build.mk Homepage
Forum Home Forum Home > Главни теми > Инфраструктура
  Active Topics Active Topics
  FAQ FAQ  Forum Search   Register Register  Login Login

Водостопанство

Bookmark and Share
 Post Reply Post Reply Page  <1234 9>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #21 Posted: 25-Feb-2009 at 00:38

Гумена брана ќе наводнува 500 хектари

Гумена брана на реката Брегалница ќе овозможи наводнување на нивите во Облешевско и во Теранско, најплодни атари од Кочанското Поле. Браната што ќе се гради ќе служи за наводнување на 500 хектари под разновидни земјоделски култури.

Иницијативата за изградбата на гумената брана ја дадоа водните заедници од Облешево и Теранци, поддржани од локалната самоуправа на Општина Чешиново-Облешево, а парите ги обезбеди Владата преку Министерството за земјоделство, шумарство и водостопанство. Дел од гумената брана - воздушната „перница“ е веќе набавена, останува да се изгради бетонската основа во коритото на реката Брегалница, каде што треба да биде поставена гумената препрека. Лани поради сушата речиси половината од родот на земјоделците од овој крај беше уништен и беше направена голема материјална штета.

http://www.dnevnik.com.mk/?ItemID=28BF3C869F1BDB408F43883DC614AC6A
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #22 Posted: 07-Mar-2009 at 18:58

Македонија ќе си ја претвориме во пустина

Неправилниот распоред на врнежите, негрижата кон водата, ерозијата и високите температури ќе придонесат во 2050 година Македонија да стане пустинско подрачје


Според податоците, сегашните акумулации апсолутно не ги задоволуваат потребите со вода зашто само 120.000 хектари се со можност за наводнување, а во земјава има околу 400.000 хектари земјоделско земјиште

За помалку од четириесет години Македонија ќе стане пустина, тврдат експертите од областа на водите. Главна причина за ваквите прогнози се глобалното затоплување, намалените врнежи, ерозијата на почвата и негрижата кон водените ресурси и акумулациите што се изградени во земјава. Според истражувањата на експертите, Македонија просечно има врнежи од 720 милиметри на квадратен метар, што теоретски се доволни за обновување на водните ресурси. Меѓутоа, проблемот е што тие не се правилно распоредени просторно и временски. Просторно, поголем дел од врнежите се на повисока надморска височина како Лазарополе, Попова Шапка, Маврово. Во рамнините, во кои се најпотребни врнежите, количеството се движи околу 400 милиметри на квадратен метар, што е апсолутно недоволно. Домашните водени ресурси се околу пет милијарди метри кубни вода, најголем дел проточна вода на сливни подрачја и подземна вода. Самиот факт, пак, дека 96 отсто од земјиштето во Македонија се подложени на ерозија дава јасни сигнали дека таа мора под итно да се спречи, а тој аспект од проблемот, според експертите, најмногу се потценува во земјава.

ШТЕДИ И АКО СИ БОГАТ

- До 2050 година Македонија ќе стане пустина ако нашиот народ не почне да се бори со тоа. Треба да се сменат навиките на луѓето. Прво, треба земјоделците да се навикнат на рационално наводнување со современи системи како „капка по капка“. Нашиот народ има погрешен пристап во односот кон природните богатства. Уште на самиот почеток на образованието децата се учат дека Македонија е богата со вода и секој тргнува од тоа. Значи, ако сум богат не треба да штедам, а тоа е многу погрешно - вели Ордан Чукалиев, декан на Факултетот за земјоделство и храна.

Според него, засега има доволно вода, но не во цела Македонија. На пример, во Струмица и во околината нема доволно вода не само за пиење туку и за индустријата и за наводнување. Во Скопје, пак, има пример што го нема никаде. Со вода за пиење се полеваат тревници, се наводнуваат бавчи и се перат автомобили.

- На Вардар нема ниту еден зафат, туку експлоатирани се само неговите притоки. Во Скопско, каде што има огромна потреба од вода за наводнување, нема ниту една акумулација. Земјоделците се снаоѓаат со бунари и со ископи од кои црпат вода за наводнување. Следни на листата со недостиг од вода се Овче Поле и централниот вардарски регион, во кој, всушност, е најлошо во однос на врнежите - вели Вјекослав Танасковиќ, од Земјоделскиот факултет.


Сувата распукана земја, фотографирана летоска во Пелагонија, ќе биде секојдневна слика за сите македонски рамнини

НЕДОВОЛНИ АКУМУЛАЦИИ

Експертите по хидросистеми велат дека многу голем проблем е што Македонија нема водостопанска основа од поново време.

- За да се утврди колку вода има и како таа треба рационално да се користи, треба во секое време да се има водостопанска основа. Македонија користи водостопанска основа од седумдесеттите години што не дава реална слика на вистинските богатства со вода - велат експертите од оваа област.

Според податоците на Министерството за земјоделство, сегашните акумулации апсолутно не ги задоволуваат потребите со вода. Само 120.000 хектари се со можност за наводнување, а се наводнува само една петтина од нив. Ако се знае дека во земјава има околу 400.000 хектари земјоделско земјиште, тогаш не е тешко да се пресмета дека нема доволно акумулации што ќе го покријат сето земјиште што се обработува. За состојбата да биде уште полоша, според последните анализи, се наводнуваат само 15.000 хектари, што е многу минимално. Меѓутоа, не треба да се занемари фактот дека кај нас последниве неколку години се повеќе се наводнува со подземни води, а тоа не се регистрира никаде. Според ресорното министерство целта на секоја Влада треба да биде да се обезбеди вода за сите 120.000 хектари, па и за целокупното земјоделско производство, но и за пиење и за индустрија.

Треба да учиме од Израел

Израел е земја што никој ја нема достигнато во однос на управувањето со водите, велат експертите. Со само два природни водотека и со нивно правилно зачувување и стопанисување има врвно земјоделско производство. Таму секоја капка вода домаќински се користи, за разлика од овде, каде што водата се расфрла. Нашиот земјоделец мисли дека ако направи кал, само тогаш е добро наводнето. Тоа не е наводнување, туку заблатување. Свеста мора да ни се менува, бидејќи иако вода има доволно засега, таа треба да им остане и на тие што доаѓаат по нас. Расипничкиот однос со водата нема да не однесе никаде, бидејќи не е точно дека водата ни припаѓа на сите нас од Бога дадена и за неа не треба да се грижиме и таа не треба да се плаќа - велат експертите.

ИНФО- Лошо менаџирање со водите

За четириесет години Македонија ќе стане пустина ако продолжиме лошо да менаџираме со водите. Главна причина за ова црно сценарио се климатските промени, но и намалените врнежи, ерозијата на почвата и негрижата кон водените ресурси и акумулациите.



Извор: Дневник
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #23 Posted: 21-Apr-2009 at 01:08

Скопскиот водовод со изминат рок на употреба

Републичкиот завод за здравствана заштита препорачува што поскоро да се замени старата со нова водоводна мрежа

Дотраените азбестни водоводни цевки се' почесто пукаат и предизвикуваат повеќекратна штета.Граѓаните се жалат дека со часови немаат вода додека се поправа дефектот, а неретко се случуваат и поплави пред нивните домови. За Јавното претпријатие „Водовод и канализација“ застарената водоводна мрежа, пак, е причина за големи загуби на вода.

