build.mk Homepage
Forum Home Forum Home > Главни теми > Проекти > Верски
  Active Topics Active Topics
  FAQ FAQ  Forum Search   Register Register  Login Login

Обнова на манастирот Св. Јован Бигорски

Bookmark and Share
 Post Reply Post Reply Page  123 6>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #1 Topic: Обнова на манастирот Св. Јован Бигорски
    Posted: 02-Oct-2009 at 20:36

Подготовки за реставрација на Св. Јован Бигорски

Шестчлен експертски тим од Националниот конзерваторски центар и Институтот за културно наследство од Скопје деновиве постојано  работи на расчистување на опожарениот дел на манастирот Св. Јован Бигорски.

Освен тоа ги евидентираат и евентуално спасените предмети кои би помогнале во идната реставрација на конакот. Според директорот на Националниот конзерваторски центар, Бехиџудин Шехапи, тимот ќе изготви детална експертиза за четири дена.

Потоа ќе започнат активностите за постепена реконструкција на конаците.

„Во делот зафатен од пожарот градбата беше составена од дрво, камен и градежен материјал карактеристичен за архитектурата од 19 век кога е присутна познатата дебарска школа чиј начин на работа се забележува и кај многу куќи во Дебар“ вели Шехапи.

Националниот конзерваторски центар поседува детални планови и документација за градбата и материјалите кои се користеле во тоа време. Но, дали  Македонија има експерти кои ќе можат да го изградат конакот онака како што бил?

„Имаме, се разбира. И документите кои ги поседуваме ќе бидат од голема помош при изработката на проектите за на автентичен начин да се обнови убавината на стариот конак на манастирот“ рече Шехапи.

Шехапи објаснува дека од пожарот се спасени 83 икони. По една сè уште се трага. Најверојатно сега иконите ќе се чуваат во Музејот на Македонија бидејќи во манастирот нема услови за тоа. Најголемата штета која е засега евидентирана е што во пожарот сосема се изгорени ретки фрески од 19 век. Од парите потребни за обнова на уништеното, пет милиони евра ќе бидат само за повторна изградба на објектите, а околу 500 илјади за обнова на фреските.

http://alsat.mk/vesti/zemja/17586.html
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #2 Posted: 02-Oct-2009 at 20:40
Незнам колку е ова исправно што ќе се иде на афтентична реконструкција во однос на материјалите и принципот на градба од 19-ти век. Милсам дека треба да ги искористиме можностите што ни ги нудат денешните матерјали и принципи на градба, зашто објектов да беше цврста градба сигурно немаше да биде до толку изгорен. Па и во 19-ти век кога го граделе користеле технологии на 19-тиот век, а не се користеле нешто од 18-ти век. Затоа мислам дека треба да ја искористиме можноста да го изградиме од цврста градба, нормално автентичниот изглед да се задржи.
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #3 Posted: 03-Oct-2009 at 00:47
мислам дека е најбитно да се изберат цврсти и доверливи материјали, и да се запази автентинчниот изглед колку што е можно повеќе, сепак никој нема да примети, а многу убаво е што ќе се обноват и фреските
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #4 Posted: 23-Oct-2009 at 23:13
Бигорски се крева од пепелта

Проектот за реконструкција ќе се изработува под раководство на архитект Ѓурѓица Лековска

Киро Кипроски 


„Св. Јован Бигорски“ - Со несмалено темпо веќе дваесеттина дена се изведуваат активностите за возобновување на изгорените конаци, монашките ќелии, машката трпезарија и другите простори на Горни палат на Бигорскиот манастир. Сите активности се извршуваат во координација на Националниот конзерваторски центар. По катастрофалниот пожар што се случи утрото на 30 септември, беше формирано Координативно тело за возобновување на Бигорскиот манастир. За квалитетно да се изврши возобновувањето, да се поврати автентичниот лик на изгорените конаци, беше одлучено за секоја активност која треба да се преземе да се консултираат и да се вклучат врвни експерти од областа на градежништвото и архитектурата. 

„Експертите го дадоа своето мислење и се работи на првата фаза на проектот“, ни вели отец Партениј, игумен на Бигорскиот манастир. Во оваа фаза успешно завршија работите за заштита на ѕидовите со нивно покривање и потпирање со метално скеле, пред да настапат обилните врнежи на дожд и снег. 

