build.mk Homepage
Forum Home Forum Home > Главни теми > Проекти > Верски
  Active Topics Active Topics
  FAQ FAQ  Forum Search   Register Register  Login Login

Обнова на манастирот Св. Јован Бигорски

Bookmark and Share
 Post Reply Post Reply Page  <12345 6>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #41 Posted: 03-Oct-2010 at 12:10
Бигорски манастир

Воскресение една година по пожарот

Новото здание на манастирот Св. „Јован Бигорски“ пленува со внатрешната и со надворешната архитектура, што ќе биде спојка на Долниот со Горниот палат. Монашкото братство очекува целосното возобнување на изгорениот Горни палат да се случи за две години

Киро Кипроски

Големината на Бигорскиот манастир е што живее во народот. Бигорскиот манастир има внатрешна сила, магија, магнетни полиња да го привлекува народот, кој е нераскинлив дел на десетвековното опстојување. Тоа се докажа низ богата историјата, а се потврди и по катастрофалниот пожар што се случи минатата година на последното септемвриско утро. Огнените јазици го проголтаа Горни палат, најубавиот дел на комплексот Бигорски манастир. И во минатото имало пожари. Голем пожар се случил во 1912 година кога целосно изгорел Долен палат. Но, македонскиот народ секогаш успевал изгореното, оштетеното, урнатото да го возобновува, а притоа водел голема грижа да се зачува автентичноста на мијачка архитектура на ова прочуено македонско древно светилиште, што претставува бисер над бисерите на македонското градителство и на духовното творештво. Кога Бигорскиот манастир треба да си го врати вистинскиот сјај, како што изгледаше пред пожарот. И не само тоа, туку ќе биде поцврст и поубав со вградување поквалитетни материјали, во споредба со оние кога се градел, пред два века.

Огнените јазици го проголтаа најмаркатниот дел на Бигорскиот манастир каде што се наоѓаа: манастирските конаци, големата трпезарија, гостинските одаи, кујната, библиотеката, монашките ќелии, галеријата на икони, магацинот за храна.

Во 1814 година, по нарачка на тогашниот игумен на манастирот, галичанецот Арсениј, на северниот дел од манастирскиот комплекс, веднаш до црквата посветена на свети Јован Крстител, започнала изградбата на Горни палат. Во приземјето беа сместени економските простории. Од приземјето со внатрешни скали се доаѓаше на првиот кат, каде што се наоѓаше простран чардак, од каде што се влегуваше во осум простории, во кои се наоѓаа калуѓерските ќелии. И на вториот кат имаше средишен простран чардак и се доаѓаше поконзолно - еркерно исфрлени дрвени скали однадвор. На ова ниво се наоѓаа 11 простории, тука беше и владичката одаја. На северната страна се наоѓаа архивата и библиотеката.

Од првиот ден по пожарот, од изгрејсонце, со кукурикањето на првите петли, па се' до паѓањето на мракот, манастирскиот мир се' уште го нарушуваат татнежите на машините, ѕвекањето на ударите на теслите, чеканите и на другите алатки на градежниците. Бигорски претставува големо градилиште. Се расчистуваат остатоци од пожарот на Горни палат. Се работеше внимателно да не се оштети, да не се урне она што беше останато. Илјадници кубици на камени плочи, камен, гареж, пепел, недогорени греди беа исчистени и однесени во депонија. Паралелно со тоа мошне интензивно се изведуваат работите на новиот комплекс - Источен палат.

Процесот на реконструкција на опожарениот Горни палат наскоро ќе продолжи со зголемен интензитет. Проектот, кој е во надлежност на Националниот конзерваториски центар, според информациите од овој Центар, се наоѓа во завршна фаза, остануваат формалностите, да се стават последните потписи од управата на Центарот. Во меѓувреме, додека се работеше на изработката на проектот беше дозволено да се работи на санација на ѕидовите, со вклучување постапка на инјектирање, трокретирање и на други конзерваториски работи. Просторот каде што се наоѓаше големата трпезарија времено е покриен со лимен покрив, а ѕидовите со најлон, за да се заштитат од врнежи на дожд и од паѓање на снег, се' со цел да не се нанесат нови штети.

Игуменот на Бигорскиот манастир, архимандритот Партениј, во првите мигови по пожарот на монашкото братство им рече: „Светите отци велат дека посилниот го чека и поголемо искушение. Затоа ние не очајуваме, туку му благодариме на Бога за се' што ни се случи. Веднаш по трагичното утро на пожарот, следниот ден отслуживме света Божествена Литургија, на која се измоливме на Бога за поддршка и на која благодатно ни се даде сила за нов почеток. Секој манастир е граден со молитва, така што и Бигорското светилиште отсекогаш било градено со молитва и заради молитвата. Така е и денес. Се' што правиме и градиме е да послужи за духовни цели.”

