build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Улично осветлување

Bookmark and Share
 Post Reply Post Reply Page  <1 567
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #121 Posted: 20-Dec-2020 at 13:58
СО 10.000 ЛЕД СВЕТИЛКИ НА СКОПСКИТЕ УЛИЦИ ЗА 70 ОТСТО ЌЕ СЕ НАМАЛИ ПОТРОШЕНАТА СТРУЈА ЗА ЈАВНО ОСВЕТЛУВАЊЕ

Град Скопје вгодина ќе стартува со реализиција на проектот за паметно осветлување на градот. Тоа подразбира инасталација на околу 10.000 нови ЛЕД светилки на сообраќајниците, плоштадите и јавните површини во надлежност на Градот, со што ќе го модернизира постоечкиот систем и ќе ја унапреди енергетската ефикасност.

„Согласно иницијалните анализи, замената на постоечките натриумови и живини светилки со ЛЕД светилки како извори на енергетско ефикасно осветлување и дополнително користење на опцијата за нивна паметна регулација на светлосниот интензитет, носи потенцијал за заштеди на потрошувачката на енергија за јавното осветлување од околу 70 отсто во однос на постоечкиот систем“, велат од Град Скопје.

Покрај паметното осветлување, предвидено е изработка на платформа за дигитален град, која подразбира изработка на систем за паметно паркирање, систем за мониторинг на квалитетот на воздухот, систем за јавно мислење и задоволство на граѓаните, систем за паметно мерење на потрошувачка на вода, како и Градски портал.

Системот дигитален град и паметно осветлување ќе го спроведува „Македонски Телеком“ кој го доби тендерот вреден 5,5 милиони евра. Од Град Скопје објаснуваат дека во договорот потпишан со „Македонски Телеком“ е предвидено исплатата да оди етапно односно откако ќе почнат да се реализираат заштедите од потрошената струја

https://sdk.mk/index.php/dopisna-mrezha/so-10-000-led-svetilki-na-skopskite-ulitsi-za-70-otsto-ke-se-namali-potroshenata-struja-za-javno-osvetluvane/
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #122 Posted: 20-Dec-2020 at 14:08
Originally posted by stef4o

СО 10.000 ЛЕД СВЕТИЛКИ НА СКОПСКИТЕ УЛИЦИ ЗА 70 ОТСТО ЌЕ СЕ НАМАЛИ ПОТРОШЕНАТА СТРУЈА ЗА ЈАВНО ОСВЕТЛУВАЊЕ


За секое добро има и лошо:


*WHERE ARE THE STARS? SEE HOW LIGHT POLLUTION AFFECTS NIGHT SKIES

*An Investigation of LED Street Lighting’s Impact on Sky Glow

Originally posted by stef4o


Покрај паметното осветлување, предвидено е изработка на платформа за дигитален град, која подразбира изработка на систем за паметно паркирање, систем за мониторинг на квалитетот на воздухот, систем за јавно мислење и задоволство на граѓаните, систем за паметно мерење на потрошувачка на вода, како и Градски портал.


Now that's impressive. За жал сите знаеме како ќе заврши.
Arguing on the internet is like running at the special olympics. Even if you win, you're still retarded.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #123 Posted: 02-Feb-2021 at 10:18
Во Стар Аеродром на ул,Пандил Шишков







https://www.facebook.com/jassumodopstinaaerodrom
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #124 Posted: 09-May-2021 at 17:19
Јавното осветлување на сред тротоар на улица 172 – Тетовци: Подобро да не ги ставаат воопшто, отколку да се шегуваат



https://mk.tv21.tv/javnoto-osvetluvane-na-sred-trotoar-na-ulitsa-172-tetovtsi-podobro-da-ne-gi-stavaat-voopshto-otkolku-da-se-sheguvaat/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #125 Posted: 09-Jul-2021 at 17:55
ГРАД СКОПЈЕ ПОЧНА ДА ПОСТАВУВА НОВИ УЛИЧНИ ЛЕД СВЕТИЛКИ, ЛЕТОВО ЌЕ БИДАТ ЗАМЕНЕТИ СИТЕ 10.000

Градот Скопје почна со поставување на нови ЛЕД светилки за улично осветлување на градот. Промената на старите светилки почна на улицата Рузвелтова на потегот од улицата Васил Ѓоргов до Зоолошката градина, каде се поставени 43 светилки. Како што соопшти Град Скопје, во текот на летото ќе биде заменето целото улично осветлување низ градот.