Проектот за реконструкција на Горен палат ќе се изработува зимава од повеќе архитекти под раководство на архитектката Ѓурѓица Лековска, која добро го познава Бигорскиот манастир. Како што потенцира отец Партениј, таа е заслужна за проектот што го изработи за да се возобнови Долен палат. Овој проект доби високи оценки од домашната и странската стручна јавност, за изгледот што го имаше овој конак пред да изгори во 1912 година. Исто така, Лековска го изработи проектот за Источен палат, кој се наоѓа во фаза на реализација и треба да заврши во првата половина на идната година.

Во обновувањето на изгорениот дел на Бигорскиот манастир нема да има никакво отстапување. По завршувањето на изградбата, Горен палат ќе биде автентичен со сето она што беше изгорено, но ќе биде поцврст. Може да се поврати првобитниот изглед од пред двесте години кога беше изграден од врвните мијачки мајстори, бидејќи постои прецизна документација и, како што тврди игуменот Партениј, нема да се отстапува ни за еден клин. Конаците и другите содржини што изгореа во пожарот ќе бидат возобновени во својот автентичен лик.

Во Бигорскиот манастир по пожарот се собираат верници во уште поголем број. Монасите се радосни кога ги гледаат верниците како се трудат и се ангажираат за да се врати некогашниот сјај на ова ремек-дело.

„По божја волја и по волја на патронот на Бигорскиот манастир, св. Јован Крстител, добивме тешка и одговорна, може да се каже, историска задача да го возобновиме ова големо и многу значајно светилиште за нашиот македонски народ“, потенцира отец Партениј. „Бог е тој што ги возобновува нашите сили и ни дава храброст да издржиме“.

Игуменот Партениј се потсетува кога во 1995 година првпат дојде во овој манастир. „Бигорскиот манастир беше празна куќа, покривот на трпезаријата течеше, ѕидовите паѓаа, се' беше запуштено. Со голема љубов почнавме и вложувавме 15 години, постојано поправајќи го и разубавувајќи го овој конак. Го возобновивме бигорскиот метох Св. Георгиј Победоносец во дебарското село Рајчица, го возобновивме Долни палат, а во реализација е и Источниот палат на Бигорскиот манастир“.

„Доколку имаме доволно средства, ќе се потрудиме во најскоро време Бигорски повторно да го добие својот прекрасен лик. Средства пристигнуваат од верниците, но не се доволни за да се затвори финансиската конструкција. Одѕивот на позначајните и поуспешни фирми би требало да биде поголем. Група бизнисмени заедно со монашкото братство, со цел да се соберат повеќе средства, ќе одржат донаторска конференција за возобновување на Бигорскиот манастир“, нагласува отец Партениј.



http://www.utrinski.com.mk/?ItemID=2273E9955791F44581CB378E186391BE
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #5 Posted: 30-Nov-2009 at 01:02
Продолжува обновата на Бигорски

Работите на Источен палат треба да завршат до Велигден, кога монасите ќе се преселат во новиот конак

Киро Кипроски

„Св. Јован Бигорски“ - Два месеца по трагичниот 30 септември кога во пожар изгоре Бигорскиот манастир, продолжуваат активностите за обнова на македонското древно светилиште. Монашкото братство, предводено од игуменот на Бигорски, архимандритот Партениј, потпомогнати од голем број верници, во континуитет преземаат активности да се поврати автентичниот изглед на изгорениот дел од манастирскиот комплекс. Во пожарот, за само неколку часа огнените јазици ги проголтаа манастирските конаци, монашките ќелии, машката трпезарија, манастирската библиотека, галеријата на икони, гостинските соби и други простории, изградени пред околу два века.

„Во тек е исцртување на тековната состојба на оштетените ѕидови на Горен палат, што го вршат стручни лица на Националниот конзерваторски центар, а тоа ќе послужи за изработка на идниот изведбен проект по кој ќе се врши обновата на изгорениот дел на манастирот“, не' информира отец Партениј. Наскоро, како што ни појасни тој, ќе започне процесот на инјектирање на ѕидовите што останаа по пожарот, но треба да се зацврстат. Фирмата која ќе ги изведува работите е одбрана, се чека конзерваторското одобрение од Управата за заштита на културното наследство. Во меѓувреме, се преземаат и последните мерки за заштита на ѕидовите, кои ќе овозможат отпорност на ниски температури и снег.

Во овој период целосно беа исчистени пепелот, остатоците на изгорениците, гарежот од целиот комплекс на манастирот. На машката трпезарија беше поставен времен лимен покрив, ѕидовите беа покриени со градежен најлон, со што се заштитени од временските промени. Деновиве беа возобновени скалите за влез во манастирската црква „Св. Јован Крстител“, а беше и саниран покривот на црквата, кој беше оштетен при интервенцијата за да се спречат пламените јазици да не се прошират на црквата, со што беше спасен и вредниот иконостас.

