овој објект е од тип В1 што значи образовна институција, и веќе оддамна се збори дека некаде во Аеродром ќе се гради ново средно школо. Во ГИС системот на општина Аеродром(кој претпоставувам е веродостоен) ваков објект е предвиден од другата страна на бул. Србија карши полициската станица каде што моментално има осветлено спортско игралиште. Како и да е, мислам дека и на двете локации е налудничаво да се гради, па макар и образовна институција...само ќе се уништи тој дел... Има стотици запуштени места каде што може да се изгради средно школо без да се уништи веќе постоечки парк.

Дали Хром ќе стане Менхетн?!

Во ДУП-от за кој од Општина Ѓорче Петров велат дека е донесен на транспарентен начин, се предвидува изградба на сто згради за колективно домување. Жители од Хром тврдат дека станува збор за профитерски план во кој градоначалникот на Ѓорче Петров не го почитувал принципот на хумано живеење во населбата. Тие сметаат дека реализацијата на ДУП-от ќе доведе до урбанистички хаос поради што ќе го оспорат пред Уставниот суд



Група на загрижени граѓани од населбата Хром набрзо ќе достави иницијатива до Уставниот суд за да падне, како што велат тие, спорниот профитерски Детален урбанистички план за Хром со кој се предвидува изградба на околу 100 згради.

Тие потенцираат дека градоначалникот на Општина Ѓорче Петров, Александар Наумоски при изработка на овој ДУП не го почитувал принципот на хумано живеење како основа во урбанистичкото планирање, а апетитите за повеќе згради, како што велат тие, му биле водилка при донесување на истиот и од таа причина ќе се обидат да го спречат овој урбан хаос кој се наметнува во Хром.

Советниците на СДСМ, на предлог на градоначалникот Наумовски на седница на Советот донесоа нов Детален урбанистички план за населба Хром, со кој предвидуваат изградба на околу 100 згради за колективно домување. Имајќи предвид дека ДУП беше носен во една нетранспарентна, сомнителна постапка и со истиот се предвидуваат огромен број на нови згради, кои значително ќе го нарушат живеењето во оваа населба, најавуваме дека како група на граѓани ќе поднесеме иницијатива до Уставниот суд со која ќе ја оспориме одлуката за донесување на овој ДУП за населба Хром, со барање истата да биде поништена, а до донесување на одлуката да биде донесена времена мерка со која ќе биде стопирана реализацијата на овој ДУП – соопштија група загрижени граѓани од населбата Хром.

Од Општината Ѓорче Петров велат дека при изработка на ДУП-от, состојбата на теренот е целосно испитана во однос на микролокацијата и поширокото опкружување.

– Водено е сметка за обезбедување планиран ритам на површини за градба, како и обезбедување услови за хумано живеење, заштита и унапредување на животната средина и природата. Почитувани се сите основни начела на планирање и уредување на просторот, во согласност со Законот за просторно и урбанистичко планирање. За ДУП-от имаше две јавни анкети на кои можеа да се изјаснат сите заинтересирани страни. Исто така, ДУП-от беше образложен и изгласан на транспарентен начин, на отворена и јавна седница на Советот на Општината, на која имаа можност, сите што имаа интерес да дојдат, вклучувајќи ги и граѓаните – потенцираат од општинските власти.

Од Општината велат дека уште се чека Агенцијата за катастар на недвижности да изврши дигитално преклопување на урбанистичкиот план.

https://www.vecer.press/дали-хром-ќе-стане-менхетн/

Нови згради во Расадник, жителите не даваат – ќе бранат со жив штит

Просторот од спортската сала „Расадник“ до сервисот за автомобили „Мечкаров“ и бензинската пумпа во скопската населба Кисела Вода нема уште долго да биде празен. Општинските власти планираат да го узурпираат и тоа последно слободно парче во и онака натрупаниот реон за да се изградат нови згради.

Ваквите неофицијални информации што кружат низ населбата ги запалија страстите меѓу жителите на населбата кои најавуваат оти со жив штит ќе го бранат единствениот простор во тој реон што не е сардисан од бетонски зданија што изминатите години ја нагрдија Кисела Вода.