Седиме на чардакот на Долен палат, пред нас ги гледаме голите ѕидови на изгорениот палат, од десната страна погледот ни го пленат новите чардаци и архитектурата на Источен палат, во кој пред неколку дена се вселија монасите, а од левата страна високо се извишува Крчин, а долу, под манастирот, тече реката Радика, откаде се разлева шумот на бистрите води. Во извонреден амбиент го водам разговорот со архимандритот, кој 15 години од животот вложи за просперитет на Бигорски и во мисија за духовно издигнување на верниците не само на регионот на Мијачијата, туку и на Долна и Горна Река, Мавровско, Полошко и пошироко. На прашањето колку се проценуваат штетите од пожарот, што се' отиде во неповрат, игуменот Партениј се подзамисли, наеднаш неговото лице доби друг лик. Тешко му е да се потсетува на 30 септември 2009 година. Но, сепак, ја отвори душата и почна да говори.

„Пред да одговорам на прашањето, би сакал да ве потсетам за тоа во каква состојба го затекнав Горни палат, кога дојдов во 1995 година. Тогаш немаше никаква инфраструктура, ни основен инвентар за живеење. Покривот протекуваше, а монашките ќелии и другите простории беа во толку запуштена состојба , што беше потребна итна интервенција во поглед на нивната обнова и оспособување за престој во нив. Така, во овие изминати 15 години направивме многу за да се зачува она што нашите славни претци ни го оставиле во завет. Тука не можам, а да не ги спомнам фреските од Михаил од Самарина и неговиот син Димитриј, подоцна Данаил, вистинско ремек-дело за кое најмногу жалиме. Секако, не помалку вредна беше и прекрасната архитектура на Горен палат. Тоа се нешта на кои не би сакал да ставам цена, бидејќи ги сметам за непроценливи. Сепак, наеднаш по пожарот, стручен тим од Националниот конзерваториски центар ја проценија духовно - материјалната штета на околу 5,5 милиони евра. И повторно ќе нагласам дека ако не беше пожртвуваноста на нашето братство, кое од галеријата ги спаси речиси сите вредни икони , кои датираат од 17 век, загубата ќе беше многу поголема. А во поглед на библиотеката, книгите кои изгореа во пожарот беа понови изданија, собирани по нашето доаѓање, од 1995 година. Постарите ракописи и архивски материјали се' уште постојат и се наоѓаат во повеќе архиви низ Републикава и надвор, а највредните експонати се сместени во музеј во Скопје.

Координатор и главен архитект, одговорен за изготвувањето на проектот за возобнова на Горни палат е дипл.инг.арх. Ѓурѓица Лековска, која е мошне искусна во поглед на бигорската архитектура. Таа ги има подготвено проектите за изградбата на Долен палат и за новиот Источен палат, што се наоѓа во завршна фаза.

Според зборовите на игуменот Партениј, од самиот почеток архитектката Лековска формираше стручен тим на архитекти, кои сериозно се вдлабочија во изготвувањето на колку што е можно подетален проект. Голема помош им беше богатата архивска документација, која претставуваше одлична основа за овој комплексен архитектонски потфат. Освен тоа, во процесот на изготвувањето на проектот постојано беше консултирано и нашето братство, а не изостанува ни големата поддршка од министерката за култура Елизабета Милеска - Канчевска, од Паско Кузман, директор на Републичкиот завод за заштита на културното наследство и на Бехиџудин Шехапи, директор на НКЦ.

Поради комплексноста на самиот проект и крајно сериозниот, професионален пристап кон објектот, појаснува отец Партениј, изготвувањето на проектот трае цела година. Но, според нив, колку што е проектот подетален и покомплетен, толку полесно и со помалку проблеми ќе биде и самата изведба. А крајна цел е обновениот конак да ја задржи во целост идентичноста и автентичноста со опожарениот конак, како во поглед на екстериерот, така и на енериерот. „Тоа е и нашата цел“- категоричен е архимандритот Партениј.

За возобновувањето на Горни палат, според проценките потребни се околу 3,5 милиони евра, сметајќи ги тука и сите уметнички детали и украси, како што се резбаните тавани, фреските во трпезаријата и други орнаменти, како специфични елементи на бигорскиот ентериер. Исто така, изработен е проект за гостински конак, кој ќе се гради кај паркингот, пред првата манастирска порта, кој е потребен поради се' поголемиот број верници и туристи што сакаат да престојуваат во манастирот. Со реализацијата на овој зафат целосно ќе се заокружи комплексот на Бигорскиот манастир.

Од средствата што се собираат, монашкото братство се' уште вложува за докомплаетирање на Источниот палат.

Игуменот Партениј ни вели дека Бигорскиот манастир финансиски го поддржува и својот метох во дебарското село Рајчица, посветен на св. Георгиј Победоносец (женски манастир) и не можат да се потпрат само на средствата од Владата, туку и во оваа пригода преку ја користи можноста да ги повика сите родољубиви православни Македонци, да се вклучат во изградбата на овој наш голем духовен бисер, со што би дале и својот придонес во мисијата за духовната преродба на нашиот народ. Ако се' тече по својот ред, процесот на возобнова на Горни палат, би завршила за околу две години.