„Состојбата со донациите е незначително подобрена“, истакнува отец Партениј. „Хуманитарен концерт одржа Ламбе Алабаковски и целокупниот приход ќе послужи за материјалната обнова на опожарениот конак. Вчера се одржа целодневна хуманитарна емисија на МТВ ’Македонија за Бигорски‘ со јавна аукција за прибирање средства за возобнување на изгорените конаци на Бигорски. Донаторската вечер е откажана, а комуницирањето со големите фирми се одвива со личен контакт и се видливи првите резултати. Десетина фирми донираа парични средства, а еден дел ветија помош во материјали и работна сила“, додава тој.

Во Источен палат се врши преградување на просторот со ѕидови и се малтерисуваат ѕидовите. За неколку дена ќе започнат работите на поставување на покривната конструкција и покривање на овој нов дел на Бигорски. Според планот, ако се' се одвива без пречки, работите на Источен палат треба да завршат до Велигден, кога монасите ќе се преселат во новиот конак.

Пожарот не ја намали посетеноста на манастирот. Верниците особено доаѓаат во почетокот на постот. Сите сакаат духовно да се подготват за да можат побогоугодно да го поминат овој пост. Голем број верници се очекуваат за Божик, кога е предвидено и големо сеноќно бдение. Во меѓувреме, во манастирот треба да пристигне прекрасната зографисана икона на Богородица, копија од познатата светогорска чудотворна икона, која се очекува со радост од монасите и од сите верници.

http://utrinski.com.mk/?ItemID=52833817A2DBC348B2F454410C5C78BE
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #6 Posted: 05-Jan-2010 at 02:03

Тоне подот на црквата во Бигорски манастир

За санирање се бара помош од Националниот конзерваторски центар

СВ.ЈОВАН БИГОРСКИ - Дел од подот на влезот во црквата „Св. Јован Крстител“ во Бигорскиот манастир е пропаднат, а последниве денови местото се проширува. За санирање на ситуацијата надлежните од црквата побарале помош од Националниот конзерваторски центар. Истата појава била забележана пред неколку години кога од Националниот конзерваториски центар биле побарани стручни лица да понудат решение за санирање. Но, досега нема никаков одговор што да се преземе, иако интервенцијата е неопходна.

„Во манастирската црква ‘Св. Јован Крстител‘ треба да се изврши реконструкција на повеќе делови. Електричната инсталација е дотраена, подот нерамен, а малтерот од ѕидовите се рони. На одделни места има влага која може да предизвика оштетување“, загрижен е архимандритот Партениј.

Овие зафати се потребни за да се зачува автентичноста на црквата и да не се дозволи загуба на непроценливото културно - историско и духовно богатство. „Пролетва, кога ќе почне обновувањето на изгорените манастирски конаци, ќе настојуваме да се направи реконструкција на црквата“, вели отец Партениј.

Бигорскиот манастир е препознатлив по иконостасот во манастирската црква „Св. Јован Крстител“ што го изработиле познатите мијачки зографи - копаничари Петре Филипоски Гарката од Гари и Макариј Негрев Фрчкоски од Галичник, во периодот од 1830 до 1840 година. Иконостасот на ореово дрво, ги претставува животинскиот и растителниот свет, онака како што во тоа време можела да го долови генијалната имагинација на мајсторите - копаничари. Како на филмска лента се наредени сцени од Стариот и од Новиот завет, земниот живот, растителната орнаментика со стотици човечки и животински фигури. Прикажани се сцени од животот на Мијачките предели и пошироко, фолклорот преку носиите, зурлата и тапанот, флората и фауната. (К.К.)




http://www.utrinski.com.mk/?ItemID=B75BFBD6FFA9644C87544E34502E22EA


Edited by Cloverstack - 27-Jan-2010 at 15:35
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #7 Posted: 27-Jan-2010 at 15:49

Превентивна заштита за Бигорски

„СВЕТИ ЈОВАН БИГОРСКИ“ - Остатоците од опожарениот дел на древното македонско светилиште манастирот „Св. Јован Бигорски“ превентивно се заштитени. Работите ги изведува фирмата „Спиде платинум“, која располага со соодветна технологија и опрема што гарантира вадење на оштетениот камен и прегорените фуги без потреси и вибрации.

„Со оваа метода ќе се зачува автентичноста на ѕидовите“, вели игуменот на манастирот архимандритот Партениј.

