Скопје 2014

Вистина е дека ова е најкатастрофалната влада во овие 30 год во сите сегменти не само "build-от",ама нешто што посебно иритира е што им се полни муцките со ЕУ/НАТО а во реалноста префарбуваат брутализам/режимизам и носат одлука за рушење на една од малкуте објекти градени после земјотресот што личат на нешто.


Мада можам да кажам дека најмногу ги обвинувам тие пред нив,зошто имаа шанса и ветија дека ќе го направат градов да личи на нешто,а тие запнаа со стиропор,кочии,врби,споменици....забегаа,може им се можеше сепак носеа фабрики влегуваше по некој денар во државната каса ама мораше да се среди главниот град,колку што е град,никој не им бара во визбегово облакодери да градат,па после и другите градови низ државава,плански со стил и квалитет за да дојдат туристи,да поседат ноќ,две,да остават некој денар.
Не ми е јасно зошто тоа што се градеше го спореа,факултетите,објектите на плоштад,менување на фасада на ЕВН,зградата до Пелистер...што е поентата на тоа,или руши ги или догради ги и крај?! Или биди маж и кажи,ни грујо ни мујо не се прашува што ќе се гради и каде,одлучено е градов да потсеќа на Атина не на Белград(што мене ми е сосема океј)и да завршиме со лаги и дневно-политички собирања на поени,најмногу на сметка на народот.Плус срамота е пичка му матер,4 години поминаа еве и да нејќеа да го чепкаат барокот до следна замена на локални или парламентарни,можеа барем нешто модерно да почнат,околниве главни градови не поминаа,прашината им ја голтаме само.
Мегаломански бил проектов па политичариве ако не сфатија дека 10 мегаломански проекти треба да се водат во градов симултано,инфраструктура,згради,подземни улици,метро...за да ги задржиш луѓево тука,да привлечиш туристи,тогаш нека си стават прст на чело или нека престанат да се бават со политика,веќе ни "провинцијалците" не го есапат Скопје,го скокаат директно за Германија,Канада,и со право.

ПРЕД СОБРАНИЕ НЕМА ДА ИМА БАРОКНА СЕНДВИЧАРА КАКО ШТО ПРЕДВИДЕ ВМРО-ДПМНЕ, ОПШТИНА ЦЕНТАР ГО РАСКИНА ДОГОВОРОТ

Барокна сендвичара требало да се постави пред Собранието, кое е објект со висок степен на мерки за безбедност. Власта на ВМРО-ДПМНЕ во време кога градоначалник на Општина Центар беше Владимир Тодоровиќ, а министер за транспорт и врски Миле Јанакиески, продала државно земјиште во делот кај Собранието за изградба на една од десетината барокни сендвичари, како надополнување на проектот „Скопје 2014“ во центарот на градот.

Од Општина Центар велат дека за оваа локација е почната постапката за раскинување на договорот бидејќи земјиштето е продадено несоодветно, а несоодветна е и локација.

„Во декември 2018 година, Општина Центар од Министерството за транспорт и врски во нејзина надлежност презема предмети кои се однесуваат на договори за отуѓување на државно градежно зедмјиште со јавно наддавање. Еден од тие предмети се однесува и на таканаречените барокни сендвичари, односно киосци, кои веќе се или би биле поставени во централното градско подрачје. Дел од сендвичарите се изградени и се предвидени да се изградат на несоодветни локации, како на пример непосредно пред Собранието на Република Северна Македонија. За оваа локација, на 6 август беше активирана банкарската гаранција на купувачот на земјиштето, а со тоа и формално е започната процедурата за раскинување на договорот на тоа градежно земјиште, кое било вцртано и отуѓено на несоодветен начин и на несоодветна локација“, велат од Општина Центар.

Власта на ВМРО-ДПМНЕ во рамките на проектот „Скопје 2014“ продаде државно земјиште на неколку локации во центарот на градот за изградба на барокни сендвичари. Повеќето од нив иако се поставени никогаш не почнаа со работата. Во моментов, единствено работи барокната сендвичара на Кеј 13 Ноември пред хотелот „Холидеј ин“ и онаа на улица Македонија.

https://sdk.mk/index.php/dopisna-mrezha/pred-sobranie-nema-da-ima-barokna-sendvichara-kako-shto-predvide-vmro-dpmne-opshtina-tsentar-go-raskina-dogovorot/

Originally posted by David Стварно многу штета виде градот од барокните сендвичари,двата Тетекси не можат редицата да ја добројат.

