build.mk Homepage
Forum Home Forum Home > Главни теми > Инфраструктура
  Active Topics Active Topics
  FAQ FAQ  Forum Search   Register Register  Login Login

Водостопанство

Bookmark and Share
 Post Reply Post Reply Page  <12345 8>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12126
  Quote Cloverstack Quote  Post ReplyReply #41 Posted: 31-Jul-2009 at 21:48
Господ напомош кога две бирократии ќе почнат да си ја префрлаат топката...

Новите згради ги исушија чешмите во Козле

Изминативе години инвеститорите добивале хидротехнички услови за една мрежа, а илегално се приклучиле на друга, па сега слабиот притисок ги остава граѓаните без вода за основните потреби

Чешмите на граѓаните во Козле се суви цело лето поради слабиот притисок во водоводната мрежа. Жителите се жалат дека немаат вода за пиење, за капење, а вклучувањето машина за перење полека им станува вистинска привилегија. Главна причина за слабиот притисок се новоизградените висококатници во Козле, подигнати изминативе осум години, велат од Јавното претпријатие „Водовод и канализација“. Според нив, проблемот е што зградите се изградиле, но Општина Карпош не ги искористила парите од платените комуналии за да ја надгради водоводната мрежа, која е проектирана за помал број на жители и ниски објекти.

Големи поплаки на сметка на „Водовод“ најмногу има од жителите од улицата од Миле Поп Јорданов, која ја сече целата населба. Овие жители се приклучени на истата мрежа на која се и новите згради. Велат дека до пред некое време притисокот бил добар, но дека последниве недели или е премногу слаб или пресилен.

- На моменти течат само капки вода, па потоа има појак дотек, па пак слаб. Притисокот се менува во секунди. Страшно е кога треба да се користи топла вода. Поради слабиот дотек, не е можно да се приспособи температурата на водата. Во еден момент е топла, во друг е жешка, до степен да може да доведе до изгореници - вели Весна Стојановска. Емилија Т. вели дека истото се случува и во реонот кај бензинската пумпа во Козле. На неа и на нејзините соседи не им е јасно како во високите населби Трндол и Жданец на Водно имаат вода и за наводнување на лозјата, а долу во Козле нема ни капка.Од „Водовод „ вината ја префрлаат на општината Карпош, која не ги вложила парите за комуналии за доизградба на мрежата.

- Слабиот притисок на постојната мрежа на „Миле Поп Јорданов“ се должи на новоизградените објекти, кои се приклучени на веќе постојната мрежа, која е со профил „2“, а се напојува од Ф-150 на улица Брадфордска. Во консултација со нашите стручни служби е утврдено дека во последните осум години не се издадени хидротехнички услови за приклучување на новоизградените или доградените објекти на истата мрежа која е предмет на поплака - изјавија од надлежните служби на „Водовод“.

Оттаму појаснуваат дека за доградба на мрежата е надлежен органот кој ги прибира парите од платените комуналии. Но, имајќи предвид дека инвеститорите добиле хидротехнички услови за една мрежа, а илегално се приклучиле на друга, не е јасно кој и како ќе го реши овој проблем во догледно време.


- За граѓаните да добијат квалитетен притисок треба да се придржуваат кон хидротехничките услови што ги издава „Водовод и канализација“, во кои е нагласено каде и на кој профил на цевка треба да се приклучи сопственикот на објектот - велат од „Водовод“. Од Општина Карпош, пак, велат дека претпријатието не ги исполнува своите обврски.

- „Водовод“ доби донација од милион евра за водоводната мрежа во Општина Карпош, а со тоа и во Козле, што досега требаше да ја искористи - велат во Карпош. Граѓаните освен за притисокот имаат поплаки и на односот на некои вработени во „Водовод“. Велат дека изминативе недели се јавувале за интервенција и за евентуално објаснување што е проблемот во Козле, но наишле на дрзок однос.

- Во дирекцијата на „Водовод“ не информираа дека надлежен за овој реон е извесен Тони, на број 3081-862. На контактот за поплаки исто Тони. Човекот Тони не убедува дека имаме вода, дека нема дефект и дека ние сонуваме дека немаме вода. Монополската позиција им овозможува да ги малтретираат граѓаните, но сигурно постои друго институционално решение - вели Стојановска.

Граѓаните од оваа улица веќе испратиле допис со „Водовод“ за решавање на проблемот со притисокот и поплака за односот на вработените.Од претпријатието информираат дека наведениот број е на пунктот во Козле, но и дека никој таму не е надлежен за комуникација со надворешни лица. Дежурните телефони за контакт со „Водовод“ се 3073- 010 и 070-325-920, на кои се снимаат разговорите со сите корисници што се јавуваат.

Јорданка Ивановска



http://dnevnik.com.mk/?ItemID=C0F54C1F94744F45AF3333375886C482
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12126
  Quote Cloverstack Quote  Post ReplyReply #42 Posted: 01-Sep-2009 at 15:23

Свети Николе, конечно, доби вода за пиење

Проблемот решен со комбинација на водите од новите бунари и од „Злетовица“

Иван Бојаџиски

ШТИП - Свети Николе, општински центар со 15.000 жители, ја надмина седумгодишната криза со водата за пиење. Подолго од еден месец ЈКП „Комуналец“ им испорачува на домаќинствата исклучително квалитетна вода за секакви потреби. Бактериолошката и хемиската исправност на водата со писмен акт е потврдена и од Институтот за јавно здравје.

„Сега можеме да ја соопштиме добрата вест, дека долгогодишната криза во снабдувањето со вода за пиење за светиниколчани е минато. Проблемот го решивме со комбинација на водите од новите бунари и од регионалниот хидросистем ‘Злетовица‘. Ги користиме можностите на бунарите, а потребите ги надополнуваме со водата од регионалниот хидросистем“, изјави Роберт Георгиев, градоначалник на Свети Николе.

Седум години светиниколчани се снабдуваа од цистерни со вода за пиење, која ја носеа од соседниот Штип. Георгиев ја изразува благодарноста на градот-сосед без чија помош проблемите на граѓаните ќе биле неподносливи. Свети Николе е првиот град во регионот кој ги стави во функција благодатите на „Злетовица“, бидејќи филтер-станицата во овој град отпорано беше технички оспособена за прифаќање на површински води.

Марјан Станојковски, директор на ЈКП „Комуналец“, вели дека тие интервенирале само во таложниците што не барало поголеми материјални издатоци.

Градоначалникот Георгиев тврди дека локалната власт нема да прави никаква забава од фактот дека Свети Николе, по толкав сушен период, пак има вода за пиење, иако во градот се зборува дека такво нешто ќе се случувало на 14 септември - Денот на Свети Николе.

„За нас во локалната самоуправа ова е нормална работа. Не беше нормално еден град кој е општински центар со години да е на суво, а за сосема природна ја сметаме состојбата сите домаќинства да имаат вода во секое време. Како градоначалник нема јавно да се полевам со кофи вода и на таков патетичен начин да докажувам дека проблемот сме го решиле, како што го направи тоа мојот претходник Слободан Даневски, за еден ден потоа славините во нашите домови пак да бидат суви. Основна обврска на секоја локална власт е на граѓаните да им овозможи темелни услови за живот, а водата е на прво место“, укажува Георгиев.

