Урбанистички планови и парцели (општо)

Originally posted by user8642 Еве уште еден проблем на Македонија, ако му објасниш на прост сељак со многу зборови од каде потекнува проблемот како што објасни Гитар, нема да те разбере сељакот. Ама ако му собереш све на купче и му кажеш еден збор, "Скопје", и како тоа "Скопје" е криво што во Битола сам си унакажува, е тогаш од неокортекс до петна жила има да те разбере, јер само еден збор разбира! Инаку, оффтопик, @Гитар, не те разбрав убаво, сакаш да кажеш дека место "танчерки" од Украина сега доаѓаат работници за индустриски зони?

Фабриката имаше над 4000 работници, но немаше доволно кадар во цела Битола и селата, па носеа од Ресен и Демир Хисар, за на крајот да донесат од Украина. Официјално дел од нив биле работници на пракса за новата фабрика во Украина, но сум чул дека за поголеми нарачки кога треба поголема работна сила, ги носат оти нема тука кој.

Општина Центар планира изработка на нов ДУП за одредени делови на Водно

Државниот инспекторат за градежништво и урбанизам се прогласил за ненадлежен во однос на инспекциски надзор на ДУП Ј 07, префрлајќи ја одговорноста на Општина Центар, односно Советот кој го носи овој план.

Ова е одговорот што го добиле општинските власти откако градоначалникот Горан Герасимовски побара вонреден инспекциски надзор од Државниот инспекторат за градежништво и урбанизам на наведениот план кој ги опфаќа локалитетите: Капиштец, Завод за медицинска рехабилитација, Старо Водно, Долно Водно, Мало Курило и Цвеќара.

– До Општина Центар пристигна одговор од Државниот инспекторат за градежништво и урбанизам и во него, Инспекторатот, повикувајќи се на Законот за просторно и урбанистичко планирање, се прогласува за ненадлежен по прашањето за инспекциски надзор на ДУП-от Ј 07. Надлежноста за постапување по овој предмет е во рамки на делокругот на Општина Центар, односно Советот, кој го донесува овој план – потенцираат општинските власти.

Тие додаваат дека, во соработка со стручните служби и Советот на Општина Центар, продолжуваат да бараат решенија за состојбата со Водно и најавија дека е во план и изработка на нов урбанистички план за одредени делови од Водно.

Имено, неодамна, на средба прво со претставници од Општина Центар, а потоа и со градоначалникот Горан Герасимовски, жителите на улицата „Питу Гули“ реагираа на издаденото правосилно одобрение за градење индивидуален станбен објект (намена А0) во градежна парцела што се наоѓа на падината на Водно, непосредно над нивните објекти. Тие стравуваат дека поради издавањето на градежната дозвола за овој објект, ќе никнат и други, со што постои опасност да се урне целиот рид.

Додека жителите на средбата што се одржа во вечерните часови бараа помош од Општината да најде можност и начин како да се сопре оваа градба, инвеститорот утрината започна со околчување на плацот. По барање на жителите, инспектори од Општина Центар извршија увид на терен и утврдија дека инвеститорот „Маркеза“ ДООЕЛ не врши градежни дејства, туку се работи за оградување на плацот, кој е во негова приватна сопственост.

По овие средби, Советот на Општина Центар го задолжи градоначалникот Горан Герасимовски да побара вонреден инспекциски надзор од Државниот инспекторат за градежништво и урбанизам на ДУП-от Ј 07. Жителите и натаму очекуваат да се изнајде решение.

https://www.vecer.press/општина-центар-планира-изработка-на-н/

СОВЕТНИЦИТЕ ОД СДСМ, ВМРО-ДПМНЕ И ГРОМ ГО ИЗГЛАСАА ПЛАНОТ ЗА БЕНЗИНСКА ПУМПА КАЈ СЦ „БОРИС ТРАЈКОВСКИ“ ВО КАРПОШ КОЈ УСТАВЕН СУД ГО УКИНА ВО 2018

Со 16 гласови „за“ од советниците на СДСМ, ВМРО-ДПМНЕ И ГРОМ, Советот на Општина Карпош го усвои Деталниот урбанистички план (ДУП) за Градска четврт З 04, Блок 3 04.05. Против планот беа советниците од „Независни за Карпош“ и од Левица, кои не ни присуствуваа на денешната вонредна седница на која единствена точка на дневен ред беше усвојување на ДУП-от.

