Обнова на манастирот Св. Јован Бигорски

Воскреснуваат Бигорските чардаци 12 Декември 2011 И сега, кога се наоѓа пред почетокот на зимата, Бигорската обител не мирува, и послушанијата околу обновата на Горни Палат не застануваат. Радосна глетка е да се види како, полека, надалеку прочуениот и величествен во сета своја грандиозност, чардак, сѐ повеќе го добива својот препознатлив, изворен изглед. Чиниш како прекрасната глетка да  стави крај на сомнежите за тоа дали може да се повтори виртуозноста на старите мијачки мајстори! Новата дрвена конструкција пред нашиве очи уште еднаш несомнено потврди дека љубовта, трудот и пожртвуваноста и денес прават чуда! Благодарение на искуството на нашиот Старец Партениј, веднаш после пожарот што немилосрдно го проголта Горни Палат, беше направена воопштена, груба спецификација за негова обнова. Цврсто решен возобновениот чардак ни во најмал детаљ да не отстапува од специфичноста и убавината на стариот, нашиот игумен, заедно со неколку архитекти – свои духовни чеда, усрдно се вложи во остварувањето на таа ни малку лесна задача. Откако беше добро проучено и обмислено сѐ што требаше да се направи за нашиот чудесен чардак повторно да се издигне во својот некогашен раскош и привлечност, започнавме соработка со пиланата „Лотос“, близу Челинац, Република Српска, БИХ, каде порачавме да ни се изработат масивни дабови греди, идентични на оние претходните. Откако поминаа двегодишниот период на сушење во посебни комори-сушилници, дабовите дрва беа подложени на обработка според предвидениот проект, за  најпосле, овој септември, да пристигнат во нашиот Манастир. Така, по речиси двомесечна градба, тажната слика на урнатини и пепел отстапи пред нашиот толку посакуван чардак, кој речиси и целосно е завршен! Но оваа голема радост, поради благовремениот тек на обновата, е времено засенета од грижата на нашето братство за тоа дали ќе се изнајдат финансиски средства за да може обновата да продолжи. Веќе доцни исплаќањето на фирмата која е главен изведувач на градежните активности, а добавувачите на материјали и оние кои вредно работеа на изведбата на чардакот, трпеливо ја чекаат својата наплата. Затоа би сакале да упатиме апел до сите добронамерни сопственици на фирми и хумани граѓани, да помогнат, во рамките на своите финансиски можности, за да се обезбедат услови за понатамошните активности во обновата на ова наше големо светилиште. 01. 02. 03. 04. 05. 06. 07. http://bigorski.mk/index.php?content_type=nastani&action=details&record_id=752

April 2012

 
Православното христијанство потекнува од Византија, а по паѓањето на Константинопол во рацете на османлиите во 1453 година, нов центар на православното христијанство е Русија.
 
Куполите се нешто сосема нормално и секојдневно кај православните христијански храмови (намерно спомнувам православно христијанство и православни христијани бидејќи има и православни муслимани, православни јудеисти и ред други православни религиски групи), а руските куполи се специфични по дизајн и по изглед.
 
На мене лично ми се допаѓа куполава, но не за овој манастир, Свети Јован Бигорски е историски манастир и неговата обнова треба во целост да се фокусира на оригиналниот изглед на манастирот, а не да се прават модификации со обновата.
 
Ако МПЦ веќе ја купила куполава, може да ја постави на некој нов манастир или црква, како на пример на новиот соборен храм во Струмица, Успение на Пресвета Богородица, кој допрва ќе се гради.

Од пред една недела

Доста интересен текст, а има и по некоја фотографија.

http://republika.mk/?p=184643

Ненад Андонов

Кој е овој објект од манастирот,знае некој???





