Тролејбус во Скопје?

Архивски текст на весникот „Нова Македонија“ во постземјотресните години во кој се наведува можноста да се воведе тролејбус во Скопје. Текстот е од 1964 ми се чини, алтернатива може да е 1965 година:

Тролејбус минато = на електрични автобуси денес.

Колку што знам, сите кандидати ветија воведување на електрични автобуси, што е современ наследник на некогашната технологија на тролејбусите. Наместо мрежа низ цел град, возилата се полнат на прва и последна станица.

Што е клучното во целата оваа приказна? Нивното воведување нема да го реши недостатокот на ново превозно средство во градов.

Андреj, ги имаш помешано СК север и Топанско поле, броjките се океj само имињата се погрешно поставени. Прво е Т.Поле по Џон Кенеди а СК Север е погоре и таму стои 19.



Edited by Macedonicus - 30-Nov-2012 at 17:41

Андреј, најпрвин да ти се заблагодарам за трудот што си го вложил во изработката на овие мапи кои уште долго време нема да ги видиме во информативните материјали на нашите транспортни претпријатија.

Идејата за тролејбус во Скопје е добра, но мое мислење е дека би била остварлива и реална за изработка единствено за населбите на потегот од Карпош 4 до Ново Лисиче. Не за друго, туку мислам дека секое нејзино натамошно ширење би довело до огромна сума за изработка на целокупната инфраструктура, со што се намалува и можноста за реализација на идејата. Исто така, сметам дека со воведувањето на тролејбусот би требало да се изработат комплетно нови градски линии кои би ги поврзувале овие населби, но и единствена рута во насоката исток-запад и север-југ. Мое лично мислење е дека сегашна автобуска линија бр.3 би била идеално решение за почеток на активностите за воведување на трамвајот, на потегот од Клинички центар низ центарот на градот до Ново Лисиче. Паралелно со нејзе би се формирале и линии кон населбата Чаир и населбата Карпош 4. На овој начин, би можело Клиничкиот центар да се поврзе со тролејбуски линии до Чаир, Ново Лисиче и Карпош 4, како и по една линија која што би сообраќала од Чаир од Карпош 4, од Карпош 4 до Ново Лисиче и од Чаир до Ново Лисиче. Резимирано, една мрежа од 30-тина километри и 5-6 тролејбуски линии би биле доволни.

Моето размислување е во оваа насока бидејќи тролејбусот нема да смени ништо во растоварувањето на сообраќајот, единствени позитивни точки се намалувањето на загадувањето на воздухот, што им е потребно токму на овие населби, но и намалување на финансиските средства што се одвојуваат за гориво за автобусите. Се разбира, најбитното е што со ова граѓаните на овие населби ќе имаат подобра меѓусебна поврзаност со јавен превоз.

ТРОЛЕЈБУС ВО СКОПЈЕ

Малку да ја возобновиме оваа најзаспана тема, а имено евентуалното воведување на тролејбуски транспорт во Скопје. Морам да нагласам дека поттик за размислување во оваа насока добив откако го прочитав следниов факт: неколку големи бугарски града во моментов се во процедура за набавка на 100 нови тролејбуси и за таа цел е направена анализа за тоа колку ги чини компаниите едно патување на патник во однос на автобускиот превоз. Заклучоците се поразителни во корист на тролејбусите: вредноста на билетот во тролејбусниот превоз е 0,48 лв (15 денари), додека кај автобускиот транспорт таа е три пати повисока или 1,42лв (44 денари)!

Целта на овој проект би била комплетна замена на автобусите со тролејбуси на нашите најдолги и најфрејфрентни линии. Скопје е многу погоден за оваа намена бидејќи има многу густа мрежа на линии кои одат долж неколку големи булевари, со што значително се намалуваат трошоците за изведба на контактната и електричната мрежа. Така, со поставување на контакнта мрежа долж неколкуте големи булевари во градов наеднаш се створаат услови за воспоставување на множество тролејбусни линии, кои во голем дел ги препокриваат односно заменуваат денешните автобусни линии. Во ваквите случаи остануваат за покривање само завршетоците на линиите (каде дадена линија оди сама по трасата), кои во најголем случај се под 10-20% од вкупната должина на трасата на линијата.

