build.mk Homepage
Forum Home Forum Home > Главни теми > Проекти > Верски
  Active Topics Active Topics RSS Feed: Обнова на манастирот Св. Јован Бигорски
  FAQ FAQ  Forum Search   Register Register  Login Login

Обнова на манастирот Св. Јован Бигорски

Bookmark and Share
 Post Reply Post Reply Page  <1234 6>
Author
Message
  Topic Search Topic Search  Topic Options Topic Options
Korsis View Drop Down
Senior Member
Senior Member
Avatar
БАНИРАН

Joined: 09-Feb-2010
Location: Бугарија
Online Status: Offline
Posts: 102
  Quote Korsis Quote  Post ReplyReply #21 Posted: 30-May-2010 at 11:43
Originally posted by lslcrew

Манастир 11 век од Егејска Македонија...


Не знаев дека кулата на Рилскиот манастир е во Егејска Македонија:



Извор: http://whc.unesco.org/en/list/216

Кулата е од 14 век.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #22 Posted: 30-May-2010 at 12:43
JA ja najdov slikata na net i pishuvashe deka e manastri od Egejska Makedonija od 11 vek. Ne primetiv deka e onaa od rilski manastir istata shto beshe odma pred mojot post postirana.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #23 Posted: 24-Jun-2010 at 07:51
14/6/2010

Ова ни промакнало...

За две години Бигорски со автентичен лик

Се обновува опожарениот дел, а се финализираат
и зафатите на Источниот палат

Киро Кипроски



СВЕТИ ЈОВАН БИГОРСКИ - За две години се очекува Бигорски манастир да го врати автентичниот лик и раскошниот сјај. Од почетокот на пролетта комплексот е претворен во големо градилиште. Интензивно се обновува изгорениот дел, а се финализираат зафатите на Источниот палат, кој зафаќа простор од 3.200 квадратни метри. Сите градежни активности се во функција на поврзување на Долниот со Горниот палат, односно на затворање на сите страни на манастирот со конаци.

„Првобитниот рок за обновувањето се пролонгира поради специфичноста на проектната документација. Сега се создадени услови за изведување на сите фази. Ќе ангажираме повеќе градежни тајфи и ќе го дополниме пропуштеното“, вели архимандритот Партениј. Тој е оптимист и верува дека покривањето на Горен палат ќе заврши до крајот на годинава.

Работниците на фирмата „Спајдер платина“ внимателно и квалитетно ги изведуваат најсложените и најтешките работи за зацврстување на ѕидовите што не се урнаа во пожарот што се случи на 30 септември минатата година. Тогаш изгореа манастирските конаци, монашките келии, библиотеката, големата трпезарија, галеријата на икони, гостинските одаи. Материјалната штета беше проценета на околу 5.000.000 евра.

„Со специјална машина го отстрануваме стариот малтер што ги поврзува камењата, а потоа поставуваме бетон и специјална маса. Ова е сложена и специфична метода со која ги зацврстуваме ѕидовите“, објасни Александар Дабевски од „Спајдер платина“. Тој додава дека на овој начин не само што ќе се зачува автентичниот лик на конаците, туку се скратува времето на обновувањето.

На 11 септември годинава, на патрониот празник на манастирот, ќе се изврши осветување и во новите монашки келии ќе се вселат монасите. Источниот палат е на три ката и со надворешната архитектура се вклопува со останатите делови на Бигорски манастир. На корисна површина од 3.600 квадратни метри се наоѓаат дваесет монашки келии, параклис посветен на свети Никола, а манастирската библиотека е на 500 квадратни метри на два ката, кои се меѓусебно поврзани. На аголот меѓу Горниот и Долниот палат е изградена десетметарска саат-кула.

http://www.utrinski.com.mk/default.asp?ItemID=08AB6F29193B4D4687119411FAE62805

Back to Top
Batispecela View Drop Down
Newbiе
Newbiе


Joined: 11-Jul-2010
Location: Bitola
Online Status: Offline
Posts: 0
  Quote Batispecela Quote  Post ReplyReply #24 Posted: 11-Jul-2010 at 09:33

Eve e slika od Premin Portal slikano na 9ti Juli 2010

Back to Top
build.mk View Drop Down
Senior Member
Senior Member


Joined: 13-May-2010
Online Status: Offline
Posts: 216
  Quote build.mk Quote  Post ReplyReply #25 Posted: 18-Jul-2010 at 16:04
ФОТО ВЕСТ: Напредуваат активностите кај Бигорскиот Манастир

Забрзано се работи на Источни Палат, каде до манастирската слава на 10 септември треба да се всели монашкото братство и со тоа да продолжи традицијата на примање на гости во гостинскиот Долни Палат. Истовремено, продолжуваат подготовките за обнова на опожарениот Горни Палат.