„Ова наше големо искушение уште еднаш ни ја покажа љубовата кон верата на народот“, со задоволство ни вели отец Партениј. Благодарение на многу луѓе, кои веднаш по пожарот се вклучија во анимирање на целата јавност преку естрадата, медиумите, кон акцијата за помош на бигорската светиња, се придружија луѓе со различни професионални определби, кои го поддржаа сето она што манастирот го прави за својот народ, (работа со млади зависници, секојдневна ангажираност во мисијата за зголемување на духовноста, помагање на сиромашните лица и др.) Средствата што беа собрани не беа доволни ни за довршување на Источен палат, но монашкото братство со голема пожртвуваност успеа да го изгради овој конак. Според пресметките, беа потребни 1,5 милиони евра, бидејќи се работи за многу специфична и сложена градба (камени ѕидови, сложени изведби од дрво на фасада и сл.). Со добра организираност и со донации во материјали од многу фирми и со доброволна работа на многу верници, конакот со 3.600 квадратни метри беше изграден за само 300.000 евра.

Новото здание пленува со внатрешната и надворешната архитектура, кое ќе биде спојка на Долниот со Горниот палат. Источен палат има три ката, во кои се наоѓаат 20 монашки ќелии, параклис посветен на св. Никола, манастирска библиотека од 500 квадратни метри, саат - кула со зографилница висока десеттина метри, на која ќе бидата поставени часовници кои ќе го означуваат времето на почетокот на богослужбите, магацински простор и репрезентативни одаи.

Досието „Бигорски“ за можните сторители на пожарот беше затворено во средината на јули, годинава. Гостиварското Јавно обвинителство по темелно испитување и детални истраги и вештачење на предмети од електричната инсталација, катанци, брави и друго, констатира дека пожарот е несреќен случај и нема место за покренување истрага. Испитувањата на стручните екипи покажале дека причина за пожарот била кусата врска на дел од старата електрична инсталација, која минувала под кровот на галеријата на средишниот дел на Горен палат и под дејство на искрење, дошло до палење на изолацијата.

http://www.utrinski.com.mk/?ItemID=8D6789F72B30B64FB72564865FAEB745
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #42 Posted: 08-Jan-2011 at 12:20

Се враќа сјајот на Бигорски манастир

Монтирањето на чардаците се планира за средината на оваа година

Киро Кипроски


СВЕТИ ЈОВАН БИГОРСКИ - Во изминативе петнаесет месеци не престанаа активностите за обновување на Горни палат од Бигорскиот манастир, кој изгоре во пожар на последниот ден од септември 2009 година. Сепак, динамиката на градежните зафати во древниот храм, кој е заштитен од државата како непроценливо културно богатство, зависи од обезбедувањето пари. Со реализација на проектите што ќе ги нотираат сите неопходни детали се очекува да се врати поранешниот сјај и да се зачува автентичноста и оригиналноста на Бигорскиот манастир.

Плановите се оваа 2011 година да финализираат сите градежни работи, а идната година манастирот да го добие препознатливиот изглед. Очекувањата се Горни палат да биде ист како порано, но со многу поцврста конструкција.

„За обнова на машката и на женската трпезарија, како и за визбата со магерницата, се добиени сите конзерваторски одобренија. Доколку проектите беа порано изработени, активностите ќе беа во понапредна фаза. Но, обновата не престана. Превентивно се исчистија ѕидовите, деловите над вратите и прозорците, а празнините беа пополнети со соодветна смеса. Потоа градежниците ги фугираа ѕидовите со нецементно средство, поставија зајакнати темели и нова подна бетонска плоча“, информира архимандритот Партениј, старешина на Бигорскиот манастир.

Наскоро се очекува и основниот проект за монашкиот дел. Предвидена е санација на ѕидовите што е предуслов за поставувањето на чардаците, но и за нивна заштита со покрив.

Во наредната година се планира внатрешно уредување со столарија и со инсталација. „Дрвото за чардаците е нарачано, а според пресметките, ова е една од повисоките финансиски стапки. Станува збор за дабово дрво со многу големи пресеци, а некои греди и столбови се дебели по 30 сантиметри. Монтирањето на чардаците се планира во средината на годинава“, истакнува отец Партениј.

Експертите проценија дека пожарот во Бигорскиот манастир направи штета од околу пет милиони евра, но онаа духовната е непроценлива.

На жиро-сметката за обнова на Бигорскиот манастир пристигнале

донации од општините и од помали фирми. Верниците донираат преку отворените телефонски линии на трите оператори 070/075/078 143-444. Монашкото братство апелира до сите, особено до поголемите фирми, да помогнат финансиски. Многу средства се заштедуваат со ангажирање на верниците во извршување на одредени работи, како и од фирми што донираат материјали за изведување на некои фазни зафати.

http://www.utrinski.com.mk/?ItemID=5BD7DA5CACB1004AB65882754745F9F7
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #43 Posted: 29-Jan-2011 at 16:59

Завршени градежните активности околу саат кулата



Денес, на 13-от ден од месец јануари (26 по нов стил) 2011-то лето Господово и покрај студеното време и големата снежна покривка, со Божја помош, по тримесечна макотрпна работа, се доврши ѕидањето на манастирската кула. Изградбата се одвиваше под будното око на игуменот на светата Бигорска обител – архимандрит Партениј, а ѕидањето со камен го извршија трудољубивите и вешти раце на македонските мајстори од Мала Преспа, денешна Албанија. Во составот на оваа ѕидарска тајфа, што многу потсетува на големите мајстори од минатото, влегуваат: раководителот - протомајстор Таки Стерјо –Трајко, мајсторите: Јане Стерјо, Бојан Стерјо, Димитриј Стерјо, Нико Насто, Ѓорѓија Печој, Тодор Симон, Аце Стерјо, Тодор Стерјо и Петре Никола.



