Скопје 2014

Значи вака, пак некој си ја врти работата како него му одговара. Нема ВЕШТАЧКО билдање на БДП-то! Тоа е привремено, секако, не можеме да очекуваме долгорочен раст на основа на владините потрошувачки, меѓутоа тоа е она што СИТЕ држави, влади припадници на Кејнезијанските економски струи го прават! И тоа е поради кризата која моментално ни се случува, и се разбира никој не очекува таа вечно да трае!

Андреј, се сложувам дека задолжување со цел исплата на плати и пензии е неефективно, но кажи им на луѓево колку Словенија се задолжи во последните 5 години и колку пари потроши за атикризните акции кои ги презеде владата во смисол субвенционирање на плати, нови запослувања итн. кои дадоа ефект 0 (НУЛА!).

Ако убаво го прочитате мојот претходен пост за инфраструктурните вложувања, ќе видите дека не сум јас тој којшто велам дека концесионери или ЕУ фондови ќе завршат работа (мене ми е многу јасно дека ниту еден автопат во Македонија не е рентабилен за да би се нашол приватен инвеститор), јаз го напишав МОЕТО МИСЛЕЊЕ ЗОШТО ВЛАДАТА НЕ ВЛОЖУВА, а сите останати работи објаснете му ги на премиерот

Во врска со странските инвестиции, па луѓе разберете веќе еднаш дека во средината/крајот на 90' кога се случи бумот со странски инвестиции во Кина, ниту таа немаше никаква инфраструктура, денеска е тоа сосема поинаку, меѓутоа се почна откако некои пари дојдоа во земјата! И ефтината работна сила во Македонија, која би била главен адут зошто странците би инвестирале кај нас не ни помага, значи уште ендаш ќе повторам СФАТЕТЕ дека проблемот кај нас е многу ниска продуктивност и неписменоста!

Не можете да очекувате странски инвестиции во политичко-социјално екстремно нестабилна околина. Или во држава каде сите знаат сѐ, а всушност никој не знае ништо. Огромен непрофесионализам меѓу народот! Државата нема асални статистички податоци со кои некој би почнал анализа за било каков проект! Па сите истражувања за Македонија (и целиот) Балкан се прават во Словенија. Се прашувам зошто? па во Македонија нема стучен кадар и луѓе кои би направиле било што. Имам миљон лични примери бидејќи нон-стоп комуницирам со македонски фирми и државни институции од работа дека секој ден луѓето ме фрапираат со своето елементарно непознавање на своите фирми, немаат податоци за тоа што работат, во главном ниту самите не знаат што е нивната работа. И вие очекувате странците да инвестираат во МК. Проблемот е што никој во државата не сака да си ги признае своите недостатоци (а ги има богами многу) и да работи на нив.


Edited by DtheGreat - 20-May-2012 at 20:31

секој случај е засебен и немора да значи правило дека е.и јас сум за градење на инфраструктура, но има примери каде било обратно.

Хрватска влегува во рецесија најмногу поради градењето на инфраструктура!!!!!! до пред неколку години.

имено што се случи кај нив.држата се зајми големи средства за градење на автопати, и нормално локалните фирми купија огромна количина на механизација која ги градеше патиштата.

сега откога се изградија автопатите(остана уште Плоче-Дубровник),целата таа механизација нема што да работи,за нејзе фирмите зеле огромни кредити(цела држава има бруто долг поголем од 90 милијарди евра,од кој државен е 47-48 милијарди),ратите стигаат за наплаќање,а работа се нема.огромен број на работници останаа без работа,а фирмите се неконкурентни во странство.Хрватите на шала ја превземаат англискиот виц за Ровер,од Месечина се гледале две работи на Земјата-кинескиот ѕид и полигоните со камиони и градежна механизација во Хрватска.придобивка им је само некој раст на туризмот,но тоа ни од далеку не е доволно да ги покрие црните бројки во економијата и да ги впие вишокот на работници.