Кликнете на сликите за поголема резолуција:

Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски

Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски

Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски

Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски

Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски  Обнова%20на%20манастирот%20Св.Јован%20Бигорски


http://www.build.com.mk/?p=4411

Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2113
  Quote Makedonij Quote  Post ReplyReply #26 Posted: 18-Jul-2010 at 16:45
Previous
Applause
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
toasumjas View Drop Down
Senior Member
Senior Member
Avatar

Joined: 25-Jun-2010
Location: Skopje/ljubljan
Online Status: Offline
Posts: 434
  Quote toasumjas Quote  Post ReplyReply #27 Posted: 19-Jul-2010 at 00:01
Најубавиот манастир!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #28 Posted: 16-Aug-2010 at 00:55

Манастирот Бигорски добива автентичен лик

Се очекува до 11 септември, патрониот празник, целосно да заврши зафатот во манастирскиот комплекс

Киро Кипроски

„СВЕТИ ЈОВАН БИГОРСКИ“ - Манастирот „Свети Јован Бигорски“ го добива автентичниот лик. Со донации на верници, фирми, иселеници, финализира изградбата на источен палат, што ги поврзува Долниот и Горниот палат. Манастирскиот комплекс се заокружува во една целина, како што изгледал во 19 век. Се очекува до 11 септември, патрониот празник на Бигорскиот манастир целосно да завршат работите и тогаш да се изврши осветување.

Петнаесетина монаси на Бигорскиот манастир во наредните денови ќе се сместат во новоизградените простории. Како што е познато, ќелиите со целиот имот на монасите, облеката, обувките и книгите изгореа во пожарот што избувна лани на 30 септември во горниот дел од Бигорски. Пламените јазици ги проголтаа и во пепел ги претворија машката трпезарија, галеријата за икони, кујната, библиотеката, гостинските одаи, магацинот.

Во богатата манастирска документација, архимандритот Партениј, игумен на Бигорски манастир, пронашол фотографии од неговиот претходник, игуменот Арсениј, кој бил насликан пред конаците на источен палат. При расчистувањето на просторот биле пронајдени и остатоци на ѕидови од монашки ќелии, што е доказ дека на овој простор имало конаци.

Источен палат, кој е на три ката, располага со 3.600 квадратни метри корисна површина. Тука има 20 монашки ќелии, параклис посветен на свети Никола, манастирска библиотека, саат-кула со зографилница висока десетина метри, магацински простор и репрезентативни одаи.

Од идниот месец, како што вели архимандритот Партениј, ќе се интензивираат работите за обнова на изгорениот Горен палат. Заводот за заштита на споменици ја подготовува обемната документација за реконструкција и изградба на манастирските конаци и на другите простории на Горен палат.

„Дозволата за изградба ја очекуваме кон средината на идниот месец“, најави архимандритот Партениј. Тој појаснува дека од првиот ден по пожарот почнала обновата на манастирските конаци. „Илјадници кубици отпадоци внимателно беа расчистени и положени во депонија. Успешно се санираа ѕидовите што останаа. Специјална фирма мошне квалитетно ги подготви темелите каде што се наоѓаше галеријата на икони и големата трпезарија. Опожарените дрвени греди на ѕидовите, над вратите и над прозорците се заменети со бетонски армирани греди. Така ѕидовите добија цврстина, како да се ново соѕидани“, вели архимандритот на Бигорски манастир и додава дека целиот зафат ќе заврши до крајот на идниот месец.

Потоа следува друга фаза - изградба на бетонска конструкција на целиот изгорен простор. Наредната година, пак, ќе се продолжи со поставување на дрвените елементи на надворешниот и внатрешниот дел, со санирање на сите инсталации, електрична, водоводна...

http://utrinski.com.mk/?ItemID=03E66CCA73453B48BE0FD045D2F3A273
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #29 Posted: 29-Aug-2010 at 15:19
Од вчера е пуштена веб-страница на манастирот Свети Јован Бигорски.
http://www.bigorski.org.mk/

Финален изглед, по изградба на источен палат и реконструкција на горни палат.