Свети Николе остана без вода пред околу седум години, кога поради бактериолошка загаденост водата беше забранета за употреба. Во меѓувреме, се правеа напори за решавање на проблемот. Од Владата и од програмата КАРДС беа обезбедени близу еден милион евра. Решение се најде дури летово. Сепак, нема точна информација на што беа потрошени големите суми, тема која во Свети Николе допрва ќе се отвори.



http://www.utrinski.com.mk/default.asp?ItemID=1388C52B8A5D9648B4D2761DE7D82E2E
Back to Top
Dragan View Drop Down
Senior Member
Senior Member
Avatar

Joined: 19-Feb-2009
Location: Tetovo
Online Status: Offline
Posts: 1163
  Quote Dragan Quote  Post ReplyReply #43 Posted: 03-Sep-2009 at 21:11
Младост пак испарува



Повторно мистериозно исчезнува голема количина вода од велешкото вештачко езеро Младост, чие ниво за десетина дена е намалено за 60-ина сантиметри.Празнењето е многу поголемо отколку пролетоска. Први оваа појава ја забележале рибочуварите на ЗСР „Бабуна“ од Велес, кои пријавиле до Подрачната единица на Државниот инспекторат за земјоделство и водостопанство. Исчезнатата вода за овој период, според пресметките на стручњаците, изнесува околу 500 илјади кубни метри. Дилемата каде оди водата останува. Како можни причини се споменуваат три фактори: испарувањето поради високите температури, наводнувањето на околните лозја или колекторскиот систем, кој ги прибира отпадните води од околните села. Проблемот се актуализира на локално ниво на седница на Советот на Општината, поради што надлежните од општина Велес неколку дена ги истражуваат причините.

- Наша задача е да утврдиме дали некаде во колекторскиот систем навлегува вода, која се губи од езерото. По проверката на сите шахти, но и одводните канали и цевки, констатиравме дека тоа не е причина. Никаде не се појавува доток на вода од друг извор, освен од одводната канализација. Колку е дотокот на вода кај Отовица, толку е и кај испустот кај село Новачани - вели Костадин Настев, раководител на одделението за изградба и одржување комунални објекти во општина Велес.

Тие со стручњаците од ЈКП „Дервен“ неколку дена го обиколувале езерото за да видат дали некаде водата се губи, но до таква информација со голо око не дошле. Напротив, во езерото Младост преку единствената негова притока, Отовичка Река, влегува трипати повеќе вода отколку што истекува кај Браната, што уште повеќе ја зголемува неизвесноста каде се губи водата. Рибочуварите на „Бабуна“ категорично отфрлаат дека од водата на езерото се наводнуваат околните површини со лозја. Локалните власти при пролетното изчезнување на водата одбележале ниво до кое езерото дошло, потоа тоа пораснало за 20 см за деновиве да се симне за 80 см од највисоката годинашна кота.

Тогаш надлежните од Министерството за земјоделство, кое управува со акумулацијата, одговорија дека примарна цел на езерото е да служи за наводнување на околните површини, а како последна осма е за спорт и рекреација. Тие тогаш и покрај барањата на велешката јавност, не открија дали, кому и под кои услови е дадена на користење водата од езерото.

http://www.dnevnik.com.mk/?ItemID=69190069A9AD99438B48CEE1057AB989
Back to Top
Dragan View Drop Down
Senior Member
Senior Member
Avatar

Joined: 19-Feb-2009
Location: Tetovo
Online Status: Offline
Posts: 1163
  Quote Dragan Quote  Post ReplyReply #44 Posted: 07-Sep-2009 at 00:30
Брана ќе ја скротува Оризарска Река

Со изградбата на браната, југоистокот добива акумулациска моќ од 300 милиони кубни метри вода

Иван Бојаџиски

Штип - Неодамнешната одлука на Владата да одобри 13 милиони денари за истражни работи на месноста Речани во општината Кочани, на која е планирано да се гради брана на Оризарска Река, само ја зголемува надежта дека и последната голема вода во југоисточниот регион од државата ќе биде скротена, ставена во вештачко езеро и искористена за подобрување на квалитетот на животот на околу 80.000 жители од четири општини - Кочани, Виница, Зрновци и Чешиново-Облешево. Со тоа бројот на акумулациите кои имаат повеќенаменско значење ќе се заокружи на девет, а нивната вкупна акумулативна моќ ќе биде лимитирана на 300 милиони кубни метри вода. Кога овој регионален хидросистем ќе биде изграден, населението од спомнатите општини ќе има сигурност во водоснабдувањето во наредните најмалку три децении и тоа со најквалитетна вода за пиење.

Кочанскиот градоначалник е сигурен дека ќе се гради браната на Оризарска Река. „Покрај парите за истражните работи кои наскоро ќе започнат, Владата одлучи во наредната година да издвои 100 милиони за овој објект, а во 2011 година уште двесте милиони денари. Браната ќе може да акумулира 23 милиони кубни метри вода, што значи дека капацитетот ќе и' биде како на ’Злетовица‘. Седумдесет проценти од водата ќе се користи за водоснабдување на населените места, дваесет проценти за наводнување, а десет проценти ќе служат за производство на струја преку трите мали хидроцентрали кои се составен дел од овој проект“, вели Ратко Димитровски, градоначалник на Кочани.

Тоа дека Оризарска Река, заедно со Злетовица, е значаен воден потенцијал за регионот го има утврдено екипа од десетмина јапонски стручњаци кои уште пред една деценија, во името на Јапонската банка за техничка соработка, ги истражуваа потенцијалите на македонските води. Славко Николовски, тогашен директор на ХС „Злетовица“, и денес тврди дека токму јапонските експерти биле тие што ни ги отвориле очите дека Македонија мора да изгради брани на овие две реки.

„Експертите од земјата на изгрејсонцето ги истражуваа хидролошките услови во регионот и вршеа континуирани мерење на протокот на водите во разни временски периоди и ни оставија документ според кој водите на овие две реки вреди да се стават во развојна функција. При крај е изградбата на ’Злетовица‘, сега треба да се свртиме кон Оризарска“, вели Николов. Тој укажува дека Македонија, како и во случајот со „Злетовица“, треба да се обрати за кредит до Јапонската банка за техничка помош, зашто јапонските експерти, во името на оваа банка, ги утврдувале водните потенцијали и на оваа река.