„Поставувањето ЛЕД светилки за улично осветлување на градските сообраќајници е дел од проектот ‘Паметен град‘ кој го реализира ‘Македонски телеком‘, со помош на најсовремена технологија, која е уникатна не само за земјава туку и за регионот. Инсталацијата на ЛЕД светилките продолжува на булеварот Илинден, на потегот од Зоолошката градина до мостот Гоце Делчев. Со промената на уличното осветлување трошоците ќе се намалат за 70 отсто“, велат од Град Скопје.

Со проектот е предвидено да се постават околу 10.000 ЛЕД светилки и да се дигитализира системот за осветлување, при што со помош на паметните алатки осветлувањето ќе свети или ќе осветлува онолку колку што во моментот е потребно, зависно од движењето на луѓето и затемнетоста на околината.

„Овој проект освен паметното осветлување опфаќа и други модули кои го сочинуваат ‘Паметен град’ и кои се во тек на имплементација, како паметното трошење вода, паметен паркинг, поддршка на корисници, контакт центар и квалитет на воздух“, велат од Град Скопје.

https://sdk.mk/index.php/dopisna-mrezha/grad-skopje-pochna-da-postavuva-novi-ulichni-led-svetilki-letovo-ke-bidat-zameneti-site-10-000/
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 873
  Quote hcitrS Quote  Post ReplyReply #126 Posted: 09-Jul-2021 at 22:57
Originally posted by stef4o

ГРАД СКОПЈЕ ПОЧНА ДА ПОСТАВУВА НОВИ УЛИЧНИ ЛЕД СВЕТИЛКИ, ЛЕТОВО ЌЕ БИДАТ ЗАМЕНЕТИ СИТЕ 10.000

Градот Скопје почна со поставување на нови ЛЕД светилки за улично осветлување на градот. Промената на старите светилки почна на улицата Рузвелтова на потегот ...

...

Со проектот е предвидено да се постават околу 10.000 ЛЕД светилки и да се дигитализира системот за осветлување, при што со помош на паметните алатки осветлувањето ќе свети или ќе осветлува онолку колку што во моментот е потребно, зависно од движењето на луѓето и затемнетоста на околината.

„Овој проект освен паметното осветлување опфаќа и други модули кои го сочинуваат ‘Паметен град’ и кои се во тек на имплементација, како паметното трошење вода, паметен паркинг, поддршка на корисници, контакт центар и квалитет на воздух“, велат од Град Скопје.

https://sdk.mk/index.php/dopisna-mrezha/grad-skopje-pochna-da-postavuva-novi-ulichni-led-svetilki-letovo-ke-bidat-zameneti-site-10-000/



Со оглед на стопостотната порозност на државните сајтови и ИТ инфраструктура прашање на време ќе биди кога пар деца со помош на јутјуб туториали ќе почнат да гаснат струја во цел град    
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #127 Posted: 08-Sep-2021 at 10:36
Поскапе комуналната такса: Место по 149 денари, за улично осветлување одат по 168 денари

Износот на комуналната такса е променет според одлуката донесена од Регулаторната комисија за енергетика и водни услуги, согласно која се променија и останати тарифи со годинешното поскапување од 12,3 проценти, велат од ЕВН

Со зголемување на цената на електричната енергија, се зголеми и комуналната такса за јавното осветлување што ја има во секоја сметка за струја, испратена до домаќинствата. На новите сметки може да се забележи дека комуналната такса сега е 168 денари, а претходно беше 149 денари.

Во ЕВН објаснуваат дека, како што се променија износите на сите тарифи со поскапувањето на цената на струјата, така се промени и оваа ставка за јавно осветлување.

https://www.slobodenpecat.mk/poskape-komunalnata-taksa-mesto-po-149-denari-za-ulichno-osvetluvanje-odat-po-168-denari/?fbclid=IwAR0gRMsWJg0r7hcv2FiTsVckTaSwxEFTGqeDkOehcNBPoSfV4WjtYnMpy2M
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #128 Posted: 28-Oct-2021 at 17:20
Преку ден запалени сите улични светла на булеварот Никола Карев



Преку ден се запалени сите улични светла од обете страни на булеварот Никола Карев во Скопје.