Интерактивна мапа.
http://bigorski.site11.com/index.php?content_type=obnova


Edited by lslcrew - 29-Aug-2010 at 15:21
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3638
  Quote axel Quote  Post ReplyReply #30 Posted: 07-Sep-2010 at 10:05
ОТКАКО ПРЕД ЕДНА ГОДИНА БЕШЕ РЕЧИСИ ЦЕЛОСНО УНИШТЕН ВО ПОЖАРОТ
Бигорски си го враќа сјајот

Тони Ангеловски

Монасите од манастирот „Св. Јован Бигорски“, в петок, ќе се вселат во новите ќелии од комплетно новиот Источен палат од манастирот што беше опожарен на 30 септември минатата година. Паралелно со завршувањето на Источниот палат се работи на обновата и на Горни палат кој комплетно изгоре во пожарот. Со завршувањето на овој дел, што би требало да се случи до крајот на идната година, манастирскиот комплекс ќе биде комплетно заокружен, а во план е изградба, односно поправка, на патот кој во иднина би требало да го направи манастирот уште попристапен за верниците. За изградбата на Источниот палат се потрошени 1,5 милион евра, а уште приближно толку се потребни да се заврши обновата и на Горни палат. Материјалната штета веднаш по пожарот беше проценета на повеќе од пет милиони евра, иако вредноста на уништените фрески и книги е непроценлива.
Вчера во манастирот на големо се работеше на финализирање на работите во источни палат, со цел работите да завршат до 11 септември, патрониот празник на манастирот. Целиот манастирски комплекс мириса на лак кој се нанесува во новите ќелии на монасите, новата библиотека…
- Од петок монасите ќе се вселат во новите ќелии во Источниот палат. Тие досега принудно престојуваа во Долни палат, но сега ќе се вселат во своите ќелии, а Долни палат ќе биде ослободен за гостите. Во новата зграда има 32 ќелии за монасите, а тука е и новата библиотека, која што порано се наоѓаше во Горни палат - ни објаснува архимандритот Партениј.
Тој е благодарен на помошта која што ја даваат верниците и помалите фирми. Некој помага со пари, некој со градежни материјали, но, како што вели нашиот домаќин, помагаат главно малите фирми и обичните верници. Големите фирми ги нема никаде кога треба да се помогне во возобновувањето на ова свето место. А, манастирот се прави за сите верници. И ноќевањата во манастирските конаци се бесплатни, па сите верници се добредојдени да го посетат манастирот. Но, ретко кој го посетил манастирот, а да не оставил доброволен прилог за обновата на овој прекрасен комплекс.
- Сите пари што ги добиваме се употребуваат за манастирот. Ние не можеме да натераме никој да даде, ако не чувствува дека треба да го стори тоа. Ние даваме се од себе за да ја завршиме обновата на манастирскиот комплекс. Источниот палат е готов со тоа што сега треба да се додадат украсите и комплетно да биде завршен до октомври. Овој дел беше најлесно да се изгради и затоа почнавме од него. Ова е комплетно нова зграда во која што се селат дел од работите, кои пред пожарот беа во Горни палат. Сега комплетно ќе се насочиме на обновата на Горни палат.
Источниот палат опфаќа простор од 3.600 квадратни метри, а Горни палат, според проектот, ќе има околу 3,000 квадратни метри. Монасите очекуваат помош од целата заедница за целосно обновување на комплексот кој во 2020 година ќе слави 1.000 години од изградбата. За жал, во процесот на обновата само делумно учествуваат и владиците од Македонската православна црква-Охридска архиепископија. Нашите извори во МПЦ велат дека обновата на манастирот ја помогнале само двајца владици. Тимотеј, односно дебарско-кичевската епархија, во која што и се наоѓа манастирот, донирал 58.000 евра. Веднаш по опожарувањето на сметката на манастирот биле уплатени 8.000 евра, а потоа и дополнителни 50.000 евра. Митрополитот Повардарски Агатангел ветил дека ќе донира 50.000 евра, а до сега уплатил 25000, но, како што дознаваме, многу скоро ќе бидат уплатени и останатите ветени пари. И толку. Ниту една друга епархија не донирала за обновата на манастирот. Ниту архиепископот Стефан и неговата скопска епархија.