- Секоја зима пукаат цевките, иако тоа не е исклучено и во летниот период. Кога пукна последниот пат на улицата Мелничка, каде што живеам, бликаше вода од сите страни. Моравме со соседите да се самоорганизираме и да викнеме мајстор за да го отстрани дефектот бидејќи од „Водовод и канализација“ не сакаа да дојдат, вели Љутви Сеферовиќ од Шуто Оризари.

Од „Водовод и канализација“ се жалат дека честите дефекти не им предизвикуваат проблеми само на граѓаните. Според Златан Икономов, директор на Секторот за технички работи и развој, половина од загубите на вода се поради дотраените цевки.

- Од 93 милиони кубни метри вода колку што се произвело лани во Скопје, 58 проценти се регистрирани како техничка загуба. Од нив, повеќе од половината, односно 30 отсто, е загубена поради пукање на дотраените азбестни и поцинкувани водоводни цевки.Останатите 28 проценти загуба на вода се предизвикани од годишното миење на канализациската водоводна мрежа, од полевање на јавните зелени и сообраќајни површини, како и од губитокот во системот поради паушални корисници што имаат неисправни водомери, вели Икономов.„Водовод и канализација“ уште од минатата година поведе акција за менување на севкупната водоводна мрежа со просечна старост од 35 години. Во некои делови од градот, цевките се стари и до 65 години.

- Ова е меѓу првите поголеми и посериозни зафати за реконструирање на водоводната мрежа. Во изминатите години имало кампањски и помали интервенции само на одредени места, тврди Икономов.Иако луѓето сметаат дека азбестните водоводни цевки може да влијаат врз здравјето на луѓето, Икономов мисли поинаку.

- Се' уште не е научно докажано дека азбестните цевки негативно влијаат врз здравјето на луѓето. Тие се закопани в земја и заштитени се со цементна конструкција, дециден е Икономов.

Дека нема теоретски можности азбестните цевки штетно да влијаат врз здравјето на луѓето потврдуваат и од Републичкиот завод за здравствена заштита (РЗЗЗ) кој од минатата година го води надзорот на исправноста на градската водоводна мрежа. Но, тие предупредуваат и апелираат дека мрежата е со изминат рок и оти е потребно што побрзо да биде заменета со нова и поиздржлива.

- Азбестните цевки не влијаат штетно врз здравјето на луѓето. Проблемот е што тие имаат одреден рок на траење кој веќе изминува. Водата не може да врши абразија или да ги испушта азбестните влакна од цевките. Азбестните влакна може штетно да влијаат врз нашето здравје кога се вдишуваат од воздухот. Затоа, наша препорака е да се заменат старите водоводни цевки чиј рок на траење е четириесетина години, објаснува Михаил Кочубовски, раководител на Одделението за хигиена на водата и комунална хигиена при РЗЗЗ.

Замена со поиздржливите дуктилни цевки

Со акцијата на „Водовод“, старите дотраени цевки и салонитните азбестни и поцинкуваните цевки ќе се заменат со дуктилни цевки кои имаат епоксидна заштита од надворешни влијанија, односно не ‘рѓосуваат, имаат поголема издржливост и век на траење од околу 40 години. Што е најбитно, овие цевки се според сите стандарди за користење вода за пиење.

- Оваа акција ја почнавме лани. За таа цел во инвестициската програма од јуни минатата година до јуни годинава се предвидени 100 милиони денари за ваквата активност. Годинава, пак, за замена на водоводните цевки се издвоени уште 100 милиони денари, информира Икономов. Со 100-те милиони денари од лани предвидено е да се реконструира водоводна мрежа во должина од 12 километри. Приближно уште толку километри од мрежата ќе бидат заменети и годинава.

- Од минатата година досега изработени се нешто повеќе од 6.200 метри, за што се потрошени 58 милиони денари. Во текот на зимата имаше застој поради лошите временски услови. Активностите продолжија во март. Дванаесетте километри водоводна мрежа, планирани со средствата од 2008 година, се предвидува да се завршат до јуни. Значи, за две години ќе биде заменета водоводната мрежа од вкупно 25 километри, вели Икономов.

Тој смета дека ако се' оди со предвидената динамика, за 10 години ќе биде обновена целата водоводна мрежа, со вкупна должина од 100 километри. Како што објасни Икономов, досега се заменети водоводните мрежи на улиците Ратко Мирковиќ во населбата Драчево, Милан Мијалковиќ во Пржино, Марко Орешковиќ во Кисела Вода, повеќе улици во населбата Даме Груев во Ѓорче Петров, на улицата Бис во Чаир, потоа на улиците Париска и Вера Јоциќ, на улиците Миле Поп Јорданов, Братфорска и Стогово во населбата Козле и на дел од улиците во Дебар Маало, Ченто, Маџари, Мичурин...Во тек се работите кај поликлиниката „Ремедика“, на улиците Христо Узунов, Церска и Неврокопска во населбата Пржино, Обновата на цевките ќе продолжи и во Горно Лисиче.

http://www.dnevnik.com.mk/?ItemID=9FA319CD2AB86640956F8F7A36A76879
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #24 Posted: 21-Apr-2009 at 01:14
Не сум знаел дека сосотојбата на Скопје со водоводот е во толку лоша состојба. 68 проценти технички загуби е стварно многу. Треба што побрзо да се зафатиме со изградба на секундарна мрежа за техничка вода и санирање на дефектите од примарнава. Инаку незнам зашто овие цефки за водовод не се спроведуваат како оние за парно, односно во бетонирани канали и наместо цефки да се користат гумени ли пластични ли црева па поселсно да се санираат и дефектите и полесно да се менува целата мрежа.
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #25 Posted: 22-Apr-2009 at 23:23

Пролет со толку многу врнежи немало одамна

Полни со вода се Шпилје, Калиманци, Мавровско и Тиквешко Езеро

Снежана Калабакова

Дождливото време влијае депресивно врз луѓето, но многу поволно врз земјоделските култури во Македонија. Експертите тврдат дека хидролошката состојба не само што е мошне погодна за аграрот, туку ветува и многу поволна енергетска состојба и снабдување со вода во наредниот период од годинава. Тие веруваат дека нема да има поплавување на површини. Доколку локално се случи тоа, ќе биде во деловите каде што има повисоки подземни води и ќе биде незначително. Агрометеоролозите велат дека почвата е незаситена со вода и тврдат дека тоа го покажале и испитувањата што биле направени на 60 сантиметри длабочина.

Вчера 24 литри на квадратен метар наврнаа на Попова Шапка, 20 во Маврово и во Крушево, 18 литри на квадрат во Охрид и 16 литри во Крива Паланка. Врнежите од дожд го покачија нивото на сите реки и езера и тоа е над повеќегодишниот просек, иако се нагласува дека досега имало слични или повлажни години.

Во пораст се природните и вештачките езера, а тоа значи дека се полни со вода Шпилје, Калиманци, Мавровско и Тиквешко Езеро. Ваквата состојба ветува поволна енергетска состојба. Експертите велат ќе има и доволно вода за пиење, особено во деловите каде што водоснабдувањето е критично, како што се Прилеп, Кичево, Крушево или Македонски Брод.