ПС.четрвртот од десно отец од десно ми е колега-заврши електротехнички факултет-Дејан Ш......т од Прилепо

ПЕТ ГОДИНИ ПО ПОЖАРОТ ВО МАKЕДОНСKОТО СВЕТИЛИШТЕ

НАЕСЕН ЌЕ БИДЕ ОСВЕТЕН ОБНОВЕНИОТ ГОРНИ ПАЛАТ ВО БИГОРСКИОТ МАНАСТИР



По речиси пет години од трагедијата што го снајде македонското древно светилиште „Свети Јован Kрстител“, попознат како Бигорски манастир, ништо не потсетува на тоа кобно утро на 30 септември. Целосно е обновен Горни палат, кој изгоре во пожарот. Неговиот изглед е вратен во автентичниот стил, онака како што и беше, со препознатливите чардаци, кои и сега се искитени со цвеќе и со покрив од камени плочи. Доколку не знаете за пожарот што се случи во 2009 година, имате впечаток дека с` е како некогаш.



- Слава му на Бога радува да се види дека препознатливиот Горни палат веќе го поврати својот автентичен изглед. Во целост се обновија древните ѕидови, зацврстени и украсени со нова бела заштитна фуга, прекрасниот чардак, покривната конструкција, монашките ќелии, магерницата, старите фурни, малата трпезарија, магацинските простории, репрезентативните одаи итн. - вели игуменот на манастирот, архимандритот Партениј, додека ги разгледуваме просториите во Горни палат.

Моментно во тек е изработката на скапите и преубави дрвени тавани, розети за големата трпезарија и за дебарската одаја. Мајсторите на нивниот занает работат со несмалена динамика и со многу љубов.



- Останува да се обнови исто така и ѕидниот живопис во трпезаријата, како и подрумските простории каде што имаме намера да ја обновиме старата манастирска винарска визба. За време на целиот тек на реконструкцијата големо внимание посветивме на тоа целосно да се запазат автентичниот надворешен изглед и внатрешната содржина на градбата. И со Божја помош Горни палат сосема го врати својот некогашен изглед. Можам слободно да заклучам дека и денес, со вера во Бога, навистина може да се постигнат квалитетот и виртуозноста на старите мијачки градители - додава отец Партениј, кој и покрај големиот број гости не удостои за време на престојот во манастирот.

За с` она што е направено им благодари на Бога, на сите добри и хумани луѓе и, секако, на македонската влада, кои несебично го потпомогнаа манастирот како феникс да се извиши од пепелта. Секој во рамките на своите можности подарил средства Бигорски да го врати својот сјај.

- Со божја помош очекуваме до крајот на летово обновувањето на Горни палат целосно да заврши и осветувањето на конаците да биде во октомври - додава отец Партениј.

Голема помош имаше и од луѓето од долнореканските села, кои први стигнаа на денот на пожарот, но и потоа во расчистувањето и во изградбата.

- Со Бигорски растевме, заедно ја доживеавме трагедијата и заедно одиме напред. Верата секогаш н` учи да си помагаме едни на други. Бигорски е наша гордост - вели Авмет од Велебрдо, кој редовно доаѓа во посета на манастирот.

Паралелно со завршните работи на Горни палат, интензивно се одвиваат и работите во надградбата и проширувањето на манастирскиот пат. Изграден пред неколку децении тој се наоѓаше во многу лоша состојба, полн со ударни дупки, а на одделни места и пропаѓаше.

- Патот добива целосно нов асфалтен слој, се проширува, а на неколку места ќе има и простор за паркирање. На овој начин ќе се овозможи полесен пристап до манастирот за автомобили, за комби-возила и за автобуси. Средствата се обезбедени од Министерството за транспорт и врски, а работите ги изведува ГП „Илинден “ од Струга - ни рече архимандрит Партениј.

Патот е во должина од 1,5 километар и е крак од регионалниот пат Дебар-Маврово на десната страна, на два километра од Ростушки Мост. Секојдневно, посебно за викендите, манастирот го посетуваат стотици верници, случајни или намерни патници од земјава и од светот, а за патронот Отсекување на главата на свети Јован Kрстител, 11 септември, раѓањето на свети Јован Kрстител, Иванден (7 јули), за Христовото раѓање - Божик и за Христовото воскресение - Велигден ги има и по неколку илјади. Вгнезден во прегратките на Бистра Планина, покрај долината на пенливата и бистра Радика, тој опстанувал со векови, со верност во Бога и со поддршка од добрите и хумани луѓе.

http://www.dnevnik.mk/?ItemID=B9FF2D623B39934E88CB31171582A2D0