http://www.vreme.com.mk/DesktopDefault.aspx?tabindex=0&tabid=1&EditionID=2115&ArticleID=147986
Back to Top
Swimmer View Drop Down
Senior Member
Senior Member
Avatar
Suspended

Joined: 09-Aug-2010
Online Status: Offline
Posts: 294
  Quote Swimmer Quote  Post ReplyReply #31 Posted: 13-Sep-2010 at 12:33

Монасите на Бигорски манастир во нови ќелии

 

Дел од обновениот манастир ќе се осветува во октомври

СВЕТИ ЈОВАН БИГОРСКИ - На патрониот празник на Бигорскиот манастир - 11 септември, кога се одбележува Свети Јован Крстител, петнаесетина монаси се преселија во новите ќелии во Источниот палат. Тие беа сместени во несоодветни простории по пожарот, што се случи лани на 30 септември, кога изгореа ќелиите на монасите, трпезаријата, библиотеката, галеријата за икони, дрвените чардаци...

Источен палат ќе се осветува во октомври, а се очекува дотогаш целосно да се завршат градежните работи на комплексот со површина од 3.600 квадратни метри.

Неколку илјади верници од Мијачијата, Мавровскиот, Долнореканскиот и Горнореканскиот регион, од Полошкиот регион, но и гости од неколку западноевропски држави и годинава присуствуваа на одбележувањето на патрониот празник на Бигорски за да му оддадат почит на свети Јован Крстител. Традицијата никогаш не згаснала во ова македонското древно духовно светилиште. Од пред 15 години, кога повторно заживеа монашкото братство, одбележувањето на патрониот и на другите верски празници е посодржајно и подуховно.

Со вечерната литургија спроти празникот и во саботата со утринската литургија чиноначалствуваше митрополитот г. Тимотеј, надлежен архијереј на Дебарско-кичевската епархија и повардарскиот митрополит г. Агатангел, со повеќе свештенослужители од двете епархии и монасите и монахињите од Бигорскиот манастир и од „Св. Ѓорѓи Победоносец“ од с. Рајчица, Дебарско.

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #32 Posted: 17-Sep-2010 at 03:05
Од пред ден-два, ни промакнало...
Ранетиот чувар на нашата духовност полека закрепнува


По една година од пожарот, комплексот на Бигорскиот манастир ќе го красат нови градби - библиотека, саат-кула и параклис

Измина речиси една година откако изгореа живеалиштата на монасите во едно од најстарите македонски православни светилишта - манастирот Свети Јован Бигорски. Во кобната септемвриската ноќ, во огнот изгоре голем дел од нашето духовното наследство. Денес, комплексот на Бигорскиот манастир го красат нови градби - библиотека, саат-кула и параклис. Ранетиот чувар на православната духовност, вгнезден по долината на Радика, полека закрепнува.

Овој впечаток се добива веднаш откако ќе се поминат манастирските порти. Глетката на остатоците од пожарот ќе исчезне штом ќе ја свртите главата надесно. Погледот се лепи на величествено здание со карактеристична архитектура. Зад сиот овој сјај има многу вложен труд и макотрпна работа. Тоа го објаснува и игуменот на манастирот, архимандритот Партениј, кој срдечно не' пречека.

Манастирската тишина повремено ја прекинуваа звуци од машините. Игуменот појаснува дека има уште работа за да се докомплетира, но најважно е дека монасите сега се соодветно удомени.

- Посакавме работите да завршат до нашиот патронен празник Отсекување на главата на св. Јован Крстител. Сепак, станува збор за огромен објект и се соочивме со непредвидливи ситуации. Радува тоа што работите полека се приведуваат кон крајот - вели архимандритот Партениј.

Новите манастирски конаци се на местото каде што се наоѓале пред стотина години, но биле со помали димензии. Проектот почна пред три години со правење потпорен ѕид за нов приоден пат. За оваа намена биле вложени околу 200.000 евра, додека вредноста на новоизградениот дел достигнува 1,5 милион евра. Предвидено било да се гради подолго, но пожарот ги интензивира работите.