истииот овој случај сега им се дешава во Шпанија само таму се градеа станови и апартмани на море и сега зјаат празни,а работниците се на улица.

Несакам да бидам сватен погрешно,но фирмиве што го градат Ск2014 кога ќе заврши проектот,слободно можат да настават да го градат тоа што го градеа дотогаш-станови и патишта,ништо нема да им биди вишок..


Значи не е добро да се форсира нешто што кратко трае,а неможе да се искористи за во иднина.


Моја замерка на Ск2014 е брзото темпо на градење.по мое мислење ова требаше да се гради во етапи до некаде 2020 година.голем струен удар е за нашата мала економија

Originally posted by DtheGreat Значи вака, пак некој си ја врти работата како него му одговара. Нема ВЕШТАЧКО билдање на БТП-то!

БДП, but that's besides the point. Го знаеме Кејнс, јасно ни е, ама пак е прашање на фразеологија. Ако веќе не го наречеме вештачко, ај да го наречеме unsustainable. Бидејќи во моментот кога ќе секнат државните вложувања во џиновски проекти (а тоа ќе се случи, дали по „Скопје 2014“, или по некој хипотетички „Македонија 2020“, бидејќи кредитоспособноста не ни е неограничена, баш напротив!), која ќе биде движечката сила на нашиот БДП? Џонсон Мети, Минчо и Митал и уште две хипотетички кои ќе влезат до 2020?

Епа затоа направете простор и услови да влезат уште 100, а не 2 до 2020. И немојте пак да ми кажете дека инфраструктурата е проблем, па Полска има катастрофална инфраструктура и Варшава е оддалечена 350км од пристаништето Гдањск без автопат и слаба пруга, па се најуспешната транзициска приказна во Европа. Индустријата расте и огромен број фабрики се преселија од Германија во Полска.
И грешката која што ненамерно сум ја направил е чисто техничка, и не ја повторувам во својот пост!

Само да се дополнам на претходниот мој пост (тој подолгиот  )...

Значи без разлика на тоа дали на нас естетски ни се допаѓа или не... самиот концепт, суштина на проектот, како и неговата реализација се тотално погрешни... не се прави град така... баш Словенецот што беше во Скопје пред некое време рече... ‘‘треба да знаете што сакате од градот‘‘... и град се прави да биде функционален... да функционира... и да ги задоволува потребите на граѓаните... за град треба да се има концепт, претходно разработен, концепт и план кој ќе се следи... а не ќе се менува секоја година... како што прават на пример со Мал Ринг...

Значи без разлика на тоа дали на некој му се допаѓа или не... тоа што му се случува на градот е тотално погрешно од аспекти на неговата смисла за/на постоење и функционирање... зошто постои еден град воопшто... сигурно примарната функција не му е да биде музеј на отворено... или забавен парк...

Edited by FoSsiL - 20-May-2012 at 20:57

E се опарија леарниците... тоа е точно... ај што се потрошија многу пари за споменициве... уште полошо е што тие пари не се потрошија во државава... туку отидоа надвор...

Дечки само сакам да кажам WOW во какво ниво се дискутира. Сум многу позитивен изненаден а не се мешам пошто немам врска од БДП ама ги читам со ќеф постовите 😉

инаку, набрзинка, целта не ми е да правам споредби на МК, Кина и Полска, целта ми беше да кажам дека инфраструктурата не ни е единствената недостаток и дека би била занемарлива односно брзо би се изградила за толку мала држава доколку имавме други јаки адути да конкурираме на европскиот/светскиот пазар на инвеститори.

Инфраструктурата во Македонија не е толку јадна за да не може да се прави бизнис, а по друга страна не сме ние некоја богата држава да создадеме супер инфраструктура, па повелете градете фабрики. Некои пари најпрво треба да дојдат.