Од Хидролошкото одделение на Управата за хидрометеоролошки работи на Македонија објаснуваат дека нивото на сите реки и езера во земјава е над повеќегодишниот просек, гледано три децении наназад. По претходно две мошне сушни години, ова велат ќе биде влажна година, која ќе обезбеди побогат род. Метеоролозите најавуваат дождови и во наредниве денови, а агрометеоролозите ја оценуваат состојбата како одлична. Повторно ќе врне в сабота и в недела, а дневните температури ќе бидат помеѓу 13 и 19 Целзиусови степени. И идната недела од вторник попладне до четврток ќе биде дождливо, а локално ќе има дожд и во периодот од 1 до 3 мај.

„Ако продолжи дождливото време, можни се незначителни излевања на води во деловите каде што има повисоко ниво на подземни води, Пелагонија, Полошко на потегот кон Јегуновце, односно вливот на реката Бистрица во Вардар. Но, тоа нема да биде ништо сериозно. Влагата ветува убав род, доколку нема други непогоди. Мошне поволна е за пролетната сеидба и воопшто за сите култури. Од 1 април до денеска дождовите придонесоа нивото на Преспанското езеро да порасне за 10 сантиметри, на Охридско за 12 и на Дојранско за незначителни 2 сантиметра“, вели Коста Угрински, хидролог во УХМР.

Според мерењата на експерти од Хидролошкото одделение, вчера Вардар во Скопје имаше 75 кубни метри во секунда, а реката Треска кај Македонски Брод - 27,5 кубни метри во секунда. Водите на Пчиња кај Катлановска бања имаа брзина од 24,5 кубни метри во секунда, Брегалница кај Штип - 28,1 и Црна кај селото Новаци, Битолско, 27 кубни метри во секунда.

„Есенските посеви сега имаат најголема потреба од влага и колку и да има врнежи, тие не се доволни. Ако се анализира април во триесетгодишен просек, ќе се види дека врнежите годинава биле потпросечни, бидејќи првата и втората декада од овој месец имаат просек помеѓу 30 и 35 литри на квадратен метар. Според количествата дожд, може да се каже дека во Пелагонија состојбата е дури и критична за да се изведат сите процеси на тамошните земјоделски култури, за разлика од Овче Поле. И на овошките им треба повеќе влага во почвата“, вели Ангеле Ангелески, советник за агрометеорологија во УХМР.

Душанка Танушевска, дежурен синоптичар во УХМР, вели дека поради разведрувањето утре и задутре се очекува утринските температури во одделни делови да се спуштат од минус 2 до 3 степени. Утре ќе биде претежно сончево, а дневните температури ќе бидат во благ пораст и ќе се движат во интервал од 14 до 21 степен.

Нивото на Дојранско Езеро неделно се покачува за 20 сантиметри

ДОЈРАН - Нивото на водата во Дојранско Езеро секојдневно расте. Топењето на снегот од планината Беласица предизвикано од покачувањето на температурите и врнежите од дожд иако со послаб интензитет се причините за зголемување на водостојот. Езерото го полнат и извори кои во изминатите години поради сушата беа пресушени, а зголемени количини вода се слеваат и од хидросистемот „Ѓавато“.

Според Злате Талески, кој го врши мерењето на водата во Дојранско Езеро, неделно нивото на водата од сите расположливи сливници се покачува за околу 20 сантиметри. Познавачите на приликите велат дека ова е најголемото полнење што го доживува езерото по еколошката катастрофа. (Е.П.)


http://www.utrinski.com.mk/default.asp?ItemID=12B109830E65234BAD950AF46C65FC0F



Edited by La Linea - 22-Apr-2009 at 23:48
Помогнете во Македонската Википедија - Слободна енциклопедија!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #26 Posted: 23-Apr-2009 at 00:47
Ова со водостојот е доста значително за Македонија како и за регионов, пошто последниве години наназад гледавме доста суша и суви речни корита. Ме охрабрува највеќе Дојранското езеро, но се сомневам дека езерото не е повторно злоупотребено за наводнување на околните ниви. Се сеќавам дека едно време од грчка страна имаше некоја најава дека некоја тамошна мала река ќе се преусмерела према дојранското езоро, ама изгледа ништо не биднало од тоа. Ај ако некој се сеќава или има некое инфо (најдобро график) околу водостојот на езерото од системот навака ќе го молам да постира.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #27 Posted: 29-Apr-2009 at 10:17
Подземните води од Косово - потенцијална бомба за Македонија
Автор:  Александар С. Димковски
Македонија
Водата значи живот. Но таа може да биде и причина за сериозни заболувања. По бомбардирањето на Косово со осиромашен ураниум се зголемија и стравувањата од можна контаминација преку подземните води што дотекуваат во Македонија. За научната јавност ваквите стравувања имаат сосема реална основа. Скопје се снабдува со вода од изворот Рашче. Експертите велат дека оваа вода не потекнува од таа околија, туку доаѓа од подалеку. Досегашните истражувањата покажале дека поголем дел од подземните води на Балканскиот полуостров доаѓаат од север кон југ, што значи од Косово и Србија кон Македонија.

Голема е веројатноста атмосферските води да инфилтрираат дел од овој радиоактивен отпад во подземните води што може да биде сериозна закана по здравјето на македонските граѓани, предупредуваат од Игапе, институтот за геобиологија, подземни води и екологија.

- Како единствена институција во Македонија што се занимава со оваа проблематика ние имаме стратегија и начин да извршиме мониторинг и анализа на подземните води што доаѓаат од Косово и Србија кон Македонија. На тој начин ќе бидат откриени загадувањата на водите и ќе може да се преземат мерки за пренасочување на водните капацитети за користење - ни изјави др. Стојан Велкоски, генерален менаџер на Игапе. Тој смета дека испитувањата треба да бидат научни и студиозни. Тие ќе дадат одговор на прашањето што сè влегува од геолошката утроба спрема Македонија и во кој правец се движат подземните води. Според експертите досегашните испитувања се недоволни бидејќи не се знае ни каде се наоѓаат подземните води, а камоли тие да се следат. Македонија е сеизмички активно подрачје и можни се изненадувања, кои ќе го пренасочат текот на водата. После секој земјотрес одредени извори секнуваат или се појавуваат нови.

- Потребно е подготвување на сеопфатни детални хидрогеолошки карти на подземни протечни води во Македонија и според нив да се подготват еколошки карти. Овие карти во иднина ќе се користат и за изградба на бензински пумпи и други градежни објекти - вели Велкоски.

Од Републичкиот завод за здравствена заштита ни изјавија дека еднаш до два пати годишно се мери нивото на радиоактивност на водата за пиење во сите водоводи во државата.

- Категорично тврдам дека во делот што значи вода за пиење нема зголемена радиоактивност. Нашите испитувања покажаа многу пати помали вредности од одредени дозволени гранични параметри - изјави Владимир Кендровски, раководителот на Заводот. Тој беше дел од тимот кој вршеше мерења на загадувањето на водата за пиење и по бомбардирањето на Косово. Во Македонија мерењата се вршат на 12 мерни места. Кендровски нагласува дека радиоактивен материјал може да се внесе и преку вдишување, но тоа повеќе се однесува на местата во непосредна близина на бомбардирањата.