Се предвидува дека хидросистемот Оризарска Река може да се изгради во рок од најмногу четири години. Ако биде реализиран овој проект, тогаш југоисточниот дел на Македонија ќе може да се пофали дека ги зафатил сите поголеми води и ги ставил во развојна функција. Седумте изградени вештачки езера досега, од кои две во струмичкото и по едно во радовишкото, кочанското, каменичкото, беровското и светиниколското подрачје, вкупно акумулираат 254 милиони кубни метри вода. Со акумулациите на Злетовска и на Оризарска Река таа количина ќе се заокружи на 300 милиони кубни метри вода. Во сите спомнати општини, заедно со браните, изградени се и хидромелиоративни мрежи за наводнување на голем дел од плодното поле, но искористеноста на тој потенцијал е далеку од задоволителна.


http://www.utrinski.com.mk/?ItemID=1A7A8073F64A18409ECD97CF8A183574



Edited by Cloverstack - 07-Sep-2009 at 00:40
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #45 Posted: 20-Sep-2009 at 03:13

Премиерот Груевски во Дојран најави зголемување на капацитетите за полнење на Дојранското Езеро

Гевгелија, 18 септември


Премиерот Никола Груевски денеска во Дојран го најави стартот на проектот на двојното зголемување на капацитетите за полнење на Дојранското Езеро преку постојниот систем во Ѓавото со нови илјада литри во секунда. Веќе се извршени испитувања на бунарите кои дале позитивни резултати и ќе се стартува со ископување и изградба на нови четири километри цевковод.


- Во 2002 година беа изградени 10 бунари со цевковод кои носеа илјада литри во секунда, но половина од таа вода не стигнуваше до Езерото поради дефекти и одлевање заради наводнување. Ние не сакаме да го стопираме развојот на земјоделството бидејќи очигледно на граѓаните им треба вода за производство така што со новите бунари трајно и целосно ќе се реши дотурот на вода до Езерото, но паралелно и развојот на земјоделството во овој крај, што ќе биде траен придонес за општина Дојран, изјави премиерот Груевски при посетата на Дојран.


Тој го најави и стартот на проектот со кој Владата од 2010 година ќе започне изградба на пешачки патеки со хортикултурно уредување и осветлување на плажите на три македонски езера: Мавровско, Велешко и Дојранско.


Во Дојран пешачката патека ќе се протега од границата со соседна Грција до туристичката населба и уште нови шест километри. На средба со градоначалникот на општина Глигорче Булев во придружба на министерот за живостна средина и просторно планирање Неџати Јакупи договорено е нова инвестиција од 60 до 80 илјади евра за мониторинг на водоснабдувањето на Дојран, нови вентили и замена на цевките, набавка на нови 30 контејнери и чистење на плажата со корнење на постојните трски.


За развој на спортот во општина Дојран, Груевски рече дека во план е изградба на четири тениски игралишта и две мултифункционални игралишта, како и реконструкција на училиштето „Кочо Рацин“.


- Бидејќи општина Дојран има мал буџет од 600 илјади евра тешко може да ги следи капиталните програмски инвестиции за што Владата ќе вложи напори да помогне и во остварувањето на акцискиот план на општината за пошумување на опожарените терени со диви смокви, рече Груевски.


При престојот на општина Дојран премиерот Груевски ги посети метално-индустрискиот капацитет „Дојран стил“, од Николиќ и Фабриката за производство, преработка и пакување на маслинки „КМ“ од Нов Дојран.


Од разговорите со грчките сопственици на Фабриката за метални профили Груевски беше задоволен од соочувањата со рецесиските шокови кои што оваа странска фирма успешно ги остварува на задоволство на дветстата вработени без ниту еден отпуштен работник.


- Ова е една од ретките фирми кои во услови на светска рецесија го одржале бројот на вработени отворајќи нова производствена лента со вкупна досегашна странска инвестиција од шест милиони евра. Нивните планови се да изградат железничка линија од населбата Николиќ која ќе се поврзе со железничката линија во соседна Грција заради дотур на суровини и транспорт на готови материјали, за што се подготвени сами да ја платат целата инвестиција. Ние како Влада ќе им помогнеме да ги остварат своите развојни планови како странски инвеститори во Македонија.

http://www.vlada.mk/?q=node/4003

Помогнете во Македонската Википедија - Слободна енциклопедија!
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #46 Posted: 26-Sep-2009 at 00:16

ДО КРАЈОТ НА ОКТОМВРИ


Нова водоводна мрежа за Маџари


Проблемот со водоснабдувањето на околу 30.000 жители од населбите Маџари, Хиподром, Ченто и источната индустриска зона на Општина Гази Баба, ќе биде решен со нова водоводна мрежа на улицата Перо Наков, чија изградба е планирана да заврши до октомври. Проектот предвидува нов цевковод со капацитет од 330 литри во секунда, чини 20 милиони денари што ќе ги обезбеди Градот Скопје преку ЈП "Водовод и канализација", а изградбата ја врши фирмата "Вардар-Градба".

Вчера, на првиот ден од изградбата градилиштето го посетија скопскиот градоначалник Коце Трајановски, градоначалникот на Општината Гази Баба Тони Трајковски и директорот на ЈП "Водовод и канализација" Игор Арнаудов.
- Овој проект е од големо значење за Градот Скопје. Како што е познато, населбите Маџари, Хиподром, Ченто имаат големи проблеми со водоснабдувањето. Но, сега почнуваме изградба на мрежа долга 650 метри со лиено железни цевки со профил Ф 500 милиметри. Мрежата ќе биде циркуларна и ќе овозможува континуирано водоснабдување на овие населби во случај на дефект на постојната цевка Ф 700 милиметри, која сега ги снабдува со вода населбите Маџари, Ченто, Стајковци, Трубарево, Хиподром и Инџиково - информираше градоначалникот Трајановски. Тој рече дека во наредниот период останува обврската да се изградиме водоводот од "Агросервис" до резервоарот во населбата Ченто, како и новиот резервоар, со што трајно ќе се реши проблемот со водоснабдувањето во овој дел од градот.

(Е.А.)


http://www.vecer.com.mk/default.asp?ItemID=2C40DC984CBF244CBB7639FAF53BE760

Помогнете во Македонската Википедија - Слободна енциклопедија!
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3514
  Quote Max Quote  Post ReplyReply #47 Posted: 30-Sep-2009 at 13:30

Холанѓани го испитуваат Драгор

Двајца професори и триесетина студенти од холандскиот универзитет во Флисинген, деновиве го испитуваат квалитетот на водата во реката Драгор во Битола.

- Вршиме хемиски, биолошки и хидролошки аспекти и компаративна анализа со податоците што ги обезбедивме при испитувањата на оваа река направени пред пет години - изјави Митра Васковска, универзитетски професор на Водно-еколошкиот факултет во холандскиот град Флисинген.

Холандските експерти испитувањата и анализите на водата во реката Драгор ги вршат во градското подрачје, на излезот од градот и во таканаречениот петти канал, односно на 18 мерни точки. Според нив, првите впечатоци се многу подобри, наспроти сликата од пред пет години.

- Во 2004 состојбата на водата во Драгор беше шокантно лоша. Сегашната состојба од визуелен аспект е подобрена со зголемена свесност за екологијата, но каков ќе биде конечниот впечаток ќе се знае на крајот од испитувањата - посочи професорката Васкоска, која потекнува од Битола, но подолго работи на Универзитетот во Флисинген.