Целите на проектов се неколку:

-Покрај очигледните еколошки ефекти низ целиот град, целта е во центарот на градот да минуваат само тролејбуски линии, додека сите останати автобуски линии би се движеле исклучиво по кружниот булевар околу центарот (Гоце Делчев - К.П Мисирков - Кочо Раци - Јужен бул/М.Х. Јасмин - Кл. Охридски). Значително ќе се намали бучавата и испуштањето на штетни прашини и честички во центарот на градот. Улиците во центарот кои би биле целосно ослободени од автобуси се: васил Главинов, Димитрија Чуповски, Васил Аџиларски и 11ти Октомври. Покрај ова, скопските централни булевари како Јане Сандански/К.Ј. Питу, Кочо Рацин, Гоце Делчев, Партизанска, Теодосиј Гологанов, Васил Ѓоргов, Првомајска... би биле значително растоварени од аспект на класично и бучно загадување.
-Цел е и да се исфрлат приватните превозници од градот. Се гледа дека не бидува и никој не може да ги узапти да бидат неточни, нелојална конкуренција која не издава сметки и укрива даноци, да возат со шклопоции диво низ цел град цело време тркајќи се со возилата на ЈСП... Со еден збор само создаваат хаос, а со автобусите ослободени од линиите кои би биле заменети со тролејбуси, би можело ЈСП да ги покрие сите градски и скоро сите приградски линии. Приватниците би останале делумно да го покриваат приградскиот превоз или да се овозможат услови да се префрлат во некои наши градови кои патат од недостаток на јавен транспорт.
-После купувањето на двоспратните и едноделните автобуси од страна на ЈСП, Скопје остана без дводелни автобуси, веројатно единствен град во Европа. Тоа е голема загуба (докажани се предностите на дводелните автобуси) и таа загуба би била покриена со дводелни тролејбуси кои би возеле на најдолгите и фрекфрентни линии кои и без тоа ЈСП претходно ги покриваше со вакви автобуси.
-Во комбинација со уште неколку мерки за за значително подобрување на јавниот транспорт во Скопје (краткорочни и ефтини мерки, но со голем ефект), како воведување на единствен елетронски билет со одредена важност во минути, воведување на строги жолти ленти со камери и/или бариери, уредување на станиците и воведување на електронско следење на возилата, мислам дека Скопје ќе го реши значително проблемот до воведување на ЛРТ мрежа во градот (процес кој трае и повеќе од 10 години дури и да започнеме со изградба сега и тоа на правилниот систем).

Во моентов пресметувам колку вкупно километри контактна мрежа ќе биде потреба, колку возила би се распоредиле на линиите (во какви комбинации), каде би било депото и колку сето тоа ќе изнесува. Набргу ќе ги споделам анализите со вас. До тогаш ви предлагам како го замислувам воведувањето на јавниот тролејбуски превоз во Скопје, низ 3 фази:

ФАЗА 1:



Во оваа фаза со мрежата се покриваат главните градски булевари во насока исток-запад и тоа на булеварите: Партизанска, Ѓорче Петров, Димитирја Чуповски, 11ти Октомври, Кочо Рацин, Јане Сандански, Водњанска, Александар Македонски и К. П. Мисирков. Со тоа линиите стануваат вкупно 7 (забележете дека се воведува привремена линија 25 која ќе има иста траса со сегашната автобуска линија 5, освен во делот во кој трасата оди долж бул. Теодосиј Гологанов. Ваквата состојба би траела до покривање на овој булевар со контактна мрежа во следната фаза).

Edited by Andrej_LJ - 28-Nov-2012 at 21:54

Ајде еден оваков резон:

И најголем морон ќе влезе во траката на тролебусот бидејќи тоа е само улица.
Но истиот кога ќе види дека има пруга можда малце виугите ќе му проработат па нема да се паркира на пруга.

Уште нешто од предходните постови;
- неможе истатиот напонски вод да иде за LRT и тролебус
- заобиколувањето на паркирани возила полно пати доведува до искакање на тролата од тролебусот па шоферот излегува надвор и повторно ја мести и повторно застој.

Трамваите на сред коловоз да, но тролејбуси на сред коловоз не, тоа ке е исто како да додадеш уште една лента (асфалтна) во средишното зеленило, а за посебна линија за тролејбусот мислам дека со овој менталитет нема да успее, ако се секаваш не успеа ни физичкото оделување на десната лената со гумени бариери на партизанска, а зошто, затоа што и понатака коли си прерипуваа преку нејзе за да се паркираат на десна страна, и понатака автобуси се претекнуваа со други возила преку нејзе, а баш ме интересира како ке вози тој тролејбус оти е на струја и кога напонските водови ке му бидат поставени на десна страна кај некоја станица, а пред него паркирана кола или друго возило, па не мислам дека ке се исклучи за момент од електричната мрежа за да го заобиколи тоа возило

што се буните за тролејбусиве во однос на метежот и брзината, кога намераваат и трамваите да ги лупнат на сред коловоз, а за под земја воопшто не се ни размислува? плус зарем не може да се направи и посебна линија за тролејбуси, како што може за трамвај? сепак било кое од овие решенија е прифатливо, зависи како ќе се изведе само, премногу ги мешате сите реалните планови за градскиот превоз со вашите идеи