На сајтот на Обединетите нации за екологија е извршено мапирање на сите локации на Косово каде е бомбардирано со осиромашен ураниум. Од Републичкиот завод за здравствена заштита нагласуваат дека се вршат процени по здравјето и засега нема никакви ризици. Овие мерења се потребни и заради природниот тек на подземните води, бидејќи тие може да поминуваат и низ природни извори на радиоактивни елементи во земјата како радонот на пример, нагласуваат од РЗЗ. Од аспект на радиоактивност, останува нејасно каква е состојбата со многубројните бунари, бушотини, извори, протечни и подземни води кои се користат за наводнување. Затоа пронаоѓањето и изработката на хидрогеолошките карти на подземните и протечни води е неопходна, заклучуваат експертите.




Водата доаѓа од утробата на земјата

Во своите научни трудови Велкоски ја побива досегашната теза дека водата е резултат на снегот и дождот, кои се сливаат во пониските делови.

- Само еден дел од водните ресурси може да потекнува од атмосферски услови, додека поголемиот дел потекнува од јувелнино потекло. Најновите истражувања ја потврдуваат оваа теза дека водата доаѓа од подлабоките структури на земјата и под притисок избива и протекува на површината- тврди Велкоски. Дел од таа вода е со висока температура, а потоа се разладува, но може да биде и постудена, нагласува тој.




Скопје да се одвои од Рашче

Зголемената потреба од вода за главниот град ја наметнува потреба од нови наоѓалишта на чиста вода за пиење. Од Игапе како најдобра опција ги посочуваат планинските венци на Водно и Скопска Црна Гора.

- Треба е да се најдат главните водни артерии од овие планини и водата да се извади по природен пат без испумпување, односно по пат на гравитација да се донесе до градот. Во зависност од висината и капацитетот на водата на ваков начин може да се произведува и струја со вградување на моќни турбини - смета Велкоски. Според него, Скопје се снабдува од бунари со вода за пиење која не е доволно квалитетна за употреба.




И обичните депонии може да бидат опасни

Светската практика покажува високо ниво на заинтересираност на општеството за движењето и влијанието на подземните води врз околината и врз здравјето на луѓето. Истражувањата покажале дека во последните години сè повеќе се загадуваат подземните води, кои можат да се најдат и на длабочина до 14 километри во Земјината кора.

Студијата на Рударско-геолошкиот факултет од Загреб за влијанието на отпадот „Јакушевец“ врз подземните води во околината покажала силно изразени локални аномалии и висока концентрација на тешки метали, опасни по здравјето на луѓето. Колку за илустрација, се работи за депонија за одложување обичен, комунален или таканаречен неопасен отпад, како „Дрисла“ кај нас. Радиоактивните супстанции од осиромашен ураниум се многу поопасни по здравјето ако луѓето дојдат до контакт со нив, бидејќи овие елементи не се разградуваат, односно процесот на нивно целосно распаѓање е илјадници години.

Реномираните научни институции користат сателитски и синхронизирани аерокосмички методи за испитување на подземните води преку дешифрирање на магнетните снимки од сателити. Ваков метод на работа применуваат и во институтот Игапе.

http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=381&ArticleID=23498
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #28 Posted: 02-May-2009 at 00:06

Се урна браната во Рапеш градена предизборно

Битола - Се урна браната на Маковска Река кај мариовското село Рапеш што беше градена предизборно. Жителите се крстат во господ што настанот се случил во текот на ноќта и помина без последици за луѓето и за стоката.

Браната во Рапеш се изгради со цел на жителите да им овозможи континуирано напојување на стоката, бидејќи овој крај е сушен во текот на летото. За овој проект Општина Новаци од касата потроши околу 3,5 милиони денари. Градоначалникот на Новаци, Лазо Котевски, вели дека од идната недела ќе се гради нова брана на трошок на изведувачот.

Жителите на Рапеш обвинуваат дека браната била направена нестручно и набрзина колку да се покажела Општината пред избори дека нешто се работи во мариовските села. Со вода била наполнета помеѓу двата изборни круга. Изградба на браната Мариовци ја чекале со децении, мислејќи дека таа ќе им ги реши проблемите со сушата. Но, наместо тоа, велат дека можело да се случи трагедија.

„Среќа што се случи ноќта, оти ако беше во текот на денот, ќе отидеа и стоката и луѓето. Оти секој ден сме тука на овој терен.

Ова е објект без темел. Тоалет не може да се гради без темел, а не ваков капитален објект. Ако вака се гради, многу е опасно не само за нас туку за сите жители од овој крај. За брана треба да се употреби соодветен материјал, глина, а не што било. Треба да има и соодветен надзор“, обвинува Зоран Трајковски, жител на Рапеш.

Тој се сомнева дека една од причините за уривањето на браната е нестручноста на тимот што ја градел. „Тука работеа неколку луѓе кои не беа стручни. Обични луѓе како мене, возачи. Попушти и почна да тоне. Уште ненаполнета, насипот не беше ист на двете страни. Дојде денот да се направи, ама не беше безбедна“, вели Трајковски. Откако браната се урнала, селаните ја алармирале Општината.

Градоначалникот Котевски вели дека за уривањето на браната одговорност имаат и жителите.

„Браната во Рапеш беше дел од стратегијата за развој на руралните општини. Според проектот што беше направен, таа требаше да биде висока четири метри и тогаш ќе издржеше. Но, по инсистирање на локалното население, бидејќи ќе немало доволно вода, ја кренавме уште два метра и покрај тоа што не се согласуваше главниот надзор. И не издржа. Тука влијаеја и временските услови. Оваа пролет имаше многу вода од дождовите и притисокот не издржа, зашто беше земјена брана набиена со камен. Одводниот канал, кој исто така беше планиран на три метри, а се крена на 4 метра придонесе да не издржи браната“, објаснува Котевски. Тој најавува дека сите трошоци за изградба на нова брана ќе ги преземе изведувачот.

„Изведувачот има одговорност да ја изгради повторно браната, почнуваме од вторник со нови параметри и со нови пресметки“, најави Котевски. (А.Б.)



http://www.utrinski.com.mk/?ItemID=930CE78E35CAF04E81622D24B3069C0E
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #29 Posted: 05-May-2009 at 01:54

Ќе се заменат 25 километри од азбестно-цементните цевки

„Водовод“ издвои 100 милиони денари за отстранување на старите и поставување нови цевки

Јавното претпријатие „Водовод и канализација“ и годинава продолжи со отстранување на азбестно-цементните цевки од водоводната мрежа. Според планираното, ќе бидат заменети 25 километри од азбестно-цементната мрежа во градов, за што ќе се инвестираат околу 100 милиони денари.

Деновиве се започнати работите за замена на старите азбестно-цементни цевки во населбата Маџари во должина од 550 метри. Се менуваат цевки на улиците „Маџари 1“ и „Маџари 3“. Се работи и во населбата Црниче на улиците „Христо Узунов“, „Церска“ „Неврокопска“ и „Ениџевардарска“, при што ќе се заменат 900 метри од старите цевки. Во населбата Водно, пак, на улицата „Загрепска“ и на околните улички, планирани се нови цевки со должина од 530 метри, а 230 метри стари цевки ќе се заменат со нови и на уличките околу поликлиниката „Железарница“.