Второ никаква дезинформација не е тоа дека во Словенија се субвенционираше деловното време на вработените и тоа беше финансирано директно од буџетот! Јас не велам дека словенечкиот долг порасна од 23% на 47% од 2007 до 2011 поради тоа, фала богу дека не, меѓутоа ниту во Македонија сите пари од задолжувањата не одат за пензии. Е сега, јас Грција не ја ниту споменав и не ми беше цел да паралела со неа и Словенија.

Ѓоко мислам дека погрешно ме сфати. Ризикот работниците да останат на улица по завршувањето на било кој проект е реален. Она што сакав да го кажам е дека на нашите компании им даваме многу подобра подготовка и услови доколку ги намениме малкуте пари што ги имаме на инфраструктура! Доколку работат на реални проекти кои се градат низ целиот свет ќе спечелат искуство и знаење (веќе во сите тендери има и услов учество во неколку проекти во последните неколку години, кои нашите компании не ги исполнуваат па неможат ниту да учествуваат). Така сум сигурен ќе им дадеме многу добар џокер во рацете на нашите градежници што би можеле да го уновчат понатаму низ светот и ги вратат парите во Македонија!
Зошто сметаш дека работниците кои работат на барокни фасади и гипс-фасади имаат подобра шанса во светот понатаму отколку оние компании специализирано во сфери кои се  барани низ целиот свет? Сигурен сум дека не е така а обратното, просто бидејќи обемот на градба на инфраструктура во светот е неспоредливо поголем. Плус големите пари се во инфратруктурата, не во малите проекти за згради и куполи.

Се согласувам дека владата (не само оваа туку сите до сега) имаат страв од започнување на големи инфраструктурни проекти! И голема доза на незнаење и кратковидност! Токму затоа општеството треба да биде уште толку проактивно кога овие прашања се отвораат и да ја принудат и притиснат владата конечно да се посвети на приоритетите кои значат децениски развој! Навистина треба да престанеме со оваа пасивност и само примање на одлуките кои ни ги носат властите, крајно време е да земем потврда лична позиција и да бараме и учествуваме во процесот на носење на одлуки, како и одредувањето на приоритети! Народот генерално мора да започне да врши притисок врз властите да ги вршат правилните работи, со што би бил вистински коректор! Стравот на владата може да биде само објаснување, но никако оправдание за нивниот тотално негаторски однос кон инфраструктурата!

Огромен проблем е што јавноста никогаш не ја знае точната бројка колку ова задоволство наречено Ск2014 чини! Тоа освен што е јавна државна тајна, многу иритира бидејќи во лице си правен мајмун и ти се потценува твојата можност за размислување и преценка!
Е, сега ти навистина не го даде соодветниот пример со Демир Капија - Смоквица! Го даде апсолутно најскапиот проект во Мкедонија, кој заради тешкиот терен има 3 пати повисока цена од другите делници! Го прочита ли мојот дел дека за 300 милиона евра можеше да се направт сите 3 делници кои погоре ги споменав, во должина од 100 километри. Под претпоставка дека Ск2014 чини 300 милиони евра, а се погласни се информациите дека би можел да чини и два пати повеќе. Е извини, но наместо 5 згради, 50 споменици и огради+врби+фасади, немаше ли да е подобро да имаме 100 километри автопат, 10 нови композиции, воведен јавен транспорт во неколку други наши града, железница кон Бугарија или реновирање на постојните железнички делници?!?

Ако се оствари твојата црна прогноза дека Македонија ќе остане со 250 км автопат по завршувањето на ДК-Смоквица, тогаш тоа ќе биде гроб за Македонија и нашиот сиромав но прост народ. Таа реална закана е само повод повеќе за притисок врз властите, мислам дека ќе се согласиш, а не да се примируваме со се што ни се сервира! Како боксинг вреќа сме, ниеднаш да не вратиме, да кажеме наше/спротивно мислење, да се рече НЕ, подобро е на друг начин да се направи нешто!