Експертите од Холандија при престојот во Битола ја уживаат целосната логистичка поддршка на јавните претпријатија „Стрежево“, „Водовод“ и „Нискоградба“, беше речено на вчерашната средба со новинарите. www.dnevnik.com.mk/default-mk.asp?ItemID=9C19B599EF191C48B83C607C802DC9B0&arc=1

Драгор се дави во отрови

Квалитетот на водата во некои од реките е подобрен, но уште не ги задоволува европските стандарди, утврди екипата од универзитетот во Филсинген. Низ реката Драгор тече два и пол пати повеќе отпадна отколку чиста вода, покажуваат резултатите до кои дојдоа 26 студенти и четворица професори од Водно-еколошкиот факултет во Флисинген, Холандија, при анализата на водите во Битолско. Студентите можеле да испитуваат на стотици други места во Европа, но се одлучиле за Битола по иницијатива на професорката по хемиска практикаа, Мери Васкоска. Таа е единствениот професор од македонско потекло вклучен во проектот, битолчанка што пред 17 години се преселила кај родителите во Холандија, а веќе шест години работи на универзитетот во Флисинген.

- Студентите ги донесовме во Македонија со цел да се подигне свеста кај населението за поголема заштитата на водите, кои се богатство. Исто и за студентите е многу поинтересно да испитуваат тука, отколку во Франција, Австрија, Белагија или Германија. Таму сме биле, а водите се почисти, што е нормално, зашто се во Европската Унија и имаат прочистителни станици - вели професорката Васкоска.

Холанѓаните првпат беа тука пред пет години, на покана од ексградоначалникот на Бистрица, Марјан Геровски и беа шокирани од состојбите со реките. Деновиве со мерења и лабораториски анализи одново ги истражуваа хидролошките, хемиските и биолошките карактеристики на реките Драгор, Црна и Петтиот канал. Констатираа дека состојбата е подобрена од 2004 година, но се' уште не ги задоволува европските стандарди.

- Квалитетот на реките од пред пет години, кога првпат истражувавме, се подобрува, а тоа се должи на тоа што се затворени неколку фабрики, а порано испуштаа нечисти води. За да се исполнуваат европските стандарди, треба прочистителна станица - изјави професорот по биологија, Јауке Хиринген.

Анализите покажаа дека во Драгор на излезот од градот се влева канализациска вода, а Петтиот канал ги собира непрочистени отпадните води од индустријата. Потоа се влеваат во Црна и ја загадуваат.

- Два и пол пати е поголема количината на канализациска отколку на чиста вода во реката Драгор на излезот од Битола. Кај Петтиот канал, посебно во делот на отпадните води од квасната индустрија, се забележува дека има портокалова боја и дека околу три пати оваа вода доминира над чистата - истакнаа студентите по хидрологија.

Студентите од хемиската група утврдија дека нивото на азотот, кој е показател на органското загадување, на почетокот на Драгор е нормално, а по излегувањето од градот бележи големо покачување. И биодиверзитетот е поголем на почетокот од речниот тек отколку по излезот од Битола.

- Индексот на органско загадување, кој се движи од 0 до 10, односно од лош кон добар квалитет на почетокот на Драгор е 8, малку е загаден. На излезот е 2 и е многу тешко загаден. Реката Црна е средно загадена, а по влевањето на Драгор и на Петтиот канал има индекс од 4, односно многу тешко загадување - велат студентите од биолошката група.

Поставување на прочистителна станица беше и една од препораките на истражувачите. Општината се обидува да изнајде средства за оваа скапа инвестиција.

Дневник - Жанета Здравковска - 19.09.2009



Edited by Max - 30-Sep-2009 at 13:31
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3514
  Quote Max Quote  Post ReplyReply #48 Posted: 30-Sep-2009 at 15:57
Младост алармантно испарува

Причината за губењето на водата не е откриена, а ако продолжи празнењето, наместо езеро, по некоја година тука ќе имаме големо мочуриште, реагираат екологистите

Алармантно паѓа нивото на велешкото езеро Младост, а надлежните не преземаат активности да се открие каде оди водата, реагираат граѓани и невладини здруженија кои бараат спас за езерото. За последните десетина дена, откако „Дневник“ пишуваше за драматичното намалување на нивото, сега тоа е пониско уште за пет сантиметри. Камперите, кои со години поголем дел од летото минуваат покрај брегот, се огорчени што Младост пред нивни очи го снемува и тврдат дека состојбата е алармантна.

- Може да се случува нивото да се намалува напролет и в лето кога се наводнува или поради високите температури водата да испарува. Но сега, кога ниту е жешко, ниту некој ги наводнува околните лозја, водата да ја снемува е несфатливо и невообичаено за овој период од годината. Мислам дека е крајно време да се испита каде оди толку вода. Сите објекти околу овој простор што живеат од туризмот ќе бидат бескорисни, бидејќи брод без вода и хотели без езеро нема да постојат. Состојбата е критична и е последен момент нешто да се стори - вели Ѓоре Младеновски, кампер што езерото го познава со години.

Ваквата состојба на неконтролирано празнење на езерото, според камперите, се случувала последните 3-4 години, откако последниот концесионер на водниот потенцијал, некогашен АД „Лозар“, се растури, а нов нема. Никој не води контрола дали и колку се црпи вода од езерото. Пред некоја година украден е и мерниот инструмент на нивото на водата и за биолошкиот минимум. Иако за ваквата состојба биле информирани и од Управата за водостопанство, тие, како што се тврди, се' уште не излегле на терен да видат што се случува. Граѓанските здруженија ги прозиваат надлежните институции дека е краен час да се пронајде каде оди водата.

- Сведоци сме дека во овие неколку месеци ништо не е сторено да се истражи зошто изчезнува езерото Младост. Причината каде се губи водата не е откриена, а тоа го уништува растителниот и животинскиот свет во него. Да не биде доцна по некоја година, кога наместо вода, тука ќе имаме големо мочуриште - апелира Ненад Коциќ, претседател на ЕД „Вила Зора“.

Од локалната власт претходно децидно изјавија дека причина за празнењето не е новоотворениот колекторски систем, кој често се споменуваше како можен причинител. Градоначалникот Горан Петров уште пред десетина дена ги повика надлежните државни институции да откријат каде оди водата од Младост, но досега никој не се одзвал на овој апел. Нивото споредбено со највисокото годинашно вчера беше пониско за 65 сантиметри, односно од него таинствено се одлеале половина милион кубни метри вода. Последниве години никој не стопанисува и не управува со водата од езерото, бидејќи нема концесионер. Езерото се полни само од Отовичка Река, која последниве седмици е со осетно намелен тек, додека Рудничка Река веќе четири години е пресушена.