Источниот палат, како што се нарекува, е објект на три ката и со надворешната архитектура се вклопува во останатите делови на Бигорскиот манастир. Има површина од 3.600 квадратни метри. Во него првенствено ќе се одвива монашкиот живот. Неколку од одаите ќе им бидат на располагање на верниците. Новата градба ќе ги поврзе долни и горни палат (кој изгоре), со што манастирскиот комплекс ќе се заокружи во една целина.

Прошетката низ внатрешноста е посебно доживување. Иако неодамна вселени, монасите веќе и' дале дух на новата градба. Собите скромни, приспособени на монашкиот живот, нема чешма и други удопства. Столче, кревет, чергиче на подот од штици, долап со икони и кандило за молитва. Отец Партениј појаснува дека манастирот ја зачувува духовноста, тоа е неговата мисија. Во новиот дел има и параклис посветен на св. Никола. Силен впечаток остава искачувањето на саат-кулата, која е во фаза на градба. Таа е највисока од сите градби. Ќе има часовници што ќе го означуваат времето за почеток на богослужбите. Најгоре, на врвот, ќе има зографилница, просторија со многу прозорци, од сите страни. Тука, талентираните монаси и искушеници ќе цртаат икони.

Сепак, вели отец Партениј, „она што ќе биде многу важно и му посветуваме големо внимание е библиотеката. Тука треба да се изведат прецизни занаетски зафати за да се запазат некои специфики. Таа ќе биде на два ката“.

Годинава, на прославата на патрониот празник, илјадниците верници имаа можност и да наполнат осветена вода од „фјалата“, нешто налик на балдахин од камен. Нашиот домаќин вели дека ова е единствената фјала во Македонија.

„Градењето цркви и манастири секогаш било помагано од чорбаџии, од видните, богатите луѓе. За жал, времињата се сменија. Луѓето станале себични и не обрнуваат внимание на духовноста“, смета архимандритот Партениј и одговара на прашањето како напредува обновата.

- По пожарот, луѓето сфатија дека треба да ја потпомогнат изградбата на новиот дел и побрзо да се оспособи. Бескрајно сум им благодарен на обичните луѓе и на Владата што издвоија пари и материјали и во ова тешко време. Но, со жалење констатирам дека оние, побогатите, оние што имаат повеќе материјални можности, не се покажаа кога е најпотребно.

Обновата на изгорените конаци постепено привршува. Се чека на проектот кој ќе ја гарантира автентичноста на горниот палат и неговата специфична градба.

Според игуменот Партениј, тоа ќе потрае поради многуте пари што се потребни. „Со Божја помош и тоа ќе биде“, вели игуменот, кој веќе 15 години упорно се залага да и' ја врати славата на колепката на македонската преродба.


Пожарот го откри изворот

Во настанокот на манастирот е втемелено преданието за Јован, монах од дебарскиот крај, кој ја открил чудотворната икона на Крстителот. На местото на нејзиното наоѓање ја изградил и првата црква во 1020 година. Иконата останала неоштетена по сите пустошења. Сега е опточена во сребро и се смета за исцелителна.

- По пожарот, се отвори можност да го покажеме и изворот покрај кој поминал монахот Јован. Сега провизорно го заштитивме, а во план е тоа да биде видливо во иднина. „Дневник“ е првата новинарска екипа што го регистрира - открива отец Партениј.

Во 1995 година се возобновува монашкото братство, кое се грижи за манастирот. Сега таму има 18 монаси. Тоа го прави општожителен.

http://www.dnevnik.com.mk/default.asp?ItemID=585BF7836C5FE64989484B0E7D753E07


Edited by lslcrew - 17-Sep-2010 at 03:06
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3638
  Quote axel Quote  Post ReplyReply #33 Posted: 22-Sep-2010 at 10:51

Велешки плочи за покрив на Бигорски

Покривот на изгорениот дел од манастирот Св. Јован Бигорски ќе биде покриен со камени плочи од црн шкрилец од рудникот кај велешкото село Крнино. Фабриката за талк „Димче Мирчев“, која ја има концесијата за рудникот, деновиве ги испорача последните 400 од договорените 4.000 квадратни метри камени плочи, а биле платени со пониска цена од редовната, како гест на донација кон манастирот.