Манастирската кула во себе содржи повеќе простории за различна намена: депо за книги, архива, просторија за механизам на часовникот со видиковец, а најгоре од кулата се наоѓа зографилницата за икони. Механизмот на часовникот вклучува осум камбани, произведени во Белгија, со извонреден звук, што ќе го означуваат времето за молитва и богослуженија. Кон северната и западната страна ќе гледаат два прекрасни часовника, со црковнословенски бројки, во духот на славјанската традиција, што отсекогаш се негувала во Бигорскиот манастир. 



Кулата, како дел од комплексот Источен палат, е последниот објект што е завршен, па така, со неговата изградба, и практично завршуваат крупните градежни активности на новиот конак. Му благодариме на Бога што благоволи од нас, грешните и недостојните, како дар да го прими Источен Палат и трудот и жртвата што секој од нас ги даде за изградбата. „Твое од Твоите, Тебе Ти го принесуваме, за сите и за сé.“

 Братството на свештениот Бигорски манастир

http://www.bigorski.mk/index.php?content_type=nastani&action=details&record_id=541
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #44 Posted: 29-Jan-2011 at 17:11
Ова е од пред некој ден малку е задоцнето тука.

Колку се многубројни делата Твои, Господи!


Сé си направил премудро; земјата е полна со Твоите созданија.



Иако среде зима и обвиен со длабок снег, манастирот не спие, манастирските послушанија не запираат, сеуште се гради. Ете се довршува ѕидањето на кулата, што е  круна на целокупните градежни активности од изминатата година. И сега, како милостивиот Бог да чекаше да се доврши изградбата на Источниот палат, па и него за прв пат да го украси со снег, сакајќи да ни покаже како новиот конак се вклопува во прекрасната зимската манастирска идила. Така, прекриено со белината на снегот, нашето светилиште е како оние таинствени и чудесни замоци, претставени на старите уметнички слики, извонредно дело на најголемиот Уметник, кое како од секогаш да било предвидено во Неговиот божествен домострој. И навистина не може да се оттргне впечатокот дека манастирот е толку многу во симфонија со природата, што, едноставно, се чини дека не е дело на човечка рака, туку како да никнал од самата природа. Впрочем, ако се замислиме малку, тоа и навистина е така. Творецот на природата, премудриот Бог, го градел овој прекрасен дом на Претечата, преку рацете на Своите богољубиви чеда, низ минатото, па сé до денес. Често пати, нашиот Старец, ни повторува дека замислата за изградбата на манастирот ја има како откровение од Бога.







За зимскиот амбиент во манастирот, најдобро сведочи таинствениот разговор на природата со манстирските градби. Овој разговор многу повеќе кажува со своето молчење, отколку ние со нашите зборови. Но, сакајќи некако и ние, недостојните, да Му искажеме благодарност на Бога и Неговиот Претеча и Крстител Јован, за нивната пребогата штедрост, ја излеваме својата нескриена радост заради снегот, што оваа година Бог изобилно ни го дарува. Бидејќи и оваа прекрасна појава, со својата таинственост, сведочи за таинственоста на Творецот. Со својата тивка и чудна убавина, снегот потсетува на чистотата и нежноста на срцата, на оние кои својот живот го посветиле на Бога. Но, уште повеќе, снежната белина како да нé поттикнува на усрдност за уште поголемо покајание и задлабочување во себеси, во своите души, каде што се крие, од Бога закопаното богатство, неспоредливо поубаво од видливото. Зашто, што е побело од снегот во овој свет? Ништо. Но ете, пречудесниот Бог устроил така, што во нас самите се крие нешто што е поголемо и поскапоцено од материјата, нешто што е вечно.  Поросиме со исоп и ќе бидам чист. Измиј ме и ќе бидам побел од снег (Псал. 50) – пее светиот пророк и цар Давид.


Братството на свештениот Бигорски манастир

http://bigorski.mk/index.php?content_type=nastani&action=details&record_id=540

Back to Top
mitatos View Drop Down
Senior Member
Senior Member
Avatar

Joined: 06-Jan-2008
Location: Skopje
Online Status: Offline
Posts: 1739
  Quote mitatos Quote  Post ReplyReply #45 Posted: 29-Jan-2011 at 17:17
Ја знае ли некој приказната за кулава, дали некогаш постоела или туку така ја изградија, колку што сум пролистал јас немаше кула тука??има ли некој повеке инфо?
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)
Back to Top
gorco View Drop Down
Senior Member
Senior Member

Google Maps: Regional Expert

Joined: 22-Oct-2009
Online Status: Offline
Posts: 642
  Quote gorco Quote  Post ReplyReply #46 Posted: 29-Jan-2011 at 21:08
Слична е како винаријата Попова Кула во Демир Капија, би требало да е поврзано со христијанските објекти.


Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #47 Posted: 29-Jan-2011 at 21:20
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #48 Posted: 29-Jan-2011 at 21:50
инаку како што може да се види на линков 1903-1913 http://www.kroraina.com/knigi/rami/am/am_12.html Манастирот Свети Јован Бигорски нема Пирг (има конак или поголема припрата) но тоа незначи и дека претходно немало, треба да се истражува со оглед дка сите средновековни манастири во Македонија заради набљудуване имале кула како би се зашититиле од зулумќарите а и камбаните почнале да се поставуваат во нив за да бидат погласни, заради што и денес е останата традицијата за оделна или припоена камбанарија на Црквата... сепак Манастиров е на прилично висока кота и се се гледа доле на дланка па најверојатно монасите немале потреба од набљудувачница...
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #49 Posted: 10-Mar-2011 at 03:04
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #50 Posted: 14-Mar-2011 at 14:01
Кулата е завржена.

http://www.bigorski.org.mk/index.php?content_type=sluzhbi_bdenija&action=details&record_id=582


Edited by lslcrew - 14-Mar-2011 at 14:01
Back to Top
Sale SK View Drop Down
Senior Member
Senior Member

БАНИРАН

Joined: 16-Aug-2009
Online Status: Offline
Posts: 258
  Quote Sale SK Quote  Post ReplyReply #51 Posted: 14-Mar-2011 at 20:27
Originally posted by Max



инаку како што може да се види на линков 1903-1913 http://www.kroraina.com/knigi/rami/am/am_12.html Манастирот Свети Јован Бигорски нема Пирг (има конак или поголема припрата) но тоа незначи и дека претходно немало, треба да се истражува со оглед дка сите средновековни манастири во Македонија заради набљудуване имале кула како би се зашититиле од зулумќарите а и камбаните почнале да се поставуваат во нив за да бидат погласни, заради што и денес е останата традицијата за оделна или припоена камбанарија на Црквата... сепак Манастиров е на прилично висока кота и се се гледа доле на дланка па најверојатно монасите немале потреба од набљудувачница...


Постов за камбанарија ти е прилично неточен и нејасен.Набљудувачници,како што ги нарекуваш,нема во ниедна Православна Црква.Тврда вера во Бога логично исклучува некакви набљудувачници,затоа што страв не постои.
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #52 Posted: 19-Apr-2011 at 08:13

Нема пари за Бигорски

Процена е дека само за специфичната граѓа ќе бидат потребни онолку средства колку што се досега потрошени

Киро Кипроски

До крајот на годинава се очекува целосно да завршат работите на обновата на Горни палат на Бигорскиот манастир и конечно да се врати неговата автентична архитектура со дрвени чардаци, еркери, скали. Но, очекувањата може да се реализираат само нова финансиска инекција, зашто и во оваа завршна фаза парите се најголемиот проблем. Оттаму, монасите очекуваат донации од фирми, верници и од сите оние што имаат желба да помогнат во возобновата на манастирот.

За 19 месеци откако пламените јазици ги проголтаа манастирските конаци, монашките ќелии, машката трпезарија, гостинските одаи, галеријата на икони, маџерницата и други простори, состојбите значително се подобрени. Сепак, иако монасите се задоволни од се' што е изградено досега, за да се реализира договореното, потребни се уште доста средства, кои тие ги немаат.

За враќање на неговиот автентичен лик е неопходна специфична граѓа, која е прилично скапа. Како што појаснува игуменот на Бигорскиот манастир, архимандритот Партениј, процена е дека само за граѓата ќе бидат потребни онолку средства колку што биле потрошени во досегашната обнова на опожарениот дел. А, досега беа собрани и вложени околу 45 милиони денари, од кои поголемиот износ се обезбедени од буџетот на државата.

Кога го посетивме Бигорскиот манастир, градежниците работеа на последната фаза на санацијата на трпезарискиот дел, односно на северозападниот дел на Горни палат. При крај беа работите на последната армиранобетонска касетна плоча и се вршеше интервенција на најгорните греди. По Велигденските празници, мајсторите ќе започнат со обработка со камен бигор на апсидата на машката трпезарија. Со овој зафат целосно ќе завршат градежните работи на северозападниот дел, по што ќе продолжат работите на североисточниот дел на Горен палат.

Архимандритот Партениј ни потврди дека е релативно блиску завршниот дел од санацијата на северозападниот дел, иако првобитниот изглед се' уште не се препознава. Отец Партениј вели дека главниот лик на манастирот го даваше дрвениот дел, конакот, чардаците, еркерите, скалите...

„Од самиот почеток бевме ангажирани во потрага на идентичен материјал и фирма што стручно и со најголема професионалност ќе ги подготви дрвените елементи и ќе ги монтира. Поголемиот дел од дрвената граѓа, иста каква што беше пред пожарот, ја нарачавме од Босна и Херцеговина. Граѓата се наоѓа во сушарница, а наскоро ќе биде обработена, донесена и монтирана. Со завршувањето на оваа фаза ќе се создадат услови за поставување на покривната конструкција, бидејќи така беше и со изгорениот Горни палат, чардаците беа под ист покрив. Со монтирањето на дрвенаријата ќе се врати стариот автентичен изглед на конаците“, појаснува игуменот Партениј.

Обновата на Бигорскиот манастир е голема инвестиција. Во пожарот беа уништени над 3.000 квадратни метри, а Националниот конзерваториски центар материјалната штета ја процени на 5,5 милиони евра.