Со ДУП-от на празниот простор пред ВИП Арена „Борис Трајковски“, паралелно со булеварот 8 Септември се предвидува бензинска пумпа, како и нова улица која ќе минува покрај терасата на базенот. Земјиштето за изградба на бензинската пумпа веќе е продадено на фирмата „Пуцко Петрол“ и поради тоа градоначалникот Стевчо Јакимовски тврди дека мора итно да се донесе планот, во спротивно Општината ќе биде тужена. За овој план Јакимовски се скара и со градоначалничката на Скопје Данела Арсовска, кога во декември ја обвини дека не му се јавува и го кочи донесувањето на планот, а на Општината ѝ се заканува тужба.

Од советничката група „Независни за Карпош“ велат дека со овој план не се штитат интересите на граѓаните туку на приватните инвеститори.

„Едно е да се носи ДУП заради содржини од интерес на жителите на општината, а друго е да се носи ДУП во интерес на приватен капитал. И покрај заканите дека доколку не гласаме т. е. не соработуваме ќе бидеме кривично гонети, како и приказните дека Општината ќе биде финансиски заглавена, за кои има нула конкретни достапни документи и информации, ние од ‘Независни за Карпош‘ повторуваме дека сме избрани од граѓаните да гласаме онака како ни налага нашата совест и образ пред тие што нè гласале. Бензинска пумпа ниту има потреба, ниту пак смее да има во заштитна зона на бунарски ситем, ниту пак во близина на гасоводна траса. Улица која би била сервисна за соседниот блок од згради не треба да има затоа што не требаат ни тие згради“, велат од „Независни за Карпош“.

Од Општина Карпош велат дека планот е изработен според одредбите за спроведување на Генералниот урбанистички план на Град Скопје, Законот за просторно и урбанистичко планирање, Правилникот за стандарди и нормативи за урбанистичко планирање.

ДУП-от е со плански опфат од 4.88 хектари и се протега од север и запад по оска на новопланираните сервисни улици С3 и С4, од југ по оската на новопланираната улица С1 и од исток, по должина на градската магистрала булевар 8 Септември. Според ДУП-от, се предвидува намена на просторот за комерцијални и деловни објекти, зеленило и рекреација, инфраструктура и сообраќајници, спортски базени и пливалишта, хали за повеќе спортови, дрвореди, украсно и заштитно урбано зеленило, пешачки простори, примарни и секундарни улични мрежи, како и бензински пумпи.

https://sdk.mk/index.php/dopisna-mrezha/sovetnitsite-od-sdsm-vmro-dpmne-i-grom-go-izglasaa-planot-za-benzinska-pumpa-kaj-sts-boris-trajkovski-vo-karposh-koj-ustaven-sud-go-ukina-vo-2018/

ЌЕ СЕ ПРАВИ НОВ ПЛАН ЗА ПРОСТОРОТ КАЈ „ШИК ЈЕЛАК“, ЌЕ ИМА ПОМАЛКУ ОД 30 ЗГРАДИ, НАЈАВИ ГРАДОНАЧАЛНИКОТ КАСАМИ



Изминатиов период во Тетово се одржаа две јавни дебати поврзани со идното урбанистичко уредување на градот. На првата, организирана од страна на Општина Тетово се разговараше за потребата од промена на веќе донесениот Детален урбанистички план (ДУП) за урбаниот Блок 57.

Овој урбанистички план, кој беше донесен некаде пред крај на мандатот на минатиот општински Совет, уште тогаш предизвика големо негодување и контраверзи. Тој предвидуваше на просторот на кој во еден поголем дел се наоѓа пропаднатата фабрика „ШИК Јелак“, чија стечајна постапка уште не е целосно завршена, да се изгради комплекс од над 30 висококатници во кои, според проценките би требало да живеат над 8.000 луѓе. На ова решение уште тогаш реагираа дел од тетовските архитекти обвинувајќи ја Општината дека така само ќе изгради еден огромен бетонски ѕид, дека на тој простор воопшто не се предвидени зелени површини ниту паркинг места. Освен ова, тогаш како купец на тоа земјиште и инвеститор кој ќе гради се наведуваше контраверзен бизнисмен од Црна Гора. И покрај сето ова, спорниот урбанистички план беше усвоен и одобрен и од Министерството за транспорт и врски.

