Урбанистички планови и парцели (општо)

Општините не ги искористиле бенефициите за донесување на приоритетни Детални урбанистички планови и трите милиони евра од истата Програма кои годинава им ги понуди Министерството за транспорт и врски. Само неколку градоначалници доставиле предлог локации на атрактивно државно земјиште кое може да се продаде на јавно наддавање. Ова го истакна министерот Миле Јанакиески, на вчерашната средбата со градоначалниците, наменета за решавање на заедничките проблеми во врска со урбанистичкото планирање. Тој ги повика члениците на локалната власт до крајот на месецов да предложат нови локации и да се вклучат во Програмата за приоритетни планови за следната година.

- Пожелно е плановите да бидат со намена за трговски центри, хотели, катни гаражи ..., односно се што ќе биде интересно за вложување како од домашни така и од странски инвеститори, им рече Јанакиески. Тој напомена дека со доставување предлог план за просторно планирање ќе добијат две бенифиции. Прво финансиите за изработката и донесувањето ќе биде на сметка на државата, а второ ДУП-от ќе може да се донесе по скратена постапка за десет до 15 дена.
Градоначалниците се пожалија на обемната процедура, неограничените временски термини како и забелешките што ги добиваат од Министерството за нестручната изработка. Тоа, рече Јанакиески, по Нова година нема да се случува бидејќи услов за поднесување на планот е да го изработила фирма или овластен проектант којшто поседува лиценца. Тој најави дека Владата размислува да го зголеми процентот што го земаат општините од продажбата на државното земјиште.

- Најверојатно процентот за продажбата на земјиштето кое сега за државата е 60, а за општините 40, ќе биде поголем во корист на општините отколку за државата. Тоа начелно е прифатено, но треба да се утврди процентот, рече Јанакиески.

http://vecer.com.mk/?ItemID=C16856D02AC9134C9CB51E07750BB137

Целиот комплекс објекти во Трговскиот центар "Лептокарија" како и Трговскиот центар во скопската населба Карпош 4 не постојат во евиденцијата на скопскиот Катастар. Извори од оваа институција за "Вечер" потврдуваат дека за двата комплекса во Катастарот не постојат имотни листи. Неофицијално, не се работи за изградба на имот кој во минатото бил национализиран, туку единствено за дивоградба за која ниту една надлежна институција не издала одобрение. Истите извори потврдуваат дека решавањето на имотно-правниот статус, односно нивната легализација треба да се одвива постепено бидејќи станува збор за простор на кој се наоѓаат станбени згради и угостителски објекти. Во Катастарот ваквата состојба ја оправдуваат со значителната застареност на податоците и нередовното ажурирање на сопственоста и се надеваат дека проблемите ќе станат минато со неговата целосна компјутеризација која ќе помогне во скратување на процесот на регистрација на трансакциите.

