Скопје 2014

 
Ти праша зошто се интересираме за нешто помалку стручно, што истовремено провоцира, а јас те спомнав тебе како виновник бидејќи си ја објавил статијата на форумов, има безброј статии исполнети со негативни критики на проектот Скопје 2014, но оваа конкретна статија која ти си ја објавил на форумов, повеќе е исполнета со потценувачки и навредливи коментари, отколку што е исполнета со урбанистички критики и предлог-решенија за конкретните проблеми.
 
Секој со свој став, јас го кажав мојот став, на тебе останува да го кажеш твојот став, доколку сеуште не си го кажал.
 
А кога сме кај хуморот и себеиронијата, ќе ме извиниш, но истите воопшто не се достапни ниту во статијата која си ја објавил на форумов, ниту во твоите коментари.

 
Гледаш како лесно губам концентрација кога нешто ми се качува на нерви, те измешав тебе со забеган.
 
Да, вината ја припишувам на тебе Андреј бидејќи си ја објавил статијата на форумов, а одговорот беше наменет за забеган бидејќи тој праша зошто не се заинтересираме за нешто постручно, отколку за нешто што најмногу провоцира коментари како коментарот на alexgizh.
 
Барем засега, никој на форумов не ја негира примитивната, арогантната, насилната и пред се, корумпираната природа на проектот Скопје 2014, но како што Рим не бил изграден за еден ден, така и ваквите проекти не започнуваат преку ноќ, потребни беа години исполнети со стагнација и ништо ново што би направило централното градско подрачје на Скопје да заличи на посовремено, добра обнова на фасадите со современи материјали, а истовремено задржување на оригиналниот изглед, ќе го спречеа овој проект уште во самиот корен - анимацијата која беше прикажана во 2008 година. Но статусот кво низ годините си го направи своето, поради што на крајот се појавија мудреците со своето решение наречено Скопје 2014, а скопјани молчеа, очигледно по принципот "дај шта даш", наместо да реагираат по принципот "непоканетите надвор од мојот имот".
 
Секако дека очекувам новинар или било кој друг да даде предлог решение, времето нема да запре во 2014 година, ќе продолжи и понатаму, а надежта дека ќе живееме во поубав, почист, поздрав и пред се, поудобен град за живеење, последна умира.
 
Ти не прочита ништо навредливо или трагично во текстот, просто еден поглед, тоа е твојот личен став, јас лично го почитувам, но не го прифаќам, бидејќи мојот личен став е дека текстот е исполнет со потценувачки и навредливи коментари, но на крајот на краиштата, тоа е мојот личен став, на тебе останува да го почитуваш, но не и да го прифатиш, доколку не сакаш да го прифатиш.
 
Историјата си е приказна за самата себеси, пред 100 години ова време не постоеле ни Полска, ни Чешка, ни Словачка, ни Украина, ни Белорусија, ни ред други држави, па сепак денес никој не им приговара на овие држави и на нивните народи да ја третираат и да ја величат сопствената историја на свој начин, па од тука очекувам ист третман и кон нас Македонците, не гледам причина зошто ние да не бидеме дел од ваквиот тренд. Обрни внимание, реков Македонците, а не проектот Скопје 2014, кој дефинитивно нема никаква поврзаност со третирање и величење на историјата, но затоа има секаква поврзаност со третирање и величење на изопачени димензии и пропорции, доколку воопшто може да се наречат димензии и пропорции.


Edited by Dexter26 - 06-Apr-2013 at 22:40

 
Дефинитивно да.
 
Да не беше Скопје 2014, ќе беше некој друг тотално погрешно замислен проект.
 
Но сепак мислам дека ако властите превземеа нешто во периодот до 2008 година за разубавување на централното градско подрачје за да добие посовремен лик, ќе ги имаше повеќемина на протестите против проектот Скопје 2014, а можеби ќе имаше и референдум за целиот проект, а вака стагнацијата си го направи своето.
 
Истото важи и за двокатните градски автобуси, од самиот почеток се знаеше дека нема да го решат проблемот со сообраќајниот хаос и дека нема да ги задоволат потребите на скопјани, но статус квото кој се одржуваше низ текот на годините, ги наведе скопјани да ги прифатат двокатните градски автобуси по принципот "дај шта даш".
 
Решавањето на секој проблем започнува со самото признавање дека проблемот постои, но поранешните власти го игнорираа проблемот, за нив важно беше Скопје да има плоштад, без разлика како истиот ќе изгледа, за нив важно беше ЈСП Скопје да располага со автобуси, без разлика колку се стари и дали се во согласност со европските стандарди, а кога игнорираните проблеми ќе се насоберат, или целата структура ќе се распадне како кула од карти, или некој ќе профитира на дебело од решавањето на проблемите, без разлика дали решението го решава проблемот во целост или само ги прикрива последиците од проблемот.