Во време кога на големо се дебатира за потрошувачката на електрична енергија, секое неразумно трошење струја е луксуз.
Овој булевар пред неколку месеци беше и официјално пуштен за сообраќај, по неговото проширување и реконструкција, а поставено беше и ново лед-осветлување од двете страни.

https://www.novamakedonija.com.mk/makedonija/skopje/преку-ден-запалени-сите-улични-светла/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #129 Posted: 28-Oct-2021 at 22:13
па добро, реално диоди се, колку може да потрошат?
Architects create dreams...politicians create nightmares
Back to Top
JovanOdGjorche View Drop Down
Senior Member
Senior Member
Avatar

Joined: 13-Oct-2012
Location: Скопје
Online Status: Offline
Posts: 511
  Quote JovanOdGjorche Quote  Post ReplyReply #130 Posted: 29-Oct-2021 at 11:43
Има се - може се, нека светат!
And something, somewhere was lost in 1938...
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #131 Posted: 31-Oct-2021 at 21:46
Originally posted by JovanOdGjorche

Има се - може се, нека светат!
не го оправдувам, ама имало далеку полоши десинхронизации од оваа што трошеле многу повеќе енергија, за толку наслов да се пишува за ова
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #132 Posted: 03-Nov-2021 at 18:23
Ова е ул. Ѓуро Ѓоновиќ у Маџир Маало. Пет дена нема осветлување.



https://twitter.com/MojCentar
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #133 Posted: 13-Feb-2022 at 09:19
Во Кичево на полноќ се гасат светлата, градот во темница – Дехари: Имаме рестрикции на осветлувањето поради енергетската криза



Во Кичево на полноќ се гасат светлата. Градот е во целосна темница, кога на полноќ ќе дојде до прекин на јавното осветлување. Градоначалникот Фатмир Дехари, вели дека како резултат на светската криза со електрична енергија, донеле одлука за воведување рестрикции. Како што објаснува, јавното осветлување во Кичево почнува во 17:30 и трае до 23 во селата, а во градот до полноќ. Но, на снимките на ТВ21 јасно може да се види дека и по 17:30 има населби и села кои се без осветлување.

„Во споредба со претходната година, во декември јавното осветлување беше трипати поскапо и се очекува сметката за јануари-февруари која ќе стигне за 10-тина дена да биде дури до шестпати повисока. Согласно овој тренд значи дека до месец јуни општината ќе „потоне“ во долгови и нема да може да ги реализира приоритетите на месните заедници, главните барања кои ги предвидовме во Буџетот на општината. По ова известување, сите се договоривме да почнеме да делуваме рационално, односно да го ставиме во прекин јавното осветлување во одреден период“, истакна Фатмир Дехари.

Дехари се осврна и на фактот што граѓаните плаќаат по 185 денари за јавно осветлување. Вели дека овој данок не е зголемен и покрај поскапувањето на електричната енергија.

„Слушам гласини дека плаќаат данок кон општината. Да, тоа е факт, но доколку направиме споредба меѓу поскапувањето на електричната енергија, зголемувањето на сметките за јавно осветлување и данокот на граѓаните, тогаш ќе видиме дека ние не злоупотребуваме на ниту еден начин. Владата на РСМ не го зголеми данокот согласно поскапувањето на електричната енергија за да ги покрие трошоците, поради тоа ние правиме ваков вид прекин“, додава Фатмир Дехари.

Во општина Кичево во процес на реализација е проектот „Smart light” осветлување или паметно осветлување, кој се очекува да има економично влијание врз буџетот на граѓаните.

https://mk.tv21.tv/vo-kichevo-na-polnok-se-gasat-svetlata-gradot-vo-temnitsa-dehari-imame-restriktsii-na-osvetluvaneto-poradi-energetskata-kriza/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #134 Posted: 28-Apr-2022 at 13:16
ОД 1 ДО 5 ЧАСОТ НЕМА СВЕТЛО ВО КАРПОШ, ЈАКИМОВСКИ ВЕЛИ МОРА ДА СЕ ШТЕДИ ИЛИ ЖИТЕЛИТЕ ЌЕ ПЛАЌААТ ПОГОЛЕМИ СМЕТКИ

Од 1 до 5 часот на територијата на Општина Карпош се гаси уличното осветлување и улиците се во мрак. Градоначалникот Стевчо Јакимовски вели дека оваа мерка е воведена оти мора да се штеди, откако сметките за струја се трипати зголемени поради енергетската криза. Во 2020 и 2021 година за улично осветлување биле потрошиле 13 милиони денари за цела година, а сега толку пари се потрошени само во првите три месеци.