Меѓу најитните активности за Бигорски ќе биде статиката на објектот. Во меѓувреме, ќе се работи на обновува на електриката, водоводот, греењето, противпожарната заштута, алармите. (К.К.)
http://www.utrinski.com.mk/?ItemID=B94AC8F5837AB94B85184E6013ADC889
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #8 Posted: 01-Feb-2010 at 17:09

Обновата на „Бигорски“ во април

Обновата на опожарените конаци на манастирот „Свети Јован Бигорски“ ќе почне во април. Овој рок е предвиден во динамичкиот план за реконструкција на конаците што го изработи тимот на Националниот конзерваторски центар

Министерката за култура Елизабета Канческа-Милевска и директорот на Националниот конзерваторски центар Беџихудин Шехапи минатата недела го посетиле манастирот и ги разгледале можностите за спроведување на планираната обнова.

- Би се почнало со работа кон крајот на април - најавува Шехапи.

Среќната околност во несреќата што минатата година го снајде манастирот беше постоењето прецизна документација во Националниот конзерваторски центар, што помогна во подготвувањето на проектот за обнова на опожарениот дел.

http://novamakedonija.com.mk/NewsDetal.asp?vest=2110112251&id=16&prilog=0&setIzdanie=21898
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #9 Posted: 31-Mar-2010 at 11:12

50.000 долари од УНЕСКО за Бигорски

УНЕСКО позитивно одговори на барањето на Министерството за култура и на Националната комисија на УНЕСКО за ургентна помош за обнова на опожарениот Бигорски манастир и за таа намена испрати 50.000 американски долари.
- Средствата се стигнати и се од големо значење за побрзо санирање на овој извонредно значаен споменик на културата кој по минатогодишниот пожар има сериозни оштетувања на дрвената конструкција, резбаните тавани, декоративните

прозорци и мебел, како и на голем дел од ѕидните цртежи. Владата обезбеди за манастирот 18 милиони денари така што со оваа донација од УНЕСКО веднаш ќе пристапиме кон реконструкција, рече министерката за култра Елизабета Канческа - Милевска.
Таа информираше и дека УНЕСКО со 36.000 евра ќе го поддржи и проектот „Крушево етноград“ со кој аплицираше Националната комисија на УНЕСКО. На одобрените средства претходеше мисија на претставници на Организацијата на ОН за образование, наука и култура кои беа запознати со Крушево и со проектот за него.
- Оваа помош е од особено значење за градот, за локалниот развој, за привлекување странски и домашни туристи, а со тоа и за зајакнување на економските капацитети на Крушево, рече Канческа - Милевска.
Од УНЕСКО со 100.000 долари е поддржана и втората Светска конференција за меѓурелигиски дијалог која под покровителство на Владата и УНЕСКО ќе се одржува од 6 до 9 мај во Охрид. За Конференцијата 40.000 долари донирал и Фондот на холокаустот на Евреите во Република Македонија.
Министерката информираше дека подготовките се интензивни и досега за Конференцијата се пријавиле над 150 учесници. На неа ќе бидат одбележани три значајни јубилеи - „100 години од раѓањето на Мајка Тереза“, „1100 години од упокојувањето на Свети Наум Охридски“ и „1400 години од објавувањето на Куранот“.


http://www.spic.com.mk/kat/hronika/50000-dolari-od-unesko-za-bigorski.html


Edited by lslcrew - 31-Mar-2010 at 11:15
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #10 Posted: 06-Apr-2010 at 12:33

ПРОЛЕТВА ПОЧНУВА ОБНОВАТА НА ОПОЖАРЕНИОТ МАНАСТИР

Собите на манасите и трпезаријата први ќе се обновуваат

Про­лет­ва ќе почне реконструкцијата на манастирот "Свети Јован Бигорски" кај Де­бар. Лани во септември, манастирот беше пеплосан од пожарот кој избувна во кујната. Из­го­ре речиси си, трпезаријата, конаците, гостинската соба, библиотеката, книгите и монашкото живеалиште. Спасена беше само црквата.
"До­се­га не можевме да почнеме со градежни работи бидејќи временските услови не дозволуваа. Во меѓувреме, Управата за културно наследство и Градежниот фа­кул­тет од Скопје го изработуваат изведениот проект, и тој е готов. За многу кусо вре­ме ќе почне реконструкцијата. Првин ќе се градат нова трпезарија и манашко жи­ве­а­лиш­те, а потоа конаците. Пролетва ќе треба да обезбедиме и дабови дрва, од кои беа изградени конаците", вели отец Доситеј.
Вкуп­на­та штета од изгорениот манастир се проценува на околу 5,5 милиони евра. До­се­га се собрани 300.000 евра од донации на граѓани и фирми, а исто толку за об­но­ва издвои и Владата. Во обновата на Манастирот ќе се вклучи и УНЕСКО, со до­на­ци­ја од 36.000 евра за санирање на штетите.
Спо­ред процените, обновата на Манастирот ќе трае најмалку две години. (А.А.)                                                                                                                                                         http://www.vest.com.mk/?ItemID=D0C7D95F5DB1724093B2F316F161090F 

Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #11 Posted: 20-Apr-2010 at 11:33

Се подготвува обновата на опожарениот дел од „Бигорски“


Монасите од манастирот „Свети Јован Бигорски“ не сакаа да кажат колку пари изминатиов период биле донирани преку отворените телефонски линии или лично од граѓаните и од фирмите

 
 
%20  
До крајот на неделата треба да почне превентивно оспособување на елементите зачувани по катастрофалниот пожар што во септември минатата година избувна во манастирот „Свети Јован Бигорски“, најавија монасите во манастирскиот комплекс.

- Овие денови треба да пристигнат професорите од Градежниот факултет, кои прават елаборат за обнова на манастирот. Тие ќе ги дадат насоките како да се извршува санацијата и дали ќе се извадат старите бетонски греди, кои биле ставени по земјотресот во 1960-тите години. Веќе сме во подготовка за изградба на новиот дел од манастирот, кој ќе биде вселив во август - објасни отецот Партение, игумен на манастирот „Свети Јован Бигорски“.

Обезбедени се 18 милиони денари од Владата за реконструкција на опожарениот дел, а дел од парите што се донираат од верниците и компаниите веќе се трошат за подготвителните работи за санација.

Монасите од манастирот не кажуваат колку пари изминатиот период биле донирани преку отворените телефонски линии или лично од граѓаните и од фирмите.

Бехиџудин Шахапи, директорот на Националниот конзерваторски центар, вели дека пред два дена при посетата на манастирот било нагласено дека за една недела ќе биде готов идејниот проект за обнова на конаците, а наскоро ќе се подготват и основниот и изведбениот проект.

- За реконструкцијата на опожарениот дел постои програма за работа, според која ќе се прецизираат етапите на реконструкцијата. На терен не смее да се преземаат некакви мерки за реконструкција без одобрение, зашто манастирот е споменик на културата - додаде Шахапи.

Според Паско Кузман, директорот на Управата за културно наследство, Владата финансиски перманентно ќе помага при реконструкцијата на манастирот.

Штетата од пожарот во манастирот, според првичните процени на надлежните институции, изнесува над 5,5 милиони евра. Штетата, меѓутоа, е ненадоместлива, велат монасите.

Во манастирот се наоѓа иконостас изработен од тајфата на мајсторот Петре Филипов-Гарката од селото Гари, кој не беше оштетен од пожарот.




Не ја објавуваме донацијата на Црвенковски

Донацијата од 100 илјади денари на Бранко Црвенковски, претседателот на СДСМ, нема да ја објавиме на официјалната интернет-страница на Македонската православна црква-Охридска архиепископија. Ова вчера го истакна свештенството од манастирот „Свети Јован Бигорски“, на прашањето дали и оваа посета и донација ќе ја третираат онака како и посетата на премиерот Никола Груевски и венчавката на Миле Јанакиески, министерот за транспорт и врски.

- Немаме намера да ја објавуваме таа донација, зашто тие веќе доволно ја исполитизираа целата ситуација. Има и други политичари, граѓани и компании што донирале пари и кои не ги кажуваме јавно. Ги објавуваме само оние донации што се над 10 илјади евра и кои, за жал, се многу ретки - додадоа од манастирот.


http://www.novamakedonija.com.mk/NewsDetal.asp?vest=42010104513&id=9&prilog=0&setIzdanie=21963
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #12 Posted: 20-Apr-2010 at 19:09
PukeDump    за исполитизираноста на целата ситуација

а без проблем до сега ќе реконструираа десет вакви манастири
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #13 Posted: 25-May-2010 at 01:02
Бигорскиот Манастир ќе се подигне од пепелта

Осум месеци после катастрофалниот пожар во кој изгоре Горни Палат, во тек е санација на опожарените делови и изготвен е идеен проект за реконструкција, со голем дел на елементи за основен проект. На почетокот на месецов  проектот е доставен до Управата за заштита на културното наследство и во наредните денови се очекува негово одобрување. Проектот за реконструкција е резултат на темелните испитувања на состојбата на терен кои ги спроведоа повеќе институции и има поминато низ редица комисиски филтри во Националниот конзерваторски центар, како и надворешни консултанти од релевантни области. Доколку се оди според предвиденото, надежите се дека за две години Горни Палат повторно ќе блесне во полн сјај.