Дневник - Петар Печков -28.09.2009
 
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3514
  Quote Max Quote  Post ReplyReply #49 Posted: 06-Oct-2009 at 04:27

Нови Водомери  

Ј.П „Водовод и канализација“ - Скопје воведува инсталирање на водомери со далечинско отчитување, како една од мерките за намалување на комерцијалната загуба на вода. Поаѓајќи од принципот, корисниците на нашите услуги да не бидат оптоварени со дополнителни трошоци, менувањето на класичните водомери со водомери со далечинско отчитување е на сметка на ЈП„Водовод и канализација“ - Скопје


Со поставувањето на ваквиот тип на водомери се постигнуваат ефекти во повеќе насоки
- изготвување на прецизни сметки за потрошена вода и подобрена услуга
- можност за месечно отчитување на состојбата на водомерите (за разлика од досегашното отчитување на секој три месеци)
- зголемување на точноста на отчитување на водомерите
- подобар пристап до информациите за потрошувачка на вода и можност за техничка контрола на водоснабдителниот систе
- постоење на аларм кој се активира при било која манипулација или злоупотреба на водомерите.
- секој водомер има инсталирано аларм кој се активира при регистрирана 48 часовна непрекината потрошувачка на вода, што сигнализира сигурен дефект на внатрешната водоводна мрежа кај корисникот.
- почитување на приватноста на корисникот на услугата, бидејќи се избегнува досегашната пракса на читање на состојбата на водомерот со влегување во приватните имоти.
  Инсталацијата на новонабавените 4000 водомери со далечинско отчитување е предвидено да се реализира најдоцна до средината на 2010 година.

  Во првата половона од 2009 година беа инсталирани 700 водомери со далечинско отчитување во населба Лисиче во Општина Аеродром, во рамките на Проектот за намалување на загубите на вода во зона на потрошувачка.

www.vodovod-skopje.com.mk/index.php?option=com_content&task=view&id=487&Itemid=61

www.tehnoskop.com.mk/Vodomeri.html - Водомери со далечинско отчитување - Карактеристики и спецификации




Edited by Max - 26-Oct-2009 at 23:11
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #50 Posted: 19-Oct-2009 at 23:54
Цевковод за полнење на Велешкото Езеро


Хидросистемот Лисиче почна да го гради цевководот за полнење на велешкото езеро Младост со чиста вода. Триесетина работници од градежната фирма "11 Октомври" од Куманово со комплетна механизација ги заваруваат и поставуваат цевките со пречник од еден метар. До крајот на годинава цевководот ќе биде поставен во должина од два километри, а останатите шест километри до езерото ќе бидат поставени до крајот на наредната година.

Според проектот, до крајот на годинава требаше да бидат поставени околу четири километри цевки, но, поради економската криза, Владата ги скрати парите предвидени за изградба на цевководот. За првите два километри таа обезбеди 40 милиони денари.

Од Хидросистемот велат дека извршена е целосна експропријација на земјиштето каде ќе поминува цевководот и дека се прават напори од него да се наводнуваат и плодните површини околу него. Со изградбата на цевководот, езерото трајно ќе го реши проблемот со полнење со чиста планинска вода од акумулацијата на Хидросистемот на реката Тополка кај селото Лисиче.

http://vecer.com.mk/?ItemID=A10BB7F207D8A54B85C04B45CA43B981

Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3514
  Quote Max Quote  Post ReplyReply #51 Posted: 27-Oct-2009 at 02:57
Пиеме ли во ГЕВГЕЛИЈА канцерогена вода?

...

На последните неколку седници на Советот на Општина Гевгелија, отпрво срамежливо а на последната седница веќе и потранспарентно се допира и проблемот со водата за пиење.

Во извештајот за работењето на ЈПКД „Комуналец„ Гевгелија за 2003 година стои набележано дека се вршени, во текот на целата година, редовни контроли и анализи на водата за пиење кои ги врши Заводот за здравствена заштита Велес-Подрачна единица Гевгелија, се контролира секојдневното присуство на хлор во водата и се вршат редовни санитарни прегледи на лица кои се во контакт со водата за пиење. Мерни места од каде се земаат мостри за анализа се: Резервоар, с.Селемлија, с.Стојаково, с.Богородица, с.Мрзенци, с.Моин, и тоа еднаш месечно, и Комуналец, Болница, ОУ.„Крсте Мисирков, „Детска градинка, Железничка станица, четири пати месечно. Исправноста на водата за пиење се утврдува со прегледи на водата и тоа бактериолошки, хемиски, радиолошки и биолошки.

И до тука се е в ред. Но секогаш има едно арно ама. Тоа го слушнавме и на последната седница на Советот, нема индуктивен протомер на излезот од резервоарот а со тоа не се знае колкаво количество вода се произведува, односно се потрошува. Сите сегашни податоци кои ги имаат надлежните се на границата на претпоставките. Хлорирањето на бунарското подрачје 'Моин' е решено со дозирање на течен хлор кое пак не е решено во зависност од протокот на количината на водата па затоа понекогаш имаме повеќе а некогаш помалку концентрација на хлор во мрежата. Хлорирањето пак на бунарското подрачје „Вардар„ се врши на многу примитивен начин па може да се смета дека на ова бунарско подрачје нема хлорирање. Во стариот дел од градот Гевгелија водоводната мрежа е изградена уште во 1963 година и истата е во дотраена состојба. Подземен катастар на водоводната мрежа нема така да не се знае колку и каква е подземната ситуација со цевките низ кои протекува водата за пиење.

Она што буди искра на сомневање во квалитетот на водата што ја пиеме е тоа што податоци од извршените анализи на исправноста на водата не се објавуваат. А би требало со оглед на тоа што поголемиот број на цевки низ кои минува водата се азбестно цементни, а знаеме дека азбестот е штетен за здравјето на луѓето. Исто така постојат и ПВЦ цевки, поливинилски и ПЕ, полиетиленски, материјали кои според некои стручњаци се исто така штетни по здравјето на луѓето.

Знаеме дека тешко оди со прибирањето на финансиските средства од граѓаните, односно за потрошената вода од нивна страна, но сепак што поскоро треба да се размислува за замена на азбестните цевки. Знаеме дека сето тоа чини но, сепак, мора да признаеме дека повеќе чинат човечките животи.

Љубчо Алексовски - http://dobarglas.info/rubriki/region/vest1_gevgelija.htm

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #52 Posted: 07-Nov-2009 at 17:07

До 2050 година Македонија ќе стане пустина


Во просек во водоводните мрежи во Македонија се губат по 50 проценти при дистрибуцијата на вода. Таа загуба во организираните земји е од 5 до 6 отсто, во екстремни случаи до 10 проценти. Загубите настануваат поради застарената мрежа, кражбите и полевањето зелени површини




Често пати се вели дека наредните војни ќе се водат за вода, како основен продукт за опстојување на човештвото. Ако се суди по оваа прогноза, и бидејќи ние се расфрламе со водата како да ја имаме во изобилство, тогаш ќе бидеме цел на многу освојувачи. Зошто? Затоа што сите градови во Македонија бележат загуби на водата во водоводната мрежа над 50 отсто. Така, во Скопје загубата на вода е 57 проценти, исто толку и во Кавадарци. Во Неготино се губат 60 отсто, во Штип тој процент се движи од 60-65 отсто, во Куманово 40-50, но 80 отсто отпаѓаат на кражби, во Тетово и Струмица 40 отсто (скоро сите се за полевање на зелените површини), Кочани 40 проценти итн.

Најчести причини за екстремно големите загуби на вода за пиење се застарените водоводни цевки (азбестни и метални), дивите приклучоци, полевањето на зелените површини и наводнувањето на земјоделските површини. Горан Ангелов од „Урбан-рурален консалтинг“ и поранешен претседател на Заедницата на единиците на локална самоуправа (ЗЕЛС) вели дека светските искуства зборуваат за загуба на вода при дистрибуција од 5 - 6 проценти, а загуба од 10 отсто има само во екстремни случаи.

