build.mk Homepage
Forum Home Forum Home > Главни теми > Проекти > Културни
  Active Topics Active Topics
  FAQ FAQ  Forum Search   Register Register  Login Login

Цареви Кули - Струмица

Bookmark and Share
 Post Reply Post Reply Page  123 5>
Author
Message
  Topic Search Topic Search  Topic Options Topic Options
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #1 Topic: Цареви Кули - Струмица
    Posted: 22-Jan-2010 at 09:38
Тврдината во Струмица се реновира, а ние чекаме, еднаш беше речено дека нема доволно материал, но собравме нешто и плус има два три члена од Струмица који можаат по детално да го наблјудуваат проектот. Администраторите би можеле старите прилози за овај проект да ги приложат тука.

општи информацији:

Издигнати на доминантна позиција над градот, царевите кули сведочат за древноста, историјата низ која живеела и се издигнала Струмица. Каде и да сте во градот не може а да не ја забележите оваа величествена тврдина ,која длабоко во себе крие бескрајно многу раскази, митови но и фактографија за нашиот град од древните времиња до денес. Денес (2007), скриено длабоко во својата потсвест, Струмичани го носат сеќавањето на величенствените победи остварени во деновите кога цврстите неосвоиви тврдини на Цареви Кули ја одлучувале судбината на градот. Во своите творби Струмичани својот град ќе го овековечат како „градот под Царевите кули“ или како во песната „Еден прекрасен мајски ден, под кулите на Струмица...“. Царевите кули ќе го најдат своето место и во легендите, како онаа за љубовта и предавството на убавата Струма. Со години младите поколенија ги играле своите игри во рушевините на славната тврдина, често замислувајќи ги времињата кога тврдината била во својот најголем подем. Неодамна, градот повторно доби прилика уште еднаш да се заблагодари на своите Цареви кули, а воедно и да се обиде да ги прочита страниците кои се пишувани неколку илјади години и кои зборуваат за нашето минато.  Благодарение на европската агенција за реконструкција ,локалната самоуправа и Националната установа Завод и Музеј на град Струмица на први јуни 2007 година се започна со истражувања на локалитетот цареви кули за да се открие длабоката старост и вистина што во себе ја крие овој скапоцен културен резерват. Да видиме како настана оваа идеја за оживување на овој прекрасен објект наследен од нашите предци.
И така, пред  една година(2007) започнаа археолошките истражувања на струмичкото кале.  Во мугрите на еден летен ден, тргнавме кон локалитетот, заедно со тимот од музејот предводени од археологот Зоран Рујак за да ни открие какви се нивните досегашните сознанија и што всушност преставуваат Царевите Кули.  Во раните утрински часови додека градот сеуште спиеше се упативме кон  овој археолошки локалитет.  Осветлени од првите зраци на сонцето царевите кули се издигаа над Струмица како светилник над плодното струмичко поле.  Ефектите од проектот на локалната самоуправа веќе беа видливи.  До самиот локалитет се стигнува по асфалтиран пат а чувството е незаборавно, пејсажот од природата неповторлив,  надополнето со сознанието дека овој пат е всушност оној автентичниот од старите времиња кој тврдината ја поврзувал со Солун. (  Пауза со музика како возат со џипот рејлеф)По речиси 45 минутно патување кулите на ридот го отвараат своето лице, кои несомнено го вбројуваат нашиот град во плејадата на еден од најстарите градови на балканот.  Со самото стигнување иако сеуште беше рано наутро на тврдината веќе раздвижено.  Градежните работници со машините работеа на реконструкцијата на бедемското платно а еден дел истражувачи распоредени на различни позиции  веќе истражуваа со цел да дојдат до нови наоди за историјата која во себе  ја крие тврдината .  Едногодишното истражување роди со резултати постепено испишувајќи ги страниците на историјата за судбнината на оваа трвдина тесно поврзана со судбината на Градот Струмица.  Но да започнеме по ред . истражувањата најпрво биле насочени кон централната кула или како што археолозите ја нарекуваат пирг  кула.  Овде се дошло до мошне интересни сознанија и наоди.
Истражувањата продолжуваат кон утврдување на бедемските остатоци на твдрдината. И овде се наидува на богати археолошки сознанија од  повеке историски периоди, предмети како питоси за складирање на храна, монети на претпоследниот македонски крал филип петти  од вториот век пред нашата ера.
И северниот и јужниот влез на трвдината криле богати археолошки наоди од различни временски периоди. За одбележување е откривањето на средовековна црква од крајот на 12 и почетокот на 13 век. Интересен е и наодот од олтарниот простор на црквата каде што е пронајден крст на кој  е прикажан светител и натпис ГЕОРГИО, што можеби укажува на посветата на црквата на Св. Ѓорѓи.
Богатото културно минато на царевите кули се докажува и со богатата археолошка ризница со доста растеглива старост дури од праисториско време. Поточно се откриваат остататоци од раниот неолит кој потекнува од  4 милениум пред нашата ера.
Со тоа се докажува дека историјата што во себе ја носи тврдината се поврзува со историјата на струмица. Без разлика дали е тоа славниот Астраион, Тивериопол, Естреон или Уструмџе, Цареви кули секогаш стоеле тука и дури многу порано, длабоко во праисторијата кога овде цутела богата култура од времето на доцниот енеолит и раната бронзова епоха
Откривајќи ги овие вредности на нашето културно наследство , можеме слободно да се гордееме со материјалното и духовно богатство од нашиот крај. Цареви Кули нудат огромен потенцијал за развој на културниот туризам којшто во последната деценија бележи голем пораст во туристичките понуди. Овој потенцијал треба да биде препознаен од страна на приватниот сектор којшто исто така, треба активно да учествува со вложување во истражувањата и конзервацијата на културното наследство. Какви се плановите на локалната самоуправа на тој план.
Истражувањето, конзервацијата и реставрацијата на одредени сегменти на тврдината Цареви Кули ќе овозможат повторно оживување на овој прекрасен објект наследен од нашите претци, кога ноќите над Струмица ќе добијат ново значење за убавината на градот, со што ќе се мотивираат следните генерации Струмичани со инспирација за нови творештва од слоевите коишто ги напластиле културите стари неколку милениуми, длабоко всадени во нашето битие. Секој Струмичанец треба да се гордее со Царевите Кули зашто на тој начин тој ќе му се оддолжи на својот град, взидувајќи уште еден камен во Царевите кули. Кули кои денес, наместо во минатото, се воздигнуваат кон иднината.