Edited by Dexter26 - 07-Apr-2013 at 00:16

За жал, тоа што хрватот јавно го кажа го делат сите посетители на Скопје. Иако го мразам тоа, сите ги прашувам како им се допаѓа (најискрен одговор се добива после неколку пивца)ново Скопје. Одговорите сублимирано се потсмев, чудење, згрозување и „зошто ви е потребен овјо кич“. Џабе моите објаснувања дека народот не го приваќа СК2014, дека има големи критики во јавноста, дека ова е обид власта да го кретинизира народот...
Како што рече некој погоре, ние сме виновни, јас сум виновен!

Декстер, реално повеќето аргументи не држат никаква вода за да се оправда овој проект односно, односот на граѓаните кон него.

Сепак би издвоил еден со кој се согласувам и кој не би требало да се испушта кога некој ги анализира работите од страна како авторот од Хрватска. А тоа е целата прикаска со НАТО и воопшто односот кон Македонија сите овие години на политички план. Токмну тој однос беше катализаторот кој не претвори во ваков народ и кој создаде плодна почва за проектот СК2014.

Значи, неможе некој да се чуди како лудите Македонци наредиле секакви кипови по плоштад а да не направи барем елементарна анализа како дошло до тоа.

Ете тоа е мојот единствен проблем со репортажите од ваков тип, за се друго авторот е за жал во право.

Оној кој има свој мозок...

Аналитички гледано поголемиот дел од народната (простата (без навреда)) маса (или раја) го прифаќа проектов освен можеби сумата пари која е издвоена за него. Застани на плоштад и почни да ги прашуваш луѓето како гледаат на проектов и сето тоа што е направено до сега ќе се изненадиш од одговорите.

Originally posted by pbanks Originally posted by kultuzin   Originally posted by nenad Џабе моите објаснувања дека народот не го приваќа СК2014 Кој е тој народ што не го прифаќа? Огромен дел од народот.

И да е огромен дел од народот , тоа на никој не му дава право на некој да генерализира.

Освен тоа мислам дека најголемиот дел од граѓаните на овој проект  не гледаат како на целина туку имат мислење за секој објект посебно. Пример убеден сум дека фонтаната со Александар Македонски е прифатена од најголем број на граѓани исто како и Театарот, Археолошкиот музеј и  Музејот на македонската борба за независност, додека најголем дел се противат на преголемиот број несоодветно и неплански распоредени споменици или пак на објектот на АЕК. 

Мое лично мислење е дека и покрај тоа што се изградија многу работи кои можеа да се направат подобро и пред се да опфатат пошироко градско подрачје на Скопје и Македонија дефинитивно им требаше ваков проект кој за жал поради горенаведните недостатоци остави доволно простор за критика. 

Но со евентуално преместување на спомениците, дислокација на градските плажи, дефинитивно спречување на изградба на Споменикот на Мајка тереза и Тркалото како и спречување на изградба на останатите два сплава (за двата во изградба за жал веќе е доцна) би можело да се добие многу кон подобрување на квалитетот на овој проект.

Originally posted by daci92 Аналитички гледано поголемиот дел од народната (простата (без навреда)) маса (или раја) го прифаќа проектов освен можеби сумата пари која е издвоена за него. Застани на плоштад и почни да ги прашуваш луѓето како гледаат на проектов и сето тоа што е направено до сега ќе се изненадиш од одговорите.

Проблемот е што многу луѓе демократијата ја разбираат како некоја проста математика на мнозинство и малцинство. Ако се земе на пример анкетава на форумов како репрезент (а веројатно не е далеку од вистината), таа укажува на само една работа а тоа е дека постои длабока поделеност околу проектот. Кога постои таква поделеност околу нешто толку големо, тоа не смее да се игнорира.

@kutuzin, како сакаш спакувај го проектот, посебно по објект, како целина... тој генерира поделби и тука завршува прикаската. Во земја со демократска традиција, вакво нешто не би поминало ни во фаза на анимација, а не па да се реализира.

Големата маса не ги разбира поимите демократија, комунизам, социјализам, фашизам, капитализам итн и сето тоа го разбирам ,но тука луѓето не гледаат на проектов како некој од нас туку како што кажа некој погоре, гледаат на него како засебни објекти а не целосен проект.
Поделеноста во нашето општество не е ништо ново ,ние сме поделени јазично, етнички, религиски, партиски, урбанистички и како не ,па за сопствени вкусови што е секаде во светот случај да не правиме муабет, но тука имаме недостаток од интервенција односно од позитивна интервенција бидејќи сите интервенции до сега водеа кон поголема поделеност.