- Големи загуби се јавуваат поради наводнување јавни површини. Таа вода никој не ја плаќа, односно јавните претпријатија не си ги читаат водомерите. Во другите земји на секој испуст за вода има водомер - укажува Ангелов.

Тој наведува дека азбестните и металните цевки најголемата загуба ја прават кај склопките, додека кај новите ПВЦ-цевки, во зависност од тоа колкав притисок може да издржат, загубата не е поголема од пет проценти.

Ако се имаат предвид ваквите загуби на вода, глобалното затоплување и промената на климатските услови, односно зголемувањето на температурите и намалувањето на врнежите, ќе бидат причина за поголемо испарување на водата, намалување на штедроста на изворите и за паѓање на нивото на подземните води. Неизбежно се поставува прашањето дали Македонија има воден потенцијал што ќе го покрива расипништвото со водата. Дали треба да стравуваме дека ќе мораме да увезуваме вода?

- Глобалното затоплување за Македонија, генерално, ќе има негативен ефект, бидејќи голем дел од водниот потенцијал ќе се намали како резултат на повисоките температури. Според некои симулации, направени за влијанието на климатските промени врз средногодишните температури и врнежи, во 2010 година температурата ќе се зголеми за 0,6 целзиусови степени, во 2025 за 1 степен, а во 2050 за 1,7 степени. Во тие години врнежите ќе се намалуваат за 0,8, 1,4 и 2,4 отсто - истакнува доц. д-р Вјекослав Танасковиќ од Катедрата за вода и ерозија при Факултетот за земјоделски науки и храна.

Како резултат на климатските промени и на лошото користење на водата, посочува Танасковиќ, голем дел од нашата земја до 2050 година ќе се претвори во пустинско подрачје.

Јосиф Милевски од Управата за хидрометеоролошки работи (УХМР) од одделот за хидрологија не се согласува со тврдењата дека поради климатските промени хидролошкиот потенцијал ќе опаѓа, напротив, може и да се зголемува, затоа што тоа во некои предели може да продуцира поголеми врнежи. Тој вели дека сé зависи од тоа како ние ќе се однесуваме со водата. Според него, главната опасност за водата доаѓа од порастот на населението: ако во почетокот на 19 век на планетата имало 1.600.000.000 жители, сега има над 6 милијарди, а до 2018 година се предвидува таа бројка да стигне до 8 милијарди. Тоа ќе значи поголеми потреби за вода, но и поголемо загадување на водите, зашто човекот е најголемиот загадувач.

- Ќе дојде време кога ќе се поставува прашањето: дали имате вода и колку ја имате, а не каква е. Македонија е меѓу земјите што имаат своја вода, но има и апсурдни ситуации како што е, на пример, во Преспа, која лежи на вода, а нема вода за пиење - вели Јосифовски.

Според него, лошите предвидувања за иднината на водниот потенцијал само ни штетат, затоа што на тој начин ги одвраќаме потенцијалните инвеститори во нашата земја.

За да се намалат штетите од нерационалното користење на водата, се предлагаат мерки за брзо реконструирање на водоводните мрежи и за нејзина рационална употреба во земјоделството, односно користење штедливи и ефикасни системи, како на пример системот капка по капка и лепа-системот.

%20

- Општините во Македонија сериозно му пристапуваат на овој проблем и веќе некои од нив ги имаат реконструирано водоводните мрежи, а други почнуваат да го прават тоа. Во оваа насока се вклучува и Владата, со обезбедување средства од странски извори за унапредување на водоснабдителните системи - вели портпаролот Мартин Мартиновски.

Според она што досега е инвестирано или што се планира да се инвестира во реконструкцијата на водоводните мрежи, станува збор за огромни средства. Така, на Штип ќе му требаат 8 - 9 милиони евра, на Тетово 5 - 6 милиони, на Кавадарци 2 - 3 милиони, на Неготино 3 милиони, на Кочани 2 милиони евра...
Можеби сумите што треба да се вложат ќе ни изгледаат преголеми, но колку порано се направи тоа, толку поевтино ќе нé чини водата во иднина.

Како рационално да се користи водата

За рационално користење на водата се предлагаат повеќе мерки, а ние ќе спомнеме некои од нив. Искористување на третираните отпадни води во индустријата, земјоделството, парковите и урбаното зеленило. Тоа подразбира да се создаваат капацитети каде што ќе се искористуваат третираните отпадни води во близина на местото на прочистувањето, особено кај фекалните води. Да и се даде приоритет на конзервацијата на водата, како во домовите, индустријата, земјоделството. Конзервацијата треба да се воведе преку регулативни мерки, но и преку мерки на поддршка, субвенции и сл. Да се воведе планирање и раководење на сушите, односно да се има план за акција во случај на појава на суша. Во таков случај треба да бидат вклучени сите типови корисници на вода: население, индустрија, земјоделство, животна средина и други. Да се зголеми нивото на образованието кај населението за важноста, методите и значењето на конзервацијата на водата. Да се формира јасна структура на цената на водата, каде што јасно ќе се знае колкав дел од цената се однесува на трошоците за нејзино зафаќање, третирање, дистрибуција, експлоатација, квалитет, еколошки аспекти и друго. Оваа структура во цената треба да се базира на долготрајно одржливо користење на водите. Внимателно да се анализира влијанието на идниот развој врз водните ресурси итн.

Воден потенцијал на Македонија

%20Според повеќегодишните мерења на професорите од Факултетот за земјоделски науки и храна Ордан Чукалиев, Илија Иљовски и Вјекослав Танасковиќ, просечните расположиви води од површинските водни ресурси во Македонија изнесуваат околу 6,37 милијарди кубни метри во текот на една година и 4,48 милијарди кубни метри во сушна година. Просечната сума на врнежите е околу 733 милиметри. Забележано е дека сушите што се карактеристични за централниот дел на земјата во периодот јули-септември траат по 100 и повеќе дена.

Според некои истражувања, капацитетот на подземните води е од 31,43 метри кубни во секунда, односно 314,3 милиони метри кубни, што, всушност, треба да се прифати како реална долна граница.
Во Македонија има регистрирано 4.414 извори на вода, од кои 58 се со капацитет на 100 л/с.

Колку ја цениме водата финансиски?

Водата во Скопје поскапе за 98 отсто пред две и пол години, по предлог на тогашниот градоначалник Трифун Костовски, што предизвика голем револт кај населението. Цените во изминатиов период растеа и во други градови. За еден кубен метар, односно за 1.000 литри вода, се плаќа 37,5 денари во Куманово, 32,7 во Кочани, 31,2 во Струмица, 30,4 во Велес, 29 во Берово и 28 во Скопје.

Во Тетово и во Битола цените се многу пониски, само 8,1, односно 14 денари. Од 25 до 27 денари плаќаат жителите на Прилеп, Свети Николе и Охрид.