„Поради тендерската процедура, минатата година со заменета на азбестно-цементните цевки почнавме во август, а зимските месеци не' спречија да ги завршиме работите. Затоа сега се работи и на завршувањето на приклучоци и асфалтирање на прекопи на 16 објекти. Се изведуваат градежни зафати на различни локации во градов, почнувајќи од Чаир, населбата Даме Груев, Пржино и Маџари, делот кај хотелот ’Белви‘. Се асфалтираат и прекопите во Дебар Маало на улицата ’Тодор Чангов‘ и на околните улици“, вели Злате Икономов, директор на техничкиот сектор на „Водовод“.

За триесетина дена ќе се врши замена на азбестно-цементни цевки и во населбата Даме Груев на улица „Лука Геров“ во должина од 900 метри. Со должина од 1,3 километри ќе бидат заменети и цевките во населбата Козле, а планирано е и менувањето на 3 километри од азбестно-цементниот цевковод во населбата Јурија на улицата „Александар Демиевски“ и околните улички. Ќе се извадат и старите цевки со должина од 590 метри во Долно Нерези на улицата „Демир Трајко“. (Сн.К.)



http://www.utrinski.com.mk/?ItemID=D1B69F32E5B8864E8122AF00D152D71B
Back to Top
Dragan View Drop Down
Senior Member
Senior Member
Avatar

Joined: 19-Feb-2009
Location: Tetovo
Online Status: Offline
Posts: 1171
  Quote Dragan Quote  Post ReplyReply #30 Posted: 08-May-2009 at 10:34

Се гради водоводот во Љуботен

Општина Бутел ја заврши изградбата на резервоарот за новиот водовод во Љуботен. Тој е поврзан со главната водоводна цевка која ќе го полни резервоарот со капацитет е 120 метри кубни, а таа црпи вода од изворот Бошевац на Скопска Црна Гора, оддалечен на околу 16 километри од селото. Во Љуботен веќе е поставена нова водоводна мрежа и многу брзо водоводот ќе биде пуштен во употреба. Вода ќе добијат 2.500 жители на Љуботен.

Водоводот ќе чини околу 500.000 евра. (Сн.К.)

http://www.utrinski.com.mk/?ItemID=A12E2C650574BD49899A767076F34276
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #31 Posted: 07-Jun-2009 at 13:50
Мислам дека оваа добра вест може да иде во оваа нишка Cheers

Дојранското Езеро го доживува најголемото полнење

Дојранското езеро го доживува најголемото полнење по еколошката катастрофа што се случи пред 20 години.

Од топењето на снегот, дождовите, хидросистемот Ѓавато и обновените извори кои во изминатите години беа пресушени, нивото на водата неделно се покачува за околу 20 сантиметри.

„2000., 2001, кога езерото беше на минус 4 метри под нулата, моментално сега е 1 метар под нулата, според тоа значи Дојранското езеро е покачено 3 метри во висина“ рече Злате Талески набљудувач на УХМР.

Со полнењето на езерото се враќа и оптимизмот за комплетно туристичко оживување на Дојран. Приоритетно оваа лето ќе биде крајбрежјето.

„Плажите да ги попесочиме најмалку 2 илјади кубици планираме да фрлиме по плажите, како туристите кога би дошле пред сезоната, да имаат убави и уредни плажи“ рече Глигор Чабулев, градоначалник на Дојран.

Во последните неколку години во летниот период во Дојран се реализираа над 100 илјади ноќевања. Туристичките работници се надеваат дека освен за домашните, Дојран конечно ќе стане интересен и за странските туристи.



http://www.a1.com.mk/vesti/default.aspx?VestID=109654
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #32 Posted: 08-Jun-2009 at 03:13
Иако бев помал, убаво се сеќавам на скептицизмот на кој наидовме како општество кога ни беше презениран проектов. Мене и тогаш ми беше чудно што воопшто државава во тоа време се зафати за ваков долгорочен проект кој е еден од ретките долгорочни еколошки прокети што ги имаме превземено како самостојна држава, и треба да ни биде пример дека бенефитот од ваквите прокети е огромен.

Инаку за хидроситемов Ѓавато имам некои работи што ме бунат, односно зашто воопшто треба систеов да користи енергија дополнителна кога може да работи комплетно без струја, барем според моите аматерски размислувања, односно преку затворен систем на свразни садови водата да го преминува ридот, или па евентуално струјата што ја троши да биде произведува комплетно од потенцијаната енергија која ја има водата при падот кон дојранското езеро.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #33 Posted: 08-Jun-2009 at 03:59
Ѓавато 2 треба да го напои Дојранско Езеро


Министерството за животна средина и просторно планирање спроведува Проект за изведба на истражни дупнатини, пеизометри и експлоатациски бунари Ѓавато 2, кој треба да обезбеди дополнителни количини вода за Дојранското Езеро, со што ќе го врати во природна рамнотежа и ќе влијае врз развојот на туризмот во регионот.
- Со проектот се обезбедува значително зголемување на потенцијалите за снабдување на езерото со воден волумен и се засилуваат претпоставките за обезбедување на одржливиот развој, како фаза кон нивото на доведување на езерото во природна рамнотежа. Овој факт ќе има важност во натамошниот развој на туризмот во дојранскиот регион, кој пак, на микро ниво ќе има голема улога во зголемувањето на вработеноста - смета заменик-министерот за животна средина и просторно планирање, Соња Лепиткова.
Државата постојано презема активности за заштита на езерото кое е природна реткост и е единствено по своите карактеристики и благопријатни дејства во регионот и пошироко. - Заштитата е неопходна особено поради тоа што во неодамнешниот период имаше катастрофално опаѓање на нивото на водата во езерото - вели Лепиткова.
Со проектот ќе бидат задоволени и потребите за редовно функционирање на системот за наводнување Паљурци, кај локалитетот Ѓавато, со што ќе се обезбеди повисок степен на безбедност на наводнувањето и развој на богданскиот регион. Проектот чини 210 милиони денари што се озбезбедени од Буџетот. Проектот ќе се реализира во две фази. Во првата, која е започната и треба да заврши во септември годинава, се извршени геофизички и хидролошки истражувања, започната е изградба на експлоатациски бунари, од кои два се завршени, а два се во припремна фаза на изведба. Во втората фаза треба да се изградат десет бунари длабоки 40 метри со пречник од половина метар, да се постават пумпни станици, да се изградат потисен цевковод, поврзан со посојниот доводен систем, столбни трафостаници, далновод и командно-контролен центар. Оваа фаза, а со тоа и целиот проект, треба да заврши кон средината на идната година.

http://www.vecer.com.mk/default.asp?ItemID=395A6A6BEAB6D047A7A8209A17E5EF30
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #34 Posted: 08-Jun-2009 at 12:50
Јас уште имам скептицизам за проектов. Всушност не за проектот сам по себе, туку за тоа дали на некој начин во разумна мерка сме се заштитиле да не ни се случи ние да го полниме езерото а грците пак да го цицаат и во таков случај што можеме да превземеме пред меѓународни организации.

