Преферирана архитектура

 

Незнам од акде ти е приемров, немаш поставено никаква референца? Во секој случај од релевантни извори на интернет:

Универзитет Колумбија - http://www.learn.columbia.edu/ha/html/baroque.html

Енциклопедиа Британика - ttp://www.britannica.com/EBchecked/topic/1352473/Baroque-architecture

Essential Architecture - http://www.essential-architecture.com/STYLE/STY-B03.htm

architecture.about.com - http://architecture.about.com/od/periodsstyles/ig/Historic-Styles/Baroque.htm

The Free Dictionary - http://encyclopedia2.thefreedictionary.com/Baroque-style

 

Никаде не пишува дека во Македонија некогаш се развивал и негувал Барокот во градителството. Тоа што вие го викате Барок (нека помогнат архитектите и историчарите на уметност на форумов) се вероватно неокласицизам, art nouveau, или едностравно чорбаџиска куќа инспирирана од некои од овие стилови но во никој случак главен претставник.

 

Што се однесува до забелешките до и кон архитектите, морам да се сложам донекаде со тебе и лсл, и сметам дека недоволно не едуцираат нас обичните граѓани во придобивките од нивната професија, распознавањето на овие стилови (вероватно би требало и да се изчуваат во школо). Мислам дека како и сите останати професии мора да се симнат на наше ниво и  да ни ја претстават професијата, да не едуцираат а со тоа и ние (даночни плаќачи, инвеститори, политичари, гласачи, обични смртници) ќе имаме посоодветни критериуми, а тие подобра инспирација за работа во иднина.

 

Значи претходно не ни чинеа нашите архитекти, професори, урбанисти, сега не ни чинат ни странците? Негледам причина после сите овие неиздржани тези да ја продолжам дискусијата. Живеј во паралелен свет убеден дека Ристичева палата е врв на светската архитектура, барок на кој и фонтаната  Треви и Св. Петар катедралата можат да и позавидеат, ако можеш и самиот да поверуваш во ова.

 

Значи прво да расчистиме една основна работа. Нити една од овие градби не датира од 18 или 19ти век, сите се од 20тиот век. Друго, повеќе пати напоменавме а и архитективе на форумов ти посочија, овие градби не се Барок. Вероватно најблиску до Барок би бил сарајот во Ресен, кој исто така е изграден на почетокот на 20 век, од турски бег кој студирал во Париз и сакал да направи некаква мини копија на двоцеот во Версај. Дали можеби знаеш дека и Ристичева палата, и Хотел Српски Краљ, и Театарот и офицерски дом и Народна банка, се изградени во предбивша Југославија од Србите во 20тите години од минатиот век?

 

И незнам зашто упорно сметаш дека мене ми се допаѓало Скопје пред да започне проектов СК2014? И мене ме нервирала запуштеноста, ладниот изглед на голем дел згради, не су ни некој фан на брутализмот, но факт е дека форсирањето на барок/неокласицизам во огромна мерка 99% од проектите во СК2014, говори лошо за нашата традиција, нашата исфрустрираност и инфериорност. Се гордееме на објекти помлади од нашите баби и дедовци кои имале животен век од 30-40 години пред да бидат урнати во 1963. Се што ДавеГахан се обидува да ти посочи е дека тие немале ништо посебно вредност ни во периодот во кој биле изградени, бидејќи доцнеле барем 150 години зад сличниот стил на градба во Европа. Се согласувам со сите вас дека не требале да се урнат по земјотресот (или тие што биле крајно оштетени требале да се санираат). Но од овие 2-3 објекта ние да правиме сега цел филм како сме традиционално поврзани со Барокот е во најмала рака неодговорно и смешно. Од друга страна, да не бидам окарактеризиран како плукач на Македонското, изворното, само ќе посочам дека Скопје и Македонија имаат со што да се гордеат. Каков сакаш наречи го ти стилот на Турска чаршија, Св Пантелејмон, извонредното уметничко дело од светски калибар во иконостасот во Св. Спас, Калето, Аквадуктот, прекрасни отомански џамии од 15-16 век и сл. Верувај ми, тоа е она изворното од овие простори, кое сакаат туристите од западна европа да го видат. Тоа е она со кое треба да се гордееме и фалиме, не искомплексирано да копираме копии на Барок само да докажеме дека и ние сме културни. Токму спротивното со ова го докажуваме, а притоа не си го цениме изворното.

 

Сфати ме како сакаш, се надевам дојден си на форумов да споделуваш идеи, мислења, критики и да научиме сите по нешто од поискусните и поупатените во овие професии. Затоа немам во план да дебатирам понатака само ја оптеретуваме нишкава и форумов и чувствувам како да полека тежнееме накај политика која верувај ми не би сакал да влезе на форумов.

П