На едно семејство што живее во куќа му се потребни десетина кубни метри месечно, и тоа во летните месеци. На тие во становите им достасуваат и по пет кубици. Тоа значи дека дури и кумановци, кои ја пијат најскапата вода во Македонија, за неа не мора да одвојат повеќе од 200, 300 или 400 денари месечно, сума што, и покрај сиромаштијата и нискиот стандард, не е преголема за семејниот буџет. Во помалите тетовски станови пак, со овие цени месечно се плаќа од 30 до 40 денари! Дали водата сé уште е толку евтина, што населението не ја смета за драгоцена?

Г. Т.
%20Зголемување на температурите - намалување на врнежите

Во Вториот национален извештај за климатските промени се направени процени за влијанието на климатските промени во нашата земја. Нина Алексовска од УХМР вели дека ќе се јави недостиг од вода, а сушите ќе бидат почести. Зголемување на температурите
2025 2050 2075 2100
1,0С 1,9С  2,9С 3,8С

Намалување на врнежите
3%   5%   8%   13%

Скопје - светски шампион во губење вода

Според последните податоци на ЈП „Водовод и канализација“, Скопје троши околу 97.804.551 кубен метар вода годишно. Оваа претпријатие има 501.454 корисници. Просечната дневна потрошувачка на вода по жител на годишно ниво изнесува 534 литри. Рекордната потрошувачка од 665 литри по жител на ден е забележана на 26 јули 2005 година.

Анализите на ЈП покажуваат дека Скопје троши два-три пати повеќе вода од другите светски метрополи. Скопје е шампион и во загубата на вода со 57 проценти. Во Виена загубата изнесува 12 отсто, Лондон 19, Париз 20, Рим 25, Стокхолм 21, Белград 20, Загреб 23, Љубљана 31, Подгорица 20, Софија 27, Атина 23, Цирих 10 и Хамбург 4 проценти. Се цени дека 28 отсто од загубите на вода во Скопје се должи на т.н. технички или физички загуби, а другите 29 насто се комерцијални загуби.

Израел - добар пример

Израел на многу земји во светот им служи како пример за високо ниво на управување на водите. Таму има само два природни водотека и со нивно правилно зачувување и стопанисување има врвно земјоделско производство. Секоја капка вода се користи домаќински. Либија складира вода за црни денови.

Автор: Венцо Донев

http://novamakedonija.com.mk/NewsDetal.asp?vest=1179918529&id=9&setIzdanie=21831
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #53 Posted: 27-Nov-2009 at 04:21

Секна водата за Дојранското Езеро

Поради неплатен долг, прекината е струјата и работата на хидросистемот „Ѓавато“ од кој со вода се полни нашето најбогато езеро со риба

Сув е каналот од хидросистемот „Ѓавато“ низ кој дотекуваше вода и кој го спаси Дојранското Езеро од пресушување. Причина за прекинот на водата е исклучената струја на системот, поради неплатен долг од Министерството за животна средина кон ЕВН-ЕСМ, во износ од околу 150 илјади евра. Каналот е сув повеќе од дваесетина дена.

Жителите на Дојран велат дека прекинот на водата поради неработењето на „Ѓавато“ веќе се чувствува во езерото. Тие се загрижени за рибниот фонд и за нивото на езерото, кое годинава се искачи на само еден метар до нормалната кота, пред да му се случи празнењето во деведесеттите години од минатиот век.

- Водата од „Ѓавато“ рибарите ја нарекуваат слатка. Во неа најмногу се собира рибата, особено за време на мрестот. Иако забраната за секаков вид риболов важи повеќе од две години, наместо да се зголемува рибниот фонд, со секнувањето на водата ќе се намали - велат дојрани.

Пензионерот Ристо Балтаков додава дека во последните денови нивото на водата во езерото се намалува, наместо да се зголемува. Според него, во Дојранското Езеро дотекуваат минимални количини вода од изворот на топла вода Топлец, кој се наоѓа на влезот во Нов Дојран.

- Повеќето од пензионерите од Нов Дојран секој ден се рекреираа шетајќи покрај отворениот канал. Убаво уредената патека и жуборењето на водата ни го исполнуваа секојдневието. Без водата местото е пусто. Иако водата е секната веќе дваесетина денови, вработените во „Ѓавато“ пред некој ден го исчистија каналот, но ѓубрето го оставија покрај него - вели Балтаков.

Во Министерството за животна средина изјавија дека секнувањето на водата се должи на технички проблеми околу плаќањето на обврските. Во наредните денови проблемите треба да се решат и водата од „Ѓавато“ повторно ќе претече.

Низ каналот, кој беше пуштен во употреба во 2002 година, протекуваа меѓу 400 и 600 литри вода во секунда. Тоа количество беше доволно за езерото континуирано да се полни по еколошката катастрофа што почна пред дваесет години и се закануваше трајно да го уништи ова наше езеро најбогато со риба.

http://dnevnik.com.mk/?ItemID=275A54EB12797344B38B756551633748
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12126
  Quote Cloverstack Quote  Post ReplyReply #54 Posted: 30-Nov-2009 at 22:56
Oваа тема не знам баш веќе колку е актуелна во однос на Сончев Град, па нека оди тука

Протест во скопската населба Сопиште

Сунчица Николоска Коментари (0)   
30.11.2009 19:05
 

 

Жителите од Патишка река повторно ја блокираат изградбата на водоводот во дел од населените места во општина Сопиште.

Токму поради ова денеска поголема група на луѓе протестираа во Патишка река, за да им изразат револт и да ги убедат тамошните мештани дека треба да ја дозволат изградбата на водоводот до нивните куки.

„15 села без вода сме. Со цистерни вода влечеме“.

„Навистина жалосно - реката понира, тече, а нема успех. Не можеме да ја земеме“.

„Да им кажеме на сограѓаните од Патишка река, дека ние сакаме соживот, но и вода сакаме“, велат незадоволните жители.

На неколку километри погоре на протест излегоа и жителите на Патишка река. Не дозволуваат да започнат градежните работи, се додека градоначалникот не им изгради пат и амбуланта, како што им ветил на изборите.

„Ние не сме против да даваме вода, напротив ние сме да даваме вода. Сме живееле со овие луѓе. Сакаме и понатаму да живееме со нив, меѓутоа нема вода за давање. Има повеќе вода од местото викано три реки, или да се користи водата од местото викано Езеро. Да се земе вода, и еднаш за стално да се реши“, рече жител на патишка река.

Градоначалникот смирува.

„Водоводот патишка река е единствен начин што може да прибере инвестиција општината, и единствен начин којшто може сите граѓани да дојдат до благодетот вода“, изјави Јован Ѓоргиоски, градоначалник на О.Сопиште.