Со промената на локалната власт на последниве локални избори, меѓу приоритетите на новиот градоначалник Билал Касами беше и ревизија на урбанистичкиот план за Блок 57. Тука пак ќе се гради ама сега ќе имало помалку згради.

„За промена на овој урбанистички план веќе направивме некои подготовки. Комисијата за урбанизам веќе подготви елаборат, а проблемот со овој урбан блок е што тука е максимизиран приватниот интерес на штета на јавниот интерес и е предвидена градба на многу објекти. Ние, како општинска власт, ќе се обидеме да го зачуваме јавниот интерес, што значи сега бараме на тој дел да има помалку згради од тоа што беше предвидено со првиот план, како и да има повеќе јавни површини, улици, тротоари, паркови и други јавни простори. Доколку тоа успееме да го постигнеме, односно да ги поминеме сите фази и да успееме го ревидираме постојниот урбанистички план, за што ќе треба една подолга процедура, тогаш за нас секој инвеститор е добредојден тука да гради“, изјави Касами.

На јавната дебата дел од архитектите ја одобруваа иницијативата да се направи ревизија на овој план, додека дел од нив ја оспоруваа постапката, а екологистите имаа и подруги размислувања за овој дел од градот.

„Тетово е пренаселено за да се изгради уште една таква населба на влезот во градот, а без тоа да има некоја подлабока студија за тоа каде и како треба да се развива градот, колкави згради треба да се градат и во која зона. Град кој нема доволно вода за пиење, нема доволно паркинзи и со преполни улици со автомобили, не може да си дозволи таква нова населба каде би требало да живеат над 8.000 жители. Вакви дебати требаше и порано да се одржуваат за да можат и граѓаните да го кажат своето мислење“, вели Аријанид Џафери од движењето „Еко герила“.

И додека општинарите се надеваат дека ќе успеат до го ревидираат сегашниот ДУП за Блок 57 и размислуваат за нешто помало бетонизирање на градот, од граѓаните на Тетово дојде иницијатива градот конечно да добие градски парк. Иницијативата „Тетово сака парк“ бара на влезот на Тетово од правец на Скопје да се направи градски парк на површина од околу 16 хектари во чиј состав би влегол и сега спорниот Блок 57. Иницијативата наиде на голем прием кај тетовци и за кратко време ја потпишаа неколку илјади жители на градот.

„Добивме најголема поддршка од било која граѓанска иницијатива досега покрената во Тетово, а сигурни сме дека таа и понатаму ќе расте“, изјави Дарио Сотировски, еден од иницијаторите за изградба на паркот.

Ваквото барање кое потекнува од граѓаните на Тетово беше поздравено и од повеќе урбанисти и архитекти.

„Граѓанската иницијатива излезе со одличен концепт, кој не само што е издржан и хуман, туку и од стручен аспект е крајно темелен, соодветен и изводлив. Се работи за иницијатива која пред сé поаѓа од граѓаните, меѓутоа согледува и потреба во самиот урбан концепт на градот, зашто Тетово е град кој со години се планира и развива во отсуство на стратегија. Целокупните напори и активности на претходната општинска власт беа насочени кон задоволување на интересите на инвеститорите, притоа комплетно занемарувајќи ги потребите на граѓаните кои што се основни корисници на просторот“, рече на јавната трибина урбанистката Душица Трпчевска-Анѓелковиќ.

Но, додека граѓаните размислуваат за парк, општинската власт размислува за градење згради. Иако градоначалникот Касами лично ја поздравува иницијативата, сепак вели дека поради лошата финансиска состојба за Општината вакво нешто во овој момент преставува само луксуз.

„Секоја иницијатива и алтернативно решение за нас е добредојдено, но освен јавниот интерес треба да го имаме во предвид и формално-правниот статус на тоа земјиште каде се иницира да се гради градски парк, а треба да се разгледа и финансискиот аспект. Јас би сакал и 50 проценти од Тетово да биде под паркови но, поради финансиската ситуација во која сега се наоѓа Општина Тетово, тешко е дека може да си дозволиме таков луксуз и таква иницијатива“, рече Касами.