http://www.carevikuli.com



Edited by Makedonij - 28-Sep-2010 at 22:34
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #2 Posted: 22-Jan-2010 at 09:38
Се реконструира струмичката тврдина Цареви кули Струмица, 29.07.2008 - На тврдината Цареви Кули во Струмица во тек е реконструкцијата, која ќе се одвива во три главни фази и се очекува да биде завршена до крајот на оваа или во текот на првата половина од наредната година. За оваа намена од Европската агенција за реконструкција е добиена донација од 288 илјади евра, а од општинскиот буџет се издвоени уште десетина милиони денари така што целокупната инвестиција изнесува околу 460 илјади евра. Дел од средствата што ги обезбеди локалната самоуправа веќе се употребени за изградбата на пристапниот пат до тврдината во должина од 2,5 километри, а еден дел ќе бидат потрошени за обновување на главниот портал додека европските пари се наменети за заокружување на бедемски платна и на кулите што го сочинуваат овој значаен културно историски комплекс. За запазување на предвидената динамика, од страна на Региналниот завод за заштита на спомениците на културата во Струмица во текот на минатата и оваа година беа спроведени интензивни и сеопфатни археолошки истражувања. - Ископувањата ги фокусиравме претежно на бедемското платно, на централната кула на микрополата и на повеќе други поситни објекти. Археолозите најмногу се задржаа на западниот бедем кој заедно со кулите е добро сочуван, а најпријатно изненадување за нас беше откривањето на остатоци од средновековна црква која датира од 13 век, изјави за МИА Славица Тасева, директор на Заводот за заштита на спомениците на културата во Струмица. (МИА)
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #3 Posted: 22-Jan-2010 at 09:47









ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #4 Posted: 22-Jan-2010 at 10:05


 ЛОКАЛЕН ЕКОНОМСКИ РАЗВОЈ

 ТЕКОВНИ ПРОЕКТИ

Реконструкција на Цареви кули

Програма за соседство помеѓу Р. Македонија и Р. Бугарија – 2004 Гранд шема за заштита на природата, валоризација на културнити наследство и соработка помеѓу јавните инститиции на регионално / локално ниво

Наслов: Оживување на славниот Национален Културен и историски патоказ “Цареви Кули”, преку институционална соработка на локално ниво во областа Петрич, Бугарија и Струмица, Македонија.

Партнер: Општина Петрич

Цел: Реконструкција на Тврдината Цареви кули, која се наоѓа на ридот над Струмица. Тврдината била во употреба уште во I век п.н.е. па се до турскиот период кога била напуштена, инаку континуитетот на населувањето на овој доминантен рид потекнува уште од третиот милениум пред нашата ера, кога на овие простори цветала богата енеолитска култура. Зајакнување на Соработката со општина Петрич, размена на културно историски информации, меѓусебно запознавања со историско културните наследства.

Главни активности:

I -фаза инфраструктура
II- фаза истражување
III- фаза конзервација
IV- фаза реконструкција
V - фаза - презентација и одржување на две работилници во сферата на културата

Буџет: 357254,00

ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #5 Posted: 22-Jan-2010 at 10:16








Повеќе информацији и слики на адресата:
http://www.carevikuli.com/mk/indexmk.html
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #6 Posted: 22-Jan-2010 at 10:44
Од Гугл Земја:














Edited by Makedonij - 26-Jun-2010 at 16:22
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #7 Posted: 22-Jan-2010 at 10:47
На окруженото се гледа колку се изградени ѕидовите.

ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #8 Posted: 22-Jan-2010 at 11:03
Би ги замолил другарите СТРУМИЏАНЕТО нека направат некоја сликичка на обновените бедеми.Smile

ПС. И ако може некој администратор да го стави тој кранот пред насловот на проектот? 
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #9 Posted: 22-Jan-2010 at 14:44
Супер собрани и презентирани материјали Македониј Thumbs%20Up
Back to Top
Keeray View Drop Down
Groupie
Groupie
Avatar

Joined: 27-Sep-2009
Location: Skopje
Online Status: Offline
Posts: 0
  Quote Keeray Quote  Post ReplyReply #10 Posted: 22-Jan-2010 at 19:28
Ubav proekt.Samo neznam dali tolku brzo ke uspeat da go napraat,I dali tie sliki shto se edna sceptic a edna vo boja.. planovi za kako da se izvrsi rekonstrukcijata ili samo sliki kako nekogas izgledalo ? 
Back to Top
leonid23 View Drop Down
Senior Member
Senior Member
Avatar
БАНИРАН

Joined: 30-Nov-2009
Location: Strumitza
Online Status: Offline
Posts: 579
  Quote leonid23 Quote  Post ReplyReply #11 Posted: 23-Jan-2010 at 03:02
Da , tvrdinata treba da bide ista kako na prestavenite skici , no problemot bese vo toa sto poveke pari se istrosija za nosenjde na infrastruktura , otkolku za istrazuvanje , konzervacija i restavracija ,
No sepak toa bese neizbezno , koj ne bil ne moze ni da pretpostavi na kolku strmno mesto e locirana tvrdinata , duri i so sega izgradenata patna infrastruktura treba da vrtime 8km naokolu za da dojdeme do nea , nikako ne e izvodlivo pat od samiot grad do tvrdinata sto bi bil samo 1km!
Makedonij ubavo gi prestavil gore site informacii vo detali , no ke se obidam da prisoberam uste nekoj materijal , Vladata ova godina odvoi 2 milioni evra za doistrazuvanja , a koi ne bea predvideni .
sega za sega ima samo eden problem , a toa e repetitorot i antenata na Makedonskata Televizija postaveni vo 1974 godina , koi se izgradeni vrz srednovekovna crkva koja bese otkriena vo 2007 godina . Se najavuvase tuzba do MTV zatoa sto bile neodgovorni za postavuvanjeto na repetitorot na kulturno istorisko nasledstvo ,
Inaku na proektov se raboti od 2006 godina neprekinato od Mart do Oktomvri mesec.
I dosega se otkrieni znacajni arheoloski predmeti , letovo bese otkrien Kjup so 1500 srednovekovni pari .
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #12 Posted: 23-Jan-2010 at 03:10
@leonid

А има ли уредена пешачка патека од градот или барем некоја "неофрмална" патека по која може пешки да се стигне до горе и колку време треба за тоа?