Интензивно се работи и на Источни Палат, проект кој започна пред пожарот од 2009. Источни Палат ќе има корисна површина од 3.600 метри квадратни (Горни Палат има корисна површина од околу 3.300 метри квадратни) и во негов состав ќе бидат Параклис на Св. Николај Чудотворец, монашки келии, игуменската келија, библиотека со читална на два ката, котлара, перална, како и кула со часовник и атеље за зографи на највисокото ниво. Изведувач на градежните работи е фирмата „Жикол“. Моментално се привршува со покривот после што ќе се премине на фасадата, а веќе е порачан и ентериерот. Се очекува дека до манастирската слава на 10 септември, монашкото братство ќе може да се исели од гостинскиот Долни Палат и да се всели во новите простории, со што ќе може да продолжи традицијата на примање гости во манастирот. Вреди да се спомне дека и покрај големата катастрофа во 2009, манастирскиот живот и богослужбениот циклус во ниеден момент не беа прекинати.


Форумска дискусија за овој проект » овде


Кратка историја:

Манастирот бил основан од монахот Јован во 1020 година. Во 16 век, за време на султанот Селим II, бил разрушен од страна на Османлиите и од целиот комплекс останала само една мала црква. Бил повторно обновен во 1743 година, од страна на јеромонахот Иларион. Во 1814 година по нарачка на тогашниот игумен, галичанецот Арсениј, започнала изградбата на Горни Палат. Од 1820 до 1825 година, северозападно од манастирската црква биле доградени конакот со трпезаријата, како дел од Горни Палат. Во периодот од 1829 до 1835 година, тајфата предводена од Петре Филипов – Гарката го изработила прекрасниот иконостас кој е белег на светилиштето. Манастирскиот живот замрел во 1948 со смртта на тогашниот последен монах, а бил повторно обновен во 1995 со доаѓањето на отец Партениј. Утрото на 30.09.2009 во манастирот избувна голем пожар во кој целосно изгоре Горни Палат.


Галерија:

###

###

###


http://www.build.com.mk/?p=3518


Помогнете во Македонската Википедија - Слободна енциклопедија!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #14 Posted: 25-May-2010 at 05:42
Вчера завчера ја буричкав нишкава. По нет не најдов ништо ново инфо до кадењ е работава. Текстов како нарачан ми дојде! Cheers
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #15 Posted: 29-May-2010 at 17:18
Што всушност е оваа кула?! За што служи? Има некоја посебна намена?


Дали треба да биде нешто вакво како кулата што била на Свети Наум, која всушност би било убаво да се возобнови?!



Edited by lslcrew - 29-May-2010 at 17:21
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #16 Posted: 29-May-2010 at 18:37
Originally posted by lslcrew

Што всушност е оваа кула?! За што служи? Има некоја посебна намена?

Па кога не читаш, нормално дека нема да знаеш  Big%20smile

Ѕирни ја последната вест
како и кула со часовник и атеље за зографи на највисокото ниво

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #17 Posted: 29-May-2010 at 18:44
Ја читам ама не ми е јасно зашто на пример атеље за зографи мора да биде толку високо, може и во подрум да биде и на први кат исто е. Ај ова за саатот интересно, ама порано зашто ги правеле? Пологично ми е да биде камбанарија одколку атеље. еве на пример оваа во Свети Наум нема саат, па зашто била?

Инаку кулава во Свети Наум некако ми наликува, има слични елементи со други кули од европа. Ве на пример Венеција (http://z.about.com/d/goitaly/1/0/f/F/-/-/venice-tower.jpg) и Фиренза (http://freepages.misc.rootsweb.ancestry.com/~cyberheritage/travel/italy/tower%20florence.jpg).


Edited by lslcrew - 29-May-2010 at 18:47
Back to Top
Korsis View Drop Down
Senior Member
Senior Member
Avatar
БАНИРАН

Joined: 09-Feb-2010
Location: Бугарија
Online Status: Offline
Posts: 102
  Quote Korsis Quote  Post ReplyReply #18 Posted: 29-May-2010 at 18:58
Originally posted by lslcrew

Што всушност е оваа кула?! За што служи? Има некоја посебна намена?

Дали треба да биде нешто вакво како кулата што била на Свети Наум, која всушност би било убаво да се возобнови?