Отец Партениј вели дека и со сите напори за рационално користење на средствата и максимално штедење, сепак, итно е неопходна поголема финансиска помош за да се платат сите нарачки, навреме да пристигнат и да се вградат, а со тоа успешно да заврши возобновувањето на Горни палат и конечно да завршат сите градежни активности на комплексот на Бигорскиот манастир, кој претставува непроценливо духовно светилиште од 19 век.

http://www.utrinski.com.mk/?ItemID=C0BFDA9FC6CA204884DB8050A8B84899
Back to Top
krale View Drop Down
Senior Member
Senior Member

БАНИРАН

Joined: 28-Dec-2009
Online Status: Offline
Posts: 1487
  Quote krale Quote  Post ReplyReply #53 Posted: 19-Apr-2011 at 08:35
Нека не се жалат само за да прибираат донации, Бигорски е платен од Владата.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #54 Posted: 21-Apr-2011 at 03:24
"Јован Бигорски" уште не е обновен


Во манастирскиот комплекс во тек е обновата на крилото што изгоре во пожарот. За негова обнова досега се собрани 700.000 евра, а за довршување на работите потребни се уште два милиони евра. Материјалната штета од пожарот беше во вредност од пет милиони евра, но одредени фирми бесплатно донирале материјали за градба или, пак, дале попуст


Претседателот на Собранието на Република Македонија, Трајко Вељаноски, по повод претстојните велигденски празници го посети Бигорскиот манастир Св. Јован Крстител".
Тој имаше средба со игуменот архимадритот Партениј, братството и домаќините, а беше информиран и за одвивањето на обновата на манастирот зашто пред 19 месеци во пожар изгоре дел од комплексот.
- Пред најголемиот христијански празник, Велигден, чест ми е што сум тука и сакам да искажам задоволство што во манастирскиот комплекс се враќа безвремениот првобитен лик. Во модерните времиња кога, за жал, имаме се помалку време и трпение, сакам оттука да испратам порака да се почитуваат духовните вредности, традиционалните вредности да се негуваат и во секој граѓанин да завладее спокојот, изјави Вељаноски. Државата, како што рече, секогаш помагала и се грижела за негување на духовните и традиционални вредности и тоа ќе продолжи да го прави и во иднина. Посака во пресрет на Велигден во целата заедница да завладее мир и спокој.

Во манастирскиот комплекс во тек е обновата на крилото што изгоре во пожарот. За негова обнова досега се собрани 700.000 евра, а за довршување на работите потребни се уште два милиони евра. Материјалната штета од пожарот беше во вредност од пет милиони евра, но одредени фирми бесплатно донирале материјали за градба или, пак, дале попуст.

Според отец Доситеј сите верници пред големиот христијански празник треба да се потсетат како Исус страдаше и умре за нив.
- На претседателот Вељаноски при денешната обиколка му презентиравме се што е направено досега и што очекуваме во иднина да се сработи. Сакам да и се заблагодарам на целата јавност за поддршката и гледајќи сега од оваа перспектива знаеме дека она што се случи во манастирскиот комплекс беше божја промисла, рече отец Доситеј.

Со ова темпо, додаде, веруваме дека до крајот на годинава ќе се постават контурите на Бигорските конаци, а очекуваме идната година да се среди ентериерот. Сето тоа, како што истакна, ќе биде постигнато во рекордно време бидејќи се очекувало реконструкцијата да трае пет до шест години. Тој посочи дека капацитетите на манастирскиот комплекс во пресрет на Велигден се исполнети до последното место.http://vecer.com.mk/?ItemID=7918BC4ED0CDDD4DA3B8122AC1F0D35D
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #55 Posted: 16-May-2011 at 08:20

Репортажа

Бигорски плени со грандиозноста

Новиот конак, изграден во духот на византиско-македонската манастирска традиција, не ги остава
рамнодушни посетителите

Киро Кипроски


„СВЕТИ ЈОВАН БИГОРСКИ“ - Манастирот доби посебна убавина со изградбата на Источниот палат, кој ги поврзува Долниот со Горниот палат на Бигорски. Новиот конак, што е изграден во духот на византиско-македонската манастирска градежна традиција, не ги остава рамнодушни посетителите. Плени со својата убавина и раскош. Главниот проект го изработи архитектот Ѓурѓица Лековска, заедно со духовните чеда на Бигорскиот манастир и со Владо и Искра од архитектонското студио „Лелелеле“ од Скопје. Целиот процес, и на хартија и на дело, внимателно беше набљудуван и раководен од игуменот на Бигорски, архимандрит Партениј.

„Целото знаење што сум го стекнал во областа на архитектурата во моето дваесетгодишно манастирско искуство грижливо го применив на Источен палат, сакајќи нашата Црква да добие прекрасно манастирско здание на поновата историја. Источен палат пленува со својата архитектура, неговиот изглед и неговата изградба се во целост вдахновени од молитвите на нашите стари предци - преподобните Бигорски отци, игумените Илариот, Митрофан Арсениј и другите, кои ги поставија темелите, идеалите и стремежите, а денес тие им се остварија“, ќе констатира најзаслужниот за ренесансата што ја доживува Бигорскиот манастир во последниве 16 години откако во 1995 година дојде за старешина на манастирот архимандритот Партениј.

