Урбанистички планови и парцели (општо)

Originally posted by user8642    На твитер пишува дека е сликано некаде во Скопје. Не би ме изненадило стварно да е кај нас, ама неможам да тврдам дека е тука додека не знаеме точно за која локација се работи. Колку треба еден ДУП да е направен со гс, за да дојде до вакво нешто на терен. Прво како е оставен тој процеп меѓу двете постоечки згради, па уште вака да се пополнува со трета зграда, со шпиц да влезе измеѓу. И што е со терасиве од десната веќе постоечка зграда? Некој им продал тераси на калкален ѕид, па сега некој друг ќе им биде крив што "ги затвориле"??

Во Капиштец ти е ова,го имав и јас сликано пред месец дена,најгусиот дел од населбата со оглед на тоа дека оваа десно зграда со калкалниот ѕид чинам е дивоградба па после нешто е легализирано.Во секој случај тука приказната е завршена куќите ќе се заменат со згради и цената ќе им оди уште нагоре без оглед на хуманоста на условите за живеење,поглед,паркинг и слично,,,иста работа важи и за Стар Аеродром и други места каде едноставно нема назад и корекции.
Лошо е што менталитетот не се менува па и понатаму се создаваат планови по мерка на инвеститорите и голем е интересот секој да си ја замени старата куќа за стан.

https://a1on.mk/video/video-na-vodno-kje-im-nikne-zgrada-vo-dvorot-zashto-sosedite-im-go-otkupile-bez-da-znaat/

Originally posted by stef4o https://a1on.mk/video/video-na-vodno-kje-im-nikne-zgrada-vo-dvorot-zashto-sosedite-im-go-otkupile-bez-da-znaat/

Дворот на Водно бил откупен пред десет години



https://a1on.mk/video/video-dvorot-na-vodno-bil-otkupen-pred-deset-godini-bogdanovikj-sovetuva-somnezhite-za-nezakonska-privatizacija-da-se-raschistat-vo-finansii/

Originally posted by stef4o Предлог ДУП-от за Ј 04 - Козле. Над ЈЗУ Институт за белодробни заболувања Козле се планирани 50-тина нови објекти. Најголем дел од нив со висина од 10,2 метри. https://www.facebook.com/groups/883203825068334

https://www.facebook.com/groups/883203825068334

Со новиот ДУП во Карпош, тампон зеленилото околу детската болница во Козле се уништува



Со новиот Детален урбанистички план Ј04 Козле, кој ги поминал сите фази и наскоро ќе биде ставен на усвојување од Советот на Општина Карпош се предвидува во лозјата над Институтот за белодробни заболувања во населбата Козле да се градат објекти А1 – семејно домување, станбени куќи со дозволена катност од приземје, два ката и поткровје

Јавната анкета и јавната презентација за овој ДУП е спроведена во мандатот на претходниот градоначалникот Стевче Јакимовски во 2015 година, кога била донесена и одлука дека не е потребна стратегиска оценка за влијанието на животната средина во врска со предлог планот. Од општина Карпош во изјава за медиумите тврдат дека над болницата во Козле нема да се градат станбени згради, туку објекти за индивидуално домување, со максимална висина до 10 метри. Законот за оваа намена А1, предвидена во ДУП-от Ј 04, дозволува четири стана во еден објект.

Граѓаните на социјалните мрежи коментираат дека набргу и тоа парче зеленило ќе отиде во историјата.

Стратегиската оценка би било пожелно да ја побараат од Министерството за животна средина и тоа да одлучи, бидејќи се работи за Парк шума Водно или евентуално од Град Скопје кој управува со Парк Шума Водно, вели архитект, Даница Павловска Циги за Радио Слободна Европа и додава: „Таму не треба да има ништо. Треба да биде зелено, затоа што се работи за некој тампон околу болницата. Како ќе се лекуваат децата таму ако наоколу имаат згради. Тоа место таму е одбрано за таква специфична намена затоа што е ориентирано кон шума, Водно, затоа што има струење на воздух од сите страни и таму децата се лекуваат. Значи тој како да го кажам тој атрибут, објектот на болницата Козле го губи“.

https://www.porta3.mk/so-noviot-dup-vo-karposh-tampon-zeleniloto-okolu-detskata-bolnica-vo-kozle-se-unishtuva/