Одбранбените кули се класичен елемент од силуетата на средновековните манастири на Света гора и поопшто на Балканот. Рилскиот манастир, Бугариjа:



Манастирот Ставроникита, Света гора:



Манастирот Дохиар, Света гора:



Инаку мислам дека кулата на манастирот Св. Наум е градена по Првата светска воjна и има спорна историска вредност.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #19 Posted: 30-May-2010 at 03:14
Манастир 11 век од Егејска Македонија...


Долни Палат од Бигорски во изградба...

http://culturemap.mk/map/84/
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #20 Posted: 30-May-2010 at 04:46
Ова интервју го немаме, дава доста изворни информации...
< ="" ="text/">
Отец Партениј :„ ... Бог е Тој, Кој ги возобновува нашите сили и ни дава храброст да издржиме.“ Испечати

 И по 33 дена од  од големиот пожар во кој изгоре дел од Бигорскиот манастир, со несмален интензитет се санираат  материјалните  штети  кои настанаа, а духовбата градба (толку својствена за овој манастир), со голема љубов,  и трпение, никогаш и не престанала. Во миговите на оскудниот одмор,  помеѓу урнатините  и новото што се издига над пепелта, духовниот татко не престанува  да ги  поучува своите чеда. Пастирот го љуби своето стадо и тие него бескрајно...

Неодамна, во Утрински весник, излезе интревју со отец Патрениј, во кое тој говори, за тековните работи околу санацијата на конакот, но и за неговото  минато  и иднината. Го пренесуваме во целост.

ПреминПортал

 

Bigorski.Intervju.jpg

Bigorski.Intervju.jpg

Bigorski.Intervju.jpg

Bigorski.Intervju.jpg

 

1. Кој  го изработува проектот за изгорениот дел на Бигорскиот манастир, и  кога се очекува да заврши проектирањето, и да   започнат градежните работи?

 Bigorski.Intervju.jpg

 - Проектот ќе се изработува во координација со Националниот Конзерваторски Центар, и веќе знаете дека е формирано координативно тело за возобновување на Бигорски манастир со г-дин Паско Кузман и мене како ко-координатори. На првиот состанок беше решено да се консултираат повеќе врвни експерти од областа на градежништвото и тие веќе го дадоа своето мислење, така што сега се работи на првата фаза од проектот, а тоа е  процесот на заштита на ѕидовите со нивно покривање и потпирање, а проектот за реконструкција на Горни Палат ќе се работи паралелно, веројатно во текот на зимава.

Во изработката на овој проект, што е и втора фаза во возобновувањето, веројатно ќе учествуваат повеќе архитекти, но главен архитект секако би била г-ѓа Гургица Лековска, бидејки таа добро го познава манастирот и е заслужна за проектот за реконструкција на сега, веќе, успешно и стручно возобновениот Долни Палат, за кој добивме високи оценки од многу историчари на уметност од земјава и од странство, а нејзин проект е и Источен Палат, кој е во фаза на реализација. Сепак, сметаме дека за проектот Горни Палат се потребни повеке архитекти .

Bigorski.Intervju.jpg

 2. Дали ќе има остапување од автентичнито изглед на конаците, односно дали излгедот ќе биде ист како во периодот  пред да бидат опожарени?


- Што се однесува до архитектурата на Горни Палат,  повеќе  пати нагласив дека за неговиот поранешен изглед имаме многу прецизна документација и воопшто нема да се отстапува од неа, значи конаците ќе бидат возобновени во својот автентичен лик, што го имаа пред пожарот.

Bigorski.Intervju.jpg

Bigorski.Intervju.jpg

           3. Дали се завршени активностите за покривање на просторот на машката трпезарија со времен  кров и дали завршија активностите со покривање на ѕидовите со најлон?

Bigorski.Intervju.jpg


-  Во моментов се завршени работите околу  покривање на просторот од машката трпезарија. Во тек се и други активности во поглед на потпирање и заштитување на ѕидовите. Доколку дозволи времето, ќе започнеме со санација на ѕидовите од галеријата и трпезаријата.

 

4. Каков е одѕивот на верниците  со донирање на доброволни прилози за обнова на конаците, односно колку средства по овој основ се собрани?

Bigorski.Intervju.jpg

-  Нашиот манастир е вистинско духовно гнездо, во кое се собираат голем број на верници и е топло возљубен од сите нив. Неопислива е радоста што ги исполнува нашите срца кога ги гледаме како се трудат, правејќи се што е во рамките на нивните можности, за да се врати сјајот на овој наш заеднички, возљубен дом. Но сметаме дека одзивот на оние позначајните и поуспешни фирми би требало да биде поголем .