„Сметките кои биле 2 милиони денари сега ни се 7 милиони денари. Тоа се пет милиони денари плус секој месец, односно 80.000 евра. Јас, како одговорен субјект кој ја води оваа општина, имам на располагање две можности. Првата можност е да штедиме, а втората можност е да ја покачиме цената за улично осветлување, односно вие како граѓани сега плаќате по 150 денари по тарифно броило за улично осветлување, а во иднина би требало да плаќате околу 500 денари за да можеме да ги покриеме трошоците. Ако граѓаните инсистираат на таа варијанта тогаш јас сум подготвен да одиме на референдум па како ќе одлучат граѓаните така, сакаат да штедиме или сакаат сметките да бидат поголеми“, вели Јакимовски.

Светлото се исклучува од 1 до 5 часот, и со тоа се заштедуваат околу 30 проценти од сметката. Јакимовски смета дека нема ништо лошо ниту на некого се одразува тоа што се гаси светлото после полноќ.

„Претпоставувам и вие дома штедите бидејќи е криза и војна. Кафеаните работат до полноќ, ние гасиме светло во 1, часот што сметаме дека е доволно време сите кои одат во кафеани да се вратат дома. Да ги имаме парите, па ај да речеме ќе плаќаме волку високи сметки. Но, ги немаме и доколку не штедиме треба да прекинеме со другите проекти. Сметам дека граѓаните не се воопшто оштетени“, вели Јакимовски.

Карпош е прва Општина која презема мерки за штедење поради енергетската криза. Од почетокот на годинава, Општините преку Заедницата на единици на локална самоуправа (ЗЕЛС) во неколку наврати бараа помош од Владата, велејќи дека немаат начин како да ги покријат сметките. Од Владата им порачаа дека мораат да штедат и да најдат други начини за зголемување на приходите, а не само да бараат помош.

https://sdk.mk/index.php/dopisna-mrezha/od-1-do-5-chasot-nema-svetlo-vo-karposh-jakimovski-veli-mora-da-se-shtedi-ili-zhitelite-ke-plakaat-pogolemi-smetki/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #135 Posted: 08-May-2022 at 12:54
ЈАКИМОВСКИ СО НОВ МОДЕЛ НА ШТЕДЕЊЕ, НАВЕЧЕР ЌЕ ИМА СВЕТЛО ВО КАРПОШ, НО ЌЕ СВЕТИ СЕКОЈА ВТОРА СВЕТИЛКА

Градоначалникот на Општина Карпош Стевчо Јакимовски го смени моделот на штедење струја. Од овој викенд нема целосно да се исклучува уличното светло навечер туку ќе свети секоја втора светилка.

„По барање на граѓаните, имав средба со урбаните заедници и беше предложен нов модел на штедење односно да не се исклучува целосно светлото. Фирмата која го одржува уличното светло кажа дека постои можност да свети секоја втора светилка. Почнувајќи од викендов, светло ќе има од 19.45 до 4.45 часот“, вели градоначалникот Јакимовски.

Поради енергетската криза сметките за струја на Општините се по трипати повисоки за разлика од претходно. Општина Карпош е прва Општина која воведе начин на штедење. Првичната одлука беше да се гаси целосно светлото после 1 часот по полноќ со што заштедата е околу 30 отсто.

„Сметките кои биле 2 милиона денари сега ни се 7 милиони денари. Тоа се пет милиони денари плус секој месец, односно 80.000 евра. Јас, како одговорен субјект кој ја води оваа општина, имам на располагање две можности. Првата можност е да штедиме, а втората можност е да ја покачиме цената за улично осветлување, односно вие како граѓани сега плаќате по 150 денари по тарифно броило за улично осветлување, а во иднина би требало да плаќате околу 500 денари за да можеме да ги покриеме трошоците. Ако граѓаните инсистираат на таа варијанта тогаш јас сум подготвен да одиме на референдум па како ќе одлучат граѓаните така, сакаат да штедиме или сакаат сметките да бидат поголеми“, рече Јакимовски пред две недели по реакциите на граѓаните зошто Карпош е во мрак.

Од почетокот на годинава, Општините преку Заедницата на единици на локална самоуправа (ЗЕЛС) во неколку наврати бараа помош од Владата, велејќи дека немаат начин како да ги покријат сметките. Од Владата им порачаа дека мораат да штедат и да најдат други начини за зголемување на приходите, а не само да бараат помош.

https://sdk.mk/index.php/dopisna-mrezha/jakimovski-so-nov-model-na-shtedene-navecher-ke-ima-svetlo-vo-karposh-no-ke-sveti-sekoja-vtora-svetilka/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #136 Posted: 10-May-2022 at 13:59
ЗА УЛИЧНО ОСВЕТЛУВАЊЕ ОПШТИНА ВЕЛЕС ЗА ШЕСТ МЕСЕЦИ ПЛАТИЛА 400.000 ЕВРА ПОВЕЌЕ ОД ЛАНИ

Општина Велес за шест месеци платила 25,7 милиони денари (над 400.000 евра) повеќе од платените сметки за претходната година за улично осветлување. Толкави се пресметките кои локалната власт ги направи за изминатиот период, откако универзалниот снабдувач на 30 септември лани еднострано го прекина договорот, па струјата ја набавуваа на слободниот пазар по берзански цени.