Источниот палат зафаќа површина од 3.600 квадратни метри, кој изобилува со разновидни простории погодни за многубројните манастирски потреби. Најголем дел од просторот зафаќаат монашките ќелии, кои се распоредени низ целиот конак. Ги има триесетина и речиси сите веќе се пополнети со монаси. Неколку простори се наменети за магацински складишта, потоа се изградени пекарница, пералница, училница, ризница за црковни предмети, котларница за парно, канцеларија и други помошни простории. Во рамките на Источен палат се наоѓа и параклис посветен на св. Никола Чудотворец, а и пространа библиотека со читалница на два ката со површина од 180 квадратни метри, во која можат да се сместат над 10.000 книги. Свој дел од површината заземаат и двата импресивни чардака, кои му даваат исклучителна убавина на целокупниот простор.

Пред да се влезе во Бигорскиот манастир, на источната страна се издига пиргот (кулата), како посебно здание, во рамките на новиот конак, која фасцинира со својот изглед и грандиозност. Висок е 15 м. Пиргот во себе вклучува 5 ката, со простории за разна намена: дело за книги за библиотека; архив за стари документи, просторија за каширање икони, просторија за сушење икони, во која се наоѓаат и осумте камбани на часовникот, кои заедно со механизмот се произведени во Белгија. На надворешниот западен и северен ѕид од оваа просторија се поставени и двата часовника со црковно-словенски бројки, во чест на славјанската традиција што ја негувал манастирот низ минатото. Тука се наоѓа и видиковец и поради тоа прозорците се отворени. Најгорната просторија на кулата, украсена со многу прозорци со тимпанони, слично на светогорските манастири, е посветена на монасите - зографи, кои ќе имаат прекрасни услови во вдахновувачки амбиент да цртаат свети икони. Кулата е ремек-дело на наши мајстори од Пустец, Мала Преспа, кои рачно го обработуваа зелениот камен што е карактеристичен за Бигорски. На кулата е самиот саат, кој го монтира пријател на манастирот од Хрватска, со механизам што се натокмува самиот по снемување електрична енергија (преку сателит), има камбани што се програмираат да ѕвонат и може да се аранжираат повеќе мелодии. Засега се програмирани две мелодии. Во 12 часот свири Тропарот на свети Јован Крстител, а во 21 часот (време за повлекување во ќелиите) камбаните го бијат кондакот „Возбраное воеводје“.

Карактеристика на Источниот палат се чардаците и фасадниот дел, кои се пандан на Долни и Горни палат. Покривот е со камени плочи. Главните дрвени греди и столбови се изработени од дабово дрво. Во изградбата на Источен палат учествуваа македонски градежни фирми, а материјалите најчесто беа подарени или, пак, набавени по цена на чинење.

Подготвителните работи започнаа во 2007 година со изградбата на потпорниот ѕид, а камен-темелникот на Источен палат беше поставен и осветен на 7 јули 2009 година, на летната слава на манастирот - Иванден. За изградбата беа потрошени минимални средства, како што истакнува отец Партениј, благодарение на фирмите што учествуваа во изградбата и посебно на носителот - градежната фирма „Жигол“, која максимално се потруди ова здание да биде изградено во рекордно време.

Во наредниот период ќе продолжат работите на зографисување на параклисот, изработка на фрески и мозаици во манастирската библиотека, а на таванот ќе има фреска на „Исус Христос - Премудруст“. „Над ранохристијанските и византиските капители од четирите столба ќе бидат насликани четворицата рамноапостолни учители и просветители - столбови за словенски народи: св. Кирил и Методиј и св. Климент и Наум охридските чудотворци. На подот ќе се изработи розета во техника интарзија, а таваните ќе бидат украсени со орнаменти инспирирани од византиската црковна уметност. Сето ова ќе се реализира во наредните години, постепено и квалитетно“, вели архимандрит Партениј.

http://www.utrinski.com.mk/?ItemID=516D702642FD804CB83A192169C1093B
Back to Top
Batec View Drop Down
Newbiе
Newbiе


Joined: 21-May-2011
Online Status: Offline
Posts: 0
  Quote Batec Quote  Post ReplyReply #56 Posted: 23-May-2011 at 12:33
Go smetam za pogresno i opasno podiganje na konaci zalepeni do svetilisteto posebno do unikatniot dlaboko rezba.pozarot treba da e dobra pouka
Back to Top
paneporfavor View Drop Down
Newbiе
Newbiе


Joined: 22-Apr-2011
Location: MK
Online Status: Offline
Posts: 0
  Quote paneporfavor Quote  Post ReplyReply #57 Posted: 27-Aug-2011 at 13:49
ne znam dali e ova pravoto mesto, no me interesira do kade e stignata obnovata na konacite na Bigorski. Nikade nema ni vest ni slika... kako da zaboravija site
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #58 Posted: 29-Sep-2011 at 14:46

Две години по пожарот, „Бигорски“ воскреснува

Манастирскиот конак изгоре токму на празникот Светите Софија, Вера, Надеж и Љубов, па никој не загуби верба и надеж дека тој ќе биде обновен. Сегашната состојба на градилиштето го потврдува тоа


Со Божја помош, сé ќе биде готово догодина, велат монасите

Огнот го проголта и го нагрди телото, но неговата опустошувачка сила остана немоќна и не го порази духот. Со молитва, работа и дар од добронамерникот, грандиозниот Горни палат на манастирот „Св. Јован Бигорски“ воскреснува по пожарот што го пеплоса пред две години.