абе другар, и во бљувотините од бродови има журки, тоа не значи дека се е ок
меѓудругото, тетекс е единствен киоск од поставените што го знам да функционира

ВЛАДАТА ПОБАРАЛА ОД ОПШТИНА ЦЕНТАР ДА СЕ ОТСТРАНАТ ПОРТАТА И СПОМЕНИКОТ НА МАЈКА ТЕРЕЗА

Владата доставила барање до Општина Центар од новиот детален урбанистички план „Мал ринг“ да се избришат маркичките на Порта Македонија и споменикот на Мајка Тереза. Работната група за справување со проектот „Скопје 2014“ која беше формирана од Владата на СДСМ по доаѓањето на власт во 2017 година, за овие два објекти кажа дека се дивоградби и при нивната изградба прекршени се низа закони.

Од Општина Центар за САКАМДАКАЖАМ.МК велат дека за време на јавната анкета за Деталниот урбанистички план добиле барање и од Владата да се избришат овие два објекти. Сега чекаaт одговор од Министерството за култура под чија надлежност се овие објекти, дали се согласуваат и тие со ова барање, по што ќе може да бидат тргнати од планот.

Ваквото барање на Владата е спротивно на претходната одлука, со која побара од Министерството за култура споменикот на Мајка Тереза да се пренамени. На ваквата владина одлука реагираа Асоцијацијата на архитекти на Македонија, Работната група за справување со проектот „Скопје 2014“, како и градоначалникот на Скопје Петре Шилегов и бараат тој веднаш да се урне.

Од Работната група исто така доставија барања до Општина Центар за уривање не само на овие два споменици туку и за бришење на т.н. „Шпански скали“ , а спомениците од Плоштад Македонија да се дислоцираат.

„Наодите до кои е дојдена Работната група, покажуваат дека во сите случаи се работи за тешко прекршување практично на сите позитивни закони што ја уредуваат материјата на подигање на споменици, законите за буџет и јавни набавки, како и законите за просторно и урбанистичко планирање и градење. Во Предлог-детален урбанистички план Градска четврт Ц 01 – Мал Ринг 1, Општина Центар – Скопје, плански период 2019-2024, не постои ниту трага од спомениците, дури ниту во геодетската подлога врз којашто графичките прилози на планот се вцртани, поради што во планот не постојат ниту плански одредби и мерки за решавање на проблемот на незаконските споменици и други градби од т. н. проект ‘Скопје 2014’. Од друга страна, со невцртувањето на постојни градби и споменици во предлог-планот тој станува спротивен на законот, како да е правен на неажурирана геодетска подлога“, изјави од Работната група за справување со проектот „Скопје 2014“ по јавната презентација на планот „Мал ринг“..


https://sdk.mk/index.php/dopisna-mrezha/vladata-pobarala-od-opshtina-tsentar-da-se-otstranat-portata-i-spomenikot-na-majka-tereza/

Портата на која пишува МАКЕДОНИЈА со фонт изваден од ценовник на некоја гостилница во Прилеп/Крива Паланка/Вевчани? Таа со лимената настрешница? Во право си, тешко дека би нашле нешто што подобро ја отсликува државава.

Полјаната е таму поради нечии туѓи криминали, а богами и тие запаливите фасади. Ќе видиме колку криминал ќе извршат овие пред да си одат, така да нема само твоите да бидат.

А пораката на Тито вреди многу повеќе од една порта под која поминал кинески кабрио автобус за освоено четврто место во кошарка на европско првенство.

Под портата сите плочки се расклатени,искршени и просторот некако е многу неуреден,бројчаникот и настрешниците се само одвишок па можеби со некое мало средување потегот би можел малку поубаво да заличи,рушењето повеќе би се доживувало како сензационална активност за која веќе 4 години зборат а за споменикот на Мајка Тереза би можело да се отстрани бидејќи дефинитивно не му е таму местото и тој тесен простор мора да се растерети од тие тараби и купишта измет и смет околу нив.