Иницијаторите Тетово конечно да добие парк се убедени дека и покрај тешкотиите ќе успеат во реализацијата на својата идеја. Надеж им дава и податокот дека дури 77% од земјиштето на кое се бараат да се изгради градскиот парк е во државна сопственост и, како што велат, јавниот интерес секогаш треба да биде над приватниот.

https://sdk.mk/index.php/dopisna-mrezha/ke-se-pravi-nov-plan-za-prostorot-kaj-shik-jelak-ke-ima-pomalku-od-30-zgradi-najavi-gradonachalnikot-kasami/

ВЛАСТА РАСПРОДАВА ДРЖАВНО ЗЕМЈИШТЕ ЗА 7 ЕВРА, ПО ЦЕНОВНИК НА ГРУЕВСКИ ОД 2011, СДСМ ШЕСТ ГОДИНИ НА ВЛАСТ НЕ ГО ЧЕПНА НЕГОВИОТ ЦЕНОВНИК



Цената по која се приватизира државно земјиште од 7 евра по метар квадратен е донесена во 2011 од тогашната власт на ВМРО-ДПМНЕ и Никола Груевски. Со „Уредба за висината на надомест за приватизација на градежното земјиште што се приватизира, начинот и постапката за наплата на надоместот за приватизација на градежно земјиште“, цената за метар квадратен земјиште во Општина Центар, за изградба на комерцијални деловни објекти изнесува 438 денари.

СДСМ пак 6 години е на власт и ништо не направи за да ја смени оваа одлука па и оваа власт приватизира државно земјишта за истата цена, како што е последниот случај со парцелата спроти зградата на поранешна „Нова Македонија“ продадена на бизнисменот Фатмир Етеми.

Како што објави редакцијата „Само прашај“ компанијата „ЗСФ-КОМ“ на бизнисменот Етеми успева да се стекне со сопственост на атрактивна парцела по цена од 7 евра за квадрат кај поранешен Цветен пазар во скопски Капиштец. Државното земјиште е приватизирано по багателна цена со одлука на Министерството за финансии и министерот Фатмор Бесими пред Нова година односно на 29 декември. Оваа парцелата во 30-те години на минатиот век била во сопственост на Југословенската државна железница, а потоа станала државна сопственост. Откако Етеми ги купил останатите околни парцели од приватни сопственици, успеал од државата да ја добие и оваа парцела. Со тоа тој сега е единствен сопственик на парцелите каде според Деталниот урбанистички план се предвидува изградба на станбена зграда и хотел од 15 ката.

За продажбата на оваа парцела денеска меѓусебно се обвинуваа ВМРО-ДМПНЕ И СДСМ. Од ВМРО-ДПМНЕ на прес-конференција кажаа дека СДСМ продолжува со бетонизацијата на Скопје и после продажбата на државното земјиште спроти „Холидеј ин“, сега продава уште една атрактивна парцела во центарот на градот.

Од СДСМ одговорија дека цената за земјиштето спроти зградата на „Нова Македонија“ е формирана од Владата на ВМРО-ДПМНЕ со потпис на Никола Груевски и дека сегашната состојба во Скопје е последица на нивното долгогодишно узурпирање на Центар. Од владејачката партија најавија дека ‘ќе се преземат чекори за промена на сите закони и уредби од времето на ВМРО-ДПМНЕ кои уште предизивкуваат штета, вклучително и споменатата‘.

https://sdk.mk/index.php/dopisna-mrezha/vlasta-rasprodava-drzhavno-zemjishte-za-7-evra-po-tsenovnik-na-gruevski-od-2011-sdsm-shest-godini-na-vlast-ne-go-chepna-negoviot-tsenovnik/

СО НОВ ДУП ЌЕ НИКНАТ 10-КАТНИЦИ НА МЕСТОТО НА КИНО ВЛАЕ, КАКО И ЦРКВА НА ИНКЛУЗИВНОТО ДЕТСКОТО ИГРАЛИШТЕ ДО ПЛОШТАД ДЕЛФИНА

Нови маркички за згради предвидува Општина Карпош во населбата Влае со новиот Детален урбанистички план за Влае 2, за кој вчера беше одржана јавна презентација. Овој ДУП еднаш беше донесен во претходниот мандат на градоначалникот Стевче Јакимовски, но во 2018 година е укинат од Уставен суд. Сега планот повторно се враќа во игра и Општина Карпош и градоначалникот Јакимовски ја почнуваат постапката за негово повторно носење и отворање можност за нова бетонизација на населбата.