„Населбата е преполна со згради, никнуваат на секој агол, на тротоари, нема места за паркирање, нема воздух каде да циркулира, насекаде градежна механизација, кал, прашина, ѓубре… Во расадникот изникна нова населба, изградена се десетина згради, тамам сопре работата – сега слушаме за ова. Свесни ли се дека ќе дојде до ново уништување на зеленилото, дополнително загадување и уште поголем сообраќаен хаос?“, коментираат жителите на Кисела Вода.

Тие забележуваат дека постапката за промена на ДУП била извршена нетранспарентно, без никаде да бидат известени граѓаните, односно без известување во влезовите или каква било информација и покана за учество во јавната дебата.

„Општина Кисела Вода минатата среда во 12 часот организирала јавна презентација на ДУП. Напикаа згради на секое делче од слободната земја, иако повеќе пати бевме таму и молевме, аргументиравме, поднесувавме официјални барања за зеленило, за основни услови за живот. Спроти основното училиште ‘Кирил Пејчиновиќ’, каде што првин почнаа да градат црква, потоа парк, сега е вцртана седумкатна зграда со 100 стана. На аголот кај ‘Мечкаров’ – исто така, како и на сите други слободни места. Затоа, како граѓани се организираме со собирање потписи, петиции, по згради и пунктови. Ќе организираме протести, со човечки штитови ќе го браниме правото на живот и на животна средина. Не сакаме да живееме како примитивци и нема да дозволиме властите да прават фавели од делови од градот“, реагираат жителите на Кисела Вода.

Тие велат дека се распрашале и побарале стручна помош, при што експертите им рекле оти во моментов, без да се изгради ниту една нова зграда, веќе е исполнета законската бројка на згради предвидена со ГУП.

„Ќе поднесеме индивидуални приговори, ќе ангажираме и медиуми, ќе се бориме за право на хумано живеење“, заклучуваат жителите на оваа скопска населба.

Но во Општина Кисела Вода ја смируваат топката и нагласуваат оти не станува збор за изградба на неколку згради, туку само за една, додека за останатиот дел од проектот се води јавна расправа.

Во писмениот одговор што го добивме од локалните власти, стои дека на местото каде што моментно се наоѓа сервисот „Мечкаров“ уште од 2016 година е планирана една станбена зграда со класа на намена А2, која согласно ГУП на Град Скопје 2012 – 2021 година е парцела со намена А – домување. Што се однесува до предлог-планот за целиот реон, тој било повторно на јавна анкета и е изложен во две месни заедници, односно на страната на општината согласно Законот за просторно и урбанистичко планирање.

„Во овој дел, видно од планот кој е најтранспарентно изложен и за кој сè уште трае јавната анкета, планирано е: површини за градење со намена за основно училиште, средно училиште, нова детска градинка, поликлиника, пешачка променада со ширина од 20 метри и должина колку целиот опфат, голем парк, црква, плоштад и други јавни зелени површини. Во целиот опфат е планирано по сите новопланирани сообраќајници да има велосипедски патеки, пешачки патеки и дрвореди. Значајно за сообраќајното решение е да се напомене и дека под површината на целата пешачка улица е планирано јавно паркирање“, наведуваат од Општина Кисела Вода.

На овој простор летово беше поставен импровизиран детски парк, со рингишпил и колички, а останатиот дел е парк со камчиња. Далеку од средено катче, но е единственото без згради, кафулиња и продавници.

Горан Адамовски

https://nezavisen.mk/novi-zgradi-vo-rasadnik-zhitelite-ne-davaat-kje-branat-so-zhiv-shtit/

Edited by stef4o - 05-Nov-2019 at 16:25

Кој брише постоечки цевки во урбанистичките планови во Центар за да се добие градежна дозвола?