Водоводот што треба да се гради е за дел од населените места во Сопиште но и за Сончев град. Жителите на Патишка река пак велат дека таму нема доволно вода за да ги снабди сите села а градоначалникот тврди дека имал проверен проект.

http://www.a1.com.mk/vesti/default.aspx?vestID=116935
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #55 Posted: 01-Dec-2009 at 04:23
Ќе гледаме вакви натегања, ако не видиме и тепачка село на село. Воопшто не ми се допаќа ова што едниве жители си земаат за право да забрануваат пристап до вода на ругово село. Кое е тоа понашање?!
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12126
  Quote Cloverstack Quote  Post ReplyReply #56 Posted: 02-Dec-2009 at 22:00

Мариовските села ќе пијат вода од бунарите на РЕК „Битола“

Селата Брод и Живојно ќе добијат вода преку пумпна станица и цевковод во должина од осум километри

БИТОЛА - Артерските бунари на РЕК „Битола“ ќе снабдуваат дел од мариовските села со вода, најавуваат од општината Новаци. Водата од бунарите што комбинатот ги копа со цел стабилизирање на подземните води во двата рудника „Суводол“ и „Брод-Гнеотино“ досега се испушташе по каналите без да биде искористена.

„Во подрачјето на рудникот ‘Брод-Гнеотино‘ има пет артерски бунари. Еден од нив е биолошки и бактериолошки испитан, а водата е здрава за пиење. Од тој бунар ќе носиме вода за две села, Брод и Живојно, во должина од осум километри со пумпа под притисок. Овие села не може да се приклучат на централниот водовод. Таму е многу повисоко од акумулацијата ’Стрежево‘ од каде што се носи водата. Треба да правиме пумпни станици и тој е потешкиот начин“, вели Лазар Котевски, градоначалник на општина Новаци.

Водата од артерските бунари на РЕК ќе се користи и за наводнување на пелагониските ниви. „Ќе правиме проект за мрежа за наводнување низ полето во тој дел каде што има од две до три илјади хектари за наводнување. Бидејќи оваа вода е употреблива за наводнување, а моментно не се користи за ништо, туку се испушта во реката Црна, што ќе биде добредојдено за нашите земјоделци“, напомнува Котевски. (А.Б.)

http://www.utrinski.com.mk/default.asp?ItemID=A1C9E3512891E04A93137426EDFE5B61
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #57 Posted: 03-Dec-2009 at 15:27
Владата ги подмири долговите на “Ѓавато“

Дојранското езеро повторно ќе се полни со вода, откако Владата го подмирила долго од 150 илјади евра за неплатени сметки за електрична енергија кон ЕВН Македонија, информираше Министерството за животна средина и просторно планирање.

Хидросистемот “Ѓавато“ уште денеска е пуштен повторно во функција откако една недела не функционираше. Од Министерството велат дека и покрај прекинот во дотурот на вода во Езерото, биолошката рамнотежа не е нарушена.

http://netpress.com.mk/vest.asp?id=65055&kategorija=1
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #58 Posted: 04-Dec-2009 at 12:47
Половина од градската вода се губи без трага Јавното претпријатие „Водовод и канализација“ остварило добивка од шест милиони денари во првите девет месеци од годинава, што е помалку за 148 милиони во споредба со минатата година. Тоа го покажува извештајот на претпријатието, кое важи за едно од финансиски постабилните градски институции. За истиот период „Водовод“ има приход од речиси милијарда денари или 16 милиони евра. Сепак, претпријатието и годинава, како и лани, бележи загуба на вода и тоа речиси 60 проценти од вкупното производство.

http://vreme.com.mk/DesktopDefault.aspx?tabindex=3&tabid=1&EditionID=1884&ArticleID=128285
Back to Top
Cifra View Drop Down
Groupie
Groupie
Avatar

Joined: 25-Feb-2009
Online Status: Offline
Posts: 85
  Quote Cifra Quote  Post ReplyReply #59 Posted: 29-Dec-2009 at 22:00
Сепак, претпријатието и годинава, како и лани, бележи загуба на вода и тоа речиси 60 проценти од вкупното производство.


Eeek
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 4665
  Quote гитардемон Quote  Post ReplyReply #60 Posted: 10-Jan-2010 at 21:46
ЈП „Водовод“ - Битола воведува далечинско читање на водомерите во градот

Вести      - Битола

Јавното комунално претпријатие „Водовод“-Битола ги почна подготовките за реализација на капитален проект - далечинско читање на водомерите кај сите корисници од овој град. - Со новата инвестициска програма предвидовме поставување нови водомери со далечинско читање на потрошената вода. Граѓаните ќе добијат специјален водомер, а со самото тоа и низа придобивки, односно ќе добиваат навремени и точно пресметани сметки без да се влегува во нивните домови, ќе имаат информации за предизвикани проблеми во мрежата, ќе се спречат кражбите на вода и ќе се обезбеди квалитетна услуга за сите потрошувачи, изјави за МИА Зоран Илиески, директор на ЈП „Водовод“ - Битола. Покрај проектот за далечинско читање на водомерите, од овој локален сервис најавуваат и други проекти за тековната година, за што ќе бидат обезбедени потребните финансиски средства. - Сега сме во ситуација да размислуваме реално, посебно по донесувањето на одлуката од страна на Советот на општина Битола за корекции во цената на водата за пиење. Како што е познато, од 1 јануари за еден кубик потрошена вода наместо 14,00 се наплаќаат 30,00 денари додека правните субјекти за кубик потрошена вода наместо 26 од почетокот на овој месец ќе плаќаат по 45 денари, посочи Илиески. Во 2010 година ЈП „Водовод“-Битола ќе спроведе мерки и активности за намалување на загубите на вода кои сега се движат до 50 насто, намалување на дефектите во мрежата, набавка на нова опрема, изградба на нов резервоарски простор, реконструкција на пумпна и филтер-станицата, како и замена на старите азбестни цевки од водоводот во Битола.


http://bitolainfo.com/index.php?option=com_content&view=article&id=445:2010-01-09-19-15-02&catid=1:novosti&Itemid=41

Ова е за поздравување, но додека не воведат скалесто тарифирање, ништо не правиме. Не знам само кои ескперти се овие. Јасно е дека фирма што троши 10 кубика и фирма што троши 100000 кубика не треба да плаќаат иста цена на водата по кубик. А тоа што ме вади од такт се автопералните! Не сум сигурен дали важи за цела ЕУ, но во 90% од земјите не смее да има автоперални со шмрк како кај нас. Како се расфрлаат со вода, тоа е чудо невидено. И тоа вода за пиење! Секаде во светот или ја мијат со кофа и сунѓер, или онакви машини со големи четки. А кај нас, цревото и ајде! Сељачки народ.

Инаку, она што ме буни во веста е како ќе ги намалат загубите? Па тој што не ви дозволува да му го видите водомерот (тоа е барем една третина од тие 50%) нема да ви дозволи ни да му влезете дома да му ставите од новите. Ако се однесува ова само за новите поврзувања, па дали се вкупно 1000 годишно (а ни толку), што ќе придонесе тоа?

Edited by гитардемон - 10-Jan-2010 at 21:48
Arguing on the internet is like running at the special olympics. Even if you win, you're still retarded.
Back to Top
 Post Reply Post Reply Page  <12345 8>

Forum Jump Forum Permissions View Drop Down



This page was generated in 0.219 seconds.

Copyright ©2007 - 2020  build.mk

Коментарите на форумот претставуваат лично мислење на нивните автори и не претставуваат официјален став на build.mk.