Што се однесува до улогата на државата. Јас слушав на факултет предмет наречен Економска политика, во кој се зборува токму за улогата на државата во снабдување на населението со основни услуги како транспорт, вода, телефони итн. По големиот и неуспшен тест, во 90тите години во цел свет започна реверзибилна политика, со која државата превзема се поголема улога во економијата и услугите од примарно значење. Така државата само во ретки примери (кога навистина има реална можност и потреба за тоа) се повлекува од сектори како транспорт или комуникации! Тие сектори имаат примарно социално значење и не можат да се остават во рацете на приватниот хаотичен пазар! Особено не во држави, каде државата како институција е слаба и неможе да има добра контрола врз инвеститорите (горчливите искуства со ЕВН, Телеком, ОКТА, банките...)! Не смееме тоа да дозволиме да ни се случи и со транспортната инфраструктура. Кој и дава право на државата така кукавички да крева раце од сектори кои се нејзина директна ингеренција, дури и под претпоставка дека во Македонија ќе има заинтересирани за вложување во автопати!? Тоа е криминал и треба да се спречи бидејќи сите ќе го плаќаме и трпиме тоа!

Што се однесува пак  до конкретниот тендер за оддавање на патиштата под концесија, истиот беше тотално пигрешно и неуспешно замислен и воден, така што за никого не беше изненадување дека пропадна. Но не треба така капиталистички да се гледа на работите (само низ призмата денеска не е исплатливо). Бенефитите од изградбата на автопат (и воопшто транс. инфраструктура) се мнооогу поопширни отколку наплаќањето на патарина и директното враќање на инвестицијата. Инаку дајте да ги укинеме сите возови затоа што целиот патнички дел на МЖ е во загуба. Дајте сите приградски линии да ги укине ЈСП и да остане со 10те профитабилни линии. Каде води тоа, што значи за идниот развој и квалитетот на живот?
Затоа сметам дека државата мора да се успериози и си ги исполнува своите задолженија. Ако не може самата, тогаш јавноста треба да ја притисне кон тоа! Затоа многу се нервирам кога гледам дека народот само се примирува со одлуките што му се сервираат!






Edited by Andrej_LJ - 20-May-2012 at 23:21

нека не ми се налутат фирмите од РМ,но сметам дека во денешно време немаат квалитет да излезат на странските пазари како конкурентни.цел живот сум се наслушал дека нашите фирми правеле најдобри патишта,дека во Ирак и Саудиска Арабија во времето на СФРЈ правеле ова,она.едноставно нема аргумент за такви трдења.ова сум го дискутирал со еден подрачен директор на Гранит,и за чудо и тој го повтори истото.Гранит и сите наши фирми прават најдобри патишта.на мое прашање да ми посочи било која делница во македонија со исклучок на тоа парче од неколку км Скопје-Велес кај аеродромот ,каде кога се вози со кола можи да се вози мирно,без пропаднат асфалт,без возење слалом итн.остана нем.

стварно нека секој се запраша каде имаме ние делница од било каков пат каде би можел да речиме да возам со `Брабус` кој е доста ниско поставен.

а нашите автопати не се ништо поевтини па да се правдаме со пониска цена на изработка.

економијата во една земја е повеќе прашање на глобална политика,него ли на вистински вредности.

пример е Полска која преѓе не ја спомнав.нејзиниот подем во економијата се поклопува временски со добивањето на приближно 1/3 од територијата на Ирак после заливската војна,нормално кажано од бизнис распределба на влијанија.ова не е нешто тајно,ова се кажа на сите ТВ-а.тие земји кои најмногу учествуваа во акцијата,тие добија најмногу од колачот за јадење.тука спаѓаат реконструкции на инфраструктура,бизнис со концесии за нафта,снабдување со сите видови неопходни продукти(сетете се на Косово и нашите шлепери кои го преплавија после завршувањето на војната).

за жал и искрено мислам дека ниедна наша влада досега незнаела да игра `прљаво` за да влези во вакви шеми ,нормално од `хуманитарни побуди`