Оние забелешки за тоа како негативно ќе се одразел врз исклучително специфичниот екосистем во езерото според мене не држат. Главната штета беше нанесена пред тоа, со празнењето на езерото. Сега работата е да се спаси тоа што може да се спаси.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #35 Posted: 08-Jun-2009 at 13:09
А не сум слушнал до сега да се упати барање до УН, за да помогнат во заштитата на езерово, дали преку УНЕП или преку која и да е организација. Така барем ќе можеме да ги покрива средствата преку меќународни фондови со тоа што проектот е осмислен и да покажана функционалност, што е еден од основните услови за да се добијат вакви средтства, а од друга страна да се стави езерото под заштита и да не биде повеќе со главна дејност наводнување. 
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #36 Posted: 16-Jun-2009 at 15:20
Ohno

ЗА ДВЕ ДЕЦЕНИИ СЕ УНИШТИ СИСТЕМОТ ЗА ВОДОСНАБДУВАЊЕ
Покрај вода, нивите жолтеат

Само една осмина од капацитетите за наводнување се искористени, поради што, покрај вода, македонските ниви остануваат суви. Состојбите на терен покажуваат дека имаме изградено инфраструктура за наводнување на 164.000 хектари, а се наводнуваат само 23.000 хектари. Во изминатите дваесет години системот за наводнување се распадна, а Вардар дозволивме речиси нечепнат да им го испорачуваме на Грците, па на пет до шест километри од Вардар ни е сушно. -Така си поминува низ Македонија и ретко кој го користи, а во непосредна близина покрај Вардар е суша. Скопско Поле пред дваесетина години целото беше со канали и со водна мрежа, која наводнуваше 20.000 хектари. Дел од тоа е уништено, урнато, на разни начини украдено, растурено - вели Огнен Оровчанец од скопска „Агроунија“. Се уништија и големите хидросистеми „Стрежево“, „Мантово“, „Турија“, „Калиманци“ и сега тие се неефикасни. Пред неколку години водостопанските претпријатија се трансформираа во водни заедници, кои ги раководеа самите земјоделци, но се покажа дека оваа трансформација е неуспешна, односно земјоделците не се снајдоа во раководењето. -Секој пат се доцни со испораката на водата, цената не одговара на парцелите, не одговара по засеаните површини затоа што, на пример, наводнувањето на еден хектар пиперки е поскапо отколку наводнувањето на оризовите полиња, што за нас е неправилно. Од друга страна, застарен е системот и има чести дефекти, кои сиромашните водни заедници не можат да ги поправат - појаснува Ефтим Шаклев, претседател на Асоцијација на земјоделци.
Во водните заедници објаснуваат дека почнале од нула, а наследиле разурнат систем. - Кога порано имало средства, не се направени поправките. Ние како нови водни заедници формирани со буџет од нула и како непрофитни организации, не би можеле да направиме санација, туку треба дополнителни средства од државата - вели Зорица Николова од водната заедница во Ерџелија.
Решението е во 50 проценти субвенции на инвестициите во системот на наводнување, што би им се дале на земјоделците што би вложиле во системот или кои би копале бунари од кои потоа ќе произлезат нови водни заедници. - Секаде, особено во Бугарија и во Романија, кои се европски земји, најмалку 50 проценти од инвестициите се субвенционираат. Грците имаат ископано бунари и на 300 метри, а кај нас во Овчеполието вода може да се најде и на 50 до 60 метри “ објаснува Оровчанец. Колкава би била биде добивката од субвенциите, може да се види преку примерот со производство на пченка.Оваа култура без наводнување нема шанси да се произведе, поради тоа годишно увезуваме 50-80 илјади тони пченка, што се околу 15 милиони евра годишно одлеани од државата. Експертите велат дека со овие пари инвестирани во системи за наводнување на 10.000 хектари, оваа пченка можеме да ја произведеме и дома. Тоа значи дека ќе го анулираме увозот и ќе се обезбеди домашна суровина за добиточна храна, односно поевтино месо, млеко и јајца.

Парите течат низ пукнатина

Главниот канал на водостопанското претпријатие „Кочани“, кој поминува 120 километри од браната „Калиманци“, е планиран да го наводнува Овчеполието. На само неколку дена пред сезоната на наводнување, каналот е во катастрофално лоша состојба, со пукнатини на бетонското корито низ кои неповратно се губи водата. Во Турција и во Израел, пак, во водата се додеваат хемиски средства за да се намали испарувањето со што максимално би се искористила водата. Кај нас 20 проценти од водата се губи само низ пукнатините на каналите.



http://vreme.com.mk/DesktopDefault.aspx?tabindex=2&tabid=1&EditionID=1732&ArticleID=115784
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #37 Posted: 27-Jul-2009 at 12:22

Чистата вода се троши сé понемилосрдно

Домаќинствата во Скопје во летниот период ја зголемуваат потрошувачката за 25 отсто, односно за 400 илјади кубици месечно, поради постојаното прскање дворови и полевање тревници

%20

Секој ден од изворот во Рашче, преку главните цевководи на јавното претпријатие „Водовод и канализација“, кон Скопје се упатуваат 260 илјади кубни метри вода за пиење со врвен квалитет. Тоа е доволно вода за да се наполнат точно 104 олимписки базени со стандардни димензии, односно должина од 50 метри, широчина од 25 метри и длабочина од два метри. Главниот град го добива ова количество за само 24 часа.

Како го троши? Половината мистериозно се губи. Според сите податоци издадени од скопскиот водовод досега, загубата во системот изнесува 50 отсто, што е еден од највисоките проценти во Европа. Стотина илјади кубици, доволни за да се задоволат месечните потреби на една цела скопска општина, ги снемува за едно деноноќие. Каде оди таа вода? Објаснувањата од надлежните во претпријатието се дека овде спаѓаат истекувањата поради дефекти или поради застарениот водоводен систем, ненаплатената вода од корисниците, како и дивите приклучоци.

Но и другата половина не се користи рационално. Се употребува во индустријата, во автомијачниците, во повеќето паркови за наводнување зеленило и за други технички и комунални потреби. И населението, особено во индивидуалните куќи, во лето, кога состојбата со водоснабдувањето е и најкритична, ја зголемува својата потрошувачка за околу 25 отсто поради миењето дворови и полевањето тревници.


КАДЕ СЕ ОДИ ЧИСТАТА ВОДА?


Зеленилото во Аеродром од пред неколку години се полева со бунарска вода. Градскиот парк се одржува со водата од Вардар. Со мали исклучоци, во речиси сите други зелени површини се расфрла чистата вода за пиење. Иако се задолжени да се грижат за водоснабдувањето на градот, надлежните од „Водовод и канализација“ тврдат дека не располагале со податоци колку чиста, а колку техничка вода користат другите јавни претпријатија во градот.

Елизабета Георгиевска, портпаролката на „Паркови и зеленило“, вели дека петте бунари во Аеродром овозможиле таму целосно да се замени водата од Рашче со техничка, но случајот не бил таков во другите општини.

- Градскиот парк го полеваме со водата од каналите што се полнат од Вардар. Но градската водоснабдувачка мрежа ни е изворот за другото зеленило - додава Георгиевска.

За разлика од парковите, кои сé уште пијат вода наменета за луѓето, таа е целосно исфрлена од миењето улици. Катерина Лаова, портпаролката на јавното претпријатие „Комунална хигиена“, кое е задолжено за одржување на чистотата на коловозите и на пешачките површини, вели дека се користи само техничка вода за овие потреби.