5. Како игумен на манастирот со кој проблем се соочувате? Кога очекувате Бигорски да го добие вистинскито изглед?

Bigorski.Intervju.jpg

-  По Божја волја и по волјата на Св. Јован Крстител добивме тешка и одговорна, може да се каже историска задача да го возобновиме ова големо и многу значајно светилиште за нашиот народ, а проблемите и обврските, како духовните, така и оние околу возобновувањето, не би ги набројувал, бидејќи се многу, но Бог е Тој, Кој ги возобновува нашите сили и ни дава храброст да издржиме. Токму заради љубовта кон Бога, ние, секогаш, сецело и пожртвувано сме се вложувале во возобнувањето на манастирот, бидејќи знаете дека и до сега имаме придонесено многу за овој манастир. Имено, кога дојдовме овде во 1995 година, затекнавме многу тажна состојба: манастирот беше како една празна куќа, покривот на трпезаријата течеше, ѕидовите паѓаа, се беше запуштено. Почнавме со голема љубов и вложивме 15 години во тој конак, поправајЌи го постојано и разубавувајќи го. И не само тоа. Го возобновивме и Бигорскиот метох Св. Георгиј Победоносец во Рајчица, го возобновивме 'Долни палат”, а во фаза на реализација е 'Источни Палат”. Ова го напомнувам не за да се пофалиме, бидејќи ние, монасите, само со крстот Господов се фалиме, туку за да ги потсетам сите оние, кои, како да заборавија каков беше Бигорски пред да се врати на МПЦ и пред да се возобнови во него монашкиот живот. Токму безмерната Божја љубов е таа што го издигна Бигорскиот манастир, и ние, вдахновени од неа, целосно се вградивме во ова прекрасно светилиште, така што и сега, доколку имаме доволно сретства, ние ќе се потрудиме во најскоро време Бигорски повторно да го добие својот прекрасен лик.

Bigorski.Intervju.jpg

 6. Дали архивата на монашкото братство е сочувана?

Bigorski.Intervju.jpg

-  Би сакал уште еднаш да нагласам, со оглед на бројните шпекулации по медиумите, дека старата архива на манастирот, која го покрива периодот до Втората светска војна, се наоѓа во архивите на град Скопје, Тетово и Охрид и истата ја користевме секогаш кога ни требаше да проучиме нешто или да дознаеме повеќе  за старата историја на манастирот. Таму е се  уредно сочувано, и сите ракописи и стари документи, така што доколку некој сака да истражува за идентитетот и историјата на Бигорскиот манастир, слободно може да ги консултира овие архиви, во Македонија и надвор од неа.
 А во врска со поновата архива, би кажал дека по Втората светска војна во манастирот беше прекинат духовниот живот и во тој период не е создавана никаква архива. Така беше се до нашето доаѓање во 1995, кога одново се започна со создавање на архива. За жал, тоа е архивата која исчезна во огнот. Морам да спомнам и за библиотеката, која беше создавана после нашето доаѓање, и која исто така беше проголтана од огнот. Во прашање беа само печатени книги и сега е во фаза градење на нова библиотека, која ќе има далеку поголем фонд на книги од претходната и ќе ги има сите оние книги што изгореа во пожарот.
 

Bigorski.Intervju.jpg

 7. Во овој период, пред да  настапи зимата,  што е најнеопходно да се направи?

Bigorski.Intervju.jpg

- Во поглед на првата фаза од проектот, сметам дека сето она што беше приоритетно да се направи, додека не настапат обилни дождови, е веке направено, а тоа е, како што напомнав претходно, потпирањето и покривањето. Во врска пак со 'Источни Палат”, после пожарот ние моравме да ги интензивираме градежните работи околу новиот конак, бидејЌи таму се предвидени да бидат монашките келии. Доколку се  се одвива според предвиденото, 'Источни Палат” би требало да биде потполно завршен некаде на почетокот на летото. Така монасите ке бидат сместени во новите келии, а 'Долни Палат” ке биде повторно оспособен за прием на гости.

Bigorski.Intervju.jpg

Bigorski.Intervju.jpg

Bigorski.Intervju.jpg

Bigorski.Intervju.jpg

Извор: Утрински весник

http://preminportal.com.mk/content/view/5205/54/

Back to Top
 Post Reply Post Reply Page  123 6>

Forum Jump Forum Permissions View Drop Down



This page was generated in 0.110 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.