Жителите на Влае револтирани ја следеа презентација, велејќи им на планерките од планерската куќа „Билд урбан“ кои ги пратиле од општината да го презентираат планот, дека нема да дозволат да им помине планот, доста е веќе со овој урбанистички хаос што му се прави на Скопје.

Со планот се предвидуваат згради на просторот на некогашно кино Влае односно зад автобуската станица на булеварот Партизански одреди. Зградите ќе бидат со висина од 6 до 10 ката. Парцелата за маркички за згради е проширена и на улицата Есперанто сè до плоштадот Делфина. Со новиот план улицата ќе предвидува да се пробива зад киното односно пред основното училиште „Димо Хаџи Димов“.

На местото на инклузивното игралиште за деца со посебни потреби на плоштадот Делфина пак е вцртана маркичка за црква. Детското игралиште беше направено пред две години и него тогаш го отвори ексградоначалникот Стефан Богоев.

Маркичка за зграда се предвидува на празниот простор кај „Кам маркет“ односно во делот каде населбата Влае се граничи со населбата Хром. Овој простор како што велат жителите е државно земјиште и бараат да се направи парк, а не да се распродава државна земја за бизнис интереси со приватни градежници.

Планот го опфаќа и просторот покрај кејот на реката Вардар каде сега се наоѓаат спортски терени. Со ДУП-от се предвидува намена спортски центар што за жителите е спорно бидејќи со тоа се дозволува и затворени објекти односно градење на спортски сали. На просторот пак до игралиштата кој сега е зелена површина пак е вцртана маркичка за градинка, на што исто така реагираа граѓаните бидејќи станувало збор за приватен имот.

„Државно земјиште продавате на приватни инвеститори да градат згради, а на приватен имот цртате градинка. Да не нацртавте толку многу маркички и згради ќе имаше место и за градинка и поликлиника“, рекоа револтирано жителите на Влае.

„Како може меѓу сите овие куќи на една празна парцела да вцртате маркичка за зграда со приземје и три ката. По која логика тоа го дозволуваат. Се направија покрај Вардар згради и сега цртате нови. Откако никнаа зградите немаме каде да паркираме, ние сме избрале да живее во мирна населба, не може да не уценувате дека мора да се донесе планот за да си го откупиме земјиштето. Тоа е права уцена. За да можеме да си го оствариме правото вие ни вметнувате решенија за дополнителна бетонизација на населбата“, рекоа граѓаните.

Планерката од фирмата „Билд урбан“ пак им рече на жителите дека планот бил носен врз основа на регулациски план донесен од Град Скопје и дека живеат во град и затоа мора да има содржини.

„Сите живеете во град, ако нејќете да има улици и други содржини не живејте во град. Сите може да пополните анкетни листови до 25 март и вашите забелешки ќе бидат земени предвид“, рече една од планерките на „Билд урбан“.

Граѓаните им рекоа дека досега џабе се пишувале анкетни листови, Општината пак си ги носела плановите онака како што замислила. Најавија дека нема да дозволат овој лош план за Влае да биде донесен.

https://sdk.mk/index.php/dopisna-mrezha/so-nov-dup-ke-niknat-10-katnitsi-na-mestoto-na-kino-vlae-kako-i-tsrkva-na-inkluzivnoto-detskoto-igralishte-do-ploshtad-delfina/

освен тоа што може да се направи екстензија на паркот до парцелава, не гледам што има лошо во тоа таму да има станбени објекти, се додека не се насилно набутани внатре
тука има бaраки, и тоа е отприлика се.. дури и да се направи парк, низ него ќе поминува улица реално, нема смисла