- Кај Генералштабот на АРМ се наоѓа нашата пумпа од која цистерните се полнат со техничка вода. Секој ден на улиците излегуваат по шест или седум цистерни, кои собираат по осум кубни метри. Значи нашата дневна потрошувачка е околу 55 кубици вода - објаснува Лаова.

Толкаво количество вода троши едно просечно семејство во станбена зграда за цела година, што значи дека екипите на „Комунална хигиена“ заштедуваат чиста вода за пиење за 365 семејства годишно.

Но не се сите штедачи на водата. Индустриите сé уште ја користат за своите потреби. Вкупно 82 кубици месечно се трошат во прехранбената индустрија, 25 кубици во индустријата за лекови, а 14 во другите индустриски гранки.

Автомијачниците, пак, трошат многу поголеми количества од индустриските капацитети. Шеесетината мијачници, колку што се регистрирани во градот, во просек користат по стотина кубици месечно, што значи дека секоја од нив го црпе изворот во Рашче колку десет семејства заедно.

- Имаме две мијачници, една на фреквентна улица, а друга на не толку прометно место. Сметките за вода ни изнесуваат околу шест илјади денари во првата, а две до три во втората. Ние немаме никакви услови да користиме техничка вода, приклучени сме на градскиот водовод - вели Илија, вработен во автомијачница.

Ниту 160-те илјади домаќинства што ги опслужува „Водовод“ не заостануваат. Во зима трошат 2,1 милиони кубици вода месечно, а во лето потрошувачката се зголемува за 400 илјади кубици, односно за 25 отсто. Оваа разлика се создава поради постојаното миење дворови и полевање тревници.



СЕКОЈ ДЕН СЕ ГУБАТ ПАРИ ЗА ДВА БУНАРА


Јавните претпријатија „Водовод и канализација“ и „Паркови и зеленило“ велат дека немале информации колку чини изградбата и искористувањето на еден бунар за наводнување зеленило. Тоа зависело од самиот проект, како и од изведувачот, односно кој колку ќе понуди на јавна набавка. Во градот во изминативе години се ископаа бунари на неколку места.

Со проект што го спроведоа градот и јавните претпријатија со помош на Светската банка беа направени четири бунари во населбите Аеродром и Ново Лисиче, односно се ископаа три нови и се обнови еден стар. Тоа вкупно чинеше 4,8 милиони денари и тие веќе се користат за да се полеваат пространите зелени површини во овој дел од Скопје. Еден кубен метар вода од градскиот водовод чини 17,25 денари, што значи дека во просек, за секој од овие бунари биле потрошени пари колку за 70 илјади кубици вода.

Тоа укажува дека парите што дневно ги губи „Водовод“ поради рекордните 50 отсто загуби во системот би биле доволни за секој ден да се прават по два бунара за техничка вода. Општината Гази Баба беше првата што со свои пари копаше бунари, по еден во Ченто и во Автокоманда, а и Карпош направи два во близина на спортската сала „Борис Трајковски“. Кисела Вода лани донесе програма за замена на чистата вода со техничка за полевањето на зелените површини, но таа сé уште не е реализирана.


„ВОДОВОД“: БЕЗ ПАНИКА


Од претпријатието „Водовод и канализација“ истакнуваат дека претераното трошење на чистата вода за пиење не треба да ги плаши граѓаните.

- Проблематични се појавите на трошење вода за полевање земјоделски култури, кое најчесто се случува во руралните средини, како и за миење тротоари и разладување улици пред дворовите. Според нашите сознанија, злоупотребата се случува на места и од корисници што не ја плаќаат водата, или тоа е вода украдена од јавните хидранти. За намалување на потрошувачката на вода можеме да влијаеме со кампањи и долгорочен плански пристап за едукација на децата како идни корисници. Тоа може да даде добри резултати, но само на подолг рок - велат од „Водовод“.

Од претпријатието истакнуваат дека годишно чиста вода за пиење се произведува околу 100 милиони кубици, односно месечно околу осум, а дневно просечното производство на вода изнесува околу 260 илјади кубици вода.

- Од поизведената чиста вода дневно загубите ни се 50 отсто. Тука спаѓаат категориите на потрошувачи што не ја плаќаат водата, односно јавната комунална употреба, за полевање на зеленилото, илегалните корисници и други - додаваат оттаму.

Според пресметките во разликата од потрошувачката, потрошените 400 кубици вода најчесто се поради полевање на градините во летниот период, како и поради разладувањето на улиците.


ПЕТ МИЛИОНИ ДЕНАРИ ЗА БУНАРИ


Градоначалникот Коце Трајановски со последниот ребаланс на градскиот буџет обезбедил пет милиони денари за копање бунари за техничка вода, соопштуваат од неговиот кабинет.

- Технички можности и услови за користење на бунарската вода има. Во зависност од локацијата се утврдува и намената и потребното количество. Но исплатливоста на бунарите не треба да се разгледува само од финансиски аспект, туку кон нив треба да се пристапи, пред сé, како кон средство што ја штеди чистата вода за пиење. Градоначалникот во својата програма предвидува проект за искористување на техничките води. Рокот за неговата реализација е 2010-2011 година, но веќе оваа година успеавме да обезбедиме пет милиони денари и работите ќе почнат - сметаат од кабинетот на Трајановски.




Битолчани безмилосно трошат

Битолското водоводно претпријатие во лето испорачува по 800 литри вода во секунда, што е повеќе од двојно во однос на зимскиот период.

- Граѓаните нерационално ја трошат водата, полеваат градини и прскаат плочници, бетонски дворови, дури и улици пред куќите. Освен апели за рационално користење, немаме други механизми за да ги спречиме овие појави. Штом водата минува низ водомер, не можеме на некого да му кажеме како да ја троши бидејќи ја плаќа - вели Зоран Илиоски, директор на ЈП „Водовод“ од Битола.

Ваквото трошење предизвикува и големи дефекти во мрежата, која има цевки стари и по 40 години. Затоа и загубата во системот е околу 50 отсто. Менаџментот на јавното претпријатие со потребата за осовременување го правда поскапувањето на водата за 120 отсто, што треба да се случи од почетокот на идната година. Илиоски смета дека таа цена ќе ги натера и битолчани посовесно да ја користат водата.

Комуналните претпријатија работат на проекти за да се користи техничка вода од акумулацијата „Стрежево“, со која веќе се наводнува паркот кај градскиот часовник, а се задоволуваат и потребите на голем дел на индустријата. Се размислува и да се издупчат што повеќе бунари.

Е.М.




Тетово првпат без рестрикции по девет години

Периодот јуни-јули годинава во Тетово ќе се памети по тоа што немаше рестрикции во водоснабдувањето, состојба што беше неизбежна во последниве девет години. Штедроста на изворите на Шар Планина во овој период изнесува околу 480 литри, што од јавното комунално претпријатие го оценуваат како добра состојба.
- Годинава имавме одлични хидролошки состојби. Огромните количества дожд и снег придонесоа да се зголеми штедроста на изворите, па немаше потреба од рестрикции, дури и во најкритичните месеци - вели Сабедин Абедини од работната единица за водовод и канализација на ЈКП Тетово.