Градимир Марковски - Вечер - 04.12.2006

Градимир Марковски - Вечер - 25.11.2006

Законот за легализација на дивоградбите ќе биде готов за четири месеци

Легализирање на дивоградбите, воспоставување дигитална база на податоци за урбанистичките планови и формирање регистар на земјиште во државна сопственост се целите на проектот „Техничка помош и поддршка на политиката за донесување закон за легализација на дивоградбите и воспоставување на дигитална база на податоци за урбанистичките планови“ На министерот за транспорт Миле Јанакиески ке му помага УНДП во Македонија со Марија Луиза Силва.
Јанакиески напомена дека за четири месеци, во рамки на проектните активности, ќе биде изготвен законот за легализација на дивоградбите.
“Целта не овој закон не е да се легализира урбаната мафија, туку да им помогне на граѓаните кои имаат куќи стари по 10, 15 и 20 години, а немаат документи за нивната сопственост”, потенцира Јанакиески.
Според него, новата правна рамка ќе ги регулира методите и процедурите за легализација на дивоградбите, ќе ги определи институциите и субјектите што ќе бидат надлежни за нејзино спроведување и ќе овозможи интеграција на легализираните градби во вкупната урбана, економска и социјална структура на општините.
Регистрацијата на дивоградбите уште не е почната, иако општините доставиле првични податоци.
“Има општи бројки за тоа колку дивоградби ќе се легализираат, но се уште е многу рано да се прецизираат. Регистрацијата на дивоградби не е почната. Допрва ќе се утврдува принципот на работење, методолгијата, ќе се анализира ситуацијата, ќе се прават планови, па дури потоа ќе се пристапи кон легализирање”, рече Јанакиески.
Тој смета дека во Македонија има десетици илјади градби стари по 10, 20 или 30 години за кои сопствениците немаат имотен лист.
Законот за легализација на дивоградбите согласно Виенската декларација, досега требаше да се донесе, но тоа не го сторија претходните министри. - Рокот за донесување на законот е изминат, но ниту еден министер досега не се зафати за овој процес зашто е тежок, рече Јанакиески.
Амбасадорот на УНДП Луиза Силва истакна дека легализацијата е сложен и тежок процес кој, сепак, мора да се спроведе. - Легализацијата на дивоградбите мора да биде јасна и транспарентна. Само така ќе се заштитат демократијата и вредноста на земјиштето. Важно е да се почитува средината во која живееме и да се воспостави владеење на правото. Законот мора да биде ефективен и да даде конкретни резултати, порача Луиза Силва.

Капитал - број 418 - 22.11.2007

Археолошкиот локалитет Бејбунар кој се наоѓа на планскиот опфат од предлог Деталниот урбанистички план за урбаната единица 8, урбан блок 8,3 се става под привремена заштита во траење од две години. Вакво решение на 14 октомври годинава донесе Управата за заштита на културното наследство кое го достави до Министерството за транспорт и врски, кое пак, деновиве го проследи до охридскиот градоначалник Александар Петрески, општинскиот совет и секторот за урбанизам.

Иако со решението се бара, општинскиот совет да го одложи донесувањето и спроведувањето на предлог Деталниот урбанистички план за 8 урбана единица, сепак, Советот на Општина Охрид денеска на 58-та седница ја усвои оваа предлог-одлука.

Против неа е советникот Ванчо Огненов кој денеска и го лиферува решението до медиумите и колегите-советници. Ако се донесе Деталниот урбанистички план за оваа урбана единица, тоа може да предизвика големи последици, пред се, правни, но и материјални со поништување на Уставниот суд, изјави Огненов. Сеедно, е вели Огннов, што вакви сознанија добиваме пред постапката за негово донесување, но сепак сметам дека е одговорно да почекаме со донесувањето на ДУП-от.

-Оваа одлука ја работиме една година, потрошивме огромни средства. За неа знае и премиерот и министрите и Управата за заштита на културното наследство на чело со Пако Кузман, вели градоначалникот Александар Петрески. Тој додава дека планот бил ставен на јавен увид, и доколку овие институции имале забелешки требало да ги истакнат.

Петрески кажува дека за ДУП-от се исполнети сите законски норми. Тој смета дека се работи за политичка опструкција од страна на Општинскиот комитет на ВМРО-ДПМНЕ, зашто како што вели, од овој план Општина Охрид ќе добие околу 8 милиони евра од комуналии со кои, според него, ќе се вратат долгови на општината и ќе се покријат тековните активности.

- Имам морална одговорност пред граѓаните да поднесам кривична пријава против сите инволвирани во оваа политичка хајка, рече Петрески и потенцира дека Општината има право на жалба во рок од 15 дена.

Како што iе познато на јавноста, се работи за површина од 12,36 хектари на потегот од ресторанот Кај Нацко до трафостаницата Бејбубар. Тука е предвидено да се градат индивидуални станбени згради пониски од оние кои се веќе изградени пред нив.

Во Решението за привремена заштита е истакнат фактот дека се работи за археолошки локалитет со исклучителна автентична вредност што претставува сведоштво кое има релевантно значење од гледна точка на историјата И културата, а особено од големо значење за македонската И европската наука.

OhridNews - А. Ристеска - 24.10.2008