Урбанистички планови и парцели (општо)

Ќе се градат осум висококатници во Карпош 2

Граѓаните негодуваат, велејќи дека новите згради ќе им го нарушат квалитетот на живеење

Нови осум згради, високи 16 метри,ќе се градат воКарпош 2, во реонот кај Технолошки факултет и покрај Илинденска. Општина Карпош, по спроведената јавна расправа пред неколку месеци, неодамна го усвои планот „Резиденцијален комплекс“.

Овој план пред два месеца предизвика негодување кај жителите од овој дел на Скопје. За време на јавната расправа, на речиси сите влезови од зградите беа излепени плакати со повик до граѓаните да одат до месната заедница и да реагираат по повод изградбата на нови висококатници. Жителите што го погледнале планот сметаат дека со новите згради ќе им се наруши квалитетот на живеење.

- Карпош 2 ќе стане ново Дебар Маало. Се плашам дека нема да изградат соодветна инфраструктура и ќе ни се случува секојдневен пад на напонот на струја или слаб притисок на вода - вели граѓанка на оваа населба.Други, пак, очекуваат уништување на досегашните паркови, хаос со паркирањето, односно возилата на новите станари да останат пред зградите, како и затворање на воздушните коридори што ќе влијае на чистотата на воздухот. Од Општина Карпош не ја соопштуваат бројката на нови објекти кои се зацртани да се изградат, но не ги ни негираат сознанијата на граѓаните. Велат дека планот не бил нивна идеја, туку бил изработен во 2001 година.

- Со новиот нацрт-детален урбанистички план за урбаниот опфат кај Технолошкиот факултет се врши усогласување со Генералниот план на Скопје 2002 година и измената и дополнувањето на Правилникот за стандарди и нормативи. Практично се врши ревизија на важечкиот план, донесен во 2001 година. Тој воопшто не предвидува нови површини за градба. Напротив, извршена е репарцелација на површините за градба, во согласност со имотно-правната состојба, по барање од граѓаните и нивно намалување. Ова е направено со цел да се зачува постојното зеленило, и да се овозможи потребно растојание помеѓу објектите - велат од Карпош.

Во однос на височината, односно катноста на објектите, објаснуваат дека е планирана во согласност со регулативата. Тврдат дека воделе сметка за потребните растојанија меѓу објектите. Не мислат дека ќе се наруши квалитетот на живеењето во овој реон.

- Целта на секој план е негова реализација. Сметаме дека ќе се дооформи урбаниот амбиент, со оглед на тоа што Општината и Градот инвестираа многу во инфраструктурата на овој реон. Тој е димензиониран така за да ги задоволи потребите на граѓаните, а планиран е со овој и со претходниот план - велат општинарите.

Во однос на реакциите од граѓаните, општинарите додаваат дека нацрт- планот пред усвојувањето ги поминал сите фази од постапката за донесување на документот, вклучувајќи и позитивно мислење од Министерството за транспорт и врски.

http://dnevnik.com.mk/?ItemID=E5E4B9E2611C674EAFE3BFFB8A578DCE

Планирана е да се гради веднаш до зградите на Врховниот суд, Апелациониот и Основниот суд Скопје 1, на парцела од 900 метри квадратни, со што ќе се добие цел Комплекс на правдата

Веднаш до зградите на Врховниот суд, Апелациониот и Основниот суд Скопје 1, на парцела од 900 метри квадратни ќе се гради уште една шесткатница во која ќе биде сместен Кривичниот суд. Со тоа ќе се добие цел Комплекс на правдата, што е една од новините предвидени со Предлог-измените на Деталниот урбанистички план Судска палата 22, кој се однесува на квартот од Кејот на Вардар, булеварите Крсте Мисирков и Гоце Делчев и новопроектираната улица која ќе биде главна врска меѓу двата булевара. Новата сообраќајница ќе биде долга околу 250, а широка шест метри со тротоари од двете страни.

- Со предлог-планот, исто така, е предвидена парцела од 2100 квадрати за изградба на уште една шесткатница наменета за катна гаража која ќе има и подземен кат. Со капацитетот за 550 возила, таа ќе може да ги опслужува сите државни институции во околината - појаснува арх. Стојан Таневски од "ЗУМ", којшто е еден од изготвувачите на Предлог-планот. Друга новина, вели Таневски, е и зголемувањето на габаритот на постојните објекти на Институтите за национална историја и за македонски јазик, како и на зградата на Младинскиот културен центар. Овие згради ќе добијат можност за проширување, но постојната висина останува иста.