„Општина Велес беше силно погодена од едностраното раскинување на договорот од набавувачот и набавката по берзанска цена. Сметките од 1 и 1,5 милиони денари, пред енергетската криза стасаа до осум милиони денари. Новите сметки се сериозна сума на средства, општинскиот буџет е лимитиран. Сметките ги плаќавме со средства кои ги пренаменивме, а беа за решавање на комунални проблеми, за спорт, рекреација, за култура. Не сакавме да одиме на рестриктивни мерки, гаснење на струјата во одделни делови на градот“, кажа градоначалникот Марко Колев.

Тој кажа дека со исплатените пари за улично осветлување, изгубени се реконструкции на улици, загаснаа одделни програми од буџетот.

„Добро е тоа што во 2020 година кога ЈП ‘Парк, спорт’ се трансформираше и за паркинзи, била додадена шифра за дејност улично осветлување. Ја искористивме таа можност и уличното осветлување го делегиравме на ова ЈП и од април сметките кои ги добиваме се далеку со помала вредност. Плаќавме 20 денари за киловат, а со новата состојба ќе плаќаме 7 денари, што е многу голема разлика. Сметката за април очекувам да биде помеѓу 1,5 до 2 милиони денари и со тоа можеме да ги сервисираме долговите“, кажа Колев.

Со одлука на Советот, од април сметките за улично осветлување се префрлени на ЈП „Парк, спорт и паркинзи“ кое, бидејќи е до 50 вработени со приход до 2 милиони евра, може да набавува електрична енергија на регулираниот пазар. Таму државата дала можност цените да ги определува Државната комисија за енергетика и тие во пракса се под на берзанските.

https://sdk.mk/index.php/dopisna-mrezha/za-ulichno-osvetluvane-opshtina-veles-za-shest-mesetsi-platila-400-000-evra-poveke-od-lani/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #137 Posted: 10-Dec-2023 at 15:32
ЗА 2 МИЛИОНА ЕВРА ОПШТИНА ЦЕНТАР ЌЕ ПРАВИ ПАМЕТНО УЛИЧНО ОСВЕТЛУВАЊЕ

Општина Центар ќе ги менува уличните светилки и ќе поставува систем на паметно осветлување на целата нејзина територија. Општината на 5 декември склучила договор со компанијата „А1 Македонија“ за систем за администрација, дигитализација и реконструкција на јавното осветлување за паметно мерење и управување со електрична енергија-паметни ормари.

Според договорот објавен на страната на Бирото за јавни набавки, Општина Центар ќе плати 2 милиона евра за имплементација на овој проект. На тендерот учествувале две фирми, „А1 Македонија“ и „Турбоинженеринг“, а како подобра е избрана понудата на телекомуникацискиот оператор.

„А1 Македонија“ треба да направи детална анализа, изготви техничко решение за имплементација на проектот и да испорача ЛЕД светилки, мрежа и комуникациска опрема, апликација и останати материјали потребни за инсталирање и непречено функционирање на системот. Треба да направи демонтажа на постоечките светилки, да ја обезбеди потребната инфраструктура, вклучувајќи хардвер, софтвер, база на податоци и лиценци потребни за административна дигитализација, реконструкција на системот за јавно осветлување и работа на системот за паметно мерење и управување со електричната енергија-паметни ормари.

Според договороот, компанијата треба да обезбеди гаранција и потполна функционалност на сите испорачани хардверски и софтверски компоненти во текот на целото времетраење на гарантниот рок од 36 месеци, како и да изврши обука на вработените.

Траењето на договорот е 48 месеци.

https://sdk.mk/index.php/dopisna-mrezha/za-2-miliona-evra-opshtina-tsentar-ke-pravi-pametno-ulichno-osvetluvane/
Carpe diem
Back to Top
 Post Reply Post Reply Page  <1 567

Forum Jump Forum Permissions View Drop Down



This page was generated in 0.109 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.