Фабриката годинава на неколку манастири на Хилендар во Грција и на четири катедрали во Хрватска им испорача неколку десетици илјади квадратни метри шкрилец за покриви.

http://www.dnevnik.com.mk/?ItemID=350D3CF7DD38A34C9DAB037E420A0C61
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #34 Posted: 22-Sep-2010 at 22:20

ФАБРИКАТА "ДИМЧЕ МИТРЕВ" ГИ ИСПОРАЧА НА МАНАСТИРОТ


"Свети Јован Бигорски" се покрива со плочи од црн шкрилец


Покривот на изгорениот дел од манастирот Свети Јован Бигорски", еден од најубавите храмови на МПЦ, се реновира со плочи од црн шкрилец од рудникот во близина на велешкото село Крнино. Фабриката за талк Димче Мирчев", која стопанисува со рудникот, деновиве ги испорача последните 400 од вкупно договорените 4.000 квадратни метри плочи. Според директорот на велешката фабрика, Ленче Николовска, во знак на донација за манастирот Свети Јован Бигорски", испорачаните количества шкрилец ги даде по пониска цена повеќе од 12.000 евра.
- Со цел да помогнеме што поскоро да биде реновиран изгорениот дел од манастирот и ние како мала фабрика дониравме дел од потребните средства. За рекордно време работниците од рудникот ги ископаа потребните количества шкрилец и ги испорачаа до манастирот. Веруваме дека овој навистина прекрасен објект на МПЦ повторно ќе го врати својот некогашен сјај и дека ќе биде место за молитва на секој христијанин - вели Николовска.

Инаку, велешката фабрика во текот на изминативе месеци од годинава за потребите на неколку манастири на Хилендар, соседна Грција, испорача повеќе илјади квадратни метри плочки од шкрилец по цена од 8 евра за квадрат. Со плочки од велешкиот рудник ќе бидат покриени и четири катедрали во Република Хрватска.

Покрај црниот шкрилец, фабриката Димче Мирчевв од Велес произведува и поголеми количества на талк кои најмногу се употребуваат во фабриките за производство на вештачко ѓубре и во козметичката индустрија. Со шкрилец плочи од рудникот кај селото Крнино се покриени повеќе стотици куќи од селата Попадија, Војница, Подлес. Со такви плочи е покриена и куќата на Касапови во Велес.

http://www.vecer.com.mk/default.asp?ItemID=C2654BB654F0824D81052015845E49F1
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #35 Posted: 29-Sep-2010 at 09:51
Една година од пожарот...

01.


02.


03.


04.


05.


06.


МИА фото

Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2113
  Quote Makedonij Quote  Post ReplyReply #36 Posted: 29-Sep-2010 at 10:07
Добро иде работата, ареса ми се шо успеале да го сочуват оргинални изглед.
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: R. e Maqedonisë
Online Status: Online
Posts: 3831
  Quote my Macedonia Quote  Post ReplyReply #37 Posted: 29-Sep-2010 at 10:14
ovaj manastir ima nesto posebno no ne znam sto?
Moze nekoj da mi kaze kade se naoga?
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #38 Posted: 29-Sep-2010 at 13:47
41°37'15.94"N 20°36'33.69"E

Посебно во смисла што? Духовна вредност? При изградбата нешто? Различен ти е од други манастири?
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: R. e Maqedonisë
Online Status: Online
Posts: 3831
  Quote my Macedonia Quote  Post ReplyReply #39 Posted: 29-Sep-2010 at 14:04
Ne znam, ne mozam da ti kazam.Nesto specialno, mi se vrti koga go gledam vo slika, ai i mornicite ne prestanuvaat!
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2113
  Quote Makedonij Quote  Post ReplyReply #40 Posted: 29-Sep-2010 at 19:26
Една година од пожарот Бигорскиот манастир полека воскреснува

Во манастирскиот комплекс „Св. Јован Бигорски“, една година од опожарувањето, се уште траат градежните работи околу неговото обновување. Досега е изграден Источниот палат, додека Горниот палат, кој целосно изгоре во пожарот, се уште чека на обнова.