Предлог - ДУП е изложен во просториите на "ЗУМ" - Скопје и сите заинтересирани институции ќе можат да го погледнат до 14 овој месец од 10 до 17 часот и своите забелешки, предлози и мислења да ги испишат на анкетни ливчиња. Таневски не очекува поголеми измени, бидејќи како што вели дека пред да почнат со изработка на планот ги посетиле сите институции и ги консултирале за нивните идни програмски определби. "Сите издржани предлози, доколку беа во склад со ГУП ги зедовме предвид".

ДУП „Судска палата“ на јавна анкета

Градоначалничката на општина Центар, Виолета Аларова, ги повикува граѓаните што живеат во урбаната заедница „Раде Јовчевски-Корчагин“ да излезат на јавната анкета за измена и дополнување на детаљниот урбанистички план „Судска палата“. Презентацијата на проектот се одржа на 1 октомври, а јавната анкета ќе трае 10 работни дена.

Предлог-измената и дополнувањето на ДУП „Судска палата 2“ Општина Центар - Скопје ќе бидат изложени во просториите на АД за урбанизам, проектирање и инженеринг „ЗУМ“, секој работен ден од 10 до 17 часот.

http://dnevnik.com.mk/?ItemID=7D7C609B7185384FA09011E2912B5682

НА ПОВРШИНА ОД ОКОЛУ 50 ХЕКТАРИ

ОХРИД ЌЕ ДОБИЕ ТУРИСТИЧКА ЕЛИТНА НАСЕЛБА

Охрид ќе добие туристичка елитна населба. Станува збор за месноста Рача која што се наоѓа над Биљанини извори.

Судскиот комплекс спроти Универзитетот „Св. Кирил и Методиј“ ќе добие уште една зграда, а до неа ќе се изгради и катна гаража. Ова е предвидено со измените и дополнувањата на предложениот детален урбанистички план „Судска палата 2“, кој општина Центар го стави на јавна анкета за увид на граѓаните. Планот го опфаќа просторот кој на север се граничи со булеварот Гоце Делчев, на запад продолжува покрај булеварот Крсте Мисирков, од југ се граничи со кејот Димитар Влахов, а на исток со зградата на Македонското радио. - Со план се изврши повторна распределба на просторот со тоа што секој објект доби одделна парцела. Нови предвидени објекти се зградата на Кривичниот суд, со приземје и шест ката, и висина до 25 метри. Таа ќе има сопствен паркинг, а со посебен урбанистички проект ќе се утврди дали ќе биде надземен или подземен. За посетителите во судот ќе има место да се паркираат во катната гаража, која е наменета за 500 возила, со приземје и пет ката и висина од 17 метри - објаснуваат од АД за урбанизам „ЗУМ“, кои го изработија планот. Освен овие два нови објекти, измените ќе овозможат да се направи доградба и надградба на постојните згради на Институтот за македонски јазик, Архивот на Македонија и Младинскиот културен центар, но само до постојната висина. На просторот зад МКЦ се исцртани две парцели за парковско зеленило кои ќе се уредат со клупи, фонтани, чешми, канделабри, а предвидени се маркици и за споменици. - Станува збор за споменикот - бомба од времето на Втората светска војна - кој сега се наоѓа на локацијата на која е предвиден новиот Кривичен суд. Тој ќе се дислоцира во парковското зеленило, а на зградата на судот ќе се постави и обележје за спомен-куќата од времето на НОБ, од која сега има само рушевини - објаснуваат во „ЗУМ“. Со предлог-планот е предвидено да се срушат бараките кај зградата на Македонското радио, а проектирана е и нова улица, крак на постојната Димитар Влахов, која ќе биде врска меѓу булеварите Крсте Мисирков и Гоце Делчев. Планот е со важност од пет години, а граѓаните ќе може да го погледнат до 14 октомври.

http://www.vreme.com.mk/DesktopDefault.aspx?tabindex=5&tabid=1&EditionID=1519&ArticleID=99879