но малку ми е нелогично локалните власти да подлегнуваат на мислењата на некоја фирма која само сака да направи поголем бизнис, а владава па уште запнале за двокатните, хаос, си играат со многу озбилна работа која доколку не биде испланирана како што треба ќе го закочи сообраќајот во Скопје воопшто

Не велам дека сакам ова, неќам она. Едноставно не ни требаат автобуси кој возат на струја и автобуси (ЈСП) кој возат на биодизел. Со овие два типа на автобуси или тролејбуси нема да се реши гужвата во сообраќајот и ефикасноста на тој јавен превоз, секој автобус е добредојден но решавањето на сообраќајот а со тоа и јавниот транспорт не треба да биде на начин кој го гледаме и сега по улиците. Ако се воведе тролејбус градските татковци ке кренат раце и од метро и од трамвај, мислејки дека проблемот е решен на подолг период, ке добиеме само два типа на автобуси еден на струја а друг на гориво и повтроно редици на автобуси и гужви по улициве. Сакам да напоменам дека не сум против тролејбусите но, сообракајов ке дојде до колапс со толку автобуси и автомобили по него. Ако, нека се заменат старите автобуси на јсп со овие новите што се нарачани па дури и нека набават тролејбуси но повторно ке има гужви и метежи, испаѓа дека не сме решиле ништо од ефикасноста на  јавниот транспорт, а со тоа и сообраќајот во Скопје.

Украинците не врбуваат и за нивни тролејбуси

Компанијата ЛАЗ сугерира двокатните автобуси да ги замениме со нивни тролејбуси

Деспина Трајковска


Владата да се откаже од намерите за набавка на двокатни автобуси и наместо нив, за потребите на градскиот сообраќај во Скопје, да набави тролејбуси. Со ваква порака владини претставници на Украина и од менаџментот на компанијата „Лвовски автобусни завод“ (ЛАЗ) изминатиов викенд ја испратија од Киев и Лвов македонската делегација предводена од министерот за транспорт и врски, Миле Јанакиески, која во Украина го потпиша договорот за набавка за 84 обични автобуси од ЛАЗ. Украинците се подготвени да произведат 200 тролејбуси за Скопје и во рок од три години да ги создадат и останатите технички услови за градскиот сообраќај да се поднови со овој вид превозно средство.

„Нашата фабрика има големо искуство во производство на тролејбуси со најголем век на експлоатација. Го предлагаме овој систем за решавање на градскиот превоз во Скопје откако ја разгледавме инфраструктурата на градот. Тролејбусот е најчисто, најефикасно и најевтино превозно средство за градски сообраќај“, рече Игор Малец, генералниот директор на ЛАЗ.

Истите препораки на Јанакиески му ги пренесоа и владините претставници на Украина.

„Дали би се разгледувала можноста за воведување тролејбуси во градскиот сообраќај во Скопје, зависи од одлуката на Град Скопје и од ЈСП. Инаку, Владата нема намера да се откаже од двокатните автобусите, а доказ за тоа е отворањето на понудите на тендерот на 15 февруари“, прокоментира Јанакиески, според кого, нормално е ЛАЗ, па и која било компанија да нуди свои производи на секој пазар.

Според министерот, досега немало договор ниту, пак, преговори за тролејбуси. Идејата воопшто не била разгледувана, иако Украинците во нивната неодамнешна посета на Скопје проектот го презентирале и пред градските власти. Тие нудат прво да изградат и да опремат тролејбусна електромрежа со трансформатор, терминал и тролејбусни станици. Според процените на ЛАЗ, за Скопје ќе бидат доволни 200 возила со низок под „електро ЛАЗ 20“, кои имаат по 46 седишта, а собираат 210 патници. Менаџментот на компанијата не прецизираше колку чини еден тролејбус, ориентационо биле двојно поскапи од обичните автобуси. Сепак, нуделе повеќе предности, работат на струја, што значи не ја загадуваат околината, бесшумни се, а може да возат без напојување дури два километра. При кочењето, вишокот енергија се враќа назад во мрежата и може да се користи од другите тролејбуси.

„Тоа е систем за рекуперација, со што потрошувачката се намалува за 42 отсто. Трошоците за изработка за тролејбуската линија се помали од тие за трамвајската, затоа што нема потреба од пруга или од издвоен пат, туку само воздушна контактна мрежа. Тролејбусите може лесно да ги заобиколуваат непрописно паркираните возила, што е чест проблем во Скопје“, објаснија од компанијата, која се занимава со производство на тролејбуси уште од 1992 година.

http://www.utrinski.com.mk/?ItemID=EA814D2139F09349B53B50C8205B51DB