Има или нема цевка за атмосферска канализација во дворот на зградата на улицата „Тодор Александров" број 71 во Скопје? Жителите на зградата велат дека по средината на парцелата, во нивниот двор (кој во меѓувреме станал градежно земјиште со маркица за хотел) минува цевка и дека таму не смее да се гради. Проектантите од „Тајфа план", пак, си ја нацртале цевката неколку метри полево, односно покрај маркицата, а не под неа. По безброј перипетии и неколку измами, техничките лица на ЈП „Водовод и канализација - Скопје" утврдија дека по средината на таа парцела навистина поминува цевка.

Со зградата на улицата „Тодор Александров“ (поранешна „Салвадоре Аљенде“) уште од почетокот има сериозни проблеми со легализацијата на земјиштето под зградата, со намената на дворот, па дури и со сопственоста на влезовите, лифтовите и скалите... Ништо чудно, ако се знае дека уште во првичната пренамена на земјиштето и во инвестицијата се замешани Пеце Наумовски и Александар Ивановски, познат како Алек Теранова.

Од неодамна е отворен уште еден проблем. Дворното место околу зградата за време на купувањето на становите од инвеститорот (Алек Теранова) беше претставувано како детско игралиште и паркинг за возилата од зградата. Од 2003 година на местото е вцртана маркица за објект за привремено сместување (хотел). Во меѓувреме маркицата стануваше сѐ „повисока“ и „поширока“, а на крај (септември 2019) се собраа сите потребни документи и наскоро овој план ќе се најде на усвојување пред советниците на општина Центар.

Општина Центар на 15 јануари 2018 година од ЈП „Водовод и канализација-Скопје“ беше известена (бр.1302-149/1) дека инвеститорот ТД Три инвест ДОО Скопје не може да гради на таа маркица (заведена на улица Славејко Арсов КП 2424/20 КО Центар 2). „Во рамките на парцелата за проектот изработен од Дом-дизајн увоз-извоз ДОО Скопје, каде што е предвидена градба, постои атмосферска канализација Ф 300. Не е дозволена изградба на подземни и надземни објекти над наша постоечка инфраструктура“, напиша Водовод.

Истото јавно претпријатие на 15 февруари 2019 година дава позитивно мислење (бр.1301-379/2) упатено до „Тајфа план“ за ДУО Градска четврт ЈО6 дел од локалитетот Тасино Чешмиче 1 и Тасино Чешмиче 2 општина Центар. Во овој план цевката за атмосферска канализација е нацртана малку полево и сега „не оди“ под маркицата. А на лице место не е ни копнато, освен градинарските работи што станарите редовно ги извршуваат во своето мало паркче.

Откако ова им го укажавме на раководителите во ЈП „Водовод и канализација“, тие веднаш испратија екипи на лице место и утврдија дека цевката од таму навистина со години не е мрдната и дека тука некој некого мами.

Откако беше утврдено ова, од ЈП „Водовод и канализација-Скопје“ ветија дека сега ќе испратат и трето писмо до општина Центар во кое, слично на она од 2018 година, ќе потврдат дека под маркицата сепак има цевка и дека тука не може да се гради.

Таму и според сите постоечки, основни урбанистички стандарди не може да се гради (близина до друга зграда, дневно светло, тесна уличка, приод за гости, број на паркинг места, опасност од лизгање на земјиште...). Но тоа во Скопје веќе одамна не се применува.

Да се надеваме дека новите општински власти, според сите нивни ветувања во овој, а и во стотина други случаи, ќе реагираат соодветно. И нема да заборават и на одговорноста.

https://www.mkd.mk/makedonija/skopje/koj-brishe-postoechki-cevki-vo-urbanistichkite-planovi-vo-centar-za-da-se-dobie

Центар спротивно од Кисела Вода: „ДУП за Корчагин без згради со двојно повеќе зеленило“



https://telma.com.mk/tsentar-sprotivno-od-kisela-voda-dup-za-korchagin-bez-zgradi-so-dvojno-poveke-zelenilo/?fbclid=IwAR3dY2q7vZeG5Qs6sZa1uy3kCStjyfvIfkpTTk-t5UIdu_SJjvt4_Xij-s0

-------------------------------------------------------------
За кој детален план поточно станува збор,за делот околу гимназија Корчагин или??