Источниот палат е изграден со средства од донации и за него се потрошени 1,5 милиони евра. Наменет е првенствено за живот на монасите, кои се вселија во него кон почетокот на септември. Се протега на површина од  3.600 метри квадратни и има три ката. Во новиот дел е сместена библиотеката и параклис посветен на Св. Никола, додека Саат-кулата е во фаза на градба. Со својата надворешна архитектура тој се вклопува во останатите делови на манастирскиот комплекс.

Обновата на Горни палат доцни затоа што се потребни финансиски средства и проект којшто ќе ја гарантира неговата автеничност и специфична градба.

- Се доцни најмногу заради проектот кој треба да ни го достават од Националниот конзерваторски центар. Ни велат дека работат на него и дека наскоро ќе го достават. Со Божја помош и тоа ќе биде, изјави игументот на Бигорскиот манастир, архимандритот Паретениј.

Тој е задоволен од досега сработеното и од дарежливоста на верниците кои несебично донирале за ова светилиште, но како што нагласува, отсуствувало чувството на солидарност, особено кај побогатите.

- Бескрајно сум им благодарен на обичните луѓе и на Владата што издвоија пари и материјали во ова тешко време. Со нивните донации тие ја потпомогнаа изградбата на новиот дел, бидејќи беше неопходно тој што побрзо да се оспособи. Но, со жалење морам да констатирам дека оние, побогатите, оние што имаат повеќе материјални можности, не се покажаа кога е најпотребно, истакна Паретениј.

Пожарот во Бигорски избувна на 30 септември минатата година рано изутрината во 4 часот и 30 минути. До темел изгоре Горниот палат, а монасите успеаа да ги спасат поважните предмети од опожарените објекти. Штетата беше проценета  на над 5,5 милиони евра, но, трајно беа уништени и објекти и предмети чија историска и културна вредност е ненадоместлива.

Резултатите од вештачењето покажаа дека причина за пожарот е спој на електричната иснталација, која минувала под покривот на кујната. Основното Јавно обвинителство од Гостивар во јули го затвори случајот со заклучок дека никој нема да одговара за предизвикување на пожарот.  

Веднаш по пожарот, беше отворена посебна жиро-сметка на која можеше да се донираат средства за обновување на манастирот, а Владата додели  еднократна парична помош од 610.000 денари.

Манастирскиот комплекс „Св. Јован Бигорски“ посветен на Св. Јован Крстител, се наоѓа на патот меѓу Гостивар и Дебар во непосредна близина на селата Ростуше, Битуше, Велебрдо и Требишта, по течението на Радика. Името Бигорски, го има добиено поради тоа што е изграден од бигор.

Според Бигорскиот поменик, манастирот го основал монахот Јован во 1020 година а во XVI век манастирот бил разурнат од Турците, и останала само една мала црква. Од помениците исто така се дознава за обновувањето на манастирот во 1743 година, од страна на јеромонахот Иларион кој е и првиот игумен на Бигорскиот манастир во поново време.

Манастирот Св. Јован Бигорски надалеку е познат по својот иконостас кој го правеле мајсторските раце на тајфата на Петре Филипов - Гарката од селото Гари. Покрај иконостасот, манастирот е познат и по иконата на Св. Јован Крстител за која се верува дека има чудотворна моќ. Според преданието, иконата ја нашол монахот Јован во 1020 година. Таа сама дошла до местото каде што подоцна е изграден манастирот и лебдела над изворите на реката Радика. Кога во XVI век, во времето на султанот Селим втори, Турците го запалиле манастирот, иконата мистериозно исчезнала за потоа уште помистериозно да се врати неоштетена. Во манастирските списи запишано е дека иконата на свети Јован Крстител 35 години не била заштитена и дека дури во 1885 година иконата е обложена со сребрен оклоп. На иконата Јован Крстител е претставен како светец-трирачник. Се верува и дека иконата им помага на родителите кои не можат да добијат деца.

Денес, монашкото братство на Бигорскиот манастир го сочинуваат 18 монаси. Нивниот игумен Архимандритот Партениј основите на својот монашки живот ги стекнал на Света Гора Атонска.

http://www.mia.com.mk
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
 Post Reply Post Reply Page  <1234 6>

Forum Jump Forum Permissions View Drop Down



This page was generated in 0.170 seconds.

Copyright ©2007 - 2019  build.mk

Коментарите на форумот претставуваат лично мислење на нивните автори и не претставуваат официјален став на build.mk.