Скопска обиколница [A2/A4]

Јас мислам дека треба да се наплаќа влез во Скопје. И да се вадат посебни дозволи за влез во Скопје. Поготово за камионите.

Зашто не сватите дека има една работа што ја тупам неколку пати на форум. Тоа е природа на човеково движење. Природно му припаѓа правото на човек да се движи по најкраткиот пат. Делницата од автопатот што ја дуплира врската момин поток Хиподром е подолга за два километра ако е во профил на автопат. Луѓето влагаат само право преку градскиот автопат, кој не би требало да е ништо поразличен од било кој останат пат само што не е. Разликата од 2 километра и навиката се веројатно компромисот што наведува на влегување во Скопје, а и фактот што автопатот кога доаѓа од куманово, не е скопје насоката за која треба да се исклучиш туку право се влегува во градот, а треба да се исклучиш за да продолжиш да се движиш по автопат, што е една глупост. Поставеност на краците од клучката го диктира изгледот на клучката но сепак треба и на тоа во некое догледно време да се мислиме.

Сепак никакво импровизрање со наплатни, со рампи, со што и да е неможе да го промени фактот дека едната делница од автопатот се изгради непотребно и слободно со истите финансиски средства ќе се покриеше доизградба на северен булевар и уште неколку значајни проекти што ќе не поврзуваат со тој булевар, уште многу други внатрешни сообраќајни проекти индиректно зависни од овој.

Може вие колку сакате да си навивате за обиклница зашто тоа ви изгледа како да сме нешто модерен град и демек така било низ европа ајде и ние. Скопје не е град во поле, ниту град што нема планирани градски транзит автопати. Обиколница не се гради на на гоогле еартх да се гледа круг околу градот, него се гради тоа што му дошло ред. Тогаш ред му беше дојден на градскиот автопат. Кога тогаш ќе мораме да го доизградиме, а обиколницата ќе си ја почуаме некоја деценија празна, односно оваа првата делница.

Колку што сум запознаен транзитот низ Скопје е забранет за товарни возила. Меѓутоа слабо се контролираат патните налози на компаниите, инаку може брзо да се стави ред, ако се сака.

Тоа што имал, а не си ни сигурен, источниот повеќе од западниотпгдс не ти кажува ништо посебно. Провери го пгдс-от на градскиот булевар колку е поголем од источната делница. Тоа е релевантен податок што може да го отслика тоа што го зборував. Источната делница ја добива поддршката само затоа што е инфраструктурен и еден од поретките и сега ајде ќе бидеме за. Тоа е апсолутно излишен и долги години ќе седи така.

Edinstveno pgds za gradskiot bulevar i dvete delnici posebno mo\e da ja ras;isti dilemava. Odnosno samo moze da te uveri deka ednata delnica od avtopatot e za sega nepotrebna rabota.

Зошто не им се забрани на камионите да ги користат градските улици?
Изводливо ли е такво нешто? Моја идеа е оние кои немат потреба да влегуват во градот со закон да бидат обврзани да ја возат обиколницата. Образложување: градски метеж и загадување.

Edited by kultuzin - 10-Apr-2011 at 11:27

Зошто да не би можело? Постојат соодветни забрани за движење по одредени улици во согласност со тежината на возилото. Камиони за достава може да се движат низ центарот, ама шлепери со определена тежина, должина, и оскено оптоварување не. Затоа постојат и такви знаци (тука, тука и тука).

СЕ ЗГОЛЕМУВА ИСКОРИСТЕНОСТА НА НОВИОТ АВТОПАТ ОКОЛУ МЕТРОПОЛАТА

Обиколницата-лезет за Скопје

Расте „популарноста“ на скопската северна обиколница. Годинава искористеноста на овој нов автопат пораснала за 50 отсто споредено со лани, а од Агенцијата за државни патишта очекуваат растот да продолжи. Беше пуштена во употреба во јуни 2009 година и отпрвин немаше значителен проток. Експертите од Градежниот факултет кои работеа на обиколницата велат дека луѓето полека се привикнуваат на неа.

- Јас сум убедена дека со текот на времето граѓаните се' повеќе ќе ја користат. Тој автопат е проектиран за 20 години, односно планирано е сообраќајот постепено да се зголемува во текот на 20 години. Луѓето се' уште немаат навика да минуваат оттаму, иако на пример од Аеродром до Ѓорче Петров побрзо ќе се стигне по обиколницата отколку да се вози низ центарот. Ете ја и економската придобивка - вели Радојка Дончева, професор по патишта на Градежниот факултет.



Околу 7.000 возила дневно

Обиколницата е дел од европскиот Коридор 8, а нејзината домашна улога е да го прибере товарниот сообраќај од центарот на Скопје кој оди кон Косово и дел од товарниот сообраќај што оди кон Тетово, кои инаку претставуваат голем процент во вкупниот сообраќај во Скопје.

- Со камион постојано сум на релација Велес-Тетово и наместо да минувам низ центарот на Скопје, ја користам обиколницата, го избегнувам метежот и стигнувам побрзо - вели еден камионџија.

Според предвидувањата, до 2020 година околу 15.000 возила дневно ќе го експлоатираат автопатот, двојно повеќе отколку сега.

- Податоците добиени при направеното броење на просечниот дневен сообраќај до август 2011 година говорат дека на клучките Хиподром-Арачиново и Волково-Сарај поминуваат 7.044 и 6.088 возила - соопшти Наташа Волкановска, директор на Агенцијата за патишта.

За да биде искористеноста максимална, како и за добрата комуникација меѓу населбите што гравитираат кон автопатот, потребно е општините да ги изградат сите пристапни патишта до осумте клучки. Според Волкановска, најголем дел од нив е готов, освен во Бутел и во Ѓорче Петров, каде што нема асфалтиран пат до клучката Волково.



Градот да се шири во тој правец

Таа е изградена во реони кои се надвор од опфатот на актуелниот Генерален урбанистички план, па поради тоа во околината засега ниту живеат ниту работат луѓе. Скопскиот градоначалник Коце Трајановски летово најави дека со новиот ГУП градот ќе се шири токму кон овој инфраструктурен објект. Но, засега нема ништо конкретно од овие најави.

- Новиот Генерален план е во почетна фаза и не би можеле да кажеме какви содржини ќе предвидува. Неизвесно е и дали со ГУП ќе се опфати обиколницата. Се работат студии кои покриваат 20 области и ќе ја претставуваат документирана основа на ГУП, врз основа што потоа ќе се изработи нацрт-верзијата. Се' уште е рано и од планската програма, која ја работи Архитектонскиот факултет, да се види кои содржини би се предвиделе во тој дел. ГУП би бил готов до средината на наредната година - вели Мирко Андовски, раководител на одделението за урбанизам во Агенцијата за просторно и урбанистичко планирање.

Според општините низ чии територии минува обиколницата, Бутел, Гази Баба и Ѓорче Петров, економските придобивки ќе се почувствуваат со заживување на детаљните урбанистички планови, кои околу обиколницата ќе предвидуваат лесна незагадувачка индустрија. Од Бутел велат дека донеле два урбанистички плана.

- Едниот го опфаќа просторот зад ОУ „Климент Охридски“, кој ќе биде наменет за лесна незагадувачка индустрија. Вториот плански документ се однесува на просторот десно кај Љуботенски пат и ќе биде наменет за индивидуално домување - вели Слободан Невенов, раководител на Секторот за урбанизам.

Најголем дел од обиколницата минува низ територијата на општината Ѓорче Петров, во должина од 8,5 километри.

- Со планот за Стопански Двор е планирана лесна индустрија која нема да загадува и бензинска пумпа, а со дел од планот за Орман се предвидува домување. Со плановите им дадовме можност за градење на сите што се заинтересирани за оваа зона - вели Момо Николовски, портпарол во Ѓорче Петров.

Од Гази Баба велат дека со нивните урбанистички планови покрај обиколницата се предвидуваат лесна индустрија и големи трговски единици, односно трговски центри, како и изложбено-продажни објекти.

 

До 2020 година ќе минуваат 15.000 возила дневно

Се предвидува дека до 2020 година околу 15.000 возила дневно ќе го експлоатираат автопатот, по кој максималната дозволена брзина е 120 километри на час. Вредноста на целиот проект беше околу 130 милиони евра, земени со кредити од Европската инвестициска банка и од Европската банка за обнова и развој. Таа е дел од меѓународниот Коридор 8, односно од патната врска Бугарија-Македонија-Албанија. Долга е 26,8 километри. Беше најавено дека ќе се воведат патарини, но засега возењето по неа е бесплатно.

http://www.dnevnik.com.mk/?ItemID=85CF6EDF6145AB449AE44BA1DC2E8695

Originally posted by pbanks Конечно да добиеме малку официјална статистика. Бројките се многу подобри отколку што мислев, да ја пробиеме границата од 10к месечно и мислам дека полека ќе може да почне да се зборува за успешна инвестиција.

Потенцијалот не е искористен и заради недостаток на содржини долж автопатот.

Кога би се направиле трговско-индустриски објекти долж трасата, би се зголемил многу кратко протокот. како што се зборуваше за можноста Икеа да отвори на раскрсницата меѓу патот за Блаце и обиколницата, односно таму да се изгради огромен трговски комплекс, и ќе се зголеми не на 10, на 50к месечно.

И не е само тоа потребно е поврзување на Бутел првенствено и доизградба на Цветан Димов со обиколницава за поголем сообраќај нејзината намена не е само обиколен пат туку и приоди во и од градот.