Edited by stef4o - 25-Sep-2020 at 21:07

ПРОЕКТ „СКОПЈЕ 2014“: ДЕЛ ОД ОБЈЕКТИТЕ ЌЕ СЕ УРИВААТ, ДЕЛ ЌЕ СЕ ДЕМОЛИРААТ



https://24.mk/details/proekt-skopje-2014-del-od-objektite-kje-se-urivaat-del-kje-se-demoliraat

ТРИУМФАЛНАТА ПОРТА СЕ НАОЃА СРЕДЕ УЛИЦА, НЕ ТРЕБА ДА БИДЕ СТАВЕНА ВО ДУП-ОТ ОТИ Ѝ СЕ ДАВА ЛЕГИТИМИТЕТ, ВЕЛИ РАБОТНАТА ГРУПА ЗА „СКОПЈЕ 2014“

Порта Македонија и споменикот на Мајка Тереза се поставени среде улица, го попречуваат слободниот пристап на граѓаните и не постои друго решение освен да се доведе просторот во првобитна состојба, велат од Работната група за справување со проектот „Скопје 2014“.

Премиерот Зоран Заев, пак, вчера кажа дека мислењето дадено од Владата до Општина Центар не укажува дека треба да се руши кој било од објектите, туку било препорака ДУП-от да се разгледа и усогласи со мислењата дадени од самите стручни комисии формирани од извршната власт.

„Објектот Порта Македонија не попречува пешачки, ниту моторен сообраќај. Низ уличната мрежа секојдневно минуваат пешаци и возила односно има непречена комуникација“, рече Заев.

Работната група која беше формирана од Владата по доаѓањето на власт во 2017 година, смета дека овие два објекти, како и дел од спомениците не треба да бидат ставени во новиот Деталниот урбанистички план „Мал ринг“ кој сега се изработува во Општина Центар оти така им се дава легитимитет.

„Со овие објекти се прекршени низа закони, Уставот, владеењето на правото и правото на граѓаните за слободно движење поради фашистичката идеологија на минатата власт. Поставени се без правото на Собранието да одлучува за нив, а уметничката вредност не треба да се споменува бидејќи таа воопшто не постои. Нема друго решение освен просторот да се врати во првобитна состојба. Ние како работна група до Општина Центар доставивме анкетен лист во кој наведуваме дека Портата, споменикот на Мајка Тереза и други споменици не можат да имаат градежна парцела. Ако тоа се направи им давате легитимитет и можност за надградување“, вели Мирослав Грчев, претседател на Работната група за „Скопје 2104“.

Грчев вели дека и во елаборатите кои работната група ги изработила до барање на Владата за објектите и спомениците од „Скопје 2014“ идентичен е ставот дека тие се поставени незаконски и треба да се отстранат.

Од Општина Центар во петокот за САКАМДАКАЖАМ.МК изјавија дека Владата доставила мислење до нив дека спомениците на Мајка Тереза и Порта Македонија треба да се отстранат од новиот детален план „Мал ринг“.

https://sdk.mk/index.php/dopisna-mrezha/triumfalnata-porta-se-naoga-sred-ulitsa-ne-treba-da-bide-stavena-vo-dup-ot-oti-i-se-dava-legitimitet-veli-rabotnata-grupa-za-skopje-2014/

Originally posted by stef4o Под портата сите плочки се расклатени,искршени и просторот некако е многу неуреден,бројчаникот и настрешниците се само одвишок па можеби со некое мало средување потегот би можел малку поубаво да заличи,рушењето повеќе би се доживувало како сензационална активност за која веќе 4 години зборат а за споменикот на Мајка Тереза би можело да се отстрани бидејќи дефинитивно не му е таму местото и тој тесен простор мора да се растерети од тие тараби и купишта измет и смет околу нив.

Портата испаѓа дека е најреалистичен споменик во Севернава Вукојебина, реален одраз на состојбата во државава. Уште овие моментално на власт да ја срушат и сликата е комплетна.