Оваа служба се соочува со проблемот на нерационалното користење. Граѓаните ја трошат водата за наводнување дворови и бавчи, како и за миење улици и простори пред дуќаните. Пред три години имаше акција за одземање на цревата на оние граѓани што инспекторите ќе ги затекнат како ненаменски ја трошат водата. Во градот нема техничка вода, па чистата вода за пиење се користи за сите потреби. Свој резервоар за техничка вода има само фабриката „Тетекс“.

А.С.




Пресушуваат цевките во високите зони во Струмица

Жители од погорните делови на градот Струмица велат дека не сакаат да ги плаќаат сметките за вода бидејќи нивните цевки се празни кога ќе настапат најголемите горештини. Најпроблематична е состојбата на улицата Славчо Стојменски, на која живеат стотина семејства. Пластични шишиња полни со вода се редовен декор на нивните тераси и лете и зиме.

- Ме фаќа инает и не плаќам вода уште од 2007 година. Ми стигнуваат опомени од „Комуналец“, но зошто да платам кога немам вода? Нека платат вода моите деца кога ќе умрам бидејќи во спротивно „Комуналец“ нема да ми даде гробно место - вели еден струмичанец.

И жителите на улицата Бетовенова велат дека можат да готват, да се капат или да перат само доцна навечер, поради слабиот притисок. Во „Комуналец“ потврдуваат дека тој дел од градот има проблем, но додаваат дека во ромското маало наплатата изнесува 23 до 25 отсто, а во другиот дел од градот 75 отсто. Редовните плаќачи реагираат на таа состојба и порачуваат да не се толерираат неплаќачите, односно тие да се одвојат со посебен вентил.

Минатата година преку проектот „Меап“ се обновени водоводните цевки низ целиот град, а со чиста вода за пиење се обезбедени и пет околни села. Една од мерките да се надминат проблемите е и користењето техничка вода, со која се наводнува Градскиот парк.

С.Џ.




Задоволени сите потреби во Охрид и во Струга

Охриѓани и стружани имаат квалитетно и навремено водоснабдување и во летните месеци, велат од меѓуопштинското јавно претпријатие „Проаква“. Бранко Трпчески, директорот на претпријатието, информира дека сите извори се во оптек и нема потреба од загриженост.

- Сосема е сигурно дека потребните количества им се испорачуваат на корисниците. Во одредени населени места има прекини поради интервенции, но реагираме навреме секаде каде што ќе се појави дефект - вели Трпчески.

Граѓаните на стариот дел од Охрид реагирале дека имаат проблем со водоснабдувањето, но Трпчески го негира тоа.

- Тие досега не почувствувале што значи вистински недостиг поради технички проблеми. Немало ниту рестрикции. Се задоволуваат потребите и покрај тоа што во лето во стариот дел има поголема фреквенција на луѓе - додава директорот.

За домаќинствата се користи чиста вода за пиење, додека јавното претпријатие „Охридски комуналец“, според пропишаните нормативи, преку пумпа во центарот на градот користи техничка вода од езерото за да ги мие улиците. Сашо Алчев, директорот на ова претпријатие, најавува дека ќе се буши во близина на дирекцијата за да се обезбеди вода за овие потреби.

А.Р.




Во Прилеп нема злоупотреби

И покрај зголемената потрошувачка на вода во летните месеци, во Прилеп нема проблеми со водоснабдувањето. Од јавното комунално претпријатие „Водовод и канализација“ велат дека од Студенчица пристигнуваат по 450 литри во секунда.

- Овие количества се доволни ако граѓаните рационално ја користат водата. Ако има потреба, ќе го зголемиме и дотекот - вели Сашко Николоски, директорот на претпријатието.

Освен што се апелира за рационално користење, се врши и контрола за тоа како се троши водата. Николоски вели дека засега не забележале злоупотреби, а се задоволни и од добрата наплата и од реконструктивните зафати за промена на водоводната мрежа што ја прави австриската фирма „Штрабак“ со грант од банката КФВ.


http://www.novamakedonija.com.mk/NewsDetal.asp?vest=7279956587&id=9&prilog=0&setIzdanie=21748
Back to Top
Dragan View Drop Down
Senior Member
Senior Member
Avatar

Joined: 19-Feb-2009
Location: Tetovo
Online Status: Offline
Posts: 1171
  Quote Dragan Quote  Post ReplyReply #38 Posted: 27-Jul-2009 at 12:33

Тетово првпат без рестрикции по девет години

Периодот јуни-јули годинава во Тетово ќе се памети по тоа што немаше рестрикции во водоснабдувањето, состојба што беше неизбежна во последниве девет години. Штедроста на изворите на Шар Планина во овој период изнесува околу 480 литри, што од јавното комунално претпријатие го оценуваат како добра состојба.
- Годинава имавме одлични хидролошки состојби. Огромните количества дожд и снег придонесоа да се зголеми штедроста на изворите, па немаше потреба од рестрикции, дури и во најкритичните месеци - вели Сабедин Абедини од работната единица за водовод и канализација на ЈКП Тетово.

Оваа служба се соочува со проблемот на нерационалното користење. Граѓаните ја трошат водата за наводнување дворови и бавчи, како и за миење улици и простори пред дуќаните. Пред три години имаше акција за одземање на цревата на оние граѓани што инспекторите ќе ги затекнат како ненаменски ја трошат водата. Во градот нема техничка вода, па чистата вода за пиење се користи за сите потреби. Свој резервоар за техничка вода има само фабриката „Тетекс“

Mozem da kazem deka vo gornite delovi na tetovo (Koltuk, Dva Brezta Potok ) vo tekot na letoto sepak ima rekstrikcii koj moza da bodat od 2-3 cassa ili od 1-3 dena Wallbash
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #39 Posted: 27-Jul-2009 at 14:17
Штом водата минува низ водомер, не можеме на некого да му кажеме како да ја троши бидејќи ја плаќа - вели Зоран Илиоски, директор на ЈП „Водовод“ од Битола.
Воопшто не е така! Има повеќе начини ова да се регулира за водата да не оди за прскање плочници во време на недостаток. Може на ниво на град со некоја регулатива или со договори помеѓу претпријатието и корисниците каде што ќе биде наведено што ќе се смета за злоупотреба на водата или на некој сосема трет начин.
Сигурен сум дека тоа е регулирано на многу места, па Битола не би била ни прва ни последна.

Како и да е, добивам впечаток дека во Македонија сепак главни проблеми се загубите поради истекување од мрежата и особено дивите приклучоци / неплаќачите, кои сигурно се и најнебрежни кога станува збор за нерационално користење, бидејќи ништо не им менува дали потрошиле 10 или 1000 кубици.
Мислам дека прв приоритет треба да е решавањето на овие проблеми.

Инаку добра компилација од Нова Македонија  Cheers
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #40 Posted: 27-Jul-2009 at 20:26
Па се знае колку може едно домаѓинство да потроши вода за еден месец. Ако тоа количество е, да речеме, 5 кубика, онад све што ќе се надмаши над 5 кубика е со сомнителна намена и нека се наплаќа десеткратно. Слично на ангажирана моќност во сметките за струја.
Back to Top
 Post Reply Post Reply Page  <1234 9>

Forum Jump Forum Permissions View Drop Down



This page was generated in 0.156 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.