Врутокот на православниот мир и спокој, уточиштето на сите вери и националности, го подига своето тело, лик што ќе засветли со уште пограндиозен и поубав сјај. На денот кога изгоре надалеку прочуениот „Горни Палат“, 30 септември, паѓа православниот празник Светите Софија (мудрост), Вера, Надеж и Љубов. На овие столбови пламенот не им можеше ништо и на нив се крева новиот „Бигорски“.

Конакот, трпезаријата и библиотеката што изгореа го добиваат својот некогашен лик. Работите се некаде на средина, а според процените на монасите, в година веќе треба да биде целосно реставриран. Ќе се издигне до новиот конак и црквата посветена на свети Никола од новиот Источен палат, кој како со векови да бил тука, граден во автентичен стил и убав како и другите монашки одаи на „Бигорски“.

Пред две години „Бигорски“ го затекнавме во очај, измешан со чадот и пламенот, со кои се бореа пожарникарите, монасите и жителите на околните села. Вчера нé пречека и ни посака добредојде тропарот на свети Јован Крстител, кој одѕвонуваше од часовникот на кулата од новиот Источен палат.

Монасите и искушениците, како и пред две години, трчаа и работеа, само целисходноста на физичкиот напор им беше различна. Тогаш спасуваа, а вчера, како и завчера, ден пред тоа, изминатите две години, градеа. Заедно со неколку работници беа околу градежните машини, малиот кран, малтерот и песокот. А машините постојано врвеа наоколу, носејќи градежен материјал.

Ѕидовите на трпезаријата веќе го добиле својот лик, конакот ја има бетонската конструкција, од двете страни опкружена со камените ѕидови што беа спасени од пожарот.

- Работиме постојано на возобновувањето, помагаат сите, градежни фирми, жителите на околните села, Македонци-муслимани, што пред две години помагаа во гасењето на пожарот, а сега помагаат во градењето - велат монасите.

Горни палат се возобновува во автентичен стил, ќе биде онаков како што неимарите го направиле пред 200 години.

Како што ни објасни отецот Сергеј, наскоро треба да се почне со поставувањето на дрвниот материјал, кој веќе бил порачан од Босна и Херцеговина и кој е доста скап.

- Нарачан е материјал од даб. Треба да пристигне од Босна. Го нарачавме оттаму, бидејќи дабот кај нас веќе со години е болен, а со тоа и неквалитетен. А сакаме она што ќе го направиме да биде вековно - вели отецот Сергеј.

Дрвото ќе биде вградено во покривната конструкција и во ѕидовите од фасадата. Кога ќе бидат завршени овие работи, тогаш ќе почне уредувањето на внатрешноста на одаите од Горниот палат, таванот во резба, рисањето на фреските, интарзиите.

Дали ќе се постигне автентичниот изглед, не е доведено под знак прашалник. Монашкото братство од „Свети Јован Бигорски“ речиси од заборав го врати Јужниот конак, каде што е сега главниот влез во манастирот.

- Конакот изгоре во 1912 година, за време на Балканските војни, во какви околности не знаеме. Беше останат само долниот дел. Го издигнавме како што бил, по една фотографија направена во 1910 година, кој ја најдовме во бугарскиот архив - ни објасни отецот Сергеј.

Но за обновата на Горни палат, особено сега кога на ред се работите околу внатрешноста, потребна е помош од добронамерниците, потребни се финансиски средства, кои во последно време малку затаиле, иако акцијата за обнова на „Бигорски“ сé уште е активна.

Нашите соговорници велат дека во почетокот пристигале повеќе донации, а сега малку поскромно, а уредувањето на трпезаријата и на одаите на монасите чини многу повеќе.

Со божји благослов, како што велат монасите, в година „Бигорски“ ќе го одбележи својот патронен празник и ќе ги прими верниците во полна светлина. http://novamakedonija.com.mk/NewsDetal.asp?vest=92911854172&id=9&prilog=0&setIzdanie=22393


Edited by lslcrew - 29-Sep-2011 at 14:48
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #59 Posted: 01-Oct-2011 at 13:09
http://3.bp.blogspot.com/-dGbeHisQEOQ/TkpZA_RaLlI/AAAAAAAACqU/jHY7CaM9aE8/s1600/DSCN8681.JPG
http://1.bp.blogspot.com/-ClkI3nHkcVo/TkpZDE_ts5I/AAAAAAAACqY/LXifgW9oBD8/s1600/DSCN8686.JPG
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #60 Posted: 02-Dec-2011 at 01:53
Во позадина се приметува некаков дел со греди и скеле. Ова веќе изгледа на напредна фаза, а слики немаме оддамна.
http://www.bigorski.mk/UserFiles/Image/2011_nastani/Amvrosij/03x.jpg
Back to Top
 Post Reply Post Reply Page  <12345 6>

Forum Jump Forum Permissions View Drop Down



This page was generated in 0.141 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.