Дали Личиме на ЕУ? - ПАМЕТНА УРБАНИЗАЦИЈА ИЛИ НЕПРОМИСЛЕНА БЕТОНИЗАЦИЈА_E3



https://faktor.mk/dali-lichime-na-eu-treta-epizoda-skopje-naskoro-grad-so-milion-ziteli--losho-isplanirana-urbanizacija

Во Карпош 4(од твитер)

ЗГРАДИ И БУЛЕВАР ЌЕ НИКНАТ ВО СЦ БОРИС ТРАЈКОВСКИ! Скандалозен и криминален ДУП, алармира ВМРО-ДПМНЕ

ВМРО-ДПМНЕ денеска обвини дека градските власти преку урбанистички решенија изградба на улица и регулација на реката Вардар сакаат да го осквернават Спортскиот центар „Борис Трајковски“. Од партијата повикаа граѓаните во петок во 13 часот да се соберат пред општина Карпош и да го спречат донесувањето на деталниот урбанистички план за тој дел од градот.
Стефан Андоновски, член на ИК на ВМРО-ДПМНЕ на прес-конференција денеска обвини дека градоначалниците на Град Скопје Петре Шилегов и на општина Карпош Стефан Богоев преку новиот деталниот урбанистички план за делот на градот кај Спортскиот центар планираат да пренаменат повеќе од 10.000 метри квадратни простор за изградба на улица и згради.
– Шилегов со помош на Богоев проектира нов булевар, кој треба да поминува директно низ картинг-центарот и тениските терени, како и терасата на базенот во рамки на спортскиот центар. Со оваа улица ќе се уништат повеќе од 10.000 метри квадратни корисна површина. Тениските терени, на пола пресечени со улицата, ќе бидат целосно бескорисни – рече Андоновски.
Тој информира дека булеварот со стариот ДУП бил планиран надвор од границите на Спортскиот центар.
– Заради градежни интереси, а тоа е зголемување на маркицата за градење на соседната парцела, Шилегов вцртува пат директно низ спортскиот центар и директно ги уништува картинг сталата, четирите тениски терени, како и летната тераса на базенот, сите државни објекти сопственост на спортскиот центар со имотен лист. Децата и младите од спортските клубови и од базенот ќе излегуваат директно на прометен булевар – вели Андоновски.

Тој рече дека со планот во просторот на тениските игралишта се планира изградба на згради.

– Дали ова значи дека некој ќе си ја зголеми сопствената парцела со државен имот од највисоко значење – спортско значење? На тој простор ќе се градат огромни згради. Бетонска џунгла наместо спорт – рече тој.

Андоновски соопшти дека Град Скопје планира да ја промена на намената на арената и базенот.
-Тие според овој план стануваат објекти од деловна намена, повторувам со деловна намена. Нема повеќе спорт во „Борис Трајковски“, ќе има бизнис и негово свесно уништување. Негативниот ефект се неколку милиони евра од инвестицијата во тениските терени изградени од Агенцијата за млади и спорт, летната тераса на базенот позната на сите скопјани и огромниот паркинг кои се уништени заради бизнис градежни интереси – рече тој.


Со овој план, додаде тој, се узурпира и иднината на преку 500 дечиња кои се дел од спортските клубови во базенот и тениските терени кои се дел од Спортскиот центар.

Тој потсети дека 55 милиони денари вложи владата на ВМРО-ДПМНЕ во изградба на тениски терени за иднината на македонскиот тенис. 3,5 милиони денари плати Спортскиот центар во комуналии за терените да се легални и да останат за следните генерации. Центарот има многу закупци и спортски клубови кои плаќаат кирија за своето спортско работење, а со тоа целиот Спортски центар остварува приходи во работењето. Таму се вработени и тренери, спортисти и помошен персонал.
Тој повика на 20 август (петок) во 13.00 часот, граѓаните да се појават во општина Карпош и да го спречат злостор со донесувањето на планот.

https://plusinfo.mk/zgradi-i-bulevar-e-niknat-vo-sc-boris-tra-kovski-skandalozen-i-kriminalen-dup-alarmira-vmro-dpmne/

Како беше она... „важно се гради“