преку глава ми е од тоа трубење на „згради се лоши“... разгледајте го просторот, дајте што има опции, барајте да има транспарентност за да може да се разгледуваат мааните на планот и објектите а не само „сонце, воздух, згради лоши хур дур“

ОПШТИНА КАРПОШ ПОЧНА ПОСТАПКА И ЗА ПЛАНОТ ЗА ЖДАНЕЦ, ЖИТЕЛИТЕ ВЕЛАТ СЕ ЦРТААТ ОБЈЕКТИ И УЛИЦА ВО ДВОРОВИ И СЕ УНИШТУВА ЗЕЛЕНИЛО

Општина Карпош ја почна постапката за носење на уште Детален урбанистички план, со кој според граѓаните ќе се уништи хуманото живеење во населбите Козле и Жданец. Со измените на ДУП-от за блок Ј03.04 дел од Градска четврт ЈОЗ, зад дел од куќите во Жданец се предвидува пробивање на нова улица и маркички за куќи со приземје, два ката и поткровје. Новите објекти се предвидуваат на парцели кои се државно земјиште.

На јавната презентација на планот жителите револтирано ја прашуваат планерката од „Тајфа план“ и претставниците на Општината зошто на државно земјиште цртаат маркички за куќи кои сметаат дека ќе прераснат во згради, наместо да го заштитат овие парцели со намена зеленило.

„На сметка на нашето хумано живеење, Општина Карпош планира да ни насади нови згради во дел од дворовите кои ги користиме повеќе од половина век. Станува збор за државно земјиште кое најверојатно веќе го пикирале моќните претставници на урбаната мафија која препозна брза заработка. Зелениот појас над нашите семејни куќи, некој замислил да биде ново урбано грдење на просторот со една цел. Освен што постои ризик, на сртот над нашите домови, да се изградат бетонски чудовишта на простор каде постои опасност од лизгање на земјиштето од можниот налет на багерите, новите соседи директно ќе гледаат во нашите спални соби. Според Над нашите домови треба да никнат околу десет нови објекти на сметка на децениското зеленило кое сите ние го негуваме со години“, велат жителите на овој дел од населбата Жданец.

Со новиот план улицата која ќе се гради за да има пристап за новите куќи, не минува само низ дворови туку треба да се урне и куќа.

„Како сте можеле да нацртате ваков план, па дали вие сте излегле на лице место, да ја видите конфигурацијата на терен и дека улицата ми ја урива куќата. Тука нема услови ниту за пробивање улица ниту за новите градби. За чии интереси го правите планот, кога нас не сте нè прашале“, рече една од присутните граѓанки на јавната презентација.

Од Општина Карпош им рекоа на граѓаните дека планот не е донесен, оваа почеток и дека нивните барања можат да ги напишат на анкетни листови и истите ќе бидат земени предвид.

https://sdk.mk/index.php/dopisna-mrezha/opshtina-karposh-pochna-postapka-i-za-planot-za-zhdanets-zhitelite-velat-se-tsrtaat-objekti-i-ulitsa-vo-dvorovi-i-se-unishtuva-zelenilo/

Најголем проблем е џамијата,за се можи да се прогледа низ прсти и згради и ова она ама за оваа масовна шќиптаризација/муслиманизација на цела држава не можи и не смејт !
И порано било држ-недај ама ова сдсм шо го прат ни во турско не се правело.

П.С. Да знам дека Стевче србомано е градоначалник сега и се прајт на триипол,ама ова е одобрено од претходнио а мора да се запри сега и одма.

Затоа служи попис, да видиш што каде колку ти треба.

Јас стварно не разбирам зашто луѓето во Македонија мислат дека "проблемот" припадници од друга религија не постои се додека не дојде моментот за верски објект. И како да од тогаш постои проблемот понатаму во фул издание 100%. Дури па и овие што протажираат верски објекти со цел обележување територија, истото го мислат, дека ќе постигнат ефект.

Сепак, реално гледано, повеќе негативен ефект се постигнува на целокупно оптшествено ниво, отколку позитивно. Какви сака нека се гласачите, макар и крајно нетрпеливи кон други религии, сепак тоа е нивен избор. Очигледно не е време за ова прашање.