Колку висинската разлика од градот имаш претстава?
Back to Top
leonid23 View Drop Down
Senior Member
Senior Member
Avatar
БАНИРАН

Joined: 30-Nov-2009
Location: Strumitza
Online Status: Offline
Posts: 579
  Quote leonid23 Quote  Post ReplyReply #13 Posted: 23-Jan-2010 at 03:30
Da , toa e trim patekata Strumica-Sveti Ilija ( manastirot ) koja bese isto taka obnovena 2006 godina od Strana na opstina Strumica , od sredinata na taa pateka ima pateka za Carevi Kuli , ke se obidam da pronajdam nekoj materijal , pbanks sam znam deka ridot na koj e lociran Carevi kuli bil 500m nadmorska visina , A Grad Strumica e 222m nadmorska visina taka da Tvrdinata od Gradot e visoka 300m , Da ne bese patnata infrastruktura tvrdinata ke niknese kako pecurka , No toa bese nesto sto nikako ne mozese da se izbegne , samo mozam da pretpostavam so kolku maki bila gradena taa tvrdina vo minatoto taa bila najtesko dostapnata tvrdina , No zatoa pak od toa mesto kade sto e locirana se gleda jasno duri i denesnoto tromege izmegu Makedonija , Grcija i Bugarija , i cela Strumicko-Radoviska Kotlina .
Back to Top
leonid23 View Drop Down
Senior Member
Senior Member
Avatar
БАНИРАН

Joined: 30-Nov-2009
Location: Strumitza
Online Status: Offline
Posts: 579
  Quote leonid23 Quote  Post ReplyReply #14 Posted: 23-Jan-2010 at 03:42
ОТКРИЕНИ 4.300 СРЕДНОВЕКОВНИ МОНЕТИ НА ЦАРЕВИ КУЛИ



(МИА, 27.04.2009) - Околу 4.300 средновековни монети во два одделни сада се откриени на археолошкиот локалитет Цареви кули во близината на Струмица.

Според археолозите од Регионалниот завод за заштита на спомениците на културата и Музеј во Струмица, ова е едно од најголемите депоа на монети откриени досега во нашата земја.

Археолозите веруваат дека моментите, односно трахеите, потекнуваат од времето на византискит цар Маноило Први Коменен и оти преку „Династијата на Анагелите“ ги користеле и некои подоцнежни владетели.

- Депото е битно поради турбулентните времиња по заземањето на Солун од страна на норманите и осамостојувањето на Добромир Хрст во 1185 година кој владеел како самостоен господар во околината на Струмица и Просек (Демир Капија), изјави Зоран Рујак, раководител на археолошките истражувања на локалитетот Цареви кули.

Се претпоставува дека монетите се користеле кон крајот на 12. и во почетокот на 13. век и најверојатно биле наменети за плати на воената постава на тврдината Цареви кули.

Пред десеттина дена струмичките археолози откопаа и монети со ликот на Филип Втори Македонски, како и други артефакти од периодот на македонско-хелинистичкиот период.

Последните и претходните неколку големи откритија на тврдината Цареви кули се од огромно значење за комплетирање на историјата и претставата за животот на нејзиното население кој во континуитет се одвивал од праисторијата па се до 15. век.
Back to Top
S.P.Q.R. View Drop Down
Senior Member
Senior Member
Avatar

Joined: 26-Jan-2010
Location: Prilep
Online Status: Offline
Posts: 212
  Quote S.P.Q.R. Quote  Post ReplyReply #15 Posted: 30-Jan-2010 at 21:24
Добар проект, само да се запази оргиналниот изглед
Иначе едвај чекам и Маркови Кули во Прилеп да ги реконструира
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #16 Posted: 26-Jun-2010 at 16:44
Нешто бавно оде и тука....ај бе струмичани некоја  нова слика?



За споредба...


ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Шпер View Drop Down
Senior Member
Senior Member
Avatar

Joined: 13-Jun-2009
Location: Струмица
Online Status: Offline
Posts: 310
  Quote Шпер Quote  Post ReplyReply #17 Posted: 26-Jun-2010 at 17:37
Толку беше... одамна не се работи...
Back to Top
NAKEto View Drop Down
Newbiе
Newbiе
Avatar

Joined: 30-Aug-2010
Location: Strumica
Online Status: Offline
Posts: 0
  Quote NAKEto Quote  Post ReplyReply #18 Posted: 30-Aug-2010 at 20:31
Не се гради бидејќи има најдено историски вредности при ископувањето....
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #19 Posted: 15-Sep-2010 at 11:41

Откриена средновековна црква на Цареви кули во Струмица

Црквата најрано може да биде од 13 век, а јас мислам дека е од 12 век, вели Зоран Рујак

СУЗАНА ТАСЕВА

СТРУМИЦА
- Остатоци од црква од 13 век со фрагментиран фрескоживопис е најновото археолошко откритие во ископувањата на легендарните Цареви кули во Струмица. Средновековната црква е изненадување за археолозите, бидејќи не очекувале таа да се појави на северниот влез на тврдината и кој гледа токму кон градот Струмица.

„Моментно се врши дефинирање на оваа црква од која се извади богат фрескоживопис, а излезе и една монета, која, најверојатно, е имитација на латинска или бугарска монета, што значи дека црквата најрано може да биде од 13 век, иако лично мислам дека е од 12 век, всушност, од времето кога била подигната тврдината од комненовскиот период“, изјави Зоран Рујак, археолог во Завод и музеј во Струмица.

Со средновековната црква, како и со црквата „Свети Петнаесет“, под Орта-џамија и со други објекти околу Струмица, дефинитивно, се потврдува дека овој регион бил препознатливо место во југоисточниот дел на државата како еден од главните верски и религиозни центри во Македонија од средниот век.

Во целокупната реконструкција на Царевите кули откриената црква може да биде токму оној детаљ кој ќе помогне Струмица да го добие изворниот контекст на средновековието над самиот град. Засега единствена пречка за тоа е изградениот предавател на МРТВ од пред триесетина години врз темелите на црквата и, според археолозите, ќе биде најдобро тој да се дислоцира.

Според првите сознанија, црквата има еднокоробна основа, северен трем и со јужна капела од некоја подоцнежна фаза.

„Црквата што ја откривме е со нарушување на ѕидната структура, што укажува дека еден дел е урнат со поставување на трафостаницата, а на другиот дел од црквата имаме констатирано траги од палење“, изјави Живко Велковски, историчар на уметноста. Според него, фрескоживописот откриен во црквата ја потврдува богата сликарска традиција која во Струмичко бележи континуитет од 1.600 години, почнувајќи од лапидарните форми во Римската терма во Банско, преку црквата „Свети Петнаесет“, Орта-џамија и манастирите во Водоча и во Вељуса.

На најпрепознатливиот белег на Струмица - Цареви кули се работи повеќе од еден месец. Со пари од европските фондови и од касата на Струмица во вкупен износ од 455 илјади евра, треба се изврши реконструкција на двете кули, изградба на пристапен пат, туристичка презентација и понатамошно археолошко истражување.

http://www.utrinski.com.mk
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Addvert View Drop Down
Senior Member
Senior Member
Avatar

Joined: 28-Oct-2009
Location: Sofia, Bulgaria
Online Status: Offline
Posts: 153
  Quote Addvert Quote  Post ReplyReply #20 Posted: 15-Sep-2010 at 12:34
Абе предавателот на МРТВ одма да се отстрани... и онака никој не гледа и не слуша МРТВ!!! 

Edited by Addvert - 15-Sep-2010 at 12:35
Back to Top
 Post Reply Post Reply Page  123 5>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.