Скопје 2014

Еден, ама ЕДЕН збор не е промашен во текстот на Србинот. Вистината ја опишал баш каква што е, но вие како осетлива дебељуца сте “увреѓени“ и живеете во убедување дека ви завидуваат на витката става. Неќете да видите дека тој воопшто не е злонамерен туку СК2014 едноставно тера на смеење-плачење-неверица и  “трансфер блама“. Ако читате внимателно би приметиле дека на места ја исмејува и својата држава и народ. 

Прво Бугарите не чинеа, криво им било, сега и Србиве почнаа да не чинат, веројатно треба да дојде некој од Уганда да ни се смее за да се прашате што е работава. 

@fossil се согласувам со спомениците дури имав и намера да отворам тема за тоа како според нас би требале да бидат лоцирани веќе изградените споменици. Во моментов не сум во можност да направам една графичка анализа но еве ако има интерес може да се отвори и таква тема, бидејќи факт е дека спомениците не само што се збиени, се гушат еден со друг , намалувајќи си го меѓусебно значението, туку не се ни тематски поставени а често се несоодветни со просторот и буквално личат на паднати од небо. 

Текстот на патеписецот е веројатно чудо за три дена, ама НИЕ ќе се давиме далеку подолго во бљувотината СК2014.

Кога сме кај комплекси, еве ги овде опишани чии се, од каде произлегуваат и  до каде не донесоа: http://www.utrinski.com.mk/?ItemID=6271AF0FEFD60644ABC182DE5A4168AE

По не знам кој пат да повториме:

Брутализмот е современ правец во времето кога се градел во Скопје. Барок (неокласицизам, историцизам или која било друга колоквијална варијација со која се опишува СК2014) не е современ правец во денешно време.

Брутализмот во Скопје е реализиран после меѓународен конкурс, распишан заради штета причинета од елементарна непогода, не затоа што некому не му се свиѓало како изгледа па решил да го разубави по свое, како што се прави денес. Исто така постоела објективна итност да на огромен број раселени луѓе им се врати изгубениот град. Денешната итност произлегува од што? Резултатите на таа постземјотресна обнова не чинат поради недоследната реализација, за која не ни е крив ни Танге, ни брутализмот како стил туку нашиот примитивен плукни-залепи менталитет, кој од тогаш до денес како да се уназадил уште толку наместпо да еволуира, за што доказ е СК2014 и сите урбанистички промашувања вон овој проект на кои секојдневно сведочиме.

Молам? Тебе ти се чини  потрошеното  малку, она, САМО ТОЛКУ можеме? 

 Свесен ли си ти со тие пари какво можеше да се направи Скопје?  Тука да те потсетам на реакциите/ужасот кој го предизвика хотел Амбасадор пред 20 години со Статуата на Слободата на кров. Како приватен објект никој не можеше да му ја забрани, но реакциите беа до една негативни, дека тоа е врв на кичот, сите се фаќавме за глава, гарантирам вклучително и идните поддржувачи на СК2014. Кој се надеваше